影片
食记 (6)
由细到大都住系田湾既街坊绝对唔会对老板嘅态度有咩投诉，呢啲就系街坊小店嘅特色「有性格」😂！喺田湾未有麦当劳之前呢间小食店（田湾人系唔会叫「乐富」系会叫「小食店」就知讲边间），绝对系食感情同童年回忆，而且你想点配搭食材都可以，即叫即煮快靓正，仲会有隐藏嘅餐单炒意粉！！！港式汉堡包绝对价性比高，个包系有烘过绝对唔系冻冰冰，开放式厨房你会见到佢制作过程！至爱意粉配黑椒汁，一定会选炸猪扒为其中一个配搭！
继续阅读
中午同老公又去咗乐富小食店，叫咗两个外卖，叫咗一个黑椒汁杂扒饭同福柠檬茶，另外一个就要咗黑椒汁双蛋猪扒饭，猪扒好入味，啲黑椒汁辣辣地好好味，搞到胃口好好，食晒！
继续阅读
见有食评话老板态度差其实可能系同佢唔熟因为系小店做街坊生意大家讲个信字有啲差几蚊都可以转头俾最钟意食佢地既三文字猪扒意/饭 因为佢地蕃茄味好好食好开胃猪扒炸得好 唔会太多炸粉平日收舖老板见倒我返屋企都会同我打招呼
继续阅读
呢间小食店系我其中一间至爱嘅食店, 冇套餐焗你饭嘢, 所以我每次都只会买一盒饭就算! 今日买咗个鸡髀饭, 其实十次有九次都系呢味, 只系有时会食杂扒饭, 讲返今日盒饭, 份量真系多到无得顶, 汁又多, 再加埋只大鸡髀.... 哇~~~~~ super 呀, 只髀大大只热辣辣, 个皮炸到脆卜卜, 一扯开D 鸡肉仲好多肉汁又嫩滑....再吃埋个黑椒汁饭, 人生大满足呀, 呢个黑椒汁唔系普通嘢, 试一啖就已经畀佢俘虏咗, 黑椒配鸡髀真系正!!!睇吓只髀几大, 真系食完大满足过去咩呀!!!!
继续阅读
我是由出世住在田湾到现在廿几年土生土长的原居民....乐富小食亦是由细细个唔够高俾$帮衬到现在可与老板面对面倾计...感触良多.....最终意哩度D猪扒, 炸得又香又脆又唔"UN"...猪扒包- 第一次食既猪扒包都系帮衬哩度, 由细细个卖$6到现在廿年后只加价$3, $9个猪扒包, 即叫即炸仲想点.......杂扒饭- 到今时今日只卖廿蚊的杂扒饭有火腿, 有肠仔, 有鸡蛋, 有鸡全翼, 有猪扒, 系边度揾.......冻柠茶- 味道不是很出色, 不过不失, 欣赏的是老板会帮你笃埋柠檬, 等你坐车饮时唔会"呢hea"(可能有人会唔钟意, 因为唔知你想要几酸)炸蛋- 炸鱼蛋, 哩味边度炸都唔死得, 只是坊间已少之又少了...的确男人老板系比较有性格, 尤其是星期三夜晚同星期日全日, 其余时间佢都好好人ga!! 女人老板就更加好人!!写哩篇食评, 并不是要为平反, 说实在, 老板也不自在.....只是抒发个人感受......食左廿几年, 除了味道, 还有感情....第时嫁左出去真系唔知点算..........
继续阅读