樂天經典

营业中

休息中

海南雞套餐油飯。這道菜是樂天經典的招牌，味道道地。雞肉鮮嫩多汁，搭配濃郁的雞油飯，口感豐富。餐點還附有搭配的醬料，增添了風味。這道菜讓我回味無窮，絕對是海南雞愛好者的不二之選。泰式空心菜，這是一道清爽又健康的菜餚。空心菜炒得恰到好處，保持了蔬菜的鮮嫩口感，配上泰式辣椒醬，增添了一抹辣味。這道菜的味道平衡，非常適合作為一道下飯菜。爆炒杏鮑菇是另一道我推薦的菜餚。杏鮑菇的口感鮮嫩，炒得恰到好處，保持了菇菇的原汁原味。配料搭配得恰到好處，增添了菜餚的層次感。這道菜的味道濃郁，可以滿足喜愛菇菇的食客。清心丸綠豆爽是一道清涼的甜點，非常適合結束一頓美食之旅。綠豆爽口感細膩滑順，甜度適中，清新怡人。這道甜點讓我感到舒爽，給予了整頓餐食的完美結尾。

表姐搬咗入將軍澳康城，榮升業主，今日放假入去探下佢，晚上表姐帶咗我落去行吓商場順便食埋飯，其中有間餐表姐食過話好正，今晚專程帶我嚟試吓！樂天經典係主打新加坡的南洋風味嘅餐廳，餐廳裝修十分時尚又有格調，座位寬敞舒適。星加坡海南雞半隻，新加坡海南雞出名嫩滑可口，全因經過上湯浸煮，再以冰水過冷河，皮薄爽滑，雞肉味道濃郁且已經去骨，方便享用。配合埋三種不同醬料，味道亦有不同。星馬金磚豆腐，金磚豆腐外層炸得酥脆，而且表層脆薄，並灑上了七味粉及椒鹽等調味料，一咬下去，裡面嫰滑而濕潤的豆腐充滿豆香，令人食不停口。蝦湯大蝦燜米粉，大蝦系列係樂天經典嘅招牌菜，用左新鮮大蝦再加慢火熬煮多個小時而成，雖然叫嘅係燜米粉無湯底，但都品嚐到成碟米粉好重鮮蝦味，因為米粉煮個陣已經吸收咗蝦濃湯，所以米粉食落爽口又鮮甜，重有兩隻大蝦同肉片，鮮味十足！古早魚香老鼠粉，熱辣辣用煲仔盛載上枱，一上檯侍應立即將煲上的生雞蛋和狗仔粉伴勻，睇到配料都好豐富，有碎肉、碎冬菇、椰菜花、蝦仁、蔥花等，濃郁的湯頭已帶有蝦味及香菇鮮味，狗仔粉鮮味爽口，侍應建議將另上的特色醬汁一同伴均勻食，令味道提升，但如果不喜愛鹹魚味就不好放入狗仔粉內。因

今日OT番黎想食餐好，就同屋企人黎呢度食番個開心晚餐!馬來海鮮麵平時食開喇沙，今日想轉下試新野就叫左呢個馬來海鮮麵，估唔到D料都幾足!有魚片、魷魚、蕃茄、蝦仁等等，甜甜酸酸好好味，麵質又彈牙，十分驚喜!香酥雞扒大大一件，又唔會好乾又唔會太油，食落香口沙拉排骨而家好少地方有沙拉骨，估唔到呢度可以食到咁經典既味道，排骨炸得香脆，撈埋沙律醬食真係大人細路都岩食!阿婆蕃茄炒蛋好家常既一味菜，但亦都難整得好食，呢度既炒蛋夠哂滑，加埋蕃茄既酸甜真係好好食，撈飯食一流!菜香鐵板豆腐每次必叫既菜香鐵板豆腐，叫S SIZE都已經好大份，有香濃醬汁又有肉碎，真係必叫之選!金銀蛋浸時蔬最後一定要叫番個菜食下~金銀蛋浸時蔬用上菠菜，食落冇渣，好味又健康!總括黎講呢間真係商場入面排名TOP 3之選!

