樂園

营业中

休息中

本身很喜歡吃雞翼，但在街上，能吃到一隻整得較有水準的雞翼的機會不多，這兒就是其中一個例外。既然為著雞翼而來，還是先試試雞翼麵，再加杯熱奶茶茶走。文叔果然夠一眼關七，差不多包辦所有Order執野，也很好記性。奶茶先來，其實不太夠滑但茶味不錯。雞翼麵的麵先來，未吃已聞到很香的味，湯底也頗深色，大概是落了甚麼，細寫下發覺和一丁的調味差不多，而這兒落了更多麻油也更咸，真是吃落都口渴，也稍嫌過咸了！主角雞翼最後來，以賣相來說，已能看出這三隻雞翼是有較好水準的了。放入口內，先感受到外皮的香脆，後再嘗到肉汁，實是煎得很有水準(和用焗爐烤的效果差不多)。實在挽回了不少分數！由於我愛吃雞翼，這笑面是給雞翼的，其他也只是OK面罷了。希望下次能帶女朋友來Encore啦！

九龍城街市樓上成日聽到有間樂園d茶好正, 試過星期日去佢唔開,終於搵個星期六去, 叫了豬扒麵, 粟米肉粒拼咖哩雞飯, 本來想試炒粉麵, 但老板話呢個鍾數做唔到比我,豬扒麵係沙爹湯底, 塊豬扒有d蔥花炸得幾入咪,另加杯凍檸水, Total 係$59

五個女子走勻了九龍城數條街道找吃,想吃的都是人山人海,最後決定到市政大廈樓上飲茶。好不容易找到張吉檯坐下,但找阿姐/文叔落單更困難!最後由大人拿出紙筆將食物寫下交給文叔才完成點菜任務。西多士:油香四溢卻不太油膩,麵包炸得脆脆蘸上牛油/糖漿,管他幾多卡路里!咖吔多士:綠色的咖吔醬顏色雖不吸引,味道卻有濃濃椰子香,幼滑的質感和不太甜的甜度的確不俗,不過仍是西多士較為吸引。雪菜肉絲豬扒飯:豬扒炸得酥香,肉質也很柔軟,要不是剛才吃了不少串燒,豬扒麵一定會點!雪菜肉絲不是自己所好也覺得味道不俗,直覺這個組合用來配麵較好吃,原來配飯也好吃。雞翼麵:三隻肥美香脆的炸雞翼由小表妹一手包辦,雖然沒有嘗過,單靠外表也覺得很好吃。蕃茄炒蛋麵:還以為是一般清湯底,原來已加上惹味沙爹汁,真的有意外驚喜!大光麵煮得剛好,軟滑中卻彈牙,加上那沙爹汁,就算蕃茄蛋還沒送到,麵也吃了一大半!蕃茄炒蛋炒得蛋香十足,蕃茄也有相當鮮甜味,很好吃的一道炒蛋!奶茶紅豆冰:奶茶茶味還可,不過可以更香濃一點!紅豆煲得起沙,軟滑可口!配合奶茶同吃,比平時的紅豆冰多了新鮮感,也許是紅豆和奶茶兩樣都有甜味關係,加起來甜度就比平時高了。凍檸賓

食完車仔麵好口渴, 又想飲杯奶茶, 0黎幫襯0下兩個幾月無幫襯過0既呢度. 例牌叫個熱奶茶($10), 再簡單加個油多($8) 試試.奶茶水準依舊, 之前寫了4 次食評都講過, 今次唔講咁多.第一次0係度食油多, 竟然有驚喜-- 烘到金黃色, 牛油塗得夠, 食落鬆化, 好食! 另外如果鍾意「油砂多」的話, 自行灑d 砂糖上去呢件多士上, 效果都幾好的.咁耐無0黎, 雖然老闆阿叔今日因為要招呼谷德昭同班有線電視camera crew (又係有線電視!? 蘇施黃唔係已經0黎拍過0野0架喇咩???), 搞到我等佢找錢等了好耐, 不過佢對客人依然好禮貌, 仲好似認得我, 哈哈!會繼續幫襯呢度-- 除0左因為人情味之外, 食物亦食得出心機, 支持!

