樂心冰室

营业中

休息中

一路都對冰室有D特別既感情,不過冰室就真係買少見少,所以經過銅鑼灣就一定要去下依間,一向冰室都有種人情味,依到都唔例外,伙記都係十分好人。餐牌就有好多香港既地道食品,奄列,飛碟,多士等等都唔錯,飲品有就更加懷舊,連滾水蛋都有嫁,不過我就唔好既,仲有新潮D既營養餐，HAHA不過只係有奶同蛋咁樣,幾有特色,懷舊得黎有少少西式色彩,仲有好搞笑既吋吋蛋,食過真係有成吋咁。因為下午茶時間既關係，所以我自己就要左西多士餐食,價錢唔算太貴,同埋真係好耐無食過,落單好快手，當然要多杯奶茶,西多士同奶茶唔夠五分鐘就即刻上左，用厚多士整既我覺得小見,連三文治都係,唔會呃你錢呀真係,西多士整得好香,奶茶就更加唔洗講,滑,濃,香,三個字形容就岩哂。係銅鑼灣黎講算係超平同有質素既茶餐廳。 

多士 炒蛋 叉燒意粉都是我所喜愛的食物有時不想正經的吃一頓飯都會想起常餐人在銅鑼灣 以前會吃北海道 但發現樂心後 它就成為我們的常餐之選可能是有更大的廚房等配套的關係 我認為其味道比希慎的北海道更勝一籌常餐 $36多士烘得香脆 炒蛋亦濃滑 兩片火腿略略煎過喜歡這兒的意粉不會過軟一咬便斷雖然比起澳牛華星還差一點 但已感滿足

今日一去到就有位, 不過要撘枱, 唔緊要啦, 最重要係唔駛等嘛.叫左個常餐: 叉燒通粉, 火腿牛奶炒蛋, 厚多士, 飲咖啡其實成個餐都係早餐 d 野黎, 但係到晏晝就變左常餐了.叉燒通粉湯底夠味, 叉燒亦夠厚, 有肉味, 仲有一條菜送埋添, 唔知咁樣算唔算 balance diet 呢? 火腿輕輕煎過, 香可嫩滑, 炒蛋唔算好滑, 不過味道還好. 至於厚多士呢, 厚就夠厚喇, 不過唔夠脆同埋凍凍地, 感覺上唔係好似多士囉. 杯咖啡嘛, 普普通通啦...

今天一行6人到樂心冰室，4人點了厚切餐肉腸仔撈一丁，2人點了常餐。當餐肉丁送到時大家都力讚，真的有厚度，每片超過5mm。腸仔切成小段方便入口，味道雖然咸一點，但這重口味偶爾一次也無防。常餐也不過不失，火腿炒蛋多士，义燒湯意配熱奶茶。

今日行到餓就入左去試叫左個最普通的常餐 一個炒蛋一杯咖啡就知道間野是堅是流入到去，坐左成個字，朋友去完廁所出黎都仲未有人執枱...當時只有8成滿，又唔係非常忙叫左個常餐，叉燒通+炒蛋+多士配咖啡 36蚊多士好硬...炒蛋好水...無牛油味無奶味更無蛋味...有個炒蛋樣但無味，都唔知咩黎...叉燒通粉個湯無味的，好似平時灼過菜既水味...服務同自助式無咩分別

行到有d累，入去試下個糖水，3人咁啱都係叫蘆薈爽，我叫左西瓜，朋友們叫左哈蜜瓜! 等左10分鐘左右蘆薈爽就到，點知係碗上，我地幾個都以為係杯裝飲品，個個立即反應呆滯左數秒! 我碗內的西瓜蘆薈爽被椰汁包圍著，好香椰味，蘆薈爽好明顯係罐頭食品，不過都唔差，可惜西瓜粒內有好多西瓜籽，有d係黑色好硬身，要係一粒西瓜就不斷吐西瓜籽，十分不方便! 相反朋友們叫的哈蜜瓜蘆薈爽就不錯，她們話都幾清甜!

