樂天冰室 (長利商業大廈)

营业中

休息中

啲服務態度極差！！食個早餐都要睇佢面色😡😡😡平時都係買外賣食，今日有時間坐低堂食結果大開眼界，無啦啦都好似得罪佢咁，叫佢落單，睇到你扮睇唔到，應又唔應你，同個朋友坐低食嘢，正常聲浪傾偈，個夥計走埋嚟叫我哋細聲啲講嘢，大佬，茶餐廳黎架，你以為係圖書館呀！？啲夥計個個都黑面，係佢個老細虐待佢哋所以要對啲客黑面？一早食個早餐，就係想有個好心情啫，咩都俾你破壞晒啦。係咪而家多番自由行，就唔休做先？係你咪講囉，專做自由行生意嘅，香港人就唔會幫襯你囉。

態度已經唔可以用差嚟形容直頭係啞嘅黑面就梗㗎啦落單全程擰歪面 完全唔知佢究竟係咪幫你落緊單更加唔知佢聽唔聽到嘢食唔難食 但絕對唔係好食嗰隻想體驗香港茶餐廳文化可以一試

經過尖沙咀見到門口放着美味的包點，於是被吸引進去，打算叫菠蘿油吃，看着餐牌上琳瑯滿目的下午茶，的確有心動，但是還是想吃菠蘿油，於是跟店員A叫了一份價值$13的菠蘿油，店員A說，設有最低消費$20，我還沒說完，她便轉身離開了。我叫了店員B過來，跟她說，要一個價值$13的菠蘿油，跟一個價值$8的蛋撻，店員B說，要杯紅豆冰嗎？我說：不用。店員B說，你不喝東西就要叫外賣。我很愕然。我已經依照你們的指示，叫上了最低消費費，現在還進一步要我難堪，二話不說，我最後還是選擇了叫一個菠蘿油外賣算了。不會有下次。

喺尖沙咀做完Facial求其搵一間茶餐廳食少少嘢就趕住打道回府。印象中記得樂天冰室嘅菠蘿包好正，於是就衝過去我啱啱避過中午人潮。一坐低就叫咗個菠蘿叉燒包，熱鴛鴦 $34價錢都係咁上下，見之前好多食評話佢嘅服務態度超差，今日我嚟親身體驗就覺得正正常常茶餐廳態度，店員唔會對你笑騎騎，都係板面為客人落單。瞬間我嘅菠蘿叉燒包就送到眼前菠蘿包一拎起幾有手感有點重量，拎上手仲係暖，咬落去菠蘿皮頗鬆化，叉燒餡都幾多，唔會只係一劈醬，亦都唔係空氣包，$14 ok la 。熱鴛鴦味道淡咗少少，花奶唔夠多，口感冇咁滑。順手買多個紅豆麵包返屋企做早餐

諗住假期親子遊在附近食野，那度近K11，外面那個係好好招呼，即時拎位，但又唔同人講聲早選定套餐，入到去就兩回事，未坐好就即刻有人來問食乜，答一陣先點餐，那些伙記黑晒面走人，又唔畀杯水來，點餐果陣，最搞笑係餐牌，散叫餐現在叫野飲當係套餐計，但食食下叫野飲就係按正常價，心諗不如去搶，這裏還是遊客區，應該不只本地人去消費，貪d客10元8塊，做衰自己牌頭，都係電腦落單，點完餐又唔同人講餐具在那裏，黑住口臉走人，最搞笑亦最離譜是送錯餐，那個原本是我地的餐送了隔離枱，隔離枱又傻hi都照食，我地反而未食，侍應知道做錯了走來說送錯餐，但居然講話把已經食了的餐交換畀我地，有冇病阿，人地食了小小畀我地，點跟人口水尾，餐真係出得快，但係似滾水蒸熟的味道

都好難食下，個炒意粉唔熱，食時成口都係油。細份到爆。我平時唔食好多野，但都唔夠飽。地下勁污糟，除左油立立之外（好易跣親！），仲有麵包碎，鷄翼，黑色灰炭，黃色廁紙。。。唯一員工不是如其他評論所講咁差，都有笑容，係急啲。

首先茶餐廳係唔存在服務係正常不過入黎食餐飯應該都唔會想受氣坐左15分鐘，我見每一次落單啲侍應都好似想鬧個客咁。有客人話想要杯水，個侍應話：你估呢度係你屋企樓下茶餐廳呀？有四個客拎住好多嘢入嚟坐低咗啲嘢擺晒出走廊，佢想話去換張六人枱，侍應行埋嚟阻止佢，唔可以換枱我哋唔夠枱，我眼見有3-4成空枱。不過呢啲都係茶餐廳決定，跟住係我人生中第一次喺OpenRice打食評，因為眼見住佢哋每次鬧完人就返去個中間個位度笑笑笑，跟住就係咁話呢台客話嗰台客

