影片
招牌菜
同两位好友第一次一齐叹high tea, 环境好，食物质素高，最喜欢柠檬挞，及scone . Cheese cake , 够芝士味但不太甜。够静，是好友谈心的好地方，坐位也得舒适。有privatcy .
继续阅读
如果唔系某本杂志送买一送一优惠券，我都冇留意有这间酒店存在.未去之前，上网看过资料，大致上都系好评,食过后，觉得这个价钱有如此质素，如此靓景，绝对超值。酒店推出半自助午餐，有头盘、沙律同甜品，虽然选择唔算多，加埋得几十款，但味道合格有余。我最钟意食凯撒沙律，汁正生菜甜，烟三文鱼同parma ham甘香肥美，唔算太咸，配以哈蜜瓜嚟食，好正好好味。甜品试咗十数款，味道一般，冇乜边只特别好味。主菜七选一，其中几款要另外加钱.今日同老公拣咗辣椒烩牛肉同白酒煮马尼拉蚬意粉share嚟食，味道方面原来所谓烩牛肉，即系牛肉酱，好重香料味，又咸又辣，唔系太钟意，咪胆粗粗试吓可唔可以换第二款主菜啦，点知又得㖞，今时今日有这样嘅服务态度，真系值得一赞。讲回主菜方面，换咗个烤三文鱼三文治，三文鱼烤得好嫩滑，酱汁有少少芥辣好惹味。面包烘得外脆内软，整体味道好好。至于个蚬肉意粉味道一般，蒜蓉汁香但过咸，蚬肉冇鲜味，不过意粉煮得软硬适中，都有一样可取之处。餐饮叫了杯泡沫咖啡，一睇就知系诚意之作，卖相掂，味道香浓幼滑，好好饮。食完此餐对这店好满意，员工服务殷勤，有礼貌，令人有宾至如归嘅感觉。
继续阅读
餐厅夜境就真系一流, 由38楼望向下用餐, 可惜窗口位唔多, book 位时记得预留, 用餐后可到40楼室中花园坐坐, 欣赏下夜景, 食物质素虽然唔系好好美, 但都合格嘅!头盘: ice balloon, 真系几靓用冰做出来的水晶球, 入面分别有虾, 蟹, 芒果, 牛油果, 蕃茄, 好清新好好味 & 凯撒沙律.餐汤: 蟹肉海鲜忌廉汤 (略嫌忌廉味太重盖过鲜味) & 龙虾汤主菜: 意大利云吞 (劲香芝士味, 好好味系漏左小小 o者) & 烧春鸡海鲜拼盘, 龙虾 & 大虾 - 无咩鲜味, 生蚝 & 鲍鱼 - 是最好的, 螺 & 带子 - 完全唔想放入口, 最衰 LEE o个拼盘, 拉低晒全晚的分数, 好贵但又唔新鲜, 有机会去的朋友千祈唔好试!
继续阅读
本来见有coupon买一送一就胆粗粗去试下呢间酒店既Buffet，心想即使唔好食都唔算贵丫之前连酒店个名都未听过…去到尖沙咀仲要问人先找到既酒店，上到去己经比个view吸引住…一坐底已经有好热情有礼既waiter哥哥招呼介绍，其实呢个系半自助式既自助餐…我地一行两人选好main course就出去夹沙律…哗！d菜好新鲜仲有甜味的…而且salad bar仲好干净企理。到我地差不多食完个沙律…waiter哥哥又走过来问可以起得main course未…（真系冇念过呢个价钱竟然有呢个服务…六星级酒店都未必做到）。个main course真系ok wor，牛扒都鱼…都冇令我地失望，有水准…新鲜！甜品虽然唔多选择，不过样样都好味，尤其是chocolate pudding。我一定会再去多次！即使冇买一送一都觉得唔贵㖞^^
继续阅读
今日公司食开年饭, 食完先返公司开工今日食半自助餐, 有3个主菜选择, 牛扒 OR 羊扒 OR 带子>.<我食牛扒, 伴薯条, 又几好食㖞同事食羊扒, 伴薯蓉粒, 系3个主菜中最好食!! (HEHE, 我梗系唔会放过啦^^)另一个同事食带子, 伴意大利饭, 不过我无试, 唔知好唔好食呢?!?!除咗主菜, 当然有前菜啦!! 不过就无影相, 但Ham with Melon, 鱼子酱伴蛋白, 等等等等呢D都好好食, 但款式就好少LU... ...整体上, 比预期中好食仲有海景睇, 侍应态度又好, 几个FD. 黎吹吓水食吓饭, OK架
继续阅读