樂城坊飯店 (已結業)

約中午12時10分，放午餐時行經又未諗到喺間食，見出面招牌的食物又幾吸引，就同同事入去試試。唔試尤自可，一試把幾火。我們叫了芙蓉蛋飯、蒸肉餅同牛肉炒烏冬。大家以為蒸肉餅最快到，錯啦~~最快到係芙蓉蛋飯，但一見職員攞黎就心感不妙，個職員竟然成隻手指浸住碟魚露，個芙蓉蛋的材料有一般的牙菜同蝦外，仲有肉絲，但最主要係d蝦有d酸宿味。另一樣就係牛肉炒烏冬，佢炒到好似濕炒牛河咁，仲要係多芡汁。最後就係講蒸肉餅啦，呢個先係重點，因兩樣都黎曬只欠呢個，咁就問下啦，得出回應就係得啦，整緊啦，等下啦，要逐樣逐樣黎，等下啦... 好啦，再等左10分鐘(由落單到問職員已是20分鐘)，仲未黎，因就夠鍾要返公司，就走啦，喺比錢問職員，回覆啄緊。真係冇下次

原本想去地x館食 lunch 但睇到佢個普通午餐都$60 ，d 普通野 真係唔係好值呢個價，跟住行多幾步搵到呢間，其實呢間我都睇過幾次，但又覺得佢d 午餐普通，今次望到個牛仔骨豬扒飯就入去試下，入到去冇咩人，地方整潔，叫左黑椒汁牛仔骨豬扒飯同熱華田，杯熱華田來先，杯華田對版唔住沖到好淡，個黑椒汁竹手仔骨豬扒飯佢真係即時整所以等左陣先有，碟飯一上到枱個黑椒汁味已經嗅到好香，大大碟賣相已經好吸引，豬扒厚切牛仔骨就細件d, 個汁係堅好食，因為通常茶餐廳果d 都好淡冇黑椒味，呢到真係咬到一粒粒黑椒，走前聽到有人叫芙蓉蛋飯，老闆就介紹佢蠔仔蛋飯，我都有興趣，呢間下次可再來食。

九龍城很多食店， 不過多數泰國菜 。🥣 因為之前去附近醫院探朋友， 經過見到很多人吃 ，所以也試一試， 店舖門面不起眼，就像一間普通的中式小炒店 ，裏面也不算太大， 內裏乾淨企理 ，樓頂的吊燈也很特別， 有點中東味道😊 茶壺很精緻 ，侍應服務態度也好 。發覺多數都是街坊幫襯 ，他們的小菜煮得很美味 😋這間小店已經第三次幫襯， 每次都會有一些新菜式， 分量也多， 價錢也很化算， 尤其是當天那些推薦的特價食品。第一次幫襯，只有三個人，但樣樣都想食，結果很多都吃剩了😅 所以人少，都不敢叫太多怕浪費啊。🙂 這裏只收現金。

今次係自己買海鮮上去加工•七味小豆腐..外脆內嫰..口感一流..表面的粉漿比例啱啱好...好一味佐酒小食。•上湯龍蝦伊麵...正常水準..不過反而係啲伊面索晒啲上湯嘅精華..非常出色。•椒鹽南非鮑魚...平時食得太多蒸鮑魚...所以今次特登叫廚房整啲唔同啲嘅口味...用椒鹽整..都好惹味..加埋鮑魚彈牙嘅口感...正啊！•蒜蓉粉絲蒸帶子...帶子鮮甜美味...加配蒜蓉...真係將海鮮嘅鮮味發揮到極點！•鹽焗奄仔蟹...要嘗海鮮嘅鮮..就乜都唔落..淨係用最原始嘅調味料-鹽！你地睇下啲蟹膏多到呢..食完真係膽固醇超標...三高人士切勿嘗試•美極砵酒桶蠔...蠔唔腥...撈埋啲薑蔥兜兩兜上鑊..哩鋪肥仔啦 補補佢先其實除咗以上美食..仲有喺鋪頭嗌咗「金薯黑醋骨」...「豉汁皇煎大蝦」..「南乳粗齋煲」....一樣都係非常不錯...但唔就唔記得影相啦