　　其實早在樂山新開張的時候我便已經過這裏了，有一次同行的友人建議進去一試，我掃視了一下張貼在玻璃窗上的餐牌，看到選擇很少，所以沒有進去了。今次和我來的，是兩位很少來港島區的朋友，銅鑼灣的假日人多得水洩不通，很難找到地方吃飯，我們決定就近吃飯，因接著還有別的活動，而時間相當緊張，所以匆忙中來了這裏。近距離看看餐牌，覺得食物的選擇多了，而且很多餐的款式都沒有時段限制，是全天供應的，而對於既愛吃，又想保持體態輕盈的我來說，吃東西最好是點到即止，份量不需要多，下午茶份量可以當正餐吃就可以了。更重要的是價錢合理和大眾化。這兩點樂心都可以做到啊。環境方面，其實在星期日的銅鑼灣，明知不能奢求的了。因為人多，我們坐的卡位要與別的食客「搭枱」。至於裝修方面，很明顯是刻意設計成懷舊的格調，潮流愛懷舊，愈來愈多舊式的老店因捱不住貴租而無法經營下去，物以罕為貴，所以新興的茶餐廳為了滿足食客的昔日情懷，便得在這方面花心思了。朋友要了厚蛋治熱奶茶。蛋治的包確實足足有二吋厚，炒蛋也不遑多讓，可謂用料十足，絕不欺場，可謂誠意之作。我看到也食指大動。其實這麼簡單的大眾化食品，每間茶餐廳都能提供的，能競爭的就只是在誠意

因工作的關係常常踏足銅鑼灣，在繁華商業區之中找一間便宜又好吃的餐廳並不容易在朋友推介下得知這間冰室，於是決定一探無妨。冰室是走懷舊潮流風，裝修都參照舊式冰室設計再加上比較Cult的掛飾甫坐下，冷氣有點冷，而侍應就立刻有禮地過來招呼小弟，這真是我意想不到的一般茶餐廳的服務大家都能想像到的 看看餐牌，食物是典型港式食品，如奄列、飛碟、多士等更甚者飲品有現在少見的口谷口古、滾水蛋比較有趣的是還有甚麼營養餐，小弟小學時都曾經見過這個詞彙沒想到現在還有餐廳會夠膽用上，畢竟現在的茶餐廳都很少談得上「有營」啊 因為下午茶時間的關係，精打細算的我決定叫一份$25西多士餐吃因為西多士在香港人心目中佔很重要的一席位啊（這根本是借口吧XDD）稍等約10分鐘，新鮮的西多士和奶茶立即送上，開動了！在香港現今茶餐廳用上厚多士的真的少之有少大玩型格裝修，新潮風格的冰室設一個平民價格更加少之有少在銅鑼灣能吃到一個便宜又有質素的茶餐實在太好了起碼在要不昂貴，要不質素參差的銅鑼灣算起來這是一間比較出色且穩定的茶餐廳呢【#誇張嗜食】- by 張誇 Nickel

今次係第二次光顧, 這是一間新一代冰室, 地板既細細粒瓷磚+卡位好有冰室feel, 跟傳統冰室唔同的是這新一代冰室乾淨光猛好多 ^o^ 記得第一次食過佢既火腿通粉後, 就成日想再食, 點解? 因為我愛佢既湯底同胡椒粉, 味道跟我最喜愛既奇香冰室太近似, 有啲人可能覺得淡而無味, 但我正正覺得佢既淡得來再加胡椒粉就奏出那種住家湯底味道, 有些少似雞粉湯味, 簡簡單單, 而一隻香而辣既胡椒粉好重要, 佢同奇香既胡椒粉就是又香又辣, 坊間好多餐室既胡椒粉都是無味, 落極都無胡椒味, 佢兩者既配搭係天作之合, 總之那種味道難以筆墨來形容.  再加上佢既通粉不是坑紋通粉, 而係最傳統既通粉, 這是較坑紋通煙UN.   今晚我食常餐$36有义燒通粉+厚多士+火腿炒蛋+飲品, 但始終不是燒味店, 义燒較乾無蜜汁味, 好彩有通粉+胡椒粉已令我好窩心.  今晚喉嚨痛無食烘底, 只要厚白方包.....唔烘底始終無咁香口, 不過記得上次來食早餐要烘底, 那件方包都不是烘到脆卜卜, 只是輕輕烘過, 食落去係UN UN地..... 上次食煎雙蛋, 令次試火腿鮮奶炒蛋, 原來係2片火腿+炒蛋, 是分開的, 炒蛋都

