樂天冰室 (香港紗廠工業大廈)

营业中

休息中

通常晚餐唔太餓食唔落成大碟飯就會想去食茶餐廳既常餐，今次經過見到呢間冰室都好多人食就入去試吓難得常餐有瑞士雞翼撈公仔麵就即刻叫咗，雞翼雖然細隻咗啲但好入味，特別係丹麥多士好好味👍🏻炒蛋亦炒得好滑，下次都會再幫襯！

上班在這裡附近荔枝角本身都有很多小店都不錯這家冰室剛開沒有多久 都吸引不少顧客新鮮出爐麵包 不定時供應讓附近的人都會排隊去買其實也是我心頭好之一.雙重芝士包麵包體是很有回彈力 所以愈嚼愈香 麵包體内層有芝士 味道香濃外表芝士層已經有灸燒效果.吉士包麵包體質地很軟 回彈力不強麵包偏濕軟 本身帶有甜度不是那種很有嚼勁的吉士醬微微有點散開甜度微高 不過搭配麵包體還好

老實講野食環境幾好都冇用，唯一敗北就係一班員工既態度。由落單開始嗰位黑框四眼哥哥態度就好似審犯咁，心諗算啦我哋嚟茶餐廳姐，主要睇食物同環境。老實講，呢兩樣野樂天都算中上，要讚下嗰廚房👍🏻問題就發生响我追加既一件蛋撻，話說食完嗰扒餐見仲有啲餓，追加左一隻蛋撻，等左廿分鐘都冇嚟，就問下啦，跟住嗰阿姐氣衝衝走嚟話「邊嗰落單㗎，話左冇㗎啦！」我心諗冇咪吾食，真係好閒，咁吾該張單扣返嗰蛋撻，點知單一去冇回頭，坐左10分鐘，我就起身走人問可吾以比返張單我埋單。起初冇人理我，跟住有嗰阿姐問我「幾位」，我就好大聲講「我要返張單走人」，跟住嗰個黑框四眼哥哥就比我啦。咁我走啦，本來故事就咁完，我都完全冇野。問題就係嗰個四眼哥哥等我轉身走左後細細聲講：幾秒咋喎！我就火都嚟啦，我話我坐咗响度等左好耐啦！最後因為帶住細路仔我收返團火。老實講食茶餐，我吾會期望5星級態度，但絕對吾係嚟受氣。客係會一傳十，十傳百。仲有好奇怪佢哋只係收cash，小心帶吾夠錢又比人鬧。Overall food, deco are all good, high standard with reasonable price.Just the

聽同事講樂天冰室食物味道唔錯，於是今天返工前去試試，他們的早餐，大概七點左右離遠見到佢哋開閘，坐低樓面姐姐落完單（我點的是餐肉腸仔公仔麵），就喺櫃桶自行拿取餐具，在抺餐具時竟然發覺支羹的手感怪怪哋，於是一望竟然發覺支羹上有經已乾透的污漬，相信是洗唔乾淨的污穢，真的是非常惡心！食物味道的覺唔錯，只是杯凍奶茶飲完仍然有半杯冰，足見冰多過茶！職員的服務態度在茶餐廳嚟講算係唔錯。如改善餐具衛生及凍飲的冰量算係唔錯嘅餐廳。

因為午餐食得唔飽，諗住叫啲野填下肚，所以就簡單嗌個西多食！杯凍檸茶唔錯，外賣拎到上嚟飲都OK夠凍！跟住就係西多士，第一次試呢間，感覺同普通茶餐廳差唔多，正正常常。

