櫻島麵包餅店 (已結業)

先唔講入面啲包有幾污糟，重要個麵包師傅唔戴好口罩我一行到入去見到嘅時候已經有少少後悔，但係入邊有個人有好熱情咁樣問我食唔食咁我就幫襯下啦咁平咁我話想要兩塊Pizza然後佢就話買二送一我諗住兩個都夠多仲要食三個，唔想要啦，點知佢已經一次過塞咗三塊落去咁俾錢嘅時候我想分開袋，點知收錢嗰個阿姐就話要收膠袋費，其實都係收五毫子咁我都冇乜嘢。但係我唔明點解麵包店係要收膠袋費，我純粹好疑惑又好禮貌地問咗句，咁得意嘅麵包都要收膠袋錢。跟住佢就好串咁一路講咗啲我完全聽唔明嘅嘢明明佢自己係咁講又唔做嘢，跟住又話我阻住條隊咁我就話唔好意思同埋其實你哋冇聽清楚我話唔要3塊就已經塞咗落去，跟住佢又話冇理由夾返出嚟啦都放咗落去夾出嚟唔靚，然後又一輪嘴咁講啲我聽唔明嘅嘢我真係無言，果下嬲到俾咗$17但係我冇攞走啲Pizza，返轉頭嘅時候發現個阿姐夾返返去個盤度，黐線竟然夾返落個盤度俾啲客，我寧願你食咗佢都唔好俾客人啦，反正我都冇話要返嗰10幾蚊。

打卡豆腐蛋糕😎👍🏻個人來說 有些許甜因為最近減醣飲食令我食少很多醣類習慣了低糖🤣但家人說滿好吃其他面包都香噴噴的可惜我減醣不能吃但買了菠蘿麵包給家人說很好吃 又大個$3.5 很便宜

最近呢間街坊麵包小店嘅豆腐蛋糕掀起咗熱潮❤️‍🔥嗰日咁啱經過荃灣 就特登去咗買嚟試😍平時都好少去啲傳統餅店 所以都係第一次見到呢款蛋糕👀蛋糕賣相真係好得意 白雪雪真係成舊豆腐咁😂食落口感非常之軟熟 唔會太甜 勁香蛋白味 應該係加咗豆奶嚟整嘅蛋白蛋糕🤍

2-5-2022(Mon)五一勞動節補假,同老公落荃灣食個晏,行經呢喥,見到有海鹽牛角包同流心牛角包,,同老公食完晏至決定買唔買啦.但我都上網睇呢間嘅食評,我10年前食過呢間嘅包(上次食評係2012年6月2日刊登嘅呢篇: https://www.openrice.com/zh/hongkong/review/%E5%94%94%E7%A9%A9%E5%AE%9A-e2237889),發覺呢喥嘅名物係豆腐蛋糕,食完晏我哋行返轉頭睇,都決定買一件,盛惠$6.00.返到屋企,我都忍唔住試啲先,佢係好鬆軟但帶點濕潤,味道係蛋白味嘅清淡,嗒真啲,係有豆漿味,唔太甜,幾得意.睇返呢喥嘅食評,原來豆腐蛋糕唔係新嘢,早喺2008年已經有人寫:https://www.openrice.com/zh/hongkong/review/%E9%A3%9F%E5%94%94%E5%88%B0%E8%B1%86%E8%85%90%E5%91%B3%E9%81%93-e1929953.服務:咁啱我哋想夾蛋糕時,姐姐整緊,我行埋去,佢問我要咩嘢?我話要一件豆腐蛋糕,佢就幫我夾件靚靚仔仔嘅.而收銀嘅都好有禮貌.

豆腐蛋糕個名咁得意😎見到有Foodie 分享荃灣有得賣😋一直Book mark左.今日終於出左荃灣，可以順便買黎試下啦🤭豆腐蛋糕係一間好傳統既麵包舖入面，佢擺放既位置唔起眼🙈 但好清楚咁有牌仔寫住豆腐蛋糕，見到後面全部都係一舊舊白雪雪既，就係佢啦🤣🤣由於當晚買完冇即食🙈變左我第二日早餐🤪 都擔心影響口感..但入口有驚喜，好鬆軟，蛋糕質地好綿密，好係冇毛孔咁🤣🤣估唔到隔咗一晚都咁軟綿綿😋不過就真係冇豆腐味嘅，純粹食個質感.我諗緊豆腐蛋糕係咪形容緊呢個質感呢？🤭食落感覺係有啲似紙包蛋糕進化既感覺🤣食後感係唔錯既，經開荃灣都可以買2件試下👍🏻 不過要專登出荃灣黎買，我就唔推介咁做啦😜另外，我見到原來係上水同葵涌有分店,大家經開都可以睇下有冇得賣😁豆腐蛋糕 $10 /2件