去茶記食隻炸雞脾，超級惡劣嘅服務態度！完全冇道歉同唔好意思！打工仔食晏得一個鐘，我行到去呢度，再等你成廿幾分鐘，得番十幾分鐘食雞髀薯條，我梗係趕頭趕命啦。事緣今日食晏，我喺尖沙咀工作，食4點半，近近地就去附近間樂天冰室，坐低叫左一隻炸雞脾下午茶餐，叫左成20分鐘都未到，遲過我入座5-10分鐘既阿婆座我對面，反而佢個all day breakfast成大碟到先，我咪問下個樓面幫我跟跟，我趕時間，啲語氣同服務差到爆，答我你落單唔係我落㗎，不斷叫我等多兩三分鐘，已經好多個兩三分鐘，差唔多半小時，我同佢講如果你煮隻炸雞髀咁耐要同個客講聲，我有權選擇食其他嘢，然後個阿姐即刻大叫俾全個樓面聽話張單唔係佢落，話我發佢脾氣，然後佢個男同事話：「我哋係生炸雞脾，唔同出面嗰啲炸定嘅，等得耐係正常！」。我同佢哋講，我要趕住返工，你哋煮得耐正常都要問個客等唔等到，我可以揀食其他嘢㗎！老實講，我做客，真金白銀俾錢食嘢，我理得你生炸定煮定，成20分鐘都未到我咪問句囉，使唔使咁既態度呀？！轉個頭隻雞脾到咗，又有幾好味呀，咪又係咁難食。我都唔理喇，嗱嗱聲食完就走，佢呢度可以俾轉數快，我咪問佢轉數快號碼，個cashie

今早到尖沙咀食個快既早餐($38)，行咗去樂天冰室。.仿鮑魚絲火腿湯通粉湯底濃，通粉軟度適中，不會過淋，火腿絲仿鮑魚絲，味道適中，水準合格之上。.煎雙蛋及餐包一般水準。.茶走茶味正常發揮，比一般茶記好少少。員工態度正常，店內衛生不錯。

今天來到尖沙咀的樂天冰室下午茶，下午茶的款式也算足夠多樣，我點了一個豬扒炒公仔麵， 豬扒質感軟滑合格，公仔麵的味道也很好， 只是欠缺了一些鑊氣，我估計公仔麵是預先炒好的，當客人點餐時便可以快速加熱送上。

8 月22號到此下午茶，我見枱面污糟，自己用餐紙抹乾淨，之後唔想四處丟，見到收銀櫃檯旁邊有垃圾桶，就將紙巾丟入內。誰知收銀員大大聲喝罵：你丟嘢有冇問過？呢度唔係隨便俾你丟垃圾，我叫你執番都得！我話我唔想丟落地下，所以咪放垃圾桶。她仍然不停咁罵。未見過如此無理嘅服務態度，幫襯一次都覺得太多。

行入去想買個蛋tart外賣，眼見有d個皮比較燶，就有禮貌地問個年輕女店員， ‘唔該，我可唔可以要呢個? ‘ ’點知店員回答 ‘唔可以喎’ 態度勁差囉！！’點解喺香港食茶記就要比d侍應呼喝同埋態度差咁樣對待？ 🥲

垃圾  又唔好食叫奶醬多 嚟到係塊包加花生醬 啲奶要用放大鏡揾㗎 叫個女侍應可唔可以俾小小煉奶嚟 侍應話無 唔可以 重要態度差 我話得 咁我加錢 佢先死死氣話 得 可以 。 真係不知所謂 重有個菠蘿包乾真真 又無香味 完全搞唔掂

上個月同屋企人去食呢間茶餐廳，想叫野食，有一個男員工行過來，好大聲問要食乜，我講完，佢好快手話收到。但等佐成半個鍾個餐都無黎，於是我叫經過嘅女員工幫我check 單，點知佢話係無落到單，所以我唯有點多次。之後D野食黎佐，我叫另一個男員工拎杯熱水同紙巾俾我，點知佢拎個膠袋黎，擺低就走。我o曬咀，都未食，要個膠袋做乜。之後我叫個女員工拎水俾我，點知佢行過黎話頭先拎膠袋要俾$1，我話我唔洗要，係你個員工擺低。之後佢罵個員工，同我講個員工係啞同聾，咁我覺得ok 既，員工如果真係聾啞人士，聽唔到我既要求係好正常。食完埋單，出到去個cashier 話我地個張單無入過機。我都唔緊要，再入過收返錢咪得。點知佢話要第一個男員工證明我地係咪食呢d餐，要我等15分鐘。我火佐，同佢講” 其實我只係點餐食野埋單，都幾簡單，點計要等前後45分鐘” 。對方一句Sorry 都無，仲話” 我地香港人好蠢架！”同行仲有屋企人，我唔想吵落去。同為香港人，餐廳自己服務態度不好，仲要拖全香港落水。以後都不再幫襯。

我不時常吃早餐，1星期约1-2次。今天，想試吓樂天既早餐，從尖沙咀地鐵口，行多两三條街。都是我常吃早餐款式，沙爹牛面，煎旦，麵包和熱奶茶。速度快，熱辣辣送出來。沙爹牛面，有正常既沙爹味，略甜了少少，牛肉都 ok.奶茶，好過紅x，和龍x，差不多。平均一般水準，可以接受。整體食物ok. 環境比一般茶記好。但有两三個服務員，不停在互相傾計，有個甚至話客人不懂廣東話，問客時佢冇反應，話客冇禮貌。這方面，有待改善。