康城食肆選擇不多 樂天經典開張後 每隔一段時間就會光顧 晚餐又有不同套餐 成為晚飯的定期選擇之一 自選四人套餐$888 包括兩個前菜 一樣蔬菜 一種燉湯 兩樣小炒 一碟飯麵 甜品 餐飲星馬金磚豆腐金磚豆腐大大伴 外脆內軟 脆皮調味剛剛好 上碟熱辣辣 十分香口 黃金魚皮邪惡的小食 每一塊魚皮都包裹住香濃的鹹蛋黃醬 加上九層塔同辣椒嘅香氣 味道更滋味 即使外層有鹹蛋黃醬 魚皮仍然十分脆身 令人忍不住食完又食 漁香茄子煲漁香茄子煲以鐵鍋上菜 熱辣辣 味道濃烈惹味 帶點辣 十分下飯干貝冬瓜排骨湯店員會協助分湯 燉湯清澈 但味道濃烈 每一口都是滿滿的干具鮮味同排骨的味道 味道比想像中出色  大馬甲必丹咖喱雞咖喱帶有濃濃椰汁香氣 第一口味道香甜 辣味慢慢會出來 雞肉嫩滑不會鞋口 配菜以菠蘿取代薯仔 令到咖喱帶有果香 可惜同行的朋友太飽了 所以沒有加點白飯 秘製燒汁排骨王排骨王啖啖肉 先炸後炒 味道十分濃郁 是每次必點的品項 蝦米魚子蝦球炒飯炒飯十分出色 粒粒分明 蝦味十分突出 啖啖海鮮香味 除了爽口嘅蝦球 再加上蔥花同蝦子 味道更香濃 口感更豐富 十分推薦清心綠豆爽韌中帶有彈性的透明清心丸 加上口

最近好忙碌 少左時間周圍搵好野食今日去康城買完野 去樂天經典食晚飯樂天經典雖然主打新加坡菜 但都有小小中菜菜式甘香啦啦用左咖哩葉、辣椒、叁芭醬等等既香料加上大火黎炒蜆！非常惹味可口, 鐘意食辣既可以夾埋辣椒絲食一流😋蜆肉夠肥美多汁金銀蛋浸時蔬菠菜用肉碎同高湯煮成, 吸哂湯頭既鮮味口感柔軟 加埋鹹蛋皮蛋 色香味俱全蝦味魚子蝦球炒飯呢個炒飯必叫!! D飯炒到粒粒分明 唔會油膩飯既口感好彈牙 加埋爽脆既魚子 口感好豐富成個飯都好有鑊氣!仲可以加$18 就叫到原價$32既蘋果荔枝凍茶

呢一間係值得推薦嘅餐廳主打南洋菜式 好有鑊氣餐廳嘅環境舒適為顧客提供咗愉悅嘅氛圍菜單上有多款食物供選擇🔸蝦味魚子蝦球炒飯 $78炒飯粒粒分明，口感彈牙，蝦味同魚子嘅香味融入其中。而蝦本身鮮甜彈牙，咬落去有一種爽脆嘅口感，同炒飯一齊食，令整個菜式更加正！🔸脆脆咕嚕肉 $98外層炸得金黃酥脆，一口咬落去，可以感受到個種脆皮嘅鬆脆感，內裡嘅肉質鮮嫩多汁。而且咕嚕肉嘅糖醋汁包裹住肉塊，增添咗一種酸甜嘅風味，令味道更加豐富。🔸秘製燒汁排骨王 $108排骨經過特別嘅烹調處理，肉質鮮嫩多汁，燒汁煮得濃郁香濃，包裹住排骨，帶出一種獨特嘅甜蜜味道。排骨本身帶有微微焦香，咬落去有一種脆嫩嘅口感，絕對係排骨控嘅最愛。🔸家鄉炒麵線 $63麵線炒得香口有彈性，每一根麵線都吸收咗醬汁嘅味道，好香濃，配合炒菜同調味料，帶出一種濃郁嘅家鄉風味！

Paradise Dinner Night with my lovely Mum💕..再忙都要好好同家人吃飯❤️。呢晚做完野返黎同媽咪去左食個新加坡菜🥢，惹味又近似中菜口味我愛🥳！ 東南亞特色就係運用新鮮食材 & 辛香料等樁搗調成稠糊配料，一種獨特風味。而叁芭醬係日常餐桌必備佐餐沾醬，可直接生食或過油爆炒，係家常必備醬料之一，亦係SG 菜不能缺少喔！🔸甘香啦啦 $118Stir-fried La-la in Spicy Sauce其實係炒蜆😆！非常經典口味，用咖喱葉、蝦米、小辣椒 & 叁芭醬等香料食材自家調制既醬料烹調，帶出食材本身鮮味。大火炒出海鮮甜味，辛辣芬芳，濃郁美味獨一無二，又顯鮮味。🔸酸甜生魚片 $123Sweet and Sour Sliced Fish每片都厚肉鮮彈，先走油再用上酸甜醬汁包封，配上其他配料同炒，同樣很好下飯呢😍。🔸秘製燒汁排骨壓 $108Imperial Pork Rib排骨扒啖啖肉，岩晒食肉獸，同樣炸香後加上秘製燒汁兜炒，味道香濃又滿有肉香，款款菜式都用心製作，是吃得出廚師的用心呢 讚喔！飯筒既我當然不少得白飯🍚 $15 each，我可以吃2碗😆 哈哈哈！

