櫻島麵包餅店 (已結業)

(8-7-2011 Fri)冇飯帶又買麵包食啦,行到o黎櫻島睇,有好多人.我買一個$4.50o既意式包同一個$5.50o既豬柳包.到lunch time開餐,個意式包其實只係有一條雞肉腸加茄汁o係面,咁就叫意式包,真兒戲.味道呢,咪就係普通一個茄汁腸仔包.而豬柳包,裡面係有啲沙律醬同一片蕃茄,豬柳唔惹味,因為冇黑椒粒.我就係咁樣食o左個普通都暈o既lunch,而呢o度多人o既原因,應該係因為平.

尋日(1-6-2011 Wed)晏晝,女同事MK外出做完o野返o黎,再次買切餅畀我o地食,我揀o左呢隻.影完第一張相,撕開膠條影多張,但側邊o既朱古力粒甩到成枱都係,攪到我好鬼死’論盡’;開餐時邊食邊跌,真係失儀.講返味道,呢個朱古力味唔太濃,蛋糕都有返啲軟性,亦有啲一粒粒似啫哩o既o野,不過唔算煙韌.整體呢個好過上次同樣係MK請o既切餅,今次味道可以畀1.5分.PS: 原來第一次食係o岩o岩一年前,真係’橋’.

我在店內見到一款牛奶包,其他麵包店也不見有..應該好吃吧?! $2?好平~ 牛奶包 $2見到咁平$2,咁就買1個來吃吧~但係我覺得好似唔太新鮮咁..因為咬落去有點硬...加上無乜軟熟的感覺可言...個麵包表面有點像墨西哥咁..有少少甜....不太推介!很可愛~

尋日(9-3-2011 Wed)晏晝女同事MK買o左一盒朱古力瑞士卷返公司請我o地食,到時間拎o黎食喇,睇佢外表好滑,但就厚切,每件差唔多有一吋咁厚,而由於有同事自己先食o左一件,淨返三件六個人分,我就將佢o地[切開一半啦.切好後我o地食喇,感覺好細滑,朱古力味唔太濃,忌廉唔太多,軟硬度都可以接受,原來呢個都唔錯.

10-1-2011(Mon)女同事MK o係o度買蛋散返o黎請我o地食,原本我都唔係幾食,但都畀面食啦.睇佢顏色唔深,食落好脆,南乳味唔太濃,亦唔覺太油膩.呢個幾o岩唔想食o個啲南乳味太重太濃,濃到俗o既我.

尋日(2-6-2010 Wed)女同事MK外出做完o野返o黎,o係o度買o左幾件cake請我o地食,到tea time我就攞o黎食喇,我揀o左呢件淺啡色o既唔知係栗子定朱古力,影完相就開餐喇.生果同忌廉都雪凍o左o架喇,但件cake就一啲都唔凍,味道重淡淡o既,食多幾啖都食唔出係咩味,如果係朱古力,咁佢真係太差,因為佢一啲都唔濃,食唔到朱古力味,似下價o野,而口感,只屬微軟,好唔掂.諗吓諗吓,呢個可能係榛子味.價錢係我行過時望望o既.

今日終於試左pizza包真係好好味呀 個包非常軟熟而且成個包都鋪滿料我買嘅時候仲係新鮮熱辣剛剛出爐添只係賣$5...好抵~!!

點知d店員態度真係幾差........而且仲幾惡tim呀買了栗子同埋朱古力凍餅~ 4.5元1件~都幾平呀~真係多cream,因為我唔會食晒d cream...油膩左d不過真係唔錯,抵栗子凍餅的海棉蛋糕好正,d栗子都幾滑~感覺不錯的!幾新鮮的栗子cream呢~不過甜左少少呀~朱古力凍餅中間仲有提子jelly,yeah表面的可可粉,有少少苦~都幾好吃~d朱古力有d脆卜卜喔~ 芝麻卷~ 2.5元,覺得發酵時唔係處理得太好~無乜鬆軟的麵包感覺呀...決定第時慶祝考試後,1定要買個好味的蛋糕食呀!2磅果D真係好大GE呢~賣相幾好,只有芒果蛋糕唔太新鮮..d芒果的顏色好沉=.=|||

以前常常經過這間麵包舖, 驟眼看去, 傳統麵包, 無嘢特別! 唔吸引! 無興趣! 走人!不知過了幾多個寒暑後的某一天, 肚子餓, 隔鄰粥舖, 好多人好迫, 放棄!轉彎看到這間麵包舖, 師傅正搬出兩盆波羅包, 突然所有客人向前湧, 殺那間, 波羅包一掃而空. 心想他日經過一定要買來吃, 今次買其他吧! 選好包後, 排隊付錢, 忽見師傅再出現, 又來兩盆波羅包, 今次扎定馬步, 沖前`御'頭位, 不過阿嬸阿叔反應更快, 我的波羅包呀! 無啦無啦!幸好有一個剩.嘩! 嘩! 嘩! 好熱呀! 左手辣完, 辣右手, 吹呀吹呀!好香呀! 未吃已留口水.一大口啃落去, 好好味呵!包皮香`趣', 唔會界口.包身鬆軟適中, 唔會一陣風.無得頂! 包你吃過番尋味!香港人最感自豪的麵包: 波羅包魅力沒法擋, 其他地方吃不到. 雖然大陸有, 但賣相, 鬆軟度, 味道都不及香港, 唯我獨尊!貼士: 試過其他分店, 做得無那麼好吃! 可能是這裡出爐比較多, 比較熱的關係.當然師父是一大主因. 所以趁著這師父未轉店, 快試下! 繁忙時間, 如果你發現麵包櫃內有剩餘的, 可等下一轉, 大約兩至三分鐘會再出爐.其他推介

近來對街坊包鋪好有興趣，一見到就想就下~~見到佢門口放左超多pizza，而且只係賣$4.5，所以就買左件試下~~（相信大家都知道這種「pizza」係邊種「pizza」啦！所以大家請把它當成普通麵包看待好了~~）個包真係超軟熟丫！好正丫！至於上面d料都唔錯，大家想食咩料就自己挑好了，反正成盤滿滿任你選~~（空左的位置係o岩o岩被我買左）而且以$4.5來看，個pizza都算幾大ga la~~另外我見其他包都幾平下，有機會再o黎就試下啦~~

昨天下午沒有胃口又順道經過這裡, 記得食家介紹這裡的 pizza and 豆腐蛋白蛋糕, 前者剛出爐, 太大了但沒興趣, 後者白雪雪的一件一件疊起, $3, 夾了一件...一路行一路食, 質感軟綿綿, 有輕微蛋香, 但真係食唔到豆腐味道!