樂天冰室 (香港紗廠工業大廈)

营业中

休息中

We were in the area to check out D2 Place weekend market and wanted to grab a bite beforehand. This is where we found a good number of people heading into this cha chan teng. So, we decided to just follow the crowd and went in. A rather nice looking place and it was very large.Menu is in Chinese only. There is no English and no 10% service charge. When we were here, afternoon tea session had just begun so the tea set menu was available.Sets include a drink but if you add $3, you can upgrade to a

侍應態度差 為了做更多生意強行把兩組人塞在同張枱 尤其在疫情嚴峻時候這樣做很不好即使在下午茶時段人亦很多 要等一陣才有位叫了瑞士雞翼撈麵餐 瑞士雞翼10分嫩滑入味 撈麵也很有彈性配的牛油多士和奶茶質素也很好 難怪這麼多人光顧如果服務態度改善會更好

呢間冰室每到打卡仔放飯時間就會大排長龍 嗰日都去左試佢地個lunch set 真係幾抵食 $60唔使就包一個餐嘢飲同湯上次食咗雞扒餐 最正係佢呢度可以揀原個焗薯仔 唔係配薯條或者薯角 夠健康又飽肚🥔個雞扒都超大塊應該係用咗雞髀肉好嫩滑！

荔枝角一向好多好嘢食，每次經過都見到樂天冰室門口大排長龍。一直想試試佢😍乘着疫情關係，大部份人都WFH ，今日終於可以一試.咖喱吉列厚切豬扒 $62 .豬扒炸得金黃鬆脆，火候上啱啱好外邊吉列皮唔會太厚身，豬扒入邊依然keep到鮮嫩唔會好乾身我本身細食都忍唔住清晒佢🤪.咖喱並唔係一般茶餐廳咖喱。佢比較偏向馬來西亞嘅方式烹調。 唔會好似香港黃色杰撻撻。 一般都會加好多椰奶去煮。佢椰奶比例唔高。入口香辣有層次。 攞嚟撈意粉簡直一絕。 .意粉就不過不失，正常茶記水準.熱飲叫咗杯熱可力.一餐雙重滿足，返到去睇來都要跑下步😆

一家三口等咗一陣位被安排去坐長枱, 三人用隔板隔開(但當時週邊都有幾張四人枱), 安排坐低落咗單之後, 後面張長枱有一家幾口坐低, 中間有放隔板, 等咗十分鐘左右後面張枱食物陸續到, 但我哋叫咗三個午餐就乜都未有, 同侍應問緊單嘅同時, 我就見到幫我哋落單嗰位侍應, 我話你可唔可以問返呢個同事有冇落單？ 佢就係咁同我講咗幾次得得得.....叫我而家再落返單, 剛好落完單，又另一位侍應走過嚟叫我哋起身過嚟, 我問咗幾次咩事起身佢都唔答, 淨係叫我哋起身, 然後帶我哋去另外一張枱叫我哋坐低(係一張三人枱), 咁都算...... 坐低咗之後, 另一個又叫我哋你哋要分開兩張枱坐, 我哋話中間唔係放隔板？ 佢就話比人捉到要罰三萬, 啲語氣重要極度差.......之後又有另個待應埋嚟加把口，裉住火都嚟埋索性走人唔食，話過以後都唔幫襯佢

今日突然想懷舊一下飲紅豆冰，但附近的大X樂和大X活的水準都麻麻，所以就試試同事大讚海南雞飯好味的樂天冰室。看了餐牌，紅豆冰單點$24一杯，感覺又好像不太划算，但以剛剛吃完自助餐的我來說，要吃一個全餐都頗勉強。最後，終於被我找到一個輕量級全日套餐：招牌菠蘿油配經典紅豆冰，$26，外賣的話加 $2 (其實麵包只是用紙袋入好，不是用外賣盒，$2有點....)菠蘿油比平常菠蘿包的體積大一倍，麵包內夾有一塊厚約5mm的牛油，大約覆蓋2/3個麵包。麵包不是新鮮出爐，已經完全冷卻，鬆軟程度自然不及熱辣辣出爐的麵包，但以冷卻的麵包來說，整體鬆軟度還可以，沒有很硬。表層甜酥皮同樣有驚喜，即使冷卻了也完全沒軟掉，口感仍然非常香脆，脆而不乾硬。另外，吃起來也不會散落一地，加上脆層無論厚薄和甜度都適中，整體不錯！可惜我沒設備翻熱麵包，不然麵包會更好食。另外因為沒得翻熱，麵包冷冷的情況下，牛油未能溶化，仍是硬硬一塊，口感上多少有點缺失吧！紅豆冰單看外觀，紅豆跟奶的比例比較平均，不錯！味道方面同樣不錯哦！紅豆份量多，煮得軟腍且不失粒粒口感，值得一讚的是，跟奶混合後，整杯紅豆冰的甜度剛剛好，紅豆的甜味和豆香沒被溝淡

普普通通的餐廳，雞髀即叫即炸，要香有香，應脆得脆，熱辣辣，大大件，好少地方有咁好食的雞髀，唯一唔好係薯條太少，少得可憐，一定唔夠喉，不過下午茶黎講都算不錯的，如果想食鮮炸雞髀可以考慮呢間