星期四晚同屋企人嚟到位於康城嘅樂天經典食晚餐。食物嘅款式都幾多，除咗有主打嘅新加坡菜，都有一啲中式嘅菜式，另外仲有一啲優惠套餐。🍴新加坡海南雞($138/半隻)海南雞份量十足😆雞肉幾嫩滑，雞皮爽口👄點埋三色醬， 味道更豐富👅🍴雞油飯($18)食海南雞點少得雞油飯💁🏻‍♀️雞油飯色澤幾黃，食到有油香👅唔會好膩，而且飯夠乾身，煙靭有咬口👍🏻🍴清燉土雞湯($148)土雞湯有3-5人嘅份量，用瓦煲裝住所以個湯好夠熱🔥個湯幾足料，有土雞🐓豬肉🐖同人參，清甜滋潤😋🍴椰汁西米湯圓($18)湯圓係黑芝麻湯圓，黑芝麻餡流心，味道濃郁👅唔會太甜👌🏻配香滑既椰汁同西米，味道幾夾，唔錯🤤

椒鹽香酥鮮淮山 $68唔係咁多地方可以食到炸淮山，椒鹽味好香，淮山炸完仍然口感爽脆。脆枝蝦醬雞中翅 $103(s)本身諗住叫細份當小食，點止一上碟就有好多隻，仲要隻隻都係咁大隻。雞翼既蝦醬味道非常濃，外皮又脆，好食。馬來風光 $83(s)非常濃味，而且都辣，通菜炒完仍然爽口，十分惹味。蝦湯大蝦燜米粉 $83(s)米粉索哂蝦湯既鮮味，非常濃厚，兩隻蝦大大隻，爽口彈牙，十分有馬來風味。海鮮馬來麵 $83(s)醬汁酸酸甜甜，有少少辣，幾開胃，上面仲有豬肉片，魚同蝦，配料都幾足。

地址－樂天經典 Paradise Classic將軍澳康城路1號The LOHAS康城4樓415A號舖💋喇沙湯海鮮米線，呢個湯米線真係不得了，據講係用上大蝦同埋多種香料長時間熬製而成，唔怪得濃到呢個地步，首先呷一呷個湯底先，湯底椰香味濃郁，3濃而不會過鹹，配上米線，掛湯能力唔錯，而佢配料都唔少，分別有魚肉，蟹柳，豆卜，大蝦同埋溏心蛋，份量都好大件，唔錯。💋海南雞套餐(配油飯)，師傅好貼心地預先將佢起左骨，啖啖肉食得好過癮，而且肉質嫩滑同彈牙，配埋佢附上的三款海南雞醬料，各有特色，而不得不提佢個油飯油香充沛，但油而不膩，最後飲返碗冬瓜湯作結，成個餐食得好滿足。💋大馬甲必丹咖哩雞，估唔到佢D雞好大件喎，配上香料味出眾的咖哩汁，煮得好入味，可惜的係我地都飽晒，否貼都一定要叫碗白飯，如果有埋白飯的加持，體驗一定會更好。💋脆皮蝦醬雞中翅，我地落ORDER時以為係小食，但估唔到上到菜後見到數量之多，足足有 8隻，仲要隻隻雞翼成隻手掌咁大，好驚訝，而佢上碟後放左一陣都仲出緊煙，佢食落D皮勁脆，而肉質又好嫩滑喎，佢個蝦醬唔會話過鹹，恰到好處。

今日放老婆一日假唔駛佢煮飯，就落商場試下呢間開左都一段時間既餐廳!喇沙海鮮米線材料有蝦、魚肉、蟹柳、豆卜等，食喇沙我就最重視個湯底，之前食過一間望落好似好濃味但點知食落勁淡口，果次勁失望!呢度既喇沙就好好，湯底同佢賣相一樣咁濃郁!椰漿落既份量剛好食落好惹味~米線就算浸耐左都唔會好林~唔錯!蝦味魚子蝦球炒飯有得揀SML SIZE，兩個人我就問店員S夠唔夠食，店員好好答話S都有2,3碗實夠食~黎到份量俾我想像多~而且味道好好，炒得又夠乾身~蝦球新鮮爽口，呢個炒飯超抵!菜香鐵板豆腐S SIZE既菜香鐵板豆腐份量都唔細，除左豆腐仲有大量肉碎，底層仲有蛋皮所以好香好有口感，用黎撈飯食一流!金銀蛋浸時蔬每餐都要食D菜，今日既時蔬係菠菜~岩哂我~又健康又好食!4樣野食左400蚊都唔駛~樓下就有D咁正既野食真係好開心~

