影片
话说油麻地YMCA o系我读大学o既时候已经经常黎, 贪佢人少地方又静, 价钱又唔贵嘛~出o左黎做野之后, 揾到o的钱, 都比较少考虑呢到~点知, 2月14前前几日揾地方食饭, 有位YMCA职员打电话黎sell情人节套餐~一睇个餐牌, YMCA竟然会做$1500 o既情人餐, 又有鹅肝, 香槟, 生蚝同和牛。咁就即管试下啦~同女友去到, 个经理同我地讲(我谂佢心入面滴紧泪), 得我地一台客~ 于是乎就包o左成个场啦~ ^o^回正题, 环境: 好有心思, 佢地将好多(80-100个)粉红色同香槟色氢气球升上天花板, 又有冧歌,掂!食物: 小香槟: 都有2-3杯, 最后都加o左1支, $420, 酒店价钱生蚝6只: 另叫o既。几鲜, 都食得下带子沙律: 带子系半熟o既, 好鲜味同弹牙, 赞鹅肝: 一般。果位鬼仔厨师煎得太熟啦~雪葩: 食完鹅肝, 一般餐厅都会有o既。不过呢个雪葩呢, 实在太巨型喇~ 我仲以为上甜品添~和牛: 呢个一定要赞下。表面好脆, 入面仲系好红, 不过就冇血水, 脂肪十分均匀。通常食扖最后一两旧都会有o的冻, 但系佢地上菜o既碟好热, 食到尾段旧扖就仲好好食~甜品: 唔记得, 不过都系普通野。o的料同头先o既雪葩差唔多~ 天气冻可以整批或者心太软嘛~茶啡: 普通茶啡啰~最后埋单, 唔计贴士, 盛惠$2,200~ 包场㖞! ok啦~个经理最后仲俾o左廿几个氢气球我地玩, 落街o既时候十分注目~原来佢地加$500, 就可以包一晚房。如果情人节系星期五就一定会book埋~ 下次先啦。总结, 成世人第一次包场, 真系难忘。不枉我帮衬o左咁多年。如果宣传早o的做, 果晚应该会旺o既~顺带一句, 个餐要俾deposit。合理, 买料都要钱啦~
继续阅读
149后的晚上, 突发性一同去饮杯, 弟兄S提议下, 13个人行了过来这里.基本上已无乜其他食客, 就坐在一张长台.生啤: 6分, 叫了半品脱的生啤, 清清的, 无乜麦味, 但几够冻.服务是不太理想, 饮品需要甚久才全部上齐. 食物的价钱亦不便宜, $88的西洋炒饭, 让弟兄C宁愿空著肚子也要净饮.由于弟兄F同弟兄C未食饭, 系姊妹P带领下上演了一幕徒手进食, 加上弟兄J饮了(活水)后为大家带来不少欢笑, 整晚气氛是相当热帜的.06年最后的149聚会, 07年再续.
继续阅读
o寻日去o左工作部门o系呢度搞o既x'mas lunch.行了一圈,发觉冇乜o野食,种类又少,连以前有o既生蚝,烧牛扒同粥都冇!而且味道认真麻麻,最好吃的居然是周打蚬汤同埋面饱!!!如果唔系"俾面派对"都唔o黎食!!
继续阅读
本来想去食buffet...不过九龙个边满左之后过左来呢边食,原来个边都有得食buffet~不过最后得我食散餐,屋企人就食自助餐我嗌左个芥末烧羊排餐($128x1.1)个餐汤...系由个边拎过来的罗宋汤几好的....之后个主菜上,整得好靓~同埋佢唔会淋哂D汁同埋mint上去羊肉几好食,算大旧...挂,不过配菜多左D食完之后好快就有甜品.....好大旧tiramisu~后尾我呀妈话buffet个边冇呢个个1件tiramisu应该有2份咁大~之后杯冻coffee....落小小糖唔甜,落好多就无端端好甜....神奇最后3人食左4xx~原来散餐仲抵食@@卫生良好,环境都几好~可能D人去哂睇烟花挂....service快速又唔似之前既人讲得咁差wor....
继续阅读
今日一条友去咗呢度食tea buffet,但原本0既兴致因为一d烟而完全消失。事缘我两点半去到,餐厅系半开放式,即唔系密封𠮶只啦,我坐门口隔篱,电梯对开0既位,食到中途就闻到有阵烟味,我一望出去,原来有两条友响电梯口食烟倾偈,仲一支接一支咁煲.我去酒店或宾馆餐厅食野就系唔想吸二手烟,但,我好失望啰,响一个有冷气0既公众地方竟然唔禁烟,唉.......!如果唔系buffet,我一早埋单走咗.𠮶时先三点几,就咁吸住d二手烟食嘢,就算d嘢食好味,我都冇咗心情,更何况d嘢食.....热盘只有六款,有酿薯皮,咖喱角,鸡肉肠(咸咗d),白汁芝士吞拿鱼长通粉(我食得最多系呢样,差唔多食咗一大碟),叉烧包,叉烧肠(唔够热),仲有粥(系lunch buffet食剩拎过唻).冷盘及甜品有沙律2款(2款都有肉既,ok啦),寿司,三文治(好似系火腿).另有汤,橙汁,什果宾治(无什果但都几好饮0既),柠水/茶/啡,牛奶公司雪糕2款(石板街,云呢嗱,另有椰丝,七彩碎糖,提子干作配料),芝士蛋糕,普通蛋糕,法式什饼(小件西饼),什果啫喱,椰汁糕,黑芝麻布甸(几香几滑),红豆糕及另外3款不知名糕点.服务方面,收碟太慢,我食完第二碟嘢,第一只碟都仲未收.我觉得我会宁愿去番我第一次食tea buffet 0既百乐,就算山景阁都好过呢度.
继续阅读