樂天皇朝 (利舞臺廣場) (已搬遷) 新店位置

繼上星期食唔到生煎王，今天就找到呢間樂天，係因為老細近排經常話恨食紅油抄手...六点來到大把位，点左六樣嘢，前菜的炆花生甚為特别，給我一個好印像了.... 先來個担担麵，唔明典解点左咁多味係要上麵点先，應該留後先上! 講番個麵，好食! 麵身軟硬度啱啱好，而湯味麻而不辣，也是恰到好處! 第二個是紅油抄手，我試左一粒，其餘的我老細很快就倒哂入口冇剩，佢話好好食，我就覺得可以，畢竟唔係我喜愛的，臨尾佢仲安哥多一碟添!再來就是肉碎四季豆，okay 佢個名轉了不是干遍，所以豆沒有煮得干身... 而家食過好多間都煮得唔夠乾身，可能已經失傳了，呢碟雖然唔乾身，但味道係好味的... 然後分別上了生煎包及春卷，生煎包好得! 包身軟綿綿但底部又香脆，內裡肉汁鮮味! 至於春卷就可以合格但沒有驚喜!最後到主角出場，八色小籠包是這店的招牌主打，八種顏色八種口味，分别是原味，蒜香，松露，鵝肝，芝士，蟹王，人蔘及川味! 我選第一粒鵝肝吃，夾起來便穿了，湯汁漏在籠裡白布上，皮實在太薄，捻在布上不易夾起，要非常小心夾，但為何不放一小片薄薄的甘笋在底？ 不夠細心便要扣分了! 而味道大至上都各有各淡淡的味道，還好!兩個人埋

疫情嚴重，為何其中一位服務員只假裝戴上口罩？我清𥇦看到他的兩個鼻孔。問及有關午市套餐的問題，該名服務員非常猶疑，只不斷重複説「會員才可以、會員才可以。」直至本人以較重語氣再問：「那我立刻成為會員，是否便可以點午市套餐？」那服務員才認真回答。

每次一提起樂天皇朝總會想起八色小籠包，今次又再重臨銅鑼灣分店吃晚飯。面積廣闊，卡位寬敞舒適，裝潢氣派非凡，散發中式懷舊的東方韻味，卻又不落俗套。茶錢每位 $8，前菜收費為$15一碟。餐牌選擇繁多，看得我也眼花瞭亂 @@特色皇朝小籠包 (八色) $118色彩繽紛悅目，白色為原味、綠色為人參、淺褐色為鵝肝、黑色為黑松露、黃色為芝士、橙色為蟹粉、灰色為蒜香及紅色為麻辣。外皮顏色以天然食材調校，不含人造色素，味道要由淡吃到濃，外皮雖然略厚了一點，不過內裡餡肉保持濕潤，鮮美多汁。個人心水推介為黑松露小籠包，配搭矜貴，黑松露香氣尤其馥郁。芝士半融於肉餡中，將拉絲芝士加上濃郁湯汁，中西合璧，芝味無窮。刀切小饅頭 (炸) $28又是我最愛的炸饅頭 *v* 造型趣緻之餘，金黃色澤極之誘人，入口更加酥脆。包子熱得燙口，口感外脆內軟，饅頭質地軟綿柔韌，油份不會過多，點上煉奶，讓味蕾也感受小確幸。松子鮮果桂魚 $238將酸甜醬汁與炸酥的松鼠魚相搭配，形神俱備。糖醋醬汁色澤艷麗，伴以菠蘿等雜果，開胃怡人，酸甜可口，叫人食指大動 。略嫌醬汁份量太多，令魚肉外皮未夠酥脆，不過伴以酸甜開胃的糖醋汁，即時令人胃口一醒，

