樓下冰室

营业中

休息中

之前一直去開荃灣的兩間分店，很喜歡吃他們的蕃茄湯底通粉及瑞士汁雞翼和雞髀，出荃灣之外另一分店就在鰂魚涌，今日身在港島，心又很想到樓下冰室吃晚飯，於是就乘搭幾個站地鐵到鰂魚涌，而樓下冰室就在地鐵出口正正對面馬路，十分方便！鰂魚涌分店的裝修亦富有懷舊特色，而且亦明亮舒適。來到必點蕃茄湯餐！《特色蕃茄濃湯通粉配牛乳炒蛋 （轉螺絲粉）任選一款配菜 $55》我就選了瑞士雞翼（2隻）！蕃茄味香濃又鮮味，沒有渴感，而且湯中還有不少蕃茄蓉，能嚐得出真材實料，不加味精。加上螺絲粉掛湯，每口都很美味。瑞士汁雞翼，真的很入味，而且雞翼大隻又嫩滑，好吃！《蕃茄濃湯通粉配牛乳炒蛋+2餸 （$54）》點了豬膶及素食，素食即是菇和菜。蕃茄濃湯底無得輸，配通粉都很掛湯好吃。豬膶可能會乾身一點，而配素菜感覺健康。《粟米雜果沙律 $55》大碟又多雜果，入口不膩又開胃。《招牌瑞士雞髀 $30》兩隻瑞士雞翼不夠喉，所以再點一隻瑞士雞髀！同樣入味好吃，最喜歡香濃的瑞士汁味道，雞俾肉又滑。《新鮮菠蘿冰$24》懷舊冰室才有這款飲品，味道清甜又解渴。《華田脆脆 $24》感覺很滿足！

今晚到了位於鰂魚涌的樓下冰室吃晚餐，這間鄰近太古坊，午膳時間很多人，晚餐比較少人，坐得比較舒適。今次為了叉燒滑蛋飯而來，個人很喜歡這個飯，覺得叉燒的甜和滑蛋及醬油的咸很搭，很下飯，今次試試這一間!自家製蔥花叉燒滑蛋飯HKD55 - 很推介，個人覺得這間做得很不錯，賣相100分，大大碗，性價比高。蛋不會過熟，做得到滑的口感，也有蛋香，叉燒大大塊很足料，但不是很淋，是偏瘦的叉燒，配上醬油和飯，一啖一啖可以吃很多。特色蕃茄濃湯通粉配牛乳炒蛋加豬潤 配招牌瑞士雞脾HKD55 + HKD 8 - 炒蛋夠滑，不過放在湯會容易散，建議盡快吃，蕃茄湯不是很濃，算是夠蕃茄味。瑞士雞脾瑞士汁很夠味和香，甜甜的，果然是招牌瑞士汁，配飯的話可以吃很多，雞脾夠入味不過不是很嫩，但整體是好吃的。焗芝士西蘭花HKD40 - 芝士不是太濃，淡淡的芝士配上西蘭花，正常水平。新鮮菠蘿冰 套餐+ HKD 12 - 入口清涼，不會過甜和死甜，是用上新鮮菠蘿，很適合夏天。

一直都知呢間冰室最出名瑞士汁雞髀同雞翼，平時多數叫雞扒/豬扒lunch set，今日終於試佢既招牌啦！叫左一個雞髀牛乳炒蛋配蕃茄湯通粉 同事叫左個瑞士汁雞翼撈公仔麵。瑞士汁雞翼撈公仔麵個餐係配丹麥多士。個多士烤得酥脆，好少冰室配丹麥多士架，呢個多士真係一流！ 雞翼同雞髀都好大隻，兩者都煮得入味，最重要冇血水！瑞士汁係比較濃厚，唔係好稀身，有輕微甜味中和，唔會得個咸字。雞翼雞髀肉質都好結實彈口，但又保留嫩滑，唔會嚡口。而蕃茄通粉湯底湯郁，撈公仔麵唔會煮得太冧，因為有瑞士汁所以撈埋好好食。

