影片
晏咗少少起身，又唔系想食一个full lunch，经过呢间，2pm就有下午茶，谂住求其食啲嘢，点知有惊喜！叫咗个叉烧蛋包、热柠茶走甜。见到个厨会先搽D牛油上包煎热，系好有心机慢慢煎好两面，跟住落叉烧，炒蛋，最后夹好个包落纸袋。见有位，就即刻坐低食，新鲜整出嚟真系好正！个包微脆，蛋唔太干，有埋叉烧粒丰富咗个口感！ 十分值得推荐！😋😋😋个柠茶系正常茶记柠茶，ok 啦⋯⋯ 不过大家记住如果要走糖，就算系热饮都要预先叫走甜，佢default系有糖。虽然我系下午茶时间嚟食，但其他时段都可以单买个包（$19）。提一提星期六佢哋系休息唔开㗎！
继续阅读
系尖沙咀食一餐闲闲地都成旧水所以试下呢间旧式快餐唔洗比运费，但又可以外卖速递😌味道不过不失，普通茶餐厅味道💙黑椒鸡扒饭份量适中，肉不会过少💚菜粒叉烧炒饭本身没有期望，但出奇地好食叉烧同菜粒份量不少，每一口都可以食到💛茄汁猪扒饭茄汁一般，冇乜味猪扒不会太干🧡白饭$16+煎蛋$6有点贵❤️热奶茶+$3虽然系预先加糖，但不会过甜，有茶味加$3就有饮品一餐一人$50埋单左右由叫餐到送餐大约十分钟就到效率超快😂
继续阅读
乐心快餐店系柯士甸路多年，由细细个阵快餐店已经在这位置。餐牌上面的字都脱色了，便知道乐心有几多年历史！基本上乐心快餐店是主要是以外卖为主，而店内只提供四个座位给你堂食，所以地方较挤迫。乐心快餐店都提供不少小炒，而且价钱公道，份量亦很多，性价比高。快餐店更有早餐、下午茶餐、沙律等等...以迎合不同时间、食客的需要。最后我点了下午茶餐，炸鸡脾加薯条, 鸡肶原本已整到5-6成熟，下单时即叫即再炸， 一阵香喷喷的香味扑鼻，完成后加点淮盐，外皮香脆，而且肉质嫩滑。
继续阅读
尖沙咀吃饭真系好贵，早2日跟同事吃lunch，差唔多每日$100，重点：唔系特别好吃今日，自己拣，当然吃平d，帮补返。之前见间快餐店门面+价钱，唔敢吃今日一吃，又觉得ok wo。$37饭+$3红豆冰。抵吃。
继续阅读
好耐冇试过食旧式快餐店。。。加上赶时间。。所以经过打算食个快饭。。叫了一个黑椒牛扒饭。。汁尚算足够。。对于多汁的人是一个好选择。。。但汁太咸。。没有黑椒味道。。咸味偏重。。。食了两三啖就不食。。饭粒软硬度适中(唯一优点)。。。算了。。下次都不要一时贪快食这些快餐店。。门面尚算清洁。。价钱值宜。。但煮餐用具污秽。。制作时间很快。。服务态度不耐烦。。只说多一句少饭就黑面。。。更说指令太多。。不耐烦丢饭盒。。。味道太咸。。。食完超口喝。。。不可一不可再
继续阅读