樓下冰室

营业中

休息中

今晚陪朋友行悅來酒店商場，跟住過對面荃薈嘅樓下冰室食飯，呢間餐廳無論裝修或是餐牌上的食物，都好有以前舊式香港西餐廳 feel。 .焗鮮茄豬扒飯：用雞蛋炒飯做底，蕃茄煮成濃稠醬汁，配肉質鬆軟豬扒，越食越開胃，我覺得呢碟焗飯份量好多，女生食可以二人分享。.金牌咖哩牛腩飯：值得推薦呢一款飯，咖哩好香，牛腩炆得夠淋，仲有薯仔都同樣夠淋夠入味，連咖哩汁撈飯食，好正！.瑞士雞翼(3隻) : 用"色香味齊"去形容很貼切，大大隻嘅雞翼配獨家配方瑞士汁(滷水汁) , 鹹甜味道啱啱好，百吃不厭。.紅豆冰，華田脆脆 : 呢兩杯港式茶餐廳飲品係我哋至愛，貪可以一路飲一路食，直情可以當埋飯後甜品啊。.點飯再點飲品，飲品係半價的，好抵！

樓下冰室之前都有幫襯過鰂魚涌分店，上次印象都感覺良好。位於大窩口分店，本土懷舊氛圍同樣濃厚。餐廳內周圍均見到特色招牌及霓虹招牌主餐牌食物款式都算幾多選擇，焗飯、茶餐、小食及泡飯。叫左一杯咸檸7 除左有咸檸檬外，還有新鮮檸檬，誠意加分。話梅柑桔蜜 （熱）味道很濃郁，不過像一樽即沖加熱水。潮州肉碎泡飯 $48足料超大碗，味道不錯。蠔仔份量唔少之餘，還有魷魚、冬菇！麻辣脆雞粒 $38炸得唔乾，辣辣地當小食不錯。但愈食就覺得都幾辣。芝士煎蛋豬扒包 $35非常足料，包質地唔會硬，豬扒有咬口又唔痴牙。自家製滑蛋叉燒飯 $50滑蛋舖滿飯面，夠滑又唔會太液體。半肥瘦叉燒份量都唔少，配埋秘製甜豉油，好滿足。

最近因為疫情關係都甚少外食，不過這次趁著來到荃灣Aeon採買日用品，順便在附近覓食～經過Aeon對面的荃薈坊，雖然商場並不起眼，但地下卻有一間裝潢非常突出的餐廳。冰室以懷舊香港為主題，裝修有別於一般茶餐廳，相當用心。【招牌瑞士雞脾】雞髀上色很均勻亮澤，自家製的招牌瑞士汁味道很豐富，微甜之餘還帶點香料味。雞髀滷得入味，但雞髀肉卻仍然嫩滑，推介～【特色番茄濃湯通粉配牛乳炒蛋跟厚切牛乳炒蛋】番茄湯底的質感濃稠，味道酸甜，絕對沒有假的茄汁茄膏味～牛乳炒蛋厚實，十分香滑，蛋香奶香並重。【吉列豬扒飯】吉列豬扒薄薄一層炸漿在沾上麵包糠，炸得非常香脆，而且裡面的豬扒仍然不韌。另外配上傳統港式嘅汁，甚有懷舊風味～【麻辣脆雞粒】雞粒炸得粒粒金黃色，上面灑滿麻辣粉，多添一份四川風味～雞粒炸得外脆內軟，外皮乾身吃起來不太油膩，讓人忍不住一粒接一粒地吃～【阿華田脆脆】阿華田味道夠濃，在傳統阿華田上面加上阿華田脆脆，口感層次更豐富分明。【紅豆冰】紅豆大粒飽滿，熬得起沙，甘甜又香綿。 整體不會太甜，反而奶味突出～