今日返工做到無停手，放工餓餓地，於是同埋餓底同事近近地去了公司附近的#樓下冰室 醫醫肚。本來小編一心想食最出名的瑞士雞翼雞脾，可惜餓底同事提醒我地兩個都不約而同著了白色裙，以免有意外發生，最後唯轉了食炸雞翼。兩個餓底可能太餓關係，除點了蕃茄通特餐之外，還點了多款小食，工作辛苦一於慰勞一下。特色蕃茄濃湯通粉配牛乳炒蛋跟吉列魚柳扒$55蕃茄湯底蕃茄味勁濃，酸甜味剛好，蕃茄控必點。通粉煮得剛剛好唔太淰，跟餐配大大塊吉列魚柳扒，香脆好味。厚切牛乳炒蛋治$26炒蛋嫩滑juicy，蛋治份量堅厚令人驚喜，一定滿足餓底要求。德國雜腸$38想不到冰室都會有德國雜腸，一碟有齊四款雜腸，食肉獸至愛。焗芝士西蘭花$40用了車打芝士及水牛芝士來焗，芝味十足，西蘭花保持爽脆沒有變黃。炸雞翼$38炸雞翼不算太乾身，還是喜歡瑞士汁雞翼多點。新鮮菠蘿冰$24特色飲品是冰室的招牌之一，一杯菠蘿冰令人勾起不少童年回憶。整體而言，餐廳充滿本土情懷，環境乾淨，坐得舒服，價錢經濟，食物有質素。

今日中午在茶餐廳用餐，午市剛過，用餐的人不算太多。餐牌的選擇不少，有粉麵，也有飯，還有下午茶餐。⭐️豬潤通粉$48套餐最豐富，有鮮茄濃湯、炒蛋、厚多士。豬潤鮮茄濃湯的湯底番茄味道好足料，好味。牛乳炒蛋和牛油厚多士已經很飽。⭐️熱檸水⭐️招牌瑞士雞髀配粟米雜果沙律$39另外點了招牌瑞士雞髀，大大件雞髀，的確醃得很入味，口味不錯。⭐️西多士$32食茶記不能少了邪惡西多士，中間有一層花生醬，入口很香口。⭐️招牌瑞士雞翼$55有特色蕃茄濃湯米線配牛乳炒蛋，實在好豐富。兩隻瑞士雞翼加上番茄米線，實在抵食！

鰂魚涌好味😋又打卡📸港式傳統冰室今日男朋友放工話想食大件夾抵食野食，經過店舖咁有懷舊特色的樓下冰室，我哋就去試下啦！滑蛋配招牌瑞士雞髀 （$55）呢個餐真係好抵食！一大碗蕃茄濃湯，大量蕃茄肉，無水汪汪，食落唔會過咸，反而仲有種好味蕃茄湯的酸甜味。總之，湯好味到會飲哂，愈食愈開胃，蕃茄愛好者必食！牛乳炒蛋蛋味濃，螺絲粉食到最後都無浸到淋晒，好高質！正所謂雞髀🍗打人牙骹軟樓下冰室的瑞士雞髀真係必點必食！一上菜已經聞到香甜瑞士汁味，食指大動！雞髀大隻厚肉，瑞士汁入哂味得黎，食落肉質幼嫩唔乾身，甜而不膩！滑蛋叉燒飯（$55）首先好多半肥瘦叉燒😚，蔥花滑蛋舖滿飯面，蛋滑得黎又唔會太過流質，撥開蛋見到有少少豉油飯，唔會過咸，食落超好味！焗芝士西蘭花（$40）用白汁粟米湯氽過西蘭花，咬落莖部唔會過硬，食落仲好脆嫩，仲有芝士焗到微焦，好惹味👍🏻華田脆脆凍阿華田味道濃，面頭有華田粉脆脆口感，唔會好甜！紅豆奶茶黎得冰室，一定叫杯奶茶，但我想食埋紅豆冰，呢杯紅豆奶茶滿足我2個願望！奶茶味濃，紅豆甜得黎又唔會死甜，好好飲！樓下冰室裝修，有好多唔同香港懷舊地道文化壁畫，仲有好多本土特色霓虹燈招牌，每個角落都有打

