樂意點心

营业中

休息中

每日lunch time 經過呢間點心舖都會見到出面排曬長龍，所以決定試一試，我哋亦都等咗大概15分鐘先有位叫咗小籠包，腸粉，春卷，燒賣，仲有牛肉球但係冇影相，平心而論，唔係驚為天人嘅味道，但係勝在不過不失，樣樣嘢都大大件，好足料，而且價錢唔算貴，而且每樣嘢上枱都熱辣辣不過個春卷係沙律蝦春卷，我就覺得入面嘅沙律醬實在太多，食完好滯加上茶錢只係三蚊，而佢用嘅茶葉其實唔算差，性價比係幾高嘅，返工想食點心嘅話，呢度都係一個好選擇

星期日中午1點去到，已經排緊成十張枱，但裡面好似只有十張枱左右，所以已經有晒心理準備要等得比較耐。最後等咗差唔多45分鐘，終於到我啦😆 我食完終於明白，好嘢真係值得一等再等，主要係因為佢價錢親民，款式又多又有創意，即叫即製。另外，環境乾淨衛生，員工又好有禮貌，坐得又幾舒服👍最最最緊要係佢嘅所有野都係大件夾抵食!! 今次4個人試咗4個套餐😋--招牌籠仔蒸飯--🫖籠仔鳳爪排骨飯🫖籠仔豉汁帶子飯🫖籠仔士魷肉餅飯🫖籠仔蒜蓉海蝦飯--滋潤燉湯/湯餃--🫖椰子燉烏雞湯🫖人參灌湯餃--精美點心/小吃飲品--🫖鮮蝦菜苗餃🫖鮮竹牛肉球🫖安蝦鹹水角🫖香煎蘿蔔糕

今日終於見到樂意點心無人排隊。今次我哋叫咗幾樣點心，分別叫咗椰子烏雞燉湯、花膠杏汁炆鴨掌、百味醬蒸鳳爪、馬拉糕、棉花雞、同紅菜頭蘿蔔絲酥。如果以價錢來衡量，食物嘅味道同質素都係成正比，味道係正常。我個人會推介花膠杏汁汁炆鴨掌，味道剛剛好易鴨掌翼都炆得剛剛好。至於個紅菜頭蘿蔔絲酥餅會係我嘅第二個推介，其他嘅舖頭我冇見過，相信係樂意獨創嘅點心，而且味道都不錯，不妨一試。

之前已經book mark咗呢一間喺尖沙咀嘅樂意點心，今日早收工就同媽咪去試吓～不過我哋五點幾嚟到已經要等一陣位喇🙈好彩有卡位坐，如果唔係其他位都有少少迫～呢度點心偏向新潮，有好多都好吸引，所以不經不覺叫叫吓叫咗好多🤣紅菜頭蘿蔔絲酥餅 ($28)外表非常酥脆，裡面嘅蘿蔔絲染咗紅菜頭汁，不過只有顏色食唔出紅菜頭嘅味，同時亦都略嫌蘿蔔絲唔夠香～珍寶帶子腸粉 ($42) 帶子夠大粒，真材實料，而且腸粉皮非常滑👍🏻鮑汁花膠鵝掌 ($38)估唔到份量都幾多，花膠同鵝掌各兩件，鵝掌炆得幾入味，花膠略嫌薄咗少少，冇乜口感，但係呢個價錢都好合理😌鵪鶉蛋燒賣 ($22)、鮮蝦菜苗餃 ($16)同奶皇流沙包 ($16)屬正常水準，不過不失～我欣賞佢每籠係兩至三件，可以試多幾款😆籠仔蒜蓉龍蝦飯 ($138)兩邊龍蝦肉唔算好彈牙，但舊肉都算幾大，蒜蓉好多，可以配埋啲白飯一齊食🤣不過啲飯就比較濕啲，扣少少分～麥味雞蛋散 ($20)呢個份量超驚人，入口相當鬆脆，有蛋味，包住啲糖簡直係令人滿足嘅甜品🤤楊枝甘露 ($23)就覺得一般般，冇乜芒果嗰種新鮮嘅感覺，反而花奶味比較重～加埋叫咗九樣嘢，真係超級飽～因為仲係下午