📍 樂天皇朝呢排因為work from home既安排，都冇乜約到閨蜜👭出嚟食飯傾下計。難得今晚大家都約到，就去咗利舞臺嘅樂天皇朝歎下上海菜-原味小籠包 $108必點之一，黎到樂天冇理由唔食小籠包。識食一定係食原味，咁先食得出水準。叫左十隻，皮薄餡靚，湯熱辣辣，味道清甜，兩個人好快就食曬-清炒蝦仁$138蝦肉新鮮，好爽口，個芡唔傑，食落幾清，兩個人食份量啱啱好-糖醋魚塊 $90酸味適中，魚塊外層炸得酥脆，大小均一，唔會炸到好乾，配上菠蘿紅椒洋蔥，口感爽脆。-楊洲炒飯 $85有鑊氣，飯炒到粒粒分明，有我最鍾意既炒蛋同蝦仁係入面，完全有偷工減料，兩個人都食唔曬要打包添-酒釀丸子$36丸子好煙韌，加埋淡淡嘅酒味同桂花味。食落酸酸甜甜，食完正餐好飽，叫嚟做甜品啱啱好!-地址： 銅鑼灣波斯富街99號利舞臺廣場6樓

好耐冇同媽媽食飯今晚特登搵一間感覺上應該唔會太逼嘅餐廳 ，因為最近疫情嘅影響，環境非常之好我哋嘅隔離就係一條小溪咁樣嘅小池,基本上每一間有四季豆嘅餐廳我都一定會食四季豆，呢間做得唔錯佢有啲肉碎而且嗰個四季豆唔會太淡亦都未去到話太油膩呢一個鴨佢用煙燻嘅方法去整都幾香酸菜魚與冇咩骨份量都幾大盤值得讚嘅係蟹粉炒飯，蟹粉嘅分量充足配埋一啲鹹蛋黃令蟹嘅味道更加突出，而且份量少飯粒亦都唔會因為蟹粉嘅汁太多而變到太淋。豆沙鍋餅水準都唔錯總括嚟講水準同我之前食嘅都差唔多我最推介嘅應該會係蟹粉炒飯

最近見好多foodie post呢個七彩小籠包搞到我心思思想食添😝 今次去咗銅鑼灣分店 貪嗰度地方夠大座位又夠闊落 店內中間個長長水池位好矚目 係一個打卡熱點嚟㗎⠀⠀▫️特色皇朝小籠包 (HKD118)一客有八件唔同味道嘅小籠包 除咗原味之外 仲有人蔘 鵝肝 黑松露 芝士 蟹粉 蒜香 川味 餐牌內有張卡紙教你正確食法 要由原味開始食先品嚐到每款小籠包獨特嘅味道 我最喜歡嘅味道係鵝肝同埋川味😋 充滿香味而味道又濃厚嘅小籠包唔係成日都食到 所以印象比較深刻⠀⠀▫️竹炭流沙包 (HKD42/ 3件)黑色嘅包賣相可能不被討好😂 不過內餡係熱辣辣嘅流心奶黃 味道搭夠就得啦😂😂⠀⠀▫️撈拌海中寶 (HKD85)算係一個唔錯嘅前菜 有海蜇 蝦 魷魚 味道又酸又辣 夠晒開胃醒神⠀⠀▫️糖醋魚片 (HKD90)酸酸甜甜嘅菜式一直都係J先生嘅至愛😂每件魚片都大大件 J先生食得津津有味呢⠀⠀甜品我哋叫咗兩款👇🏻▫️宮廷驢打滾 (HKD45)▫️香煎豆沙鍋餅(HKD55)我覺得宮廷驢打滾呢個甜品係必叫嘅外皮係糯米粉中間包住紅色嘅餡係紅豆蓉 再灑上花生碎 口感軟腍 甜度適中 係一份幾特別嘅甜品 一試無妨