前兩晚六點做完嘢，行去搭地鐵見到有樓下冰室，順便同同事食完飯至分手，香港島呢間樓下冰室喺正鰂魚涌地鐵站對面，非常之方便。花膠雞米線 $78，好開心😚係雞脾，黃油雞香，花膠有成三大塊，可以淋多少少就更好，啖湯好飲。蠔仔肉碎泡飯 $55，多蠔仔多配料，味香湯濃，真係好適合配泡飯👍🏼雜菇娃娃菜$40，娃娃菜份量好多，每件1/4棵，可以令到D菜唔會太淋，有咬口，亦容易吸收湯汁，去開茶餐廳食菜嘅我，呢個價錢覺得抵食。瑞士雞翼三隻$36，瑞士雞翼、雞髀係佢哋招牌菜式，見介紹係用頭抽瑞士汁豉油、八角、桂皮等等材料調校而成，肉質鮮嫩，食過真係名不虛傳。炸韮菜餃八隻$35，叫得韮菜餃嘅食客，九成半都係鐘意食韮，好多地方韮菜餃係無乜韮菜，甚至無韮菜味😓，呢間樓下冰室，包足韮菜，啖啖韮菜香味😍半價飲品，紅豆咖啡原價$28，半價後$14；鹹檸七原價$24 ，半價後$12 ，鹹檸七原來係龍鳳檸檬，即係鹹檸檬＋新鮮檸檬🍋，正！！

久唔久都會想食港式野，有次lunch hour見呢間野大排長龍，今日再訪鰂魚涌，人潮未到，一於試下食個brunch。冰室滿滿懷舊風，但環境光猛企理，有不少梳化椅卡位，坐得舒適。.餐牌圖文並茂，lunch set包熱飲。.特色飲品都幾特別，有一系列的紅豆特飲。.點了皇牌推介蕃茄濃湯通粉 配3.6牛乳炒蛋 配招牌瑞士雞髀 好大份～.瑞士雞髀名不虛傳， 除左有豉油味，仲有八角、桂皮等香料味，味道香醇豐富而不膩。🤤雞髀大隻厚肉，近骨位置𠝹開了，令雞肉更入味而唔會太「鞋」。.蕃茄濃湯有唔少真蕃茄粒，滑蛋都好有水準👍🏻.紅豆奶茶紅豆冰mix奶茶，多一分醇厚，少一分甜膩，別有一番滋味👍🏻.食到一半已經飽飽地，努力地不製造廚餘，轉眼間餐廳已經滿座，食完出面已經又大排長龍，抱歉食得太慢😂

蕃茄通+瑞士雞脾($55)睇MENU，餐廳用了200斤蕃茄去煮湯底，一食入口，都真係足料蕃茄味瑞士雞脾，無敵 用了頭抽瑞士豉油，一D都無HEA 你~ 雞脾有瑞士汁味來又不會老~ 還是滑嘟嘟拜託，黎到真是要一試!胡椒豬肚滑雞飯($62)有無人同我都抗拒豬肚的味道? 不過這個胡椒豬肚滑雞飯，一上桌，熱辣辣，泡飯滿是胡椒豬肚精華，好味到一不小心食曬成碗華田脆脆(跟餐+12)次子去親茶記，都會變番小朋友，鐘意叫華田/ 美祿之類不過試完，又幾好味WO! 面頭脆脆甜甜地，懷舊之選凍檸茶(+10)樓下冰室餐飲比較貴，餐飲是跟餐半價，這杯凍檸茶都$10，不過茶底好弱，真係麻麻地