衛生極差，好恐怖，事後有陰影、冇胃口食野。叫左薯仔蛋沙律，食食下竟然見到有嚿人地咬過嘅蕃茄，蕃茄底下竟然仲有張人地用完揸皺左嘅紙巾。但我第一次遇到呢啲事，個人嚇到呆曬，唯有事後先將件事喺呢度寫出來。諗返起，其實之前我地試過一班人去食嘢，其中有一位朋友食完之後肚痾，但係我地其餘人冇事，我仲以為只係巧合，但經過今次呢件事，睇得出絕對唔喺巧合，係呢一間餐廳嘅衛生意識本來就非常惡劣......為左今次嘅事，特登開左依個ac警世。

今天1月7日中午約12:30分，同朋友食午飯，我先叫咗個A餐牛扒飯，已有單一張後再叫咗一個涼瓜排骨飯，又多一張單，侍應就講「唔緊要，一陣兩張單一齊埋就得」，我就答佢話好吖冇問題當我切緊牛扒嗰陣，有位戴圓形眼鏡嘅男侍應問「點解會有兩張單，攞俾我攞俾我！」跟住佢就話「有啲人會揀張平價去埋」我即刻碌大隻眼答佢「你唔係話我呀嘛！幾多錢呀！使唔使簡單埋呀！」真係嬲佢就一粒聲都冇出，跟住轉頭攞一張單加埋就＄112元，不過我唔使食都飽晒啦。

收銀員对手机外賣落单的態度，(早餐時段8:30am, 现場客人5多)whatapps 巳讀不回，电話5接。當我到達此店友善地問此短髮女收銀員為何没有回應時，佢竟回應我，我好忙架，5係只係得你一張单，不停講，忙咪5回應囉，咁e+咪幫你落囉。最后還刻意落錯单比我，c餐就落左A餐。我都费事同佢噪。無品的人，自己辦事能力5得，就返屋企。应付5到whatapps 落单，就停止此服務

服務員阿姐態度好差，人多時，落單聽不清晰，又寫錯晒。人多時，收錢阿姐又亂計一通，數量又錯，外賣收左錢無俾足份量，不知所謂！就算味道尚可，但有得選擇一定唔會霾去。

入到鋪頭坐低落單，員工態度差，仲要應對又九唔搭八卡位好污糟，好似開鋪到而家都冇清潔過檯凳，地下黑色嫁，痴笠笠叫左蕃粉牛肉通，攞到黎係一pat野，睇見都想嘔，食左一啖冇食，煲到尾淨個底好心就唔好攞出黎賣，海南雞河粉攞到埋黎又係冇湯既，餐廳用雪藏雞絕對正常，但都應該要整過醃過先拎出黎賣啦，成陣雪藏血水味，仲要碗野係唔熱嫁一句講哂，員工差，食物差，環境清潔差，荔枝角番咁多年工都未見過咁差既餐廳絕無下次（系統設定至少一粒星，一粒星都唔應該比）

通常晚餐唔太餓食唔落成大碟飯就會想去食茶餐廳既常餐，今次經過見到呢間冰室都好多人食就入去試吓難得常餐有瑞士雞翼撈公仔麵就即刻叫咗，雞翼雖然細隻咗啲但好入味，特別係丹麥多士好好味👍🏻炒蛋亦炒得好滑，下次都會再幫襯！

上班在這裡附近荔枝角本身都有很多小店都不錯這家冰室剛開沒有多久 都吸引不少顧客新鮮出爐麵包 不定時供應讓附近的人都會排隊去買其實也是我心頭好之一.雙重芝士包麵包體是很有回彈力 所以愈嚼愈香 麵包體内層有芝士 味道香濃外表芝士層已經有灸燒效果.吉士包麵包體質地很軟 回彈力不強麵包偏濕軟 本身帶有甜度不是那種很有嚼勁的吉士醬微微有點散開甜度微高 不過搭配麵包體還好

老實講野食環境幾好都冇用，唯一敗北就係一班員工既態度。由落單開始嗰位黑框四眼哥哥態度就好似審犯咁，心諗算啦我哋嚟茶餐廳姐，主要睇食物同環境。老實講，呢兩樣野樂天都算中上，要讚下嗰廚房👍🏻問題就發生响我追加既一件蛋撻，話說食完嗰扒餐見仲有啲餓，追加左一隻蛋撻，等左廿分鐘都冇嚟，就問下啦，跟住嗰阿姐氣衝衝走嚟話「邊嗰落單㗎，話左冇㗎啦！」我心諗冇咪吾食，真係好閒，咁吾該張單扣返嗰蛋撻，點知單一去冇回頭，坐左10分鐘，我就起身走人問可吾以比返張單我埋單。起初冇人理我，跟住有嗰阿姐問我「幾位」，我就好大聲講「我要返張單走人」，跟住嗰個黑框四眼哥哥就比我啦。咁我走啦，本來故事就咁完，我都完全冇野。問題就係嗰個四眼哥哥等我轉身走左後細細聲講：幾秒咋喎！我就火都嚟啦，我話我坐咗响度等左好耐啦！最後因為帶住細路仔我收返團火。老實講食茶餐，我吾會期望5星級態度，但絕對吾係嚟受氣。客係會一傳十，十傳百。仲有好奇怪佢哋只係收cash，小心帶吾夠錢又比人鬧。Overall food, deco are all good, high standard with reasonable price.Just the