下課了，想找點輕食的朋友找來了這個懷舊餐廳聽說奄列蠻出名的厚厚多士，好好食入面有舊size 適中既牛油奄列唔止有主角火腿，仲有磨姑個蛋皮好soft又有蛋香ｄ餡仲好多基本上同澳ｘ既差唔多幾好食湯底雖然唔係好濃，但清清地都唔錯叉燒幾大舊，亦都好林身好香好濃滑真係好有懷舊冰室既味道總覺得飲出一點人情味有得坐卡位，仲正仲好ｆｅｅｌ呢～

12月15日, 以前d厚身炒蛋、豬潤麵都只可以喺九龍先見到, 但係續漸新式嘅懷舊feel茶餐廳喺港島區越開越多, 又係sell呢d野, 而呢間樂心都唔例外, 懷舊嘅裝修, 配光鮮嘅外表, 都幾多人食~::: 常餐 火腿炒蛋多士 + 叉燒通粉 + 凍奶茶 ::: $35火腿炒蛋多士賣相就如普遍新式懷舊茶餐廳一樣, 厚厚多士伴住兩塊三角火腿同滑蛋~ 不過塊多士就有d淋, 似係一早烘好, 火腿亦知係求其煎咗一邊算數… 炒蛋呢都叫滑嘅, 而且中間仲會有蛋汁, 不過但睇色水都同佢個味一樣係較淡, 普通啦.叉燒通粉呢用上清湯, 叉燒比較瘦, 就算浸住湯肉質都比較乾同韌, 但感覺上就無咁肥膩囉… 但食落都無乜味. 湯底就真係好清, 加埋個淡口叉燒同通粉整體都較清淡.凍奶茶都幾大杯~ 不過唔知係咪太多冰, 飲落好似唔多夠味…::: 炒蛋多士 + 茶走 ::: $25炒蛋多士以為有幾特別, 原來就只係一碟炒蛋加多士, 早知叫奄列好過… 炒蛋滑就滑, 不過味道好淡口, 食唔出蛋或者奶嗰d味, 迫住要加胡椒呀鹽咁去吊味… 多士都幾厚啦, 烘得燶燶地唔錯, 只係牛油搽得太馬虎…茶走嘅煉奶過多, 以致太甜, 搶

今天與女友在筲箕灣的君滬共晉午餐，可是在下沒有拍照，今天午餐不便寫下食評。用餐後便乘坐叮叮前往銅鑼灣，繼續今天行程。到了晚上六時多，饞餵妹說要回家，便送她回家，而在下亦返回銅鑼灣準備在下晚餐。走到了渣甸街的街尾，看到這樂心冰室，從門外看，似乎又是一間懷舊冰室，可是從門面看來，卻是很新淨，沒有被歲月蹉跎。進入餐廳，中間和兩邊都是卡座，而且中間位置卻是八人座位，牆上也掛滿了舊日香港風景照片，及有些以往用過的物品裝飾，而牆身亦用上了以前家居常用的磁磚。看過餐牌，在下並不太過肚餓，亦原本想點菠蘿油，可是全部售罄，在下唯有另點奶油脆脆豬仔包，而餐廳亦供應即磨咖啡，可是在下今早已喝過，不再點選，只是點選奶茶好了。上桌後的奶油脆脆豬，色澤呈現白色，沒有被烘燶過，而奶油則鋪滿了豬仔包的表面。當在下呷一口皂的時候，豬仔包是非常鬆脆的，可是奶油卻多了一點，而甜味也不太甜。至於奶茶，茶與奶的比例適中，未見奶蓋過茶味，屬於正常。這裡的服務都算殷勤，而且店舖光潔企理，像似是新開的茶記。