今日去做瑜珈前經過，見到間冰室幾靚仔，就入去食個茶餐，準備好做運動。 室內裝修幾有特色，有d老香港feel。同埋都好乾淨，每張枱都有盒tissue paper 比你用。餐牌有好多選擇，最搶眼都係瑞士汁雞批雞翼。男朋友要飽肚d，食沙嗲牛肉公仔麵。都幾好食，牛肉唔會乾同鞋。同埋我想食Ge瑞士汁雞髀。個汁甜甜地，味道都唔錯，好入味。雞髀黎講都算大隻呀，抵食。跟餐個包竟然係danish toast，好少茶餐廳會有。超級鐘意Danish toast，仲有層牛肉油，好正，加埋蛋都幾好食。飲品就淨係叫左無糖檸茶檸水，唔洗咁高卡。其實成日做瑜珈經過，都食過幾次。價錢抵食，加上幾好味。茶餐最抵食，平日6:30前都仲有，幾十蚊都好飽。

晚飯的時候，路過鰂魚涌， 看見一間 有點懷舊氣息的餐廳， 看看餐牌 見有很多 我和丈夫都鍾意食嘅 東西，就在這裡分享我們的晚餐。我丈夫叫了他至愛的口水雞和金牌牛腩飯，佢話牛腩好正，好入味；而我就叫了我至愛的胡椒豬肚雞米線， 嚟到好大碗，好多餸 ， 好似飲緊胡椒豬肚雞湯咁， 味道好濃沃， 啲豬肚好夠淋 ，d雞又好滑，我另外叫了芝士焗西蘭花 和 芝士焗蒜蓉多士， 蒜蓉多士好鬆化，好好味 ，加埋芝士真係超正，還有綠豆椰汁冰和 鮮菠蘿冰等都好好飲，每樣食物都好有水準，今餐好好味，價錢又唔太貴，最後同老公飽到攬住個肚離開，今晚真係好豐富啊！👍👍👍成日咁食，想唔肥都好難呀😂😂😂

今日咁啱過嚟鰂魚涌呢邊睇醫生，同朋友喺附近搵埋餐廳食晚餐，隨意入咗一間茶記。環境幾衛生好乾淨，佈置都幾有特色。首先帶咗呢度最馳命嘅瑞士雞翼同雞髀先《瑞士雞翼三隻》$38真係幾好味喎，好入味，瑞士汁好夠好濃，正！《蕃茄通粉配瑞士雞髀》$55蕃茄通粉都係佢哋嘅招牌，面頭仲有牛乳炒蛋，好嫩有蛋香。蕃茄湯好濃味，而且感覺係真材實料熬製出嚟，蕃茄蓉好多，感覺新鮮，並非罐頭蕃茄，瑞士雞髀同雞翼一樣都好入味，啖啖肉。《咖喱牛腩飯》$58咖喱好香濃，值得一讚係牛腩真係炆得好林好入味，份量好多，送飯一流！《冰室炒意粉》$60炒意粉估唔到大大碟，遵從茶記嘅標準🤣炒意粉唔會炒得好琳，口感不錯，同埋好好足料，超多火腿絲同埋肉粒，又夠味，好食！ 總括嚟講，呢間茶記都幾唔錯，大件又好味。

完成了一天的工作，走到公司附近的餐廳享用晚餐。看到一間裝潢十足，帶有老香港情懷的餐廳，而我與友人決定進內試試。與店外裝潢的主題一樣，都是老香港的特色與感覺，而環境亦十分寛敞，於是我們選擇坐在其中一排的「卡位」內。剛好我那天午餐吃過「飯」🍚，亦都是時候吃些少「麵」🍝，而我便選擇吃冰室炒意粉。至於我那位朋友，他是一個無飯不歡的人，所以最後亦吃了滑蛋叉燒飯。先說我的意粉，火腿絲及肉粒等配料十足，而且味道亦不錯，醬汁香濃又不太甜、不太酸。再說滑蛋叉燒飯，蛋香及叉燒味十足，飯粒及配料的口感亦恰到好處，只是蛋有點過熟，不夠滑而已。「華田」控的我亦不忘選上華田脆脆，先有奶味十足的華田，再配上尤如薯片一樣脆口的朱古力脆脆。感覺既熟悉又陌生，是一種很奇妙的體驗！！😆愛懷舊的朋友，點了菠蘿冰以一嚐老香港的味道，甜甜的再配上新鮮菠蘿的果香，頓時「refresh」的感覺湧現。我們以「大滿足」的心情吃完這餐飯，期間大家又有彼此分享一下近況，這間餐廳提供了一個很好的地方，讓我們好好的聊一聊。