對上一次黎銅鑼灣利舞臺呢間樂天皇朝已經係差不多1年前，因為屋企附近將軍澳中心開左分店，所以我地經常都係將軍澳分店食。今日趁同老婆都OT，收工後約埋係利舞臺樂天皇朝食完再返歸。😗利舞臺樂天皇朝店內空間好寬闊，裝修古典高雅，加上樓底好高，感覺貴氣之餘亦十分舒適。我地點左每次黎都必食嘅小籠包，燉雞湯，加上幾款小菜，兩個人share，相當豐富。😁招牌原味小籠包 $62樂天皇朝嘅小籠包外皮非常薄，餡料肉汁豐富，配上薑絲香醋，一口一件，非常滋味。😋清燉雞湯 $62雞湯鮮雞味十分濃郁，唔會太咸，入口味道清澈，配料亦好多。👍菠蘿咕嚕肉 $92咕嚕肉酸味適中，外層酥脆，豬肉唔會太肥，口感爽滑，配上香甜菠蘿，油而不膩。😍蟹粉豆腐 $128蟹粉混入好多蟹肉，味道非常鮮甜濃厚，配上滑溜豆腐，味道層次豐富。👍薑汁炒芥蘭 $65芥蘭粗身爽甜，菜業細嫩，味道唔錯。桃膠紅棗桂圓湯 $42最後品嚐呢款養顏桃膠紅棗桂圓湯，非常完滿。🥰

通常我晚餐都好少食中菜，但一班老朋友（大家都有咁上下年紀）聚下又傾下，通常中餐會比較好。朋友就選左位於銅鑼灣利舞臺既～樂天皇朝食上海野。因為疫情比較嚴重，都少左人出街食飯，好多食肆都推出各款優惠，而樂天皇朝就推出左星期一至五半價優惠，真係非常之抵食。餐廳方面仲會為客人量體溫和比酒精搓手液清潔雙手，呢點值得比個入座無幾耐都開始點餸，可能因為半價關係，我地都非常之手鬆咁點首先叫左羅漢果茶和檸檬蘆薈桂花蜜，我就覺得非常之清甜喇跟住點左一客李白醉雞、上海清炒蝦仁、清炒白菜苗、原味小籠包、清燉雞湯拉麵、鮮蝦炒手拉麵、豬骨湯年糕同埋桃膠桂圓湯當中令我最深刻係個李白醉雞，肉質真係樂嫩滑，酒味香純，一試難忘、仲有個鮮蝦炒手拉麵，D蝦粒粒都炒到精瑩通透、賣相都好靚、最後要讚一讚個桃膠桂圓湯，除左色澤靚外真係好滋潤女士們記等唔好錯過。我地3個成年人，食左咁多野埋單都只不過唔使$500即係每人都係$160左右，真係要再搵一黎再試下其他菜式

每次想食小籠包 都會諗起樂天皇朝😚 今晚就去咗銅鑼灣利舞臺分店食 門外會有店員幫你量體溫噴消毒搓手液👍🏻每次嚟到都心大心細唔知食乜嘢好 因為實在有太多選擇 但係可以肯定既係一定會叫特色皇朝小籠包 一次過可以試哂8款口味既小籠包👻8款口味分別係原味 蒜香 人蔘 鵝肝 川味 芝士 蟹粉 黑松露 每一粒小籠包都足25g 包住滿滿既湯汁真係好好食😋 佢地既皮好夠薄 我地最鐘意食原味 蟹粉同川味啦😚除左小籠包 我地仲叫左撈拌海中寶 椒鹽小黃魚 上海風味醬鴨 蝦仁酸辣湯 上海炒年糕🤤 撈拌海中寶入面係海蜇 蝦 青瓜絲等材料 海蜇非常爽口 酸酸地好開胃😋 椒鹽小黃魚絕對係驚喜之作😱 外皮炸得香脆 肉質嫩滑無比 配上剛剛好既椒鹽調味 真係非常推介要試🤩 上海風味醬鴨係醃制過既 味道比較濃同肉質會實d 有點像臘鴨 帶少少甜味都幾好食架😋 蝦仁酸辣湯對我泥講就偏辣 不過好足料 襯熱飲好開胃架😉 上海炒年糕店員會好貼心咁問你有無需要少鹹 我地就揀左正常鹹度 都唔會覺得過鹹 年糕口感煙韌 加上肉絲同菜好快就食哂😛甜品方面我地就揀左宮廷驢打滾 黃豆粉配上糯米皮同紅豆蓉 甜度適中 糯米皮非常煙韌 食完完全唔覺得膩