荃灣樓下冰室 裝修 一幅股 80年代嘅感覺裝修幾靚幾特別。自家製叉燒煎蛋飯， 賣相超靚仔，滑蛋好嫩滑！一d都唔老， 叉燒切片上！薄薄一片，用料很足！ 叉燒軟淋更帶出肉汁感覺。 加埋有特製嘅豉油，全部撈埋一齊食，非常好味有層次！ 用了簡單但係非常好食。奶油脆豬仔包， 即叫即整所以非常香脆！ 食完唔會有成口油膩嘅感覺。茄汁燴牛意粉， 牛肉片 幾嫩滑！最吸引嘅地方就係醬汁非常之多，意粉煮得剛好！唔會太軟，都幾有咬口又q彈。話梅柑桔蜜是特飲， 酸酸甜甜幾開胃！ 最重要嘅係幾滋潤喉，啱曬啲乾燥嘅天氣！

今日去荃灣Aeon入貨，買完野後十分肚餓就同朋友走到去對面間「樓下冰室」。 冰室裝修得很有懷舊特色， 冰室名字用霓虹燈光管顯示十分耀眼。冰室裡面佈滿懷念感濃郁的廣告牌，設計很有花心思，而且座位也很寬闊坐得很舒服。必食推介: 番茄湯及瑞士雞脾，所以我兩款美食也有order。「特色番茄濃湯通粉配牛乳炒蛋」滿滿的番茄濃湯，先呷一口湯後再慢慢品嚐通粉及炒蛋，牛乳炒蛋很滑有淡淡的牛奶香，通粉硬度適中，不會太淋，很不錯，加上份量十足，如果不是太大食，吃一碗已經剛好足夠。「招牌瑞士雞脾」大大隻，而且十分肥美，咬一口啖啖肉，肉滑帶瑞士汁的甜香，果然不錯。「金牌咖喱牛腩飯」咖喱近來大熱之選， 民間說咖喱可防疫。牛腩很腍，咖喱口味很港式茶餐廳風味，不辣香料味較濃郁，份量剛剛好，價錢也很合理。「焗芝士西蘭花」焗製食製作需時，等了10分鐘左右，美味的焗芝士西蘭花熱辣辣上桌了。「椰汁紅豆冰」也是冰室推薦，紅豆粒粒分明，椰汁亦不會太甜，味道很好，值得一試。

黎到荃灣既隱世舖頭，要行到好入先見到呢間樓下冰室，如果唔係咁岩黎到，真係好少機會食呢d餐廳，對住我呢個跨區人黎講，呢間餐廳真係好過我樓下d茶記多多聲，唔知係咪荃灣特別多美食，有競爭先有進步呢？早餐時段，呢間野已經非常多人，格焗就同普通茶記差唔多，吋金呎土既香港下，茶位都偏窄既，但胖在出菜快，拿拿臨可以食，趕時間既打工仔就流。試左佢個蕃茄湯底螺絲粉，螺絲粉煮得軟硬適中，一般茶記都好興煮到好軟，呢個湯底係間舖既主打，果然真係唔錯，飲得出係鮮做，唔係用粉開出黎既，而且無乜味精味，真係抵讚。個肉醬焗熱狗都夠曬大份好味，肉醬同熱狗既味好配合，唔錯！瑞士雞脾係本人最鐘意，甜甜地既瑞士汁配嫩滑既雞脾，又唔會太咸，掂呀！！下次一次再幫襯！！

荃灣熊貓酒店隔離嘅荃薈商場，行街坊商場路線，食物價錢比較經濟實惠。呢一間樓下冰室裝修好又夠香港情懷。佢主打瑞士雞髀，蕃茄通粉，鮮奶炒蛋等香港地道美食。今日天氣突然又轉涼，點個胡椒豬肚滑雞泡飯，暖下個胃。朋友想食叉燒，個滑蛋叉燒飯就似乎好吸引呀你都點都要食隻雞髀，佢個瑞士汁甜甜地浸得隻雞髀幾滑，如果唔係已經有兩個飯，真係想點多隻。佢哋啲奶茶飲品都沖得唔錯。因為選擇多似乎都好受街坊歡迎。好多一家大細咁你食。

荃灣樓下冰室 裝修 一幅股 80年代嘅感覺裝修幾靚幾特別。自家製叉燒煎蛋飯， 賣相超靚仔，滑蛋好嫩滑！一d都唔老， 叉燒切片上！薄薄一片，用料很足！ 叉燒軟淋更帶出肉汁感覺。 加埋有特製嘅豉油，全部撈埋一齊食，非常好味有層次！ 用了簡單但係非常好食。奶油脆豬仔包， 即叫即整所以非常香脆！ 食完唔會有成口油膩嘅感覺。茄汁燴牛意粉， 牛肉片 幾嫩滑！最吸引嘅地方就係醬汁非常之多，意粉煮得剛好！唔會太軟，都幾有咬口又q彈。話梅柑桔蜜是特飲， 酸酸甜甜幾開胃！ 最重要嘅係幾滋潤喉，啱曬啲乾燥嘅天氣！

