樓下冰室 (已結業)

拍拖三週年，我們選擇吃茶記。常常覺得週年紀念，其實都是個平凡又簡單的日子。今日他找來了他說「很好吃」的荃灣茶記—樓下冰室。比我早到一點，一早已點定杯紅綠椰冰慢慢嘆。剛走到身水身汗的我搶了來喝，紅荳大大粒，加埋綠荳，又幾好飲。男友是雞精和牛精，而且最愛熱氣到爆的食物，所以首先點的就是麻辣脆雞粒。他說「又幾好食喎外脆內軟，又炸到冇乜油！」聽畢我才放入口，因為炸到油淋淋的東西，我最怕。剛吃完麻辣雞粒，男友又點了個咖哩牛腩飯，（所以今天是衝著我的菊花而來的嗎？）咖哩不算太辣，幾香，牛腩夠淋身，又幾好食。期待很久的瑞士雞翼，超大隻，而且還是有三隻！啖啖肉的雞翼超入味，肉質不老，最喜歡是瑞士汁，濃郁卻不會太咸！芝士蒜蓉多士超脆邊，熱辣辣時吃，芝士還能拉絲！想講這個多士真的超好吃！！！最後因爲很想吃蔬菜，便點了個粟米雜果沙律，沒上到一上桌會是這麼大碟！！這個時候點沙律真是非常正確～而且沙律也很新鮮～讓整晚不斷吃肉的罪惡感降低了。

yesterday, I went to this restaurant to have a tea with my friends. There were not much people, we could choose to sit anywhere maybe because of the time. After a while, more and more people go inside. We ordered several dishes and a couple of drinks from the menu. 話梅柑桔檸檬the broccoli with cheese was very delicious and the chicken wings were quite large. The fried seafood cheese fish ball taste like cheese fish ball which was quite delicious. The most delicious food for me would be the omelet wit

星期六行山前到樓下冰室食個靚早餐先, 叫左蕃茄湯午餐肉公仔麵.蕃茄湯配公仔麵非常好食，一個公仔麵簡直唔夠喉，午餐肉配蕃茄湯又出奇地夾，整體十分好味！杯茶叫左coffee就一般般，普通！

放工去完圖書館，懶得返屋企煮，約了老公在路德圍食晚飯。大家都唔係餓，就簡簡單單去茶餐廳食呢間門口有幾pair人等緊位，相信都唔差得去邊內在環境唔差，樓底又高，望落乾淨，沒有一般茶餐廳的焗促。有d文青feel雜果沙律另上。我就是被餐牌的「蛋治」圖片吸引，厚得真係超誇張件蛋一d都唔老，方包又鬆軟，我食左一半就投降，由老公幫口食埋去。件吉烈豬扒仲脆，但就唔係新鮮炸出黎熱辣辣兼漏油果種老公叫的「什飯」有香草腸、餐肉、火腿、煙肉、煎蛋，豉油白飯。充滿濃厚的香港特色集常餐的必叫食材於一碟！半價配飲品，我試華田脆脆，上枱時的確見on top係有d野，但攪下d冰，攪下d糖，就沉晒飲唔出d脆脆凍話梅柑桔，甜甜酸酸，有兩粒話梅

荃灣路德圍唔少美食 花多眼亂 見到樓下冰室係開飯熱店睇落又坐得舒服 就試試佢兩點鐘先食lunch 人潮岩岩過左 午餐種類都幾多 但我都係決定食番招牌蕃茄粉！我揀左嗌兩餸既粉 因為⋯⋯嗌兩餸可以加我最愛既芝士！！！！轉左螺絲粉 揀左小辣既蕃茄湯底！五重滋味 就係芝士x滑蛋x辣x濃茄x鮮牛 成個combination好perfect 半溶既cheese加蛋加粉一啖食落去 蕃茄味好濃兼唔係茄膏味 最重要係唔會1pat醬咁 加芝士同蛋香好濃郁 好正呀🤤牛乳滑蛋炒得岩岩好 最緊要唔會太過火 最鐘意個種流質既感覺 入口滑溜溜另一個餸嗌左鮮牛肉 咬落唔會太un 重點係好多舊牛 好少可係冰室食碗粉啖啖都有餸 係呢到係食到2/3覺得飽都仲有咁多牛 最後都係比我食哂成碗 因為辣茄湯底實在太開胃....紅豆咖啡係第一次飲 原來紅豆甜味配落咖啡係咁夾 岩哂怕茶餐廳咖啡會苦既女仔 仲有超多紅豆 飲完真係好好好飽 如果比粗飲筒就好啦 可以一路飲一路啜啲紅豆😝

路德圍有一間茶餐廳叫做”樓下冰室”，有一次星期六晏晝經過見佢唔使排隊可以即刻入座，即刻就入咗去，佢嘅蕃茄湯通粉可以轉其他公仔麵長通粉或者其他，佢嘅湯底好濃郁，如果好鍾意食蕃茄湯嘅人會覺得好好好好好好食，包括我。

