樂怡坊正宗雲南米線 (已搬遷)

依间云南米线开左10几20年，早过谭x既出现，绝对系云南米线始祖😂入到去个装修比较旧，好有老店既感觉menu冇乜特别设计，只有好似大排挡咁，一幅大menu挂系墙到。入面写明左啲𩠌可以点配，价钱都唔算贵，二味(2𩠌)米线就$36。不过佢酸辣系计一味，所以如果想酸辣米线+1个𩠌，咁就计二味米线既价钱喇今次叫左酸辣腩肉米线，米线份量唔算多，不过就有好多樰菜，而且啲腩肉份量都几多下，亦非常大片，所以整体黎讲都几好食，唯独是米线可以多少少😢另外个到既汽锅鸡好似几出名，食lunch期间都听到周围唔少人叫，下次可以一战！…查看更多

友人推介米线铺头，咪去试下！睇个门面都觉得系平民米线睇张落单纸又觉得佢几抵都系24蚊起同埋我钟意佢有得拣多咩小咩 米线硬定淋 好客制化最后我拣左BB辣麻辣猪耳同墨丸BB辣就好似无辣味咁 我觉得自己下次可以食小辣挑战下但个辣麻辣猪耳就好多油得济 墨丸就普普通通啦总括而言系抵平既 质素同价钱成正比…查看更多

乐怡坊呢间米线舖开左咁耐都居然无人写食评，一于抢闸做第一个！由于我教会在附近，所以已食了无数次！以前一向食开谭仔，但觉得佢越做越差！直至有呢间小本经营的米线舖出现，觉得佢地系好有诚意，无乜野心，只想造好一碗米线！所以值得支持！舖面很细，坐满都无十台客。装修简单，有电视！似家庭生意，咩都一脚踢！由于食物有很多选择，又要自己在「粮单」上圈食D咩？几辣？加不加葱等！第一次来肯定眼都花，会吾知点画，希望可改善！有朋友话似考MC(笑)！我一向喜欢叫两𩠌米线，呢间D所有「猪」食都好得，包括：猪软骨(好淋有咬口)、麻辣猪耳(至爱，但很油，一定要写「分开上」)、猪肠(好味！)、辣腩肉(令成碗米线都升级，好食)、猪颈肉(香滑)、香茅猪扒(好香，但一定要写「分开上」)。另外云吞、蟹籽丸都不错！佢既特式就系汤底好热，但都几好饮，通常我都饮大半碗！但味精重！个人认为米线配冻柠茶是绝配，但佢呢间D热奶茶都好香滑到家，值得一试！之前呢个舖位开过无数间食肆都瞬间执笠，惟有呢间可以顶咁耐，皆因佢有质素，每样𩠌都有独得处理方法，吾似一般米线舖只系整熟佢！…查看更多

好味过谭x云南，价钱合理，一定要试。我同呀妈两人食一碗3𩠌米线已经饱，汤底很鲜甜，冇味精。辣汤底我暂时未试过，本人怕辣，但我见到好多客人食麻辣汤底。环境干净卫生，有tvb睇。选餐纸很详细，油多油少自己选择，适合各年龄层。下午茶时间有9折。如果一𩠌就22文，冷热野饮加5文。最重要食材新鲜，有保证。…查看更多