櫻川丼 (已結業)

食左呢間嘢幾年，質數正常。今日唔舒服諗住叫個外賣攞走，點知俾老闆娘趕走，唔做即場外賣。之前係度食，都有見佢唔做啲客嘅生意。唉！點知今次輪到自己。純粹講吓呢間嘢嘅服務質數。想唔想一路食飯一路受氣就自己諗下啦

我第一次寫食評，第一次試食呢間，係網上外賣平台 度嗌，收到真係有驚喜，大盒，鰻魚多，足料，有埋沙律同餐湯野飲，抵食。另外我好怕炒飯太硬，呢間軟硬度幾啱我，下次會再試埋佢其他set由於係嗌外賣，所以服務和衛生未能作準，但時間快30分鐘內收到，good

無意發現元朗日式小店，揸車既朋友可以泊係旁邊的錶位，或者街道兩邊，我見到都係泊滿哂車，應該好少抄牌。店舖大約有幾張小枱，能容納15人左右，也都可以坐係出面。雖然有d擠迫，但尚算舒適，唔會有種連坐都坐得不舒服的感覺。我地2人叫左一份胡麻醬沙律，份量都幾大，軟殼蟹，芝士肉醬鍋飯，仲送左一份餐前小食同湯。個飯有d過咸，肉醬同芝士都好多，加上係配炒飯底，不過味道都ok.呢間小店價錢係好抵，款式都多，有定食，烏冬拉面，小食串燒加埋都有幾十款。我地食左呢幾款野加杯野飲都係$150左右，會再幫襯。

這間櫻川丼我覺得是一間很港式的日本料理，餸菜款式有點西、中、日，餐湯不是麵豉湯，是中湯，飲品可選台式飲品。其實應該算是fusion菜？這附近有很多小店，這間餐廳店內只有十多個位置，帶狗和吸煙人士可坐室外。點了鰻魚炒飯，鰻魚有兩大條，而且很厚身，抵食！味道不俗，不過炒飯比較油。這個網燒豬扒燒得不錯，不會很乾身，中間有肉汁。這個芝士焗雞排，我覺得有點焗得太耐，芝士都變硬了，結成一塊。還點了這個燒豬手，這個我覺得一般，有些位置的肉質很實、比較硬，有某些地方才比較「淋」，而且吃著有點燶味，不過這一碟豬手才$60。另外還點了豬軟骨，我覺得豬軟骨最好吃，煮得很「淋」，很入味😋但忘了拍照給大家看😝

最近一直想發掘多啲元朗未試過嘅食肆。畀我喺安興街附近，搵到呢一間好唔起眼嘅小店。餐廳環境非常之迫夾，只有幾張枱仔。但因為對佢哋嘅食物好有興趣😋，最終都係選擇左堂食。午市套餐有飲品，湯，同埋餐前小食。因為係一人廚房嘅關係，所以要等耐啲嘅時間。食物出到嚟唔好睇佢賣相咁普通，但係佢嘅味道非常之好。真係有喜出望外嘅感覺。我叫咗個餐係配意粉，一般出面食嘅意粉都係普通煮熟咗畀你就算，但係呢一間佢竟然幫你用香草同埋雜菇，洋蔥炒過。用餐嘅時候亦都睇到餐廳嘅侍應同其他食客有講有笑，大部份都係一啲熟嘅食客，feel到一陣滿滿嘅人情味。結論得出就係食物嘅味道真係唔錯，種類好多，而且好啱香港人嘅口味。唯一要挑剔嘅就係，下次應該可能會選擇外賣，因為座位真係太唔舒服呀。

平日午餐時段到訪，有超多學生😂。小店只有十多個座位，幸好我一位不用等。各款午餐$3x到$5x左右，我決定食個熱撈烏冬，配芝麻醬同鹽酥雞。跟餐有胡麻豆腐當餐前小食，還有餐湯同飲品。餐湯不是平時日式餐廳的味增湯，而是老火湯😂。雖然是小店，但上菜速度非常快。熱撈烏冬份量十足，很彈牙。胡麻醬很滑很濃味，分開上可自行調節味道。鹽酥雞件數略少。不過鹽酥雞都炸得很酥脆，也很入味，裡面肉質不會很乾。整體來說四十多元的質數也算不錯。

