樂園

营业中

休息中

見食評話呢處o既豬扒好味道，於是走入九龍城呢個街市樓上，可能屬於平時日子唔算多人。坐落見到四周只有幾間食肆開門，得泰苑同馬仔有開... 粥舖就未見開門做生意(或者只做早市)。見唔太餓只叫豬扒多試試，本來想叫杯奶茶但見呢輪玩胃痛，便叫杯杏霜暖肚算。果然豬扒同多士分開上播，一咬件落果然入味，薄薄有層炸皮幾香口，令豬扒更野味；至於份多士算中規中舉。一路食一路諗起，讀書果陣曾經o係已拆另起o既李鄭屋村...以前有間舊式冰室(幾似已前牛頭角村某茶室係用綠色瓦磚做牆)，嘩果度o既薄煎豬扒真係正到暈，由開始煎到食落口都咁香口！可惜己執食唔番嗚....

打完波，飢腸轆轆，即刻同女友飛的上嚟探吓文叔，估唔到女友爸爸亦過嚟湊吓熱鬧，good good...叫到一枱都係嘢食，簡直係食物盛宴---- 沙爹牛通、腸蛋麵、炸両、豬扒多士、炸雞翼、再加一碟生炒牛飯，令人側目。水準好平均--- 豬扒醃得入味；生炒牛飯炒得好乾身，碟底一滴油都無；炸雞翼直頭係示範作--- 香口、夠味，差D連骨都食埋。但係沙爹牛通D牛肉就過韌，可能淥得過熟，有D失望。但一見到文叔好到加零一嘅招呼，就乜缺點都唔記得晒la，何況仲要係好食lei..

少有地七點幾彈起身, 有d餓, 又記得各位對樂園都有相當評價, 就決心一試.要了凍鴦及雞扒通.凍鴦茶味重了點, 而且奶落得過於重手.雞扒同碗通粉分開上. 雞扒份量唔細, 由於唔係太粉, 感覺無咁熱氣. 食落幾嫩, 而且真係索索聲, 但就略嫌稍咸.碗通粉d沙爹夠厚夠香, 為碗通粉潤色不少.至於店員服務態度, 可以直逼劉華個廣告.環境亦見企理乾淨.總括而言, 一餐滿足的早餐, 一個good morning.

一整夜的工作,換來油麻地貨色的早餐,心有不甘,收工到龍城街市補飛.龍城街市自二樓燒臘檔郭太唔做之後,頓時失色不少,起碼無得買$10叉燒上去來個"九大鬼".不過,樂園杯奶茶,實在是通宵工作過後的點睛品.奶茶又香又滑.冰凍得令人覺得似近還遠.與另一杯"奶茶"(劉若英之匿稱)大同小異.有內涵,有氣質,帶點高傲.呢類高難度動作,我最愛挑戰.搭埋對面舖德記之艇仔粥加油炸鬼,忽然感覺此個早上,非常美好.

自己幫襯咗樂園都有好多年la..差唔多一個月左右就會去一次，每次都可以keep住水準，阿文叔嘅招呼就更加唔話得，無得頂...叫咗沙爹牛通，通粉淥得硬度剛好，唔會淰pat pat，牛肉係新鮮牛肉，好有牛味，雖然有部份肉唔係太淰，但有咬口；個沙爹汁唔太辣，但好香，香到差唔多令我飲晒成碗湯，yummy...^_^再响隔離德記叫碟腸粉，好滑，再加埋一大pat甜麻醬及芝蔴，無以尚之...正如蔡瀾先生嘅牌匾所寫--- "勝過鮑蔘翅肚"...

呢間食肆..我中學時期已經幫襯...雖然豬扒好少食..唔記得左什麼味...不過依然記得佢地的沙爹牛肉好好味...唔會有太勁的沙茶味,反而牛肉味好出...加埋非常重手的好立克..一個字正...但最最最重要係記得有個細眼阿叔，服務態度好好..好有禮貌..令我同D FD食得好開心...睇得出佢好有誠意~~KEEKEE

有食友問我，是不是絕不喜歡吃雪藏食物。其實不是，舉例說雪藏豬扒，下點心機，都會整得好食。「勝香園」是一例，這裡的也原錯，當然說來說去，就好吃的是上環「科記」。去龍城竹戰，太座那檯開場先，我那檯還等緊腳，時值三點三，正好去嘆個下午茶。上了來熟食中心搵食，記得有食友寫過這裡的炸豬扒不錯，就要了個炸豬扒多士及一杯例牌~鴦走少甜。炸豬扒及多士是分開上的，豬扒外表看來油油膩膩，不過就熱辣辣。吃起上來，味道是意料之外的好，豬扒醃得不錯，味道幾夠，肉質軟腍，還加入了不少的蔥，相當不錯。豬扒大大塊，但就剪了幾刀，吃起上來也方便。多士塗滿牛油，雖然是薄薄的，但也又香又脆。總結來說，是有水準的。鴛鴦也不錯，略嫌啡味不夠濃，但都交足功課。見很多檯也叫紅豆冰，賣相都幾好，下次要與太座來吃一下。服務有效率，店員不住的跟食客打招呼，看來也有很多街坊熟客。埋單26蚊，是一餐滿意的下午茶，值得一試。