雖然三點幾係下午茶時段，但最後揀左「樂天冰室」黎食，因為實在太肚餓。依間「樂天冰室」應該係我見過既冰室入面最大間，同埋基本上間野都係客似雲來。樓面大客多既關係，伙記都其他冰室/茶餐廳既多，所以叫落單好快有人黎。其實依間「樂天冰室」之前已經食過幾次，但佢既「泰式無骨海南雞飯」以冰室黎講我覺得好好食，所以今次都係叫左依個海南雞飯，再加左個「酥皮叉燒包」。「酥皮叉燒包」：😉😉雖然叉燒包個味係唔錯，醬汁都好足夠，包都好軟熟，但係個包今次實在太油，油到成個包底都係黃色油，個皮都唔夠脆😓「泰式無骨海南雞飯」：😉😉😉😉😉雞既份量足夠，有雞髀位又有雞胸。今次我無加$5轉油飯，因為自己幾中意依間既白飯夠乾身，同埋個醬酸酸辣辣好開胃，撈白飯已經夠食。個人評分（滿分為5）味道：😉😉😉😉環境：😉😉😉員工友善度：😉😉😉CP值：😉😉😉😉

見佢新開裝修幾靚諗住試吓新嘢裝修靚但係衛生好差❌枱面同櫈都有上一手啲汁同飯😅好似無抹過咁叫左個晚餐西冷牛扒蕃茄意粉未食其實已經見到個蕃茄汁非常少❌仲要得幾粒蕃茄碎牛扒有兩塊，幾令我意外但係面頭嗰塊薄過張紙而且下面嗰塊係完全冇汁❌再食埋個意粉先係最大鑊一朕滾水淥意粉嘅膠味❌完全係汁還汁意粉還意粉好明顯係烚熟晒啲嘢放晒上碟之後面頭淋啲汁(仲要唔夠)敷衍下冇汁嘅位完全冇味，但係汁又唔夠❌白湯餐湯冇影但係都係極求其冇料肚餓都完全食唔曬個餐最後上網睇返先知原來呢間野前身係紅磡冰室只係改咗名😅😅😅唔怪之得咁難食

呢間餐廳每日lunch time 出面都會見到有一條人龍，風雨不改😮你以為要排好耐？佢入面其實好大，每次一入就幾十個，所以同事戲稱「動物大遷徙」🐅🦓🐘🦘😂通常出面排5-10分鐘就入到～疫情下通常外賣會平啲，但係佢反而要加錢，所以通常都啲人都會寧願堂食🤔~~~🍅焗鮮茄豬扒飯($62)🪄8.4/10呢個必嗌！🤩🤩同一般茶餐廳一樣，樂天都有幾多選擇食過唔同款，發覺佢地嘅焗飯比出面餐廳出色好多🥘所以我差唔多每次黎都係食呢個焗飯😚首先茄汁味道同份量都啱啱好，上面仲有芝士好邪惡😈下面嘅飯係蛋炒飯底，粒粒分明齋食有味，撈汁食仲好味😋望落份量唔多，但係女仔黎講都飽肚試過豬扒同牛脷，兩款都好味💕豬扒肉質鬆軟，食落仲有少少口感，唔會好似某啲餐廳咁落太多鬆肉粉搞到冇曬肉味同肉質🤨而且豬扒仲要係炸過，外脆內軟，第一次食真心驚艷🥺牛脷厚身而且份量唔少，不過食完會好膩，所以最愛依然係豬扒🐷因為係即叫即焗，焗飯要等耐少少，不過呢度職員好有效率唔會要等超級耐😂.同場加映📽🥘焗芝士咖喱飯 ($64)🍝瑞士汁雞翼撈麵常餐 ($50)焗咖喱飯都唔錯，咖喱幾香但茄汁始終係我最愛☺️瑞士汁雞翼麵就正常發揮，冇乜特別～~~~⭐️回頭

今日叫左嗰咖喱牛腩飯，經foodpanda落單，食物係自取嘅。飯同餸係分開兩個盒裝，一打開嗰飯已經見有條頭髮，估唔到嗰牛腩又發現條頭髮。打過去投訴，員工態度極差，勁敷衍，仲話唔關佢地事。我話食物唔乾淨仲唔關你地事，員工剩係識得答「係係係」以後都唔會幫襯！