中學時代，每年都會在九龍城室內運動場打學界比賽，而中午個餐，帶隊阿sir都會帶我們走過來樂園食飯。畢業之後都很小再來，計番起，上次來已是幾年前的事。放棄這裡出名的炸豬扒炸雞翼，要一碟三寶飯，加一杯凍檸茶。三寶飯即午餐肉、火腿和蛋，上面淋上甜醬汁，再有椰菜墊底。餐肉是即叫即煎，很香口；蛋弄成荷包蛋，半生熟，蛋汁溜出來撈飯撈椰菜一流！火腿若可輕煎一下就更好。要彈的是甜醬油不夠多，不夠送飯。人人飲紅豆冰，我就要凍奶茶。其實一直認為這裡的凍茶不錯，香滑又夠濃，為何要跟風飲豆冰呢？忙到一頭煙，招呼也算不錯，起碼基本禮貌做足。

13/11(二) 10am涉足九龍城市政大廈,除德記外,樂園的特色紅豆冰亦是獵物之一.我倆要了雞翼麵$17,西多士$13,鴛鴦紅豆冰$16,茶走$10,西多士--意料之外的敗筆之作!淺嚐一口滿口油份,殊不乾身!怕怕!雞翼麵--三隻雞翼短捷飽滿,入口肉汁豐盛,五香味濃;爽口的大光麵配略清淡的沙爹湯底;整體感覺也是正面的.鴛鴦紅豆冰--紅豆偏硬不夠沙,鴛鴦茶香及咖啡香談不上香濃.茶走--茶走茶味亦然!感覺若有所失!對於為何得到一眾食友如蘇絲黃及蔡瀾的青睞,誠然相當大惑不解!

為咗寫呢個系列，今日專登落去探吓文叔...要寫茶記，又點可以冇咗呢度呢?食得多豬扒、义蛋飯、沙爹牛通及雪菜米，今次轉一轉口味，試一試D碟頭飯...粟米肉粒拼時菜排骨飯，食落感覺風馬牛不相及，撈埋一齊食時感覺極古怪。粟米汁偏稀，麻麻哋，猶幸粟米粒份量足，肉粒亦頗新鮮；排骨味道淡而無味，乏善足陳....茶走香且滑，有水準...下次都係乖乖哋食番沙爹牛通la...

我都係睇完阿蘇介紹先去食,第一次上去九龍城街市熟食,原來好細,得幾檔.叫咗一杯紅豆冰,一杯凍奶茶,一個沙爹牛米.奶茶-一般紅豆冰-我地覺得唔得喎,紅豆未淋,好硬,又唔甜,成杯冰之餘又冇味沙爹牛米-啲牛肉好,又散,好似煮咗好耐咁,唔好食,食落仲有啲甜,怪怪.

我睇過阿蘇介紹,去試下?一試難忘,真係好好飲!!我去過三次,完全冇問題.文叔好好人~好有禮貌!

有日經過九龍城, 想起亞蘇介紹既紅豆冰奶茶, 就上去試一試, 味道不是很特別, 但茶味幾香, 紅豆又不是亞蘇說的那麼大粒, 應該一杯普通奶茶的味道會較好。我會給3.5分。再叫多碟鮮牛肉飯, 牛肉很"un", 汁都唔多滴, 食唔到有其他調味, 很難把整碟白飯食完。我會給1分。服務- 除左有位女士應的態度好唔耐煩之外, 其他男士應的服務都ok。

0係小店食完甜品, 竟然開了胃口, 走0左0黎呢度. 平時食開沙爹牛0野, 今次決定試佢另一"馳名" 0野-- 雪菜肉絲米(見圖); 加個凍奶茶.米粉依然好食, 淥得0岩0岩好, 有咬口, 口感一流; 雪菜肉絲呢, 反而幾令人失望... 雪菜唔夠爽口唔夠"sok sok 聲", 好鹹, 亦除0左鹹之外無乜其他味; 肉絲就ok 啦.凍奶茶(無special request) 一如以往, 幾滑, 甜度適中, 不過今次好似多奶0左d.幫襯過無數次, 亦留過無數次comment, 似乎都係食沙爹牛0野最穩陣!