嚟銅鑼灣又會想食上海菜，今日下午茶就揀樂天皇朝，皆因平日tea time五折超抵食。必點八色招牌小籠包，每色不同口味，魚片好滑好鮮味。酸辣湯一人一盅，好醒胃。加埋碟蟹粉炒飯...好滿足。餐廳環境夠大好寬敞，坐得好舒適呢👍🏻下次要帶哂屋企人嚟食晚飯先。

舊同學喺澳洲返嚟，相約銅鑼灣行街食飯，佢話好耐未食過正宗京川菜，又想打卡留念，我哋就嚟咗利舞臺嘅樂天皇朝！餐廳裝修充滿中國古代宮廷特色，掛上龍袍、壁畫、通花圖騰木屏風，中庭設有 夜光蓮花水池，莊嚴宏偉，氣派萬千。置身其中，猶如穿越時空回到古代皇朝，滿足曬我哋嘅打卡慾望！松子鮮果桂花魚原條桂花魚起骨脆炸，上碟擺盤吸引，外脆內嫩香口鬆化，配合菠蘿粒酸甜醬汁，醒胃增食慾，灑上松子加添層次口感!皇朝小籠包 (八色)王牌招牌菜 有原味、鵝肝、人參、黑松露 芝士、蟹粉、蒜香和麻辣八種口味。外皮用天然素材調色，每顆堅持用薄皮十八摺為標準。鵝肝散發油脂金香，黑松露味濃鬱突出，麻辣鮮辣而不嗆口。各具特色!沙拉排骨沙拉醬撈得勻循，調味適中，酸酸甜甜十分醒胃。排骨採用豬扒部位，脂肪較少肉質鮮嫩鬆軟，入口即化。啖啖肉大快朵頤!四川辣子雞川辣味濃，非常突出，辣度有回甘而不嗆口，愈食愈辣十分過癮！雞丁混合粉團脆炸，乾身唔油膩，有嚼口和飽足感!

雖然疫病蔓延，四處都是愁雲慘霧，外出食飯嘅時候，更要選擇好餐廳，畢竟可以外出既次數並唔多。今次我同朋友打算試試哩個小籠包，入去既時候，店員會先幫我地測體溫和酒精潔手，令人感到安心。入到店內，餐廳既座位安排唔會太逼，唔同檯之間有一定距離，感覺感覺企理，都食得頗安心。肉碎乾煸四季豆 & 撈拌海中寶海中寶係前菜，蒜粒同醋調味得啱啱好，酸酸地開胃又香口，推薦四季豆幾惹味，口感剛好，唔會太硬或者軟成都口水雞一上枱，感覺好精緻，份量不大，但我哋兩個人就啱好。雞肉幾嫩滑，唔會好辣，亦唔怕咸，感覺比較健康，覺得有按香港人口味調整咗楊州糟溜滑魚片魚肉鮮滑，又唔會腥，我怕食魚都覺得唔錯主角出場～枱上有menu介紹按順序食小籠包，同埋介紹各種包。講真一定要趁熱食，啲包都真係皮薄餡靚，即使皮薄，都唔會係夾嘅時候整爆，都幾好。當中，我比較鍾意嘅係一啲特別嘅口味。例如紅色嘅川味小籠包，我覺得唔會話好辣，但係食到有花椒嘅味道，川菜嘅感覺就出晒嚟。仲有芝士小籠包，鍾意食芝士嘅朋友，食到一定好開心。雖然得兩個人食，但好快就點到成枱野竹炭流沙包包餡真係熱辣辣咁流緊出嚟，真係好好味酒釀丸子朋友真係好鍾意佢哋嘅出品，就算係飽

