櫻島麵包餅店 (已搬遷) 新店位置

剛剛入店買麵包,企係我前面那位客人購買西餅可能發出的聲音非常之細聲然後店員惡言一句🍮**細聲都聽唔到** 跟住企係我前面果貴小姐取了食物後都冇出聲然後走咗!然後到我俾錢我把錢放左枱面上!她找續後的錢放喺自己枱面要我伸手過去度拎!十分之冇禮貌

工作中偷閒！買件小食做下午茶！呢間麵包店同事介紹蛋撻好味！去到只係間普通麵包店！門口透明盒放了兩款蛋撻！旁邊企咗個店員！叫佢包起3件，佢好小心放3件入膠袋！中央仲放咗卡紙隔開！唔想整爛啲蛋撻！酥皮蛋撻（$3.5）酥皮重牛油香，好鬆化，蛋漿彈牙，而且好香蛋味，仲係熱架！好味！店員爽手！又小心唔整爛蛋撻！細心！蛋撻都你熱嘅好！

昨天行經上水區看到這家店內人頭湧湧~麵包質數應該不會差吧左看右看~最後決定買紅豆綠茶卷蛋試試~一整條價格都是$14幾抵食~隔了一天先食~味道依然鬆軟~紅豆不硬剛剛好和忌兼也很滑,再去時一定會再買~想試試藍莓芝士蛋糕

一底又一底新鮮出爐的酥皮蛋撻．．．個人比較喜歡曲奇餅牛油皮蛋撻，牛油味香濃，餅皮鬆化。蛋餡夠熱，味道不會太甜而有蛋香，很滑。不錯喔 $ 2 一個好抵食。

家裡有客人，媽媽叫我去美心買打西餅，可惜喜歡吃的蛋撻和拿破崙一律欠俸，使我改變主意去櫻島買蛋撻。一貫的多人，小店內很忙碌。蛋撻剛好沽清，下一輪要等十分鐘。其中看到老婆餅和豆蓉餅新鮮出爐，妹妹嚷著要吃老婆餅，還誇張地說已經忘記了是甚麼味，我說就準是阿旺效應。餅房傳出一句：小心滾水！　成功地讓場內所以眼光都放在了它　－　蛋撻身上。霸好頭位的我，早已站在櫃邊準備，滿心歡喜的我再看到出爐蛋撻時很是興奮。但再看清楚一下，為何蘇皮這麼厚，蛋漿這麼少？難道是變相加價？蛋漿的份量使蛋撻少了吸引我想再吃一件的心，不過整體還是不錯。相反，那老婆餅的皮烘得又薄又脆，內裡滿滿都是冬蓉餡，配上香口的白芝麻，新鮮熱辣無得頂！當然，剛出爐也使它加了不少的分。

OH 真係可憐竟然冇人幫佢寫食評~!o係上水，我肯食既面包鋪只有三間，分別係櫻島，成發同大班(大班只限方包系列!!!)，其他o個d面包鋪我會推晒比阿媽當聽朝早餐~其中以櫻島既麵包我最鍾意，至少我唔駛擔心新唔新鮮/肚胃不適/味道古怪，你見佢出新口味你真係會夠膽試，至於邊隻口味其實都係睇邊隻o岩o岩出爐，舊式面包鋪新鮮出爐既面包o個種魅力係連鎖式面包鋪(唔開名啦)面包冇得比~!