十分滿分, 是次用餐經驗分數為七分每每經過這間樓下冰室,  總是看到有人在排隊, 難得今天不用排太久, 我們就來吃吃看, 評評分吧 餐廳位置不算多, 坐起來比較狹窄, 但食物質素很不錯!我點了最有名的瑞士汁雞翼配茄蛋通 士汁雞翼的味道很美味, 不過雞肉的質感一般, 而茄蛋通粉還不錯, 湯底味道有很濃厚的蕃茄蛋味 我自己一個人就完全吃不完一整碗, 份量挺多的而男朋友就點了台式肉鬆雞排飯, 感覺還蠻好吃, 沒有太大的特別而我必須為這個奶油豬點一個讚真的很好吃!!脆脆的, 甜甜的, 我會再來的原因主要都是因為它哈哈點了一杯菠蘿冰, 喜歡吃菠蘿的你們很值得一試喔!! 戀括而言, 價錢和味道成正比, CP值算高

今晚約左朋友係荃灣食晚飯，因為呢排成日出街食飯，所以都想食得健康d，於是就上黎揾下有無咩好食又健康，見到好多人都推介呢間既蕃茄湯，就決定一試，餐廳六點半就已經坐滿左八成😳入面無豪華裝修，但好有懷舊既味道，而且感覺乾淨企理，座位都好闊，之後人開始多但侍應都會安排坐卡位，唔使迫住搭枱，好貼心。行入去坐個時已經見到好多枱都係食緊蕃茄湯，所以點都要叫一個試下佢既招牌菜仲要係配牛乳炒蛋，正特飲紅豆奶茶，綠椰冰，紅綠椰冰係出面茶餐廳已經好少見，好有自己特色 最後點左一個蕃茄通配牛乳炒蛋加肥牛墨丸，朋友想食飯就點左蘚茄汁香煎豬扒飯加雙蛋，仲要share 左佢既招牌瑞士雞脾蕃茄湯底味道濃郁，好香蕃茄味又唔會好似一般湯底得個鹹字，炒蛋好滑，配蕃茄真係絕配加配既肥牛份量好足，墨丸有四粒算有誠意，而且係粉少墨魚多，質素不錯，抵讚瑞士雞脾果然係招牌菜，一上枱已經聞到好香瑞士汁既味道，雞脾好嫩滑厚肉又腌得入味，大大啖咬真係好爽雞脾既最外邊已經咁厚肉朋友點既蘚茄豬扒配雙蛋飯份量好多，豬扒又厚又大塊，佔左半個碟豬扒腌得入味又夠腍，見佢齋點蘚茄汁就送晒d飯就知真係好好味最後我試埋佢個華田脆脆，連脆脆一齊飲，味道濃左好

好耐冇黎食啦，次次都係同朋友嚟食，今次就同男朋友嚟食，我最鍾意就係佢嘅瑞士雞翼同瑞士雞髀，每次嚟到都要食。佢哋嘅嘢食真係好好食，我平時都會晏晝嚟食，今次特登夜晚過嚟試吓。午餐肉配公仔麵真係無得輸，配上番茄湯底，濃郁又香噴噴，加上滑樓嘅炒蛋，真係不得了。我哋陪左個香腸拼盤，事關我真係好鍾意食腸仔，不過我就唔係好食得辣，佢其中有一隻係比較辣，所以我俾咗我男朋友食。芝士肉醬焗薯角，新鮮焗出嚟熱辣辣，香噴噴，芝士仲可以拉絲，不過份量就真係幾大跌，我哋兩個都食唔晒。最後梗係有我地最愛嘅雞髀啦，男朋友好細心切開一嚿嚿俾我食，每件點上瑞士汁食入口好滑，又香，真係冇得頂。

我女朋友好鍾意四圍去食嘢，佢平時最鍾意嚟呢一間冰室食，今次就俾佢威一次帶我嚟試吓。啲座位都坐得幾舒服，同埋啲阿姐服務都幾好，一入到黎就問我地食乜嘢。呢度嘅嘢食價錢都幾大眾化，同埋都幾多選擇。我哋叫咗個午餐肉炒蛋公仔麵share，個番茄湯底好濃好好味，依個炒蛋又炒得好滑。叫咗個芝士焗薯角，濃郁嘅芝士係面，再加上肉醬，真係超惹味。最後梗係要試吓佢哋嘅瑞士雞髀，佢哋嘅瑞士雞髀真係好入味，啖啖肉，我今次嚟呢一度就係特登要試呢一個，真心推介。