星期日晚上9點，等位等咗半個鐘，9點半終於入得，我終於明白，好嘢係值得等，食咗一個鐘，晚上10點半仍然有人等位，佩服。今次幫襯，係因為籠仔蒜蓉龍蝦蒸飯而來，點心店都有龍蝦蒸飯，真係聞所未聞，龍蝦蒸飯創意滿分，你敢賣我敢試，龍蝦不是波士頓龍蝦，應該係本地龍蝦，可惜蒜蓉過多，蓋過了龍蝦，味道一般，燉湯幾好味，湯多渣小。茶位每人$6，每叫一個絕配套餐茶位減收一位$3，套餐包籠仔蒸飯一款，燉湯或湯餃一款，另外可加兩款指定點心，每款$10，最多兩款。點心方面，較特別有龍蝦餃，三色小籠包，鮑汁花膠鵝掌，人參灌湯餃，紅菜頭蘿蔔絲酥餅，點心拼盤。總結點心店冇加一，如果冇咁多人等位，值得一試。

全店基本都是保持著滿座的，人流不斷，座位舒適，環境乾淨～菜膽瑤柱火腿燉老雞湯～湯頭非常濃郁，正宗老火湯～蘆筍蝦餃～蝦餃大大隻，蝦肉超飽滿，蝦肉新鮮彈牙～三色小籠包（原味、黑松露及川辣）～極度建議先咬一小口才咬下一半或整粒，因內裡的湯汁很多，會爆汁的🤣川辣味微辣，不太吃辣的也能吃，而黑松露味也很重松露味～鮑汁花膠鵝掌～超抵吃，沒想過38蚊也能吃到花膠鵝掌，鵝掌炆得腍軟，花膠也大隻～紅菜頭蘿蔔絲酥餅～內裡用上紅菜頭作餡料，吃起來很解膩，而蘿蔔酥很香鬆～籠仔金針雲耳蒸雞飯配臘腸～米飯很香荷葉味，粒粒分明，吃起來爽口的～杏汁燉蛋白～面層杏汁香濃，而底層的蛋白很香甜，甜品一流～

三訪樂意-絕配套餐係最抵嘅▫️絕配套餐$68，茶錢$3/位▫️普通茶錢$6/位☑️椰子燉烏雞湯 （套餐）燉湯好清甜，有大量椰子條浮出水面，湯內亦有一件浸到淋晒嘅烏雞肉，證明冇偷工減料。☑️生煎菜肉包（2件） - 套餐+$10生煎包煎得香脆，個包好軟熟但較厚，肉就變相吾多，但肉同菜都好味嘅。☑️椰汁桂花糕（3件)-$20下層椰汁，上層桂花，分開食同一齊食都可以。2層都好Q彈，下層椰汁味濃，桂花相對淡味，如果再落多d桂花就好。☑️越式米網炸兩腸 -$33一碟切開了9件，口感豐富，滑溜腸粉皮內包住脆卜卜嘅米網，仲有d爽口蝦粒，唯腸粉皮太厚，薄d就好。另外仲送左幾條菜心。☑️籠仔土魷肉餅飯（$68絕配套餐），鮮蝦腐皮卷2件（$16），鮮竹牛肉球2粒（套餐+$10）一如既往的好食，我就吾再寫了。

今晚約了尖沙咀返工的朋友放工見面食飯, 朋友話想飲茶,找到這家之前曾經到過,覺得幾抵食和質素不錯的新派點心店, 近來市面上開了不少這類專營點心的小店, 同樣是食點心,在酒樓入座起未計食物,單單茶芥和加一等雜費已經每人要幾十元, 但這類點心店通常茶位費便宜而且不用加一, 特別適合主要為解決兩餐而且唔會坐太耐的客人,所以都幾受歡迎。這店的面積不算大,座位也不算太多, 但裝修環境優雅新淨,無論是座位及牆身等都以深綠色作為一個主色調, 給人一種平和高雅的的舒適感覺, 我們約6時入座時也要等了幾分鐘,到我們7時半左右離開時,外面更有客人排隊等候入座,看來這店在尖沙咀區有一定人氣。白桃烏龍茶雖然茶位費衹是3元1位, 但竟然有白桃烏龍這種較少有的選擇,茶壺一端上桌已經聞到淡淡的白桃香味,清甜解渴。籠仔蒜蓉原隻龍蝦飯蒜蓉原隻龍蝦飯蒸飯,大大隻的開邊蒜蓉龍蝦鋪滿整個籠仔上面蒸, 龍蝦新鮮肉質彈牙, 龍蝦的鮮甜味完全被下面的飯吸收曬, 十分惹味。菜膽瑤柱火腿燉老雞湯湯的用料十分足,材料有老雞,豬骨,雲腿,瑤柱等,喝起來唔會好油, 鹹度適中唔覺有重味精,火候十足,菜膽都已經煲到好腍,非常鮮甜美味。鮑汁花膠鵝

