影片
今日去买。发现转左手。冇左什锦面叫三𩠌喇。水饺2 只但个皮好粉。猪肠切到刺身咁仲要得3块。 猪润得两块。又系一间等折既铺头。冇下次。 想揾间好d既车仔面冇。可能去返唐记好d
继续阅读
落街就脚又方便优质之选。今次唔系食佢既车仔面，今次系食佢地推荐既10大名菜😂1/ 秘制香川鸡饭：饭量十足不在话下，鸡件唔肥，每口鸡都食到佢既秘制辣汁。辣汁有好重蒜香味，爱蒜者一定要试。2/ 流心蛋肉燥猪扒饭：流心蛋系平时食拉面果一款，一切开蛋黄直线流出，相当诱人。肉燥肥瘦各有（比例就😅唔识分），但入口无肥腻感；最后猪扒即叫即炸，有差唔多1cm厚，唔系干净净果啲猪扒，大满足。最后价钱就中规中矩啦加埋冻饮$51一个饭。但佢份量好足料，绝对对得住个价钱👍🏾
继续阅读
平时黎都系食开车仔面今日突然好想食佢既秘制香川鸡饭所以今日就嗌黎食下51蚊 其实价钱唔可以话好抵食 但味道真系唔差 鸡肉淋满晒酱汁个汁愈食愈辣 送饭一流😋 肥仔叫左个猪扒肉燥饭食 都系51蚊呢间既猪扒又系好好食 唔够饭仲可以添饭又系一个满足既午餐😋
继续阅读
呢间一直无试过，系佢update餐牌之后，清清楚楚咁列出价钱、有咩食之后先入去试下。杂锦面，牛腩好硬，炆得未够时间，鸡翼同猪红面滑入味浸得好好。猪大肠系弹爽口个种，个人唔钟意，唔会再叫。其他无感。温泉蛋肉燥猪扒饭差到食左一啖想逃走，但又唔好意思，硬住头皮食左啲先走。猪扒明明睇完人地既照先叫呢个，人地既煎或炸的金黄，睇照好吸引。我食到既似白烚，无味仲放左阵，微暖。衰就衰在仲要微酸，（变左质？）又唔算明显，肯定又唔敢话系，照食，好硬好难食既白烚猪扒😭。肉燥又系油腻唔算好食但香港大部分都会出现既香港冬菇肉燥味。饭又唔算热，放块生既生菜堆晒啲油，似厨余，大佬，俾两条烚好既生菜感觉会好好多。温泉蛋系流心，但无浸任何调味料，捞返肉燥先有味。呢个组合纯对好食，鱼腐有时后上。未上第一次食，仲以为漏咗个𩠌，追问，个呀姐先讲等阵会上埋，咁样唔好，放底讲声唔系更好。饺子好难食唔好叫，好粉累累、穿皮、无味。鲜牛睇个人，我食正劲多劲多筋既。早餐都食过两次，炒蛋份量劲多，算平，鲜茄牛通牛肉份量好多。服务方面系全部人都超好，超街坊feel，系真心好人个种。
继续阅读
今日系平日午餐时间 呢间小店几受欢迎 有9成入座率餐厅主打车仔面但见佢麻辣鸡好似系招牌 谂住试试 可惜已经卖晒 所以叫左肉燥糖心蛋猪扒饭 糖心蛋系成粒而唔系半只蛋 有惊喜 不过唔系完全糖心 切开系流心蛋 捞落啲饭同肉燥好夹猪扒好淋身 好食 肉燥份量好多有冬菇粒 食得出冬菇既味 餐厅楼面得一两个 忙到踢晒脚 但依然服务态度好好 对住学生哥都好好服侍 好有礼貌餐厅好受欢迎 好多中学生同上班族等外卖 亦都有好多网上外卖平台车手入黎拎外卖 下次试试车仔面先每篇食评都好用心打🙂100%真实意见 关注我跟我食好野啦🤤😋
继续阅读