荃薈商場的樓下冰室，裝修充滿懷舊風情。 無論背景的裝潢設計、 燈飾氛圍，都讓人有所懷緬兒時的風光。食品也別具一幟，中式、西式、特色小品、飲料都有很多不同的選擇，且收費平，認真抵食。主打的特色番茄濃湯通粉，有很多其他配料可選。 牛乳炒蛋非常香滑，鮮牛肉嫩，絕非一般茶記的冰鮮肉可比。 番茄湯底極濃郁，好好味！吉列魚柳扒外皮炸得鬆脆、內裏魚肉嫩滑。 沙律做得好，水果素材，配上脆多士。中式方面我們也點了炸海鮮芝士豆腐和什菇娃娃菜。 炸了的豆腐芝士，原來是可以做得到如此好食。什菇品種有幾種，配上新鮮娃娃菜，高纖維！綠椰冰料多、華田脆爆也滿滿一大杯。加上大雞脾，食到肚皮都差唔多脹爆了！

瑞士雞髀話明係招牌當然一定要試吓啦！瑞士汁夠晒入味，雞髀肉嫩多汁。無得輸!奶油豬超酥脆的外層，內裡鬆軟。一撕一咬，熱辣辣、脆卜卜脆的豬仔包，橫切一開二，塗上牛油和煉奶，是茶記的招牌美食。胡椒豬肚滑雞米線恰好最近氣溫驟降，正好來一煲胡椒豬肚湯暖暖身。公司三文治 脆煙肉、煎過嘅火腿、厚蛋、雞扒、生菜、番茄……有圖有真相。配埋即炸薯角。絕對有誠意，比起一般茶餐廳高幾班。紅豆奶茶 / 綠豆椰汁冰大大杯。非常足料!

放工快快手去食個茶餐做晚餐，然後返屋企，免得去人多濟迫既地方。平時食茶餐廳多數都系個幾間，要食茄通就一定系樓下冰室，佢個番茄湯底真系一流，茄香味濃郁，但又唔會太酸，而且通粉爽口唔腍，吉列魚柳炸得香脆而且粉漿夠薄，魚柳又唔算薄，每次尼都必叫。另一樣必食就系瑞士雞翼，餐廳既招牌菜，雞翼夠入味又滑。公司三文治份量十足，麵包烘底暖笠笠，中間番茄、火腿等材料豐富又飽肚。今次試新野，麻辣脆雞粒又系熱氣野，雞粒炸得香脆，帶微微辣味。最後食熱氣野一定要飲返杯冰，紅豆冰多豆又腍，綠椰冰味道較甜。

今晚去左呢間充滿老香港風味嘅冰室開飯招牌瑞士雞髀雞髀非常入味, 深啡色嘅瑞士汁完全滲入雞髀內, 切開大大舊肉, 肉質軟腍, 果然係招牌菜麻辣脆雞粒雞粒超級脆身, 一 D 唔油膩, 味道香辣, 非常刺激自家製叉燒滑蛋飯大大碗, 雞蛋炒到半生熟滑蛋狀態, 仲保留到蛋汁, 叉燒份量亦唔少, 肉質唔柴, 淋上秘製甜豉油之後味道更正番茄薯仔爽脆墨魚鬚鮮牛肉米線用左招牌超濃郁嘅番茄湯底, 味道酸甜, 有大量嘅茄蓉同薯蓉,  墨魚鬚果真爽脆, 好有咬口, 牛肉口感夠嫩, 大愛紅豆奶茶 & 綠椰汁冰室嘅特式飲品, 味道唔錯, 冰涼解渴