放工趕住去下場係尖沙咀附近搵地方食啖熱飯飲碗熱燉湯漢口道樂意點心是不錯選擇呢～小店雖然位不多，但裝修得勁靚坐得舒服，唔怪得成日都勁多人。-小店主打即叫即蒸店心亦都有蒸飯燉湯套餐選擇價錢不貴，-川味拍蒜青瓜爽脆好食勁多汁， 以川汁同辣椒 去調味更帶惹味-紅菜頭蘿蔔絲酥卷 唔係一般的蘿蔔絲酥卷 ，而係入面包住 紅菜頭內餡，咬落酥香，入面蘿蔔絲勁香甜加埋 紅菜頭， 整體感覺外香脆內清甜。-鮑汁花膠鵝掌花膠炆得彈牙美味， feel到滿滿的骨膠原加埋用鮑汁炆得入味嘅鵝掌，鮮味濃郁-三色小籠包好有誠意！！比附近果間連鎖店仲出色！有分三隻味，原味，川辣，松露皮薄餡靚無穿底， 川辣小籠包 帶惹味而松露更加讓豬肉內餡層次提升。-最不能錯過的當然係樂意的蒸飯燉湯套餐吧～菜膽瑤柱火腿燉老雞天氣轉涼，飲碗補而不燥的湯就最好, 原材料老雞瑤柱火腿都鮮味足，腥味輕, 正~-籠仔蒜蓉龍蝦配帶子飯想食飽啲叫個籠仔蒸飯都唔錯蒜蓉鹹香 半隻龍蝦肉好彈牙又夠鮮, 加埋帶子 啖啖海鮮風味

今次揀位於尖沙咀中心地段嘅點心餐廳 #樂意點心 兩個小朋友😋開心到跳起呢度最推介就係佢個蒸飯套餐配一個燉湯今次揀咗籠仔蒜蓉龍蝦🦞配帶子飯併一個菜膽瑤柱燉老雞龍蝦都有半隻份量原隻擺係飯面蒸，所有海鮮精華都比米飯吸收晒超鮮甜，凍冰冰既天氣食一流再加上個暖笠笠嘅燉湯，非常足料又滋潤同行朋友同媽媽都係湯怪，一個湯點夠分要整多個椰子🥥燉烏雞三色小籠包（原味/川辣/松露）同兩個小朋友share ,咁我更係食川辣口味啦🤭。每隻小籠包都充滿肉汁，食時真係要小心辣口鮑汁花膠鵝掌有兩隻鵝掌咁多啊😜炆到入晒未有夠淋蘆筍蝦餃皮薄餡靚蝦餃，蝦仁彈牙配埋蘆筍好清新蕾沙煎堆仔外皮脆卜卜 、入邊芝麻餡香濃又不太甜佢依度嘅茶到非常好飲，個蜜桃烏龍滿香撲鼻好順口⭐️

👧🏻😋👅🍽✨全日都有點心食 仲有老火燉湯-樂意點心🇭🇰 尖沙咀漢口道19-21號地舖 🇭🇰-🥢全日供應絕配套餐有飯有湯有點心, 夜晚點心癮起都可以食! 都見到好多熟客黎, 姐姐叫得出佢飲咩茶😎🥢有梳化卡位坐得舒服, 免加一茶錢只係$3/位 (除左傳統茶仲有白桃烏龍, 好清甜), 尖沙咀算超級抵-🥬🍗🐓🍲菜膽瑤柱火腿燉老雞湯💯大大碗好足料, 湯面冇咩油, 飲落超鮮甜💯入面有豬骨 (有軟骨好味), 老雞 (煲左湯一定鞋但雞味好香好出都有食埋), 腍甜菜乾, 大量瑤柱-🥒🦐🥟蘆荀蝦餃✨超大粒, 所以個皮都要有返咁上下厚度先唔會爛, 但都軟熟唔會太韌, 同埋個餡夠多汁✨反而蘆荀唔算好多, 係有少少色水點綴下, 唔怕有草青味-🍡三色小籠包💯原味, 辣味, 松露味, 粒粒爆汁, 都唔使點醋已經好正💯松露味未咬放埋嘴邊已經聞到好香; 麻辣味超麻唔太辣, 最重要係多汁夠鮮甜同熱辣辣-🧄🦞🍚籠仔蒜蓉龍蝦飯✨勁爆多蒜蔥茜, 撥開少少先影到隻龍蝦😂 龍蝦彈牙爽口又易拆肉, 食得好方便✨飯有好微荷葉味, 但都俾個豆豉汁同重蒜遮左, 勝在夠汁食晒個飯-