呀～～呢間麵包店嘅豆腐蛋糕突然掀起熱潮 想食好耐😭超開心有朋友做外賣仔買左我食🥳呢啲傳統街坊老餅店執下一間又執一間 真係要大大力支持呀🙌🏻.📌豆腐蛋糕 $5.5/1 $10/2聽講呢個蛋糕係由上一代手藝傳承落嚟 係祖傳嘅港式古早蛋糕 舊陣時係好普遍🔍蛋糕主要嘅材料係純蛋白漿再加豆漿 並冇加入蛋黃🥚所以望落白雪雪 真係十足十一舊豆腐咁😍食落好似平時嘅蛋白蛋糕 不過多左淡淡嘅豆香味😋特登影左啲video比大家睇下佢有幾彈🤣睇落咁普通嘅蛋糕 竟然咁有驚喜 性價比極高‼️味道唔算太甜 口感輕盈 自己一個食晒兩件都冇難道😮‍💨.有兩舊咁多 為左有誠意啲 用左幾款方法去食👉🏻室溫：口感同古早蛋糕有啲似 都係好鬆軟 軟綿綿 不過就更加有回彈力 仲帶點煙韌🤩👉🏻焗熱：面頭會焗到金黃脆脆地 但就會相對乾左啲啲🤏🏻熱食之後味道變到超濃‼️蛋香味好出 豆味都會重番少少 食落係四種食法最甜嘅 應該係新鮮出爐嘅味道😌👉🏻雪凍：個人偏好咁樣食 真係好似食緊蛋糕咁 凍冰冰🥰甜度冇咁高 蛋香味都會冇咁出 變相豆香味會濃番少少🤍鍾意佢濕潤度會提升左 但同時有海綿嘅口感🧽有少少似日式輕芝士蛋糕咁😚👉🏻急凍：呢款味道同雪凍差唔

依間傳統港式麵包店，除咗曲奇好食之外，依個豆腐蛋糕亦都好出色🥰佢價錢勁親民，$5大大個，食落軟綿綿得嚟又好有彈性😋唔單止個樣似豆腐，食落都真係有陣豆味架～整體食落偏清淡，偏向似蛋白蛋糕，但係比蛋白蛋糕有彈性同多咗陣豆腐味☺️好啱做早餐～

(❍ᴥ❍ʋ)豆腐仔心聲(❍ᴥ❍ʋ)♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎我豆腐仔係咪好得意呢，我諗爸爸媽媽幫我改呢個名，係因為我真係好似成磚豆腐咁囉😂♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎$10/2件就可以買走兩件！白雪雪好鬼得意😎😆好似雪芳蛋糕咁嘅質感，軟軟的有彈性😆😆😆但又比雪芳蛋糕冇咁甜、冇咁多油！食落幾清新，冇咁大負擔，輕量甜～☺️得閒行過就買返兩件做早餐🥣▼・ᴥ・▼

老公生日係周圍睇咗蛋糕好耐都唔知買咩好，不過佢鍾意食傳統Cream蛋糕，所以我都盡量去搵。最後行過櫻島見到最後一個1KG雜果蛋糕，所以我就買咗依款蛋糕了。食落覺得都可以，不過Cream略微多咗少少，所以下次或者會考慮買第二間了。

眼見而家市道唔好，諗住好心幫襯小店，但卻換來一肚氣！仲有播毒危機！前幾日經過荃灣呢間麵包鋪，佢哋沒有個別包裝麵包， 如果職員或顧客打開麵包柜門唔戴口罩照講嘢，就佈滿口水同病菌，甚至病毒！ 我選咗幾個麵包拎去櫃檯諗住畀錢，收銀卻是一個冇戴口罩嘅男人，佢對住我啲麵包一路入袋，－路講嘢。我話比佢知，冇戴口罩對住啲麵包講嘢有欠衛生， 但他不但沒有覺得不妥，仲大聲夾惡說：「唔買就算！全部麵包都係我整嘅，我不嬲都唔戴口罩！ 你唔鍾意咪唔好幫襯！ 」今時今日， 不但服務態度差，大家對疫情不敢鬆懈，但竟有啲咁嘅人， 因為食物直接製造者 ，不顧衛生， 分分鐘成為播毒危機！ 奉勸大家要幫襯此店舖前，考慮清楚！作為呢間舖嘅老闆，唔知佢知唔知有啲咁嘅員工存在呢？ 我見另一間麵包鋪亦有類似欠缺衛生的評語，加上已經有多間分店倒閉， 原來事必有因！