食物：淨望已經好多野選擇，仲好多都好吸引~兩個人食晚餐，叫左兩set, 一個系酥皮焗芝士海龍皇烏東。其實就係酥皮龍蝦湯湯底既烏東，不過真係超有誠意，入面既海鮮份量十足，有蜆、海帶、蝦、蟹柳。真係可以一啖烏冬一啖餸。仲要好飽！湯底好香，海鮮幾好食，唔係啲cheap野。雖然冇咩芝士味。前菜係蟹柳胡麻豆腐伴粟米。我覺得粟米係呢到既招牌XD咩餐都會見到好多。前菜幾好食，個調味做得幾好，同埋口感層次豐富。唔知點解多左個湯。好有趣地係中湯黎，隻味類似胡蘿蔔粟米馬蹄湯。飲落好清甜。另一個係溏心蛋配豬頸肉炒飯。炒飯好香、多料、調味正。溏心糖都有半熟，不過就唔甜。豬頸肉好韌…應該係切得太厚。我覺得叫其他餸既炒飯應該會好好食。下次想試下個芝士煲，好似好吸引XDD仲叫左個小食，酥炸嫩雞件。其實就係台灣炸雞咁，都幾好食，炸得好香，同理唔會太硬，外脆內滑。配野食，叫左凍朱，正正常常。環境：空間比較細，座位唔多。不過還好啦，唔會迫住晒既。衛生就可以再進步。雖然佢唔會催你，不過見出面有人等緊，你食完都唔會好悠閒咁吹水啦，所以唔啱食完仲想傾計既人。服務：坐滿左人，但上菜都算快。價錢：兩個餐附前菜、湯、野食，再加一款小

元朗教育路沿路都係食！食！食！依間小店我都幫襯過幾次 最欣賞佢嗰種家庭feel食堂feel舖仔細細 入面坐到16個人左右餐單成日更新 每次去都搞到我選擇困難症發作一個主菜 仲有跟沙律、湯、飲品沙律 多數係麻醬豆腐粟米湯 是中式湯 青紅蘿蔔豬骨湯之類. 總之好足料. 重點係個湯無落味精 今次去食lunch 師傅即叫即煮安格斯西冷牛扒飯$46牛扒煎得剛剛好 唔會韌份量十足牛柳拼香茅雞串薯條 $55香茅雞川好野味 牛柳唔會燒得太乾 仲有肉汁薯條係波浪薯條 好脆份量剛剛好

第二次幫襯啦 喜歡這小店的人情味 性價比高餐前沙律 不多 但清新開胃唔駛飲沖粉既麵豉湯 也是別有一番風味炸芝麻雞翼胡麻冷撈烏冬 $44 小店的炸物水準不俗 這次的雞翼也令人興奮紫菜不算很香脆但也不「梅」午餐價錢已包沙律 餐湯及 冷/熱飲品 抵食！小店放左好多達磨（だるま）我都祝願這小店繼續為大家做出更多美食啦

呢間鋪雖然唔大，但招呼好，cp值高，啲野食真係好味，用心做，間唔中放左工都會過黎食。我自己就最鍾意個芝士豬軟骨鍋，啲軟骨真係軟架，唔係講笑，食過好多間啲骨都硬，呢間就冇咁既問題。另外個叉燒拉麵同雞扒炒飯都好正，最正係街坊價，的確抵食

呢度嘅招牌菜係網燒肉，當然要試下先啦。我叫咗個網燒西冷牛扒飯，七十八蚊，好好食、好抵食。因為佢塊扒真係有覆蓋到成個碗咁大，一隻手版咁上下大細啦。而且味道可以選擇燒汁或者係黑椒海鹽，咁我就試咗燒汁，味道同效果我覺得比煎、焗比有一番風味。我有食飯嘅喜好啦，所以都會睇埋啲飯嘅質素。珍珠飯焗得啱啱好，唔會好似某啲日本餐廳啲飯咁乾。另外會有餐湯同嘢飲，湯係中湯，家常味道，都好飲㗎，所以喺呢間小店食會有啲深夜食堂嘅感覺。