上海菜食得多，呢間係我食過覺得最好吃，坐得最舒適嘅一間👍🏻先講下...平日推出了五折優惠，超抵食。可以好盡情地吃😋食物方面好多選擇，今次大多數試啲唔係四圍食到嘅菜式，強烈推介皇朝小籠包，八款口味，賣相好靚。竹筒剁椒魚片，一筒有好多片，魚肉滑溜溜，配上剁椒好好食。蟹粉炒飯，濃郁嘅蟹肉，好鮮味，同粉飯好夾。竹炭流沙包，超級好食，熱辣辣，大量流沙湧出來。宮廷驢打滾，呢個甜品唔係每間餐廳都有，好軟滑，夾著荳沙蓉，又唔會好甜。店員服務好貼心，環境好舒適，以後食上海菜嘅首選一定係樂天皇朝👍🏻

曾經去過樂天王朝的尖沙咀分店，覺得食物質素很好和價錢適中，所以今天晚上便來到了銅鑼灣的分店。想不到這裏的裝修古典，環境一流，氣派十足，還沒被安排坐在水蓮燈旁吃飯，感覺高雅。正宗重慶水煮魚$198，魚片是用生魚製成的，肉質嫩滑，水煮的辣勁十足，雖然是小辣，已經吃到辣椒和香料的味道，是十分濃郁的，無論味道和做法，比正宗的四川菜館，還要好吃。配料有芽菜、豆皮、木耳及薯粉，其中以薯粉的份量最為十足，爽口彈牙。如果生魚片的份量，再多一點，就更加美好。雪菜肉絲豬骨湯拉麵$65，配料有木耳、海帶和筍絲。雪菜味道不是很濃，但海帶的味道，就十分強烈，湯底味道鮮甜，麵質帶點嚼勁，算是上海菜的另一種做法。李白醉雞$85，雞肉肉質鮮嫩，花雕酒的香味濃郁，滲入雞肉內，令到雞肉味道，除了酒香之外，還帶點甜味，絕對是稱得上極度美味的醉雞。清燉雞湯$62位，熱騰騰的雞湯，味道鮮甜，絕對沒有味精的味道，值得推介。宮廷驢打滾3粒$45，以糯米製成的甜品，甜度適中，煙煙靭靭， 十分正宗。檸檬蘆薈桂花蜜$28位，原來這是凍涼的甜點。檸檬的香味，混合了桂花的花香，加上蘆薈的滋潤，絕對是一個新穎又好味的甜品。

幾中意食呢間既小籠包同小菜.皇朝小籠包 $118唔想淨係食原味，可以叫呢個1 set 8款味道嘅皇朝小籠包，顏色吸引，有原味、人蔘、鵝肝、黑松露、芝士、蟹粉、蒜香，川味，我最中意係鵝肝同黑松露味，味道突出之餘，肉汁都幾多，小籠包一定要趁熱食，如果唔係凍咗就會痴底，變得難夾起香辣蒜泥白肉 $75蒜泥咸咸香香，仲帶點微辣，五花肉卷住青瓜絲，惹味而開胃.肉碎乾煸四季豆 $85味道正正常常，醬汁唔算太咸，而且都炒得幾香.四川辣子雞丁每次同事都好中意叫呢個，令我漸漸愛試上，雞粒金黃香脆，撈住好多既辣椒乾，我覺得越食越辣，但怕辣又要繼續食～.三絲春卷 $42幾香脆，但就餡料少咗少少.鮮蝦雲吞豬骨湯 $68豬骨湯鮮味濃郁，鮮蝦雲吞皮薄餡都幾多，想食清少少就可以叫呢個～.宮廷驢打滾 $42一定要食埋甜品😆😆😆糯米粉團軟糯清涼，沾滿黃豆粉，香氣十足，中間嘅紅豆蓉亦都唔太甜