住了荃灣差不多七年每次生病，我都要食麥包我都要食呢間麵包舖嘅麥包呢間麵包舖長期都有新鮮出爐嘅麵包麥包新鮮香軟，提子小小甜，感覺好新鮮同一般連鎖店嘅麵包（例如美心東海堂） 有好大嘅分別呢度嘅菠蘿包，賣相唔係特別靚不過因為長期新鮮出爐嘅關係味道十分之好，而且唔同連鎖店嘅菠蘿包連鎖店嘅菠蘿包好鬆，食完好似食咗一陣風呢度嘅迷你光酥餅都非常好食都係送藥嘅必備嘅佳品價錢都只係10幾蚊如果佢係櫻島麵包舖揀一樣最強嘅賣點我會特別介紹一個蛋白蛋糕非常鬆軟價錢都只係10幾蚊一個大麥包兩個菠蘿包一個蛋白蛋糕一袋迷你講酥餅45蚊， 價錢非常合理，而且味道都相當美味

食完車仔麵後, 得五成飽轉過隔離買麵包, 填肚子$5 叉燒包沒想過晚上6時許都可吃到暖芯麵包 麵包扁扁輕輕, 撕開覺得麵包有如綿花般鬆軟, 並且一按即扁 (內心就諗: 一定正如鰂魚涌某麵包師所講「麵粉落唔夠，又遲入爐，食落咪一陣風囉！」) 但食到叉燒餡...就覺得有種熟悉的味道, 這味道是什麼呢??? 細想一下, 發覺是中式蒸叉燒包那種蜜汁叉燒餡, 吃落甜而帶蜜, 叉燒粒粒半肥瘦, 嚼到肉味亦有點點肥膏甘香 餐包配蜜汁叉燒餡, 沒想過會那麼夾

前日(31-5-2012 Thur)放工返到屋企,驚見枱上有一大埋麵包,瑞士卷,爸爸做咩買咁多o野返o黎?冇耐,佢返o黎喇,我問佢做咩買咁多o野?佢答唔係佢買,係客人留底,追都追唔切.我睇睇,有一袋三個o既麵包,爸爸話佢食o左一個冇餡,唔知咩o野包,睇睇剩返o個三個,應該係咸餐包o個類.然後話有一個唔知咩o野,我又睇睇,啊,係芒果布甸,o岩爸爸呢個芒果怪食啦,我即刻將佢放返入雪櫃.然後又影埋朱古力瑞士卷,睇見佢切到大大件,影完後我忍唔住食,我打開佢時,發覺佢o地用釘書釘釘住兩邊,使唔使呀?好,拎出o黎食,但只拎到上半截,下半截仍黐住,攪乜?唔係成件切到底o既?食落,口感好滑又鬆軟,食得出淡淡朱古力味,同樣唔太甜.睇返以前o既食評,原來都食過兩次,一次好食一次冇咁好食,睇o黎呢o度o既師傅水準唔係太穩定.而爸爸o係尋晚都食兩件,到今日,爸爸同我講呢隻瑞士卷落o左糖精,o個晚佢好口喝.但我問佢之前食其他公司o既切餅又有冇口喝?佢答冇.味道: 4.8分同爸爸食完晚飯後一個鐘,我就叫爸爸食芒果布甸,不過我都食幾啖先.芒果粒唔多,只有面o個幾粒,而布甸質感唔錯,食得出有芒果味又唔太甜,亦算滑,比

尋日(28-2-2012 Tue),我趁同事們都o係o度,就請食瑞士卷作為tea.女同事MF幫我o係o度買一條$12.00o既朱古力瑞士卷.呢個口感都算適中,唔太軟同硬,但我食唔出朱古力味.MF話好似食到有沙.味道: 3分而其實上星期女同事MK都有o係o度買咖啡味瑞士卷,上次食o既時候口感都差唔多,但食到咖啡香味,感覺好過朱古力.味道: 4分

今日臨回家前買1個麵包先~揀左1款鮮奶油包呢款麵包真係幾好味~簡單的$2.5,中間的夾心係墨西哥的口感~~甜甜的~又唔會好dry!!細細個當早餐也是很不錯的選擇!! 不過要買麵包就要0係6pm前比較好,因為6pm後賣剩的麵包款式真係唔多