突然好想食啲港式餐廳, 所以就同朋友去咗食呢間樓下冰室。裡面大概可以坐到40-50人, 估唔到平價冰室都有港式感覺既設計, 而且不斷強調蕃茄,令我更加期待佢嘅番茄濃湯通粉其實見到好多嘢都好想食, 但梗係叫咗招牌食先, 蕃茄濃湯加炒蛋通粉, 再配左個瑞士雞髀. 朋友就叫咗自家製叉燒滑蛋飯。特色蕃茄濃湯通粉配牛乳炒蛋+招牌瑞士雞髀$50份量算多, 蕃茄湯果然好濃郁, 湯底比較濃稠, 更會有蕃茄蓉, 睇得出湯底真材實料. 炒蛋用上牛乳, 果然好滑身, 仲有奶香, 好似食緊蕃茄炒蛋咁!!! 勁多蕃茄蓉！！！招牌瑞士雞髀超香瑞士汁, 雞髀已經勁入味, 而且好大隻, 啖啖都係肉, 咁樣配埋通粉, 超抵！自家製叉燒滑蛋飯 $50估唔到佢其他飯都整得幾好食, 份量好多, 一個男仔都夠食. 飯偏冧身, 個人會喜歡粒粒分明多啲xd 但蛋好滑身, 叉燒肉質嫩滑, 再加上豉油同蔥花 好正雞湯浸雜菇娃娃菜 $36叫咗個菜, 分量超多, 超足料,爭啲食唔晒xd紅豆冰+綠椰冰除咗番茄湯同雞髀之外, 又一令我心心眼嘅係佢既飲品, 紅豆冰可能都好多地方有得飲, 反而綠豆冰就唔多, 用上綠豆蓉加椰汁, 好好飲!!兩杯紅豆

好耐之前黎過一次，今日再黎荃灣，tea time見到難得唔洗排隊就入左去👍🏻 下午茶都好多選擇，除左有佢地signature 嘅蕃茄通外，原來仲有沙律、飯同大量小食，$50內包埋野飲，份量超大，好抵食！我地兩個人share左3個餐。我杯忌廉紅豆冰係第一樣黎，好大杯好creamy，底下嘅紅豆圓渾同大大粒，口感唔錯。杯野唔會過甜，我幾中意。叉燒滑蛋飯超大份量，蛋炒得夠滑，叉燒份量好多，而且有幾件係半肥瘦，食落幾甘香，推薦！滷水雞脾都唔錯，整得好入味，略帶甜味。肉都算滑，皮下唔係太多脂肪，食完唔係好guilty🙈😂😂😂最後就係佢地招牌嘅蕃茄通，佢地湯底幾濃，酸中帶甜，唔怪得咁受歡迎！

呢排去荃灣真係去到傻左lol 今次就去左呢間樓下冰室，其實已經食過幾次，但呢到勝在街坊價，又幾高質！午市常餐：叉燒蕃茄通粉＋牛油西多士＋炒蛋（$44)咁既價錢包咁多野真係超抵，唔係講笑，唔好以為份量好少，佢係勁足料，個炒蛋又大份，多士亦都落足牛油，食到我超飽蕃茄湯係真材實料，入面有蕃茄肉架，通粉略嫌有少少淋，同埋叉燒質素一般，唔係半肥瘦果隻。瑞士雞脾飯($46)男友叫呢個，醒左我食兩啖，好好味！瑞士雞脾係熱送上，瑞士汁好入味，而且亦都好滑！重點係佢超大隻！再加埋薑蓉真係勁送飯。兩個人埋單又係一舊水唔洗lol,真係窮人恩物。

今日放假打算出街食早餐，諗起蕃茄通粉所以去左樓下冰室。見到蕃茄通粉同瑞士雞脾都想食，所以叫左佢既蕃茄通粉加蛋另再追加豬潤同加雞脾。蕃茄湯底真係無得輸，超多蕃茄，又唔係太酸，絕對比得上九如坊個間。雞脾個汁亦唔會太咸，肉又唔會老，加埋杯茶走真係好滿足

之前去荃灣行山 就過埋去附近食完個早餐再出發 聽朋友講附近有間開咗無幾耐嘅樓下冰室 就過咗去試下樓面座位都幾闊落 坐得幾舒服蕃茄湯底麵食有幾款選擇 可以配搭唔同嘅小食 有平有貴 都幾多選擇 今次為咗食飽啲 就揀咗呢一款 同朋友分別叫咗一個番茄炒蛋通粉同公仔麵 上菜見佢份量都適中 湯底嘅賣相幾濃郁 食落真係有好濃嘅蕃茄味 仲配有新鮮蕃茄 幾唔錯 鐘意濃濃又無添加蕃茄湯底嘅朋友可以試下湯麵上仲會有牛乳炒蛋 佢嘅牛奶味都幾重 而且炒得唔會太老 幾滑👍🏼配搭嘅小食有火腿奄列同瑞士汁雞翼上碟見到佢嘅奄列好大份 好滿足😋奄列內面煎得唔會太熟 仲有少許蛋汁 配埋火腿味道真係唔錯瑞士汁雞翼係雞全翼 而且啲汁仲滲透咗入去雞翼到 好入味本來見到有個牛乳蛋治好似都幾吸引 不過太飽就下次再試啦🤟🏾