好耐無食點心，上網特登望下人地推薦，呢日就同朋友過黎試下見價錢親民，款式多又有創意，唔怪得咁多人幫襯茶位$3茶揀左白桃烏龍，有好香嘅白桃味紅菜頭蘿蔔絲酥餅第一次食紅菜頭酥餅，感覺清新即叫即整，外皮炸得好酥脆三色小籠包一籠有齊三種味道：原味，川辣，黑松露熱辣辣入面湯汁好正，皮都夠薄見大部份人都叫呢個絕配套餐菜膽瑶柱火腿燉老雞 都幾足料，而且幾清甜，够哂滋潤龍仔蒜蓉龍蝦飯（+ $80 原隻）原隻龍蝦蒜蓉開邊蒸同朋友一人一邊唔洗爭賣相非常吸引，龍蝦肉新鮮，爽口彈牙配上勁多蒜蓉，好好食飯有淡淡荷葉香餐廳性價比高，抵食又好味，好快會再黎過

Had lunch here on a weekday and it was crowded.Dim sum here provided good value for money. The portion size was generous and the taste was good.The tea charge per person was HKD3 which was cheap and service was friendly. A good lunch venue for the working crowd in TST.

成日都聽同事話lunch去樂意點心食，套餐份量足又抵食😳 今次終於有機會跟佢地去試下，果然名不虛傳，尤其個蒸飯原隻龍蝦擺上去好震撼🦞 最開心係以後唔洗飲茶先有點心食，全日都有得食喇！𝗕𝘂𝗯𝘂推介🔥 👍 籠仔蒜蓉龍蝦飯一上枱已經覺得好震撼，原隻波士頓龍蝦舖滿蒜蓉放係蒸飯上。蒸飯大大個，兩個女士都夠食。龍蝦新鮮好夠肉，加埋蒜蓉好香，龍蝦味滲透蒸飯，每一啖都食到鮮甜味。👍 紅菜頭蘿蔔絲酥餅蘿蔔絲酥餅嘅外表，咬開係滿滿嘅紅菜頭同蘿蔔絲。紅菜頭本身質感都似蘿蔔，但就為成個蘿蔔絲酥餅加入一份清甜。出面少見，必試！📍樂意點心尖沙咀漢口道19-21號地舖

店舖人流非常多，相信係由於地理位置嘅關係🤓餐廳正正位於尖沙咀漢口道地舖，非常方便易搵！川味麻辣青瓜青瓜口感夠爽脆，川式麻辣醬汁及香濃蒜蓉，好開胃嘅前菜，食辣嘅朋友一定啱晒😁菜膽瑤柱火腿燉老雞餐廳其中一款招牌燉湯，由菜膽、瑤柱、火腿、老雞熬製而成，清清甜甜，好易入口，係我好鍾意嘅湯水味😃紅菜頭蘿蔔絲酥細細個喺酒樓跟屋企人去茶樓成日食呢樣點心😍因為好鍾意漸層形狀嘅餅皮，酥脆外皮配上蘿蔔絲內餡，口感層次好得意😀今次仲多咗紅菜頭，更添清新感覺🤪鮑汁花膠鵝掌花膠、鵝掌質感軟腍，充滿骨膠原嘅一個小食🤣而且份量唔少，都有幾塊鵝掌😎三色小籠包三種唔同顏色嘅小籠包，由左至右分別係黑松露味、川辣味、原味小籠包😬皮薄餡靚唔在講，咬開後有湯汁，係水準以上嘅小籠包😜籠仔蒜蓉龍蝦配帶子飯龍蝦肉外型非常吸精，配上蒜蓉、香蔥嘅天然香味，令本身已經好彈牙嘅龍蝦肉更添吸引😋相信籠仔飯算係呢度嘅招牌，因為幾乎每一檯客都會叫😛蒸飯沾上蒜蓉，只係好簡單、天然嘅調味，但就好能夠提升食慾😸