今晚同屋企人想食小菜，見到屋企附近開左間樂天，平時食小籠包就食多，今次試下樂天經典🐥係新加坡風味🐵同埋都有中式小菜☺️餐廳坐得好舒服😆夠闊落☺️🌸蝦味魚子蝦球炒飯，炒飯好香蝦鮮味，入面有大大隻嘅鮮蝦🥳同埋加埋魚子，口感有層次😋🌸手刴馬蹄鹹蛋蒸肉餅，本身肉餅已經有調味，所以唔洗額外加豉油，肉餅唔會太多肥肉，馬蹄粒粒提升口感😍🌸脆脆咕嚕肉，咕嚕肉香脆，唔太油，加埋酸酸甜甜嘅醬汁好開胃🫶🏻🌸香芹雲耳炒山藥，山藥口感爽脆配合香芹同雲耳一齊食☺️好清新，夏天食岩岩好😍🌸馬來拉茶，夠香濃☺️本身已經有甜味，口感香滑👍🏻

對於外出食中菜 如果係突如其來想食兩個人有時都唔知食邊間好《樂天皇朝》係一個好選擇有兩個地方真係好值得讚第一 就係佢地嘅菜色都有大中細份可以選擇兩個人食 叫細size 叫3個餸share非常夠飽又可以食多款想食嘅就算好似我地 大食鬼食4個餸更加開心第二就係 佢地嘅餸菜以係出街食黎講我覺得鹹度同油膩程度都唔會過份好多時都剛剛好 感覺係外食中算無咁唔健康嘅Menu上亦都有多款中菜、湯品和主食選擇亦都有期間限定嘅特色菜 最近就做緊星洲蟹宴 啱哂鍾意食辣蟹嘅人士經常食都唔怕悶 啱哂今晚唔想煮飯嘅一家人🥢甘香啦啦👉🏻新加坡南洋必嚐美食 粒粒蜆肉都漲卜卜夠鮮嫰🥢砂鍋豆腐蝦👉🏻砂鍋豆腐好正 個豆腐真係好滑 雖然係細size 但份量一啲都唔細🥢漁香茄子煲👉🏻中菜必點漁香茄子 送飯一流🥢金銀蛋浸時蔬👉🏻金銀蛋浸菠菜 味道唔會好鹹好濃味 .

🉐主食可選份量🉐裝修新淨，環境舒適🉐招牌蝦湯熬煮6小時有時去開東九龍嗰頭都會鍾意入康城食飯，因為商場比較新，餐廳環境都比較好，而 今次就去咗食樂天經典。〈蝦湯鮮蝦泡飯〉🦐🍲湯底係經過慢火熬煮6小時而成既超濃郁鮮蝦湯底，帶出淡淡的鹹味，再配有鮮蝦同蜆肉，海鮮味更突出。鮮蝦肉質彈牙，蜆肉好大隻完全冇沙，亦都好鮮甜。〈馬來海鮮麵〉🍝味道酸酸甜甜，亦都帶有少少辣味，所以成個麵係好惹味，配料有豬肉片、魚片、鮮蝦。〈黃金魚皮〉🍳🐠每塊魚皮都沾上滿滿嘅鹹蛋黃醬，魚皮亦都炸到超脆口，一食真係停唔到口。〈金銀蛋浸時蔬〉🥚🥗個湯底用咗大量肉碎、鹹蛋黃同皮蛋去煮，再配上菠菜，清甜得黎又健康。〈凍檸檬薏米水〉🍋 〈凍豆漿〉🥛好開心佢個薏米水可以走薏米，可以放心咁大大啖飲🤣凍豆漿係無糖，完全冇負擔。#樂天經典 #星洲黑胡椒蟹

有些地方你未必喜歡去旅遊，但是會喜歡那地方的美食，講既係新加坡。今次來到日出康城食樂天經典。唔同樂天皇朝，樂天經典是品新加坡菜，不是點心。今次分享下四道菜的味道:馬來海鮮麵微辣的湯底，配以鮮嫩多汁的海鮮和彈牙的面條，帶有椰子的香甜味道，你可以感受到它們的鮮美和彈性。黃金魚皮魚皮金黃酥脆，外層酥脆內裡鮮嫩，每一口都讓人愛不釋口，香濃的鹹蛋黃味，帶來了一種獨特的口感，令人吃不停口拒！砂鍋豆腐蝦這道菜結合了豆腐和新鮮的蝦子，用砂鍋悶煮而成。豆腐嫩滑細膩，入口即化，與蝦子的鮮甜完美融合。香芹雲耳炒山藥以新鮮的香芹和鮮嫩的雲耳為主要材料，加入了炒山藥提升口感。香芹的清新與雲耳的彈牙結合在一起，山藥的爽脆口感為整道菜增加了豐富的層次感，健康又好吃！整體而言，環境舒適，食物滋味出色，舌尖想再遊！