荔枝角好肯定係人都知道呢一間樂天餐廳，門口好光猛， 裝修好靚地方又好闊落，日日都有好多人排隊等位添架😁嗰日啱啱好朝頭早經過見冇人等位😎梗係入去食個早餐啦😋想試好耐架啦😆睇吓佢點解咁多人等位係咪真係好好食呀嘛😅😅Cool不出我所料真係好好食👍同埋早餐選擇好多呀😂我揀咗個吉列魚柳🐟嘩！真係好大快喎😍同埋脆卜卜㗎😁好似係㗎♥️ 都係40幾蚊係抵食嘅👍跟餐當然有嘢飲啦！仲有個多士係幾靚嘅丹麥多士呀😋 我就嫌佢細快得滯囉 😅但係真係靚嘅軟淋淋好鬆軟好好味 👍👍仲有腸仔同埋炒蛋㖭係咪好豐富呢🤫😋個魚柳真係好好味呀唔怪之得咁多人啦🤣😂👍👍樂天餐廳荔枝角長沙灣道808號香港紗廠工業大廈 1及2期地下C2B號舖

呢間啲下午茶都幾抵食，菠蘿油陪杯紅豆冰都係$26 ，而且空間幾大，冷氣又夠同朋友嚟食返個下午茶都幾開心🥳酥皮蛋撻食落有驚喜，蛋嫩皮酥脆$6/個食完都想買返打返屋企

食飯時間，一次有好多人客。 我地叫好餐之後就等食物上枱。 事情就發生喇: 個高瘦的男侍應求求期期放嘢食上枱問係唔係我地叫嘅？ 一來環境嘈，二來叫完就唔會記實大家叫左咩野。 佢不停七八次都係咁！ 仲大聲夾惡，係我側邊吼叫，覺得我地反應太慢或答錯左而阻住佢！我係黎食野，唔係玩反應遊戲！再者，邊個係侍應？ 侍應有責任正確送餐去正確餐枱，而唔係亂俾一通要個客反映正確與否！連作為稱職侍應嘅基本能力都做唔到，可憐！（一向openrice用作搵食mark舖，今次定要破例給食評！）原本有唔少食物都想試，但決不會再去貼錢買難受！blacklisted!!

我諗如果得我一個人嘅時候我係絕對唔會食🤭事完呢間餐廳我老公力推☹️咁去推介度又係屋企附近咁就過去試吓啦💃🏻呢間舖頭超級大我哋搵咗個卡位坐低😝但係座位下面有啲餐具跌咗落地下🙈我老公叫咗個侍應諗住叫佢執一執點知佢一夜踩落嗰啲餐具度踢番佢哋出嚟🙈🙈當然明白咁樣做係快啲啦但係今時今日見到咁樣我就會諗到底我用緊嘅餐具乾唔乾淨🤪🤪都係果句眼不見為乾淨你唔喺我面前做都好地地👉🏻👈🏻講返嘢食先叫咗個涼瓜排骨飯就排骨🤣火候十足味道都好食🤟🏻咁我就叫咗個是日晚餐首先嚟咗個餐湯其實冇乜要求嘅係唔難飲🤷🏻‍♀️跟住再嚟咗個餐包凍冰冰🤷🏻‍♀️主菜嚟啦咩都唔差夠飽肚茄汁意粉堅好食💃🏻最後兩杯嘢飲完

rude af don’t go. i told them i don’t want egg in a dish and they called me dumb bc that dish didn’t have egg. like tf do i know?? i’m allergic and just giving you a heads up. like i just went for lunch, not to get insulted. the ppl i went with says it’s NORMAL to get insulted in that restaurant. like what?? worst service i’ve ever had.

點了下午茶的乾炒牛河。我個位 (最入的卡位) 可望到出菜處。等了良久終於見到一次過出很多很多碟牛河，心裏已覺不炒。果然，碟牛河中間有好多部份都係不太熱的，有幾＂住（音）＂河粉甚至仍是痴實一舊和冰凍的！ 顯然由於太多碟一齊炒而未炒透。先後向兩位伙計反映，兩人皆是"哦＂了一聲就走左去，有點無奈。我平生最不喜歡浪費食物，但諗諗下都驚再食下去若腸胃炎就更不值，止蝕走人。埋單後我禮貎地跟櫃檯說一聲，著師傅不要"一口氣炒N咁多碟" ，櫃檯也沒甚反應，令我懵懵懂懂的......除非迫不得已，我應該不會再去了。