琴日約左個朋友去銅鑼灣食tea, 兩個人都未食lunch, 超肚餓，諗住求其搵間野，唔洗等位嘅，結果就入左呢個冰室。本人就幾鍾情冰室的，尤其常餐，貪有油多同湯意粉~~ 去咩冰室都會叫常餐。今次都唔例外。朋友就叫左魚腐米線。食物上餐時間頗快。讚。見到碟叉燒意粉有棵菜，本來好稱心滿意，誰知一叉團意粉入口，哇…煮到咁硬架，用門牙就切唔斷，用大牙先咬得斷，個湯就淡味的 (自問唔食濃味野，都接受唔到呢碟湯意粉可以整到咁無味…) 唯一可取係叉燒，軟硬度剛好。到左火腿+炒蛋+油多，唉，同樣的，炒蛋係無味，但慶幸無油'益'味，而且都幾滑，能入口。兩塊三角型火腿，煎得有點焦，無乜火腿味。油多士，唉，凍嘅，牛油一舊舊咁溶化唔到，好失望！仲要塊多士咬落口係韌的，脆都唔脆下，真係食得唔舒服！問朋友個魚腐米線點，佢話OK，我試左少少米線，有味過我碟意粉嚕。埋單時，朋友負擔畀錢，我響門口等，朋友出黎時就話收銀個女人唔係幾好老脾，好似話朋友畀少左錢，個女人就淨係話畀少左，又唔講畀少左咩錢，之後先話少左五蚊。朋友都來不及研究，即刻畀5蚊就走了。呢間野，唉，我個人就唔會再幫襯了，除非有日啲食物有改善啦。講真，去得呢類冰

黎到哩度食個早餐, 因為附近間牛牛餐廳執左笠, 仲要變埋酒店, fine老虎絞盡腦汁 lum 極都 lum 唔倒之下, 就黎左黎哩度食 breakfast好彩行快步, 我地都仲有卡位坐, 仲有大 LED 電視睇 (日本大牌, 好 dum 本) 新聞, not bad 餐廳裝修 OK, 走 retro 風格, 岩晒時下 D mud 都懶懷舊/集體回憶一餐既大朋友 我阿文哩 D 80 後就真係唔多岩喇 (人向前望加麻) 叫左兩份早餐, 2 奶茶 / 1 煎蛋 1 炒蛋 / 1 叉燒意粉 1 火腿通粉奶茶夠 thick 夠濃, 港式黎講幾唔錯! 炒蛋 average, 可以再滑 D, 甘就 good 了煎蛋 冇試 (老虎叫的, 我唔敢擅自食 )叉燒意粉 - 意粉偏硬, 超有咬口, 麻麻地, 叉燒還好 火腿通粉 - 幾好, 但都係 average, 冇特別好食收銀呀姐有點兇.. 唔洗甘急姐, 唔該都冇.. (但CWB 早餐黎講 - 價錢好平)

友人知我喜歡食常餐就帶左我黎呢到喇。叉燒通粉：E！搭左一條菜噃，比個讚佢。本身唔想食叉燒，因為通常跟餐既叉燒質素都係差，可惜無得轉，咁無計啦。但呢到個叉燒又幾好味BOR牛油多士， 火腿炒蛋：賣相唔錯，多士同火腿都烘得幾靚，見到炒蛋D蛋汁就覺得非常吸引， 快D食先。多士一咬落去，林既， 丁丁都唔脆＝＝失望...炒蛋就唔錯既， 幾嫩滑，不過就唔夠香喇