樓下冰室 (荃灣) 📍荃灣荃華街16號荃薈商場地下G45-G54號舖行完悅來坊過去荃薈行，一入去商場之前見到呢間「樓下冰室」座無虛席，隔住個玻璃望住人地食雞脾好吸引，決定入去食🍴一踏進店，比佢懷舊裝飾既藝術🎨吸引住，裝潢設計很簡潔光猛。望望餐牌，花到眼亂，好多選擇，樣樣都想試😋招牌瑞士雞脾 ：雞皮嫩滑，色澤光亮，瑞士汁味好濃，好入味同夠顏色，而且肉質飽滿，用手一啖咬落去最好不過，爽😊炸韮菜餃子🥟 ：望落吾講以爲係雲吞，外脆內軟，熱🌶🌶既韮菜饀真材實料，多到一啖咬開會溢出黎🥳麻辣脆雞粒 ：外脆內軟，軟乾身，點點似鹽酥雞粒咁，點點🌶，好惹味。🐓送酒🍻好。火腿奄列配牛油🧈厚多士🍞： 厚多士烘得好脆口，配上滿滿香濃牛油，加埋大大片火腿，真材實料，充滿蛋香。焗芝士肉醬薯角：薯角非常厚🔪，好重薯味，芝士蛋肉醬味香濃，可惜芝士不能拉絲。紅豆冰：紅豆好焾身，比較偏甜，驚喜😯華田脆脆🍫 ：杯面上是朱古力脆脆米，拌一拌，阿華田吾會沖得太甜剛好，配埋脆脆吾錯🥛總結：絕無戲場 懷舊冰室 價得再光顧#荃灣#懷舊冰室#瑞士雞髀🍗#紅豆冰#火腿奄列配牛油🧈厚多士#焗芝士肉醬薯角#華田脆脆

以前實習嘅時候 會係荃灣周圍覓食仲記得路德圍嗰邊有一間專食蕃茄嘅餐廳冇錯就係樓下冰室啦 而家喺荃薈商場有分店於是就帶MY BOSS就食下佢地嘅招牌菜我就叫咗個特色蕃茄濃湯通粉配牛乳炒蛋 ($50)仲包埋招牌瑞士雞髀 雞髀大隻啖啖肉 非常入味😋至於蕃茄湯底煮得橙紅色 睇得出係真材實料+$8仲可以追加牛肉添 令到通粉生色不少而MY BOSS就叫左自家製叉燒滑蛋飯 ($50)蛋香味濃既滑蛋好厚身 原來落足料份量都唔少而叉燒都好足料 好味😌之後叫左兩杯特色飲品 兩杯都好正啊👍🏻分別係華田脆脆 ($22) 同新鮮菠蘿冰 ($22)-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

雖然好多朋友而家大多數都會留喺屋企，不過少不免總有兩餐在外，我地就唔去咁遠了，多數喺樓下茶記搞掂。樓下冰室係其中一個最經常幫襯嘅，鐘意呢度啲野啱食，價錢合理，位置都闊落，唔洗左逼右逼黎呢度我多數點招牌蕃茄通、瑞士雞翼、叉燒蛋飯，出品穩定。除左呢啲，仲有一般冰室餐點，例如焗飯、湯飯、炸物、小食等。茄牛通足料，茄湯比較稠身，唔係溝水果種，飲落都好濃茄味，冇乜味精感覺。通粉基本上都索哂湯，唔會煮到太腍身，本身跟左牛乳炒蛋，另加一餸，我揀左鮮牛肉。牛肉薄片，唔會過鬆，性價比高泡飯三款，分別有胡椒豬肚雞、蠔仔肉碎同蕃茄薯仔，天氣涼涼地就鐘意點胡椒豬肚雞暖身，飲落微微辣，惹味開胃。裡頭雞件不少，都算啖啖肉，而且豬肚都多，食落比較有咬口，配埋娃娃菜，有肉有菜有湯，好滿意通常我地會點多份瑞士雞翼，好高質架，我覺得好食過雞脾。雞翼三隻，輕輕用叉已經可以將佢分拆，可見煮得幾腍，瑞士汁完美融入雞翼，入味但唔會太鹹湯浸娃娃菜係因為呢期冇乜菜食所以點的，娃娃菜湯醇，裡頭仲有少量菇。鐘意呢度嘅華田脆脆，甜而不膩，口感豐富；菠蘿冰都有誠意，用鮮菠蘿肉架。