最喜歡︰豬扒米、雞翼米、牛肉米，叫乜都可以加沙嗲汁，阿叔好好人凍奶茶又香又滑，去呢度必飲！！

上午有事來九龍城，一早搵定資料，見有好多笑面，最後決定來呢間。個個都讚炸豬扒好食，而老細又自讚豬扒多士出晒名，當然第一時間叫來試下。原來豬扒同多士是分開上，豬扒一食之下，果然絶不欺場，因為炸粉不算多，所以脆的程度尚可，但夠熱辣鬆化。老公食五香肉丁米，佢亦贊唔錯。花生醬麥多同咖央麥多(有白麵包同麥包選擇)，烘得好夠脆口，而咖央味道夠清香，不會過濃，好過灣仔的豪華。奶茶香而不太濃，我個人較喜好濃的奶茶，所以這裡的奶茶，真的不是我杯茶。p.s.要讚下隔離舖的馬仔粉麵。我o地本來叫了一碟油菜，遲遲都唔o黎，原來老細忘記o左，D油菜灼到淋晒，我o地都以為佢會將D淋晒的菜俾我o地，最後佢重新整過，又不停講唔好意思，真係抵讚。

不知何年何月,已成龍城街市熟食檔"樂園"熟客.沙爹牛通,牛肉無落鬆肉粉,沙爹夠厚唔搶喉.仲有個炸豬扒,甘香又鬆化.實在無話可說地正.一杯香滑奶茶,一個豬扒通,一份報紙或一本GQ.典型麻甩佬的早上生活.

我好鍾意黎呢度食野架,原因好簡單: 好食上次第一次食,叫左個沙爹牛通,d牛肉其實都幾韌...但係個湯底真係好鬼正,奶茶又好飲,攪到我今日再去食lunch今次去到叫左個炸雞扒一丁,先上一丁,再上雞扒,老闆係我側邊好斯文咁問我:"加唔加沙爹汁呀,加左好食好多架",我話要,佢即刻捧住個壺倒沙爹汁比我,加左之後真係唔同左,好好食,令到碗麵加左唔少分! 仲有個雞扒又係正,我本身唔太好炸物,但係d雞扒掩得好入味,炸粉裡面加左蔥,咬果下索索聲超脆超香口~加埋一杯凍奶茶,正~唔怪得連蔡瀾叔叔都鍾意黎食野啦

我一向都唔鍾意食茶餐廳, 但樂園就例外! 佢地係家庭式經營既, 一家人都好NICE, 我地成班朋友一有時間都會去食LUNCH OR TEA, 佢地每次都會認得我地! 我最鍾意食:1. 炸雞翼- 好入味, 炸得好香又唔會!2. 炸豬扒- 水準之作, 不過本人唔係太喜歡有炸粉, 但炸粉內有蔥, 加分!3. 生炒牛肉飯- 每次去必食, 仲要早去先有得食, 遲過2:00PM多數賣晒! 呢個飯炒得乾身唔油, 飯有咀口, 好好食, 可能係因為老闆自己炒既關係, 第2間食唔到咁既水準!

見到蔡瀾寫左個牌寫住"勝過鮑參肚翅",知道應該唔小野.叫左雞扒公仔麵,紅豆冰,加央多.雞扒炸得皮脆肉嫩,一咬即刻聽到「悉悉索索」聲,雞肉仲有肉汁,公仔麵湯底加左沙爹汁,超正!雞扒有兩大塊,分量十足.紅豆冰D紅豆大大粒,足有1cm長,又唔會溶溶爛爛,有咬口.加央多即係椰子果醬多士,第一次見到喱種果醬,所以試下.味道唔係咁甜,有小小椰子味,感覺幾清新,可以一試.一間高水準o既熟食檔.

呢個樂園食的唔係潮洲粉麵，而係香濃奶茶，係，我情願叫布袋奶茶都唔會叫絲襪奶茶唔污糟的。仲有個沙爹牛肉公仔麵。講真，水準同其他老茶爭唔多。好食的係氣氛，街坊街里打招呼，一份九龍城獨有的生氣確係興別不同。食呢個早餐，得到的能量、生氣係平時的3 倍。

樂園梗係好喇。我由細到大都係kln city大0既，以前日日都食佢ｄ早餐，但now少左好多lu，轉左食lunch。佢d水準冇變喇，好傳統茶餐廳味道。飲品好夠味，但我相信佢Ｄ早餐好過LUNCH囉。