樂記燒臘粥店 (已結業)

樂記呢一間冬菇亭, 以前拍拖時係公園行到夜一夜(零晨). 依然會燈火通明, 有人睇電視, 但唔知佢係咪開既大排檔. 環境呢, 比起同邨其他兩檔冬菇亭為之惡劣. 因為昨晚睇完演唱會而到了外家留宿, 早上出門才找早餐食. 然而想起呢一間冬菇亭, 好似有早市. 便膽粗粗的入黎坐低, 叫碗粥, 叫碟腸粉.直接說食物吧. 腸粉, 皮厚不怪. 不過那豉油就怪. 平常我們食的是甜豉油. 而且豉油基本上是成碟腸粉既關鍵所在. 呢個豉油, 甜味同豉香都冇, 竟然俾我食得出有苦澀味. 真不知他們是是否用了黑油充當豉油.......粥, 是皮蛋瘦肉粥. 肉條沒有鮮味. 不過皮蛋就幾好. 粥其實幾淡口. 沒有味精就一定的了. 因為肉條是沒有味道的. 若是有病整碗粥外賣, 其實不錯. 因為的確幾清淡既.沒什麼驚喜的好食, 除腸粉外一粥又唔係太差. 總算來日我會有回頭, 食宵夜小炒既. 不過應該會係單獨一人來....此地好似不太整潔, 女仔慎入.

這間早上買粥，午市燒臘碟頭飯、晚上小炒的大排檔，我大大話話幫襯咗 10 多年。小炒只吃過一次，印象是夠鑊氣和份量特大，四個小菜足夠 6 人享用。至於早市的粥品，往時每星期至少吃一次，最近心思思又再一嚐。要了油炸鬼+白粥，油炸鬼即使攤涼了亦很好吃，白粥要自己加鹽，但亦有供應有味粥，不過味道麻麻。接近 3 時，這裡還會有車仔檔賣燒賣、粉果、生菜魚肉等小食，總之就全日照顧周到。