過到黎鰂魚涌探朋友LUNCH，見呢間冰室有我至愛嘅番茄濃湯通粉，仲要咁高評價，當然要食下先得😄今次同朋友叫左 特色番茄濃湯通粉配牛乳炒蛋配招牌瑞士雞髀($55)、飛女餐：招牌瑞士雞翼撈公仔麵配牛乳炒蛋,丹麥多士($62)、金牌咖哩牛腩飯($58)、華田脆脆(套餐轉特飲+$10)、話梅柑桔蜜(套餐轉特飲+$10)帶有懷舊風味嘅冰室，乾淨企理，而且D牆仲要加左D圖畫增添玩味😎特色番茄濃湯通粉配牛乳炒蛋配招牌瑞士雞髀：作為番茄愛好者嘅我都覺得碗番茄湯底味道幾好，酸酸甜甜，茄湯味夠濃郁，幾有口感，非常滿意🤩除左通粉選擇之外，仲可以轉配其他麵類甚至湯飯，不過我覺得配通粉效果最好，食嘅時候會連埋湯一齊所以更加會滋味🥰另外牛乳炒蛋夠滑身唔會太硬😋至於瑞士雞髀大大隻，見個顏色都知成隻雞髀都入晒味，同埋食落去好嫩滑，好有水準😍飛女餐 - 招牌瑞士雞翼撈公仔麵配牛乳炒蛋,丹麥多士：瑞士雞翼同雞髀一樣，煮得非常入味兼嫩滑，配合埋撈公仔麵黎食，咁就味道啱啱好唔會味道過濃👍🏻多士烘得恰到好處，夠脆身唔會過燶，將D炒蛋放埋上去食幾正😉金牌咖哩牛腩飯：好一段時間冇食咖哩所以點黎食下，點知比想像中更加出色😍咖哩唔會好

近排好興去啲懷舊冰室，追求一種滷水雞髀嘅味道。今日就嚟到鰂魚涌，試下呢間樓下冰室，有冇對得住佢馳名滷水雞髀個名啦！ 樓下冰室嘅裝修都非常之懷舊古色，用咗好多香港人一睇就知嘅顏色、格仔磚，同埋牌匾。入面嘅空間都非常大，其實係兩個舖位打通咗，有種別有洞天嘅感覺。 叫咗個最出名嘅蕃茄螺絲粉配滷水雞髀。滷水雞髀嘅味道一試難忘呀！滷水汁非常入味，除咗滷水鹹甜味平衡得好好之外，仲有種微微嘅焦糖香味，相信係啲片糖。而且除咗滷水汁嘅味道，仲有其他香料例如八角等等嘅香味出咗黎，真係好唔錯。但有機會因為佢更入味，所以啲肉汁會相對鞋少少，但都可接受。 蕃茄濃湯又真係好濃味喎。聽聞佢每日用成幾百隻新鮮蕃茄熬製個湯底，所以都食得出除咗啲蕃茄碎之外，湯底唔係淨係茄膏嗰種味，係真係有鮮茄味。加埋個滑蛋，入口更加creamy. 樓下冰室 因為真係有樓上㗎，哈哈。周圍啲裝飾小擺設都幾搞笑。 個人大喜滷水雞翼。雞翼同樣入味，相對肉質感滑嫩，正~~ 另外叫咗個清淡啲嘅娃娃菜，好有住家嘅感覺。可惜啲菜有少少黑點，稍稍扣下分。整體依然唔錯。 食咗幾樣味道都ok嘅，信心大咗，再叫多個香濃咖哩牛腩飯！ 牛腩飯咖哩好香，椰奶味濃，牛