2個人叫左2個餐泡菜肥牛炒烏冬$82連前菜沙律，半隻德國咸豬手，特飲，同甜品泡芙 個烏冬炒得都好入味，個汁雖然唔特別，但味道不錯肥牛質量唔錯，唔鞋而且有牛肉味。只係個烏冬應該未滾得開就放落去炒，有一些部分食到好硬未熟 沙律好有心思，菜好新鮮又配上一些魚仔，沙律汁酸甜甜，好開胃 豬手好驚喜，咁嘅小店可以做到呢個菜我覺得很滿意！又腍又入味，雖然個皮唔係menu 指嘅"脆香" 我預期係燒香嘅皮，但佢而家係煎香的，腍身嘅皮都好食，加上咁嘅價錢就更不挑剔了！ 特飲 忌廉朱古力奶茶不馬虎，唔會好浠冇味，又唔會太甜，好香朱古力，值得一試另一個就叫左山賊汁燒雞柳鍋定食$58連湯，前菜沙律，珍珠米飯，飲品 誤會左"鍋"係有湯嘅，原來係似煲仔菜咁，我唔知咩係山賊汁，反正係淡d嘅黑椒汁味，呢個冇乜驚喜，係好普通嘅茶餐廳煲仔菜，不過應該比其他元朗嘅茶餐廳客飯實惠一點 例湯，不特別佢d餐有好多選擇，仲有咁多小食配搭，難怪常常常經過都咁多人，感覺是一家有心的小店，會再來幫親

朋友係呢度o既常客~ 今日我地各自帶住狗狗...佢提議嚟呢度食~ 訂o左盒坐室外~ 朋友握介烏冬套餐~ wa!!! $68有晒咁多o野!!! 沙律: 有d魚仔乾...沙律菜好新鮮又多醬~ 酸酸地好開胃~ 麵豉湯: 足料唔咸烏冬: 我地都係蕃茄湯底~ 好濃好正!!! 我o個個豚肉骨腸好特別~ 仲有兩大條!!!網燒: 我朋友叫o左份豬肋骨~ 乾身面頭脆脆地~         我叫o左牛柳~ 燒出熱辣辣又夠味~ 好林又唔un~ 正~ 份量都好足夠!!! 甜品: 藍莓cheese cake加cream~ 比想像中大件~ 而且唔漏~ 食埋o岩o岩好!!!餐茶: 冷熱都得~ 正常~ 今日最開心係可以帶埋狗狗嚟食~D食物又平又好食~ 下次都會帶狗狗再嚟~ 

本人一向喜愛食日本野, 特別係燒肉! 近日入元朗本身諗住食個糖水 , 點知俾我發現左呢間小店~ 網燒肉專門店? hehe , 等我試下你個底蘊先 第一次寫食評就俾左你! XDDD本身諗住叫幾個串燒就算, 因為真係唔太肚餓... 點知見到菜單都幾吸引( 佢係一間日本食店,但係就有幾多西式野~), 於是就叫多個飯 ( 咖哩芝士漢堡飯 ) , 仲有燒頸肉同豬扒! 先講講個飯 , 芝士漢堡比想像中要厚, 一咬就feel到有肉汁咇出黎 都幾surprised! d 咖哩唔算好spicy 配埋日本南瓜,甜甜地易入口 至於燒頸肉同豬扒都值得推薦! 要知道, 燒肉好講TIMING , 燒得太短嫌生 , 燒得太長嫌韌~ 呢間燒得真係算唔錯! 肉汁仲係度但唔會太韌, good! 食左雖然唔多野, 但feel到都有一定既水準 , 如果有機會,一定會再試 , 因為真係幾抵食 , 價錢唔算貴但食物質素BTW, 店面雖然唔大, 但係唔會俾人一種好壓迫既感覺 , 而且都幾乾淨~ Waiter 服務亦頗周到, 笑意盈盈咁 總括而言 , 係一間值得一試既店

都有成2個月冇落元朗 行街見到有間新開既日式小店又有d餓 決定入去試下小店裝修企理 地下同枱面都好乾淨 good!地方乾爽坐都坐得舒服dmenu上好多款野食都好吸引當我苦惱緊食咩既時侯waiter好主動推介我試下吉列豬扒麵豉湯拉麵佢話個個試過都話正!一於信佢試下本來都唔抱太大期望 平平地四十幾蚊點知原來塊豬扒勁大塊 切開有約十件咬落去冇乜粉咁制 而且配菜好fresh!個麵方面 湯底我揀左味增麵質岩岩好 唔太軟唔太硬食完成碗都唔口渴 絕無味精絕對誠意之作 難怪waiter話講講試過都話正好可惜掛住食唔記得影相估唔到新開既小店都咁有水準服務質素亦比同區好 價錢合理下次一定要帶埋朋友過黎試下