網上見唔小人話九龍城市政街市有間樂園d野幾好食，行開呢面買野就上去試下，格局係標準市政街市熟食中心，間樂園仲有一位名食家提o左句字︰勝過鮑參翅肚，雖然我一向都唔多鍾意該位食家，但無可否認佢係一位知名既食家，實有d原因，坐低見倒餐牌，原來呢度無餐叫全部都係散叫，真係小有，仲有d炒飯炒粉麵隔離寫住話可能因為太忙要得三十分鐘都唔定，咁即係提議人唔好叫？跟住都即刻見倒人想叫，點知個老細(聽講係)直頭答佢話而家大忙做唔倒比你叫佢食過第二樣，真係第一次聽d咁既野，仲有聽聞老細好有禮貌，不過聽落雖然句句都有唔該唔好思意等等既說話，但實際上只係好無禮貌地有禮貌，可能有人唔明即係點，但我唔係太識解釋，自己試下諗下。講返野食，廿四蚊一個叉燒紅腸蛋飯，呢d地方黎講真係貴d，但如果好味既話都無所謂，就叫呢個，等o左都十五分鐘以上先黎。飯一舊舊，叉燒太肥，蛋同紅腸就一般啦，總結黎講呢度真係唔知有乜好，都無乜可能會再黎，但係因為咁我諗倒d野，下集待續‥‥‥

約了友人專程從港島的東西兩端來到九龍城過程可算驚險萬分不過在此省略這部分重點是在食物!!我到達的時候已是10時多不少食客都散席離場紅豆西多和沙爹牛西多都涼了但依然無損其美味程度我們平時吃到的西多都很甜很油但樂園的紅豆西多甜味適中加上紅豆的香甜而不膩那些紅豆有點像紅豆沙的紅豆不是罐頭紅豆夠地道本來有點抗拒沙爹牛西多怪怪的但西多面的蛋與牛肉很配合真不知是如何弄出來的!!!紅豆奶茶是碎冰半杯紅豆喜歡紅豆的人一定會很開心唯獨奶茶遜色一點不夠茶香不夠厚環境乾淨在街市大排檔中算不錯而且有冷氣很好=]沒有餐\必需散嗌所以不算平順道一提文叔真是如傳說般好人!

行左好耐, 終於選擇左呢度! 本來想要菜遠斑腩飯, 不過佢無, 選擇不多, 只好要左菜遠排骨飯.等左幾分鐘就有得食, 都幾快! 不過...菜就得兩條, 喂喂, 話明"菜遠", 唔係配菜, 我食咁多間都未試過d菜少得咁可憐...再講排骨, 多係多, 不過好難食, 擺明係罐頭貨色, 一d味都無. 本來就唔係貴($21), 不過野飲要散叫就好唔抵, 仲要咁難食, 真係賺到佢笑, 總之唔會再幫襯!!p.s. 不過"文叔"真係好好禮貌!

經常行過都會黎食成日都坐滿人文叔一向好禮貌,但阿姐們就一副兇相額頭寫住"點呀?"咁唔會有禮貌可言,想享受好d既服務請叫文叔。食過沙爹牛肉西多,豬扒麵等沙爹牛肉西多最出奇,又鹹又甜,驚喜黎,只此一家。本身既沙爹牛肉已經好味配西多係奇想,稍嫌貴左dd,一個西多$19。豬扒香口,豬扒同粉係分開上,所以豬扒好脆奶茶質素一時時,有時ok有時又少奶,唔穩定咁肯家蘭芳園好飲過佢,奶茶來講同區既順興差唔多順興質素比較穩定,而且可以買膠樽奶茶返屋企雪蔡瀾既提字絕對係過譽,茶記既野點同鮑魚果比食物質素係好,但好心蔡生唔好寫到咁誇張茶記來講係稍貴,次次埋單都成$30+(唔係食飯喎)一個麵一杯茶已經係$30地方乾淨,成日見佢地努力地清理