樂園魚旦專家 (新都城中心三期)

营业中

休息中

有時候想吃得清淡一點或者想有湯伴的時候，就會想吃一碗湯粉麵。第一次來到魚蛋樂園，沒有點魚蛋，而點了牛筋和墨丸米線，而朋友則點了牛雜河。墨丸十分爽口彈牙，而這裡的牛筋咬下去是真的有種粗筋的感覺，中間有少許嚼頭，外圍是微軟的膠質感，不錯。湯底清清的也是我想要的。唯一美中不足的是，也許他們有一點趕，米線生熟程度不一，有一些米線的中心不太夠熟，硬了一點點，但整體來說還可以。朋友的河粉則沒多大問題，配料他也是十分滿意，而河粉他也說若多煮一會兒會更好。原本還想試試他們的牛丸和牛腩，留待下次吧😆反正這裡要過來也方便，也很近地鐵站，總有機會會再吃。

今晚要針炙，每次針炙都起碼花上2小時以上，所以還是吃嗰早飯，免得餓到肚扁……趁還是下午茶時段，吃碗粉麵就剛剛好，唔會太飽，又唔會餓親。店子環境光猛，乾淨企理，地方寬敞。門口放了兩個巨型雀籠，而店內的吊燈都似雀籠形狀，感覺挺優雅。座位分左右兩邊，約共有十多張枱，通道闊落，整整齊齊。細閱餐單，主打粉麵，亦有幾款飯類、酥炸小食、飲品和一些火鍋配料。我們今晚就點了一碗雙拼麵、一碗油菜和一杯飲品。********************先來一碟腐乳通菜（+$10）。通菜色澤翠綠，莖部爽口，菜葉幼嫩，伴上鹹香惹味的腐乳，兩者一向是最佳拍檔，如果俾多些腐乳就更好。********************接着一大碗牛筋水餃雙拼米 ($36+$10)就熱辣辣上枱。米粉份量十足，煮得剛好，有咬口，但索湯力不強，故喜歡舀一羹腩汁放上米粉，大大啖吃，最滋味！約有五件牛筋，每件都大大件，夾雜少許肥膏，腍滑中帶爽，富有膠質，味道香濃，正!　兩隻鳳城水餃雖比平時吃的細小，但饀料十足。薄滑的外皮包着爽口彈牙的蝦肉、爽脆的木耳絲，混入鮮肉碎，並沒有肥膏，味道鮮香。****************************

喜歡食牛的我今日來將軍澳新都城3期，註明香港製造開咗冇幾耐的樂園魚旦專家開餐😋店舖雖然不是很大，但十分乾淨光猛👍坐得舒服👍👍叫咗2碗雙併，飲品：凍檸賓和凍杏仁霜崩沙牛腩+牛丸幼麵～崩沙腩半肥瘦，肉味濃，有口感有彈性，又有油香，而且唔會癡呀，牛丸爽口彈牙，好多汁✌️金牌牛三寶+墨魚丸米線～牛腩肉好滑好嫩，又夠入味，牛筋好淋但又保留到應有的口感👍牛肚就爽口😋😋最後提提大家記得落埋佢個辣椒油👍😋

屋企附近開左間新港式粉麵店，平時行過都見到好多人係門口等外賣，而店入面都坐滿曬人～今日特登等過左lunch hour先同朋友黎試下😎魚蛋拼崩沙牛腩魚蛋食落非常爽口，但得兩粒份量比較少。反而崩沙牛腩份量就好多，一碗都有大概6-7塊，牛腩肥瘦各半，食落夠軟諗，有種入口融化既感覺🤤墨丸拼五香牛腩牛腩質數唔錯，食落都幾軟諗，墨丸咬落都幾彈牙，值得一試😋下午茶時間食仲可以優惠價加配嘢飲～值得推介杏仁霜，飲落唔會太甜但又有好香既杏仁味😙

今日係將軍澳收工，突然想食碗牛腩麵，點知甘岩又比我搵到位於新都城中心三期既樂園魚旦專家，位置十分接近地鐵站口，夠晒方便。餐廳環境乾淨企理，坐位都闊落。睇睇餐牌，呢度除左有粉麵之外，仲可以叫飯食，下次可以黎試試。今次我點左崩沙腩幼麵，配一杯冰凍奶茶。崩沙腩位於橫膈膜附近、牛肚兩邊既腩位，腩上仲有層薄膜，食落口有膠質，而且連住肉，爽口，淋軟，而且唔會鞋口或者太硬，口感好有層次。湯底亦有熬製過，唔會太淡口，食牛腩個湯底好重要。凍奶茶用鋼製杯，夠晒凍，好貼心。

今日喺寶琳度行完街，肚餓就周圍搵下有咩好食。咁啱見到商場門口有間港式粉麵店幾吸引咁，所以今日就同女朋友嚟咗呢度食晚飯。我哋叫咗一碗崩沙腩魚蛋粗麵、一碗牛腩雲吞幼麵、一碟生菜、一杯凍檸茶同凍檸賓。1.    崩沙腩魚蛋粗麵崩沙腩份量好多，佢係橫膈膜連住牛肉，咬落去橫膈膜爽口，而肉嘅牛味就好濃，肉質紮實。魚蛋非常彈牙，有陣陣魚鮮味又唔會太鹹！粗麵好爽彈，無乜鹼水味。2.   牛腩雲吞幼麵牛腩煮得入味，肉質好淋，點埋佢個辣椒油更香口！雲吞皮薄，有大大隻蝦喺入面，餡嘅豬肉都多，味道唔錯！幼麵無乜鹼水味，同粗麵一樣都係咁好食。3.    生菜生菜加蠔油，份量算多，2個人食啱啱好，跟粉麵加$10真係好抵食！4.    凍檸茶同凍檸賓凍檸茶個茶底唔會苦澀，凍檸賓亦唔會太甜！總括而言，呢間粉麵嘅價錢唔太貴，份量都算多，質素都唔錯，地方坐得都幾舒服，值得一試！

今日去左將軍澳工作，做完野有啲肚餓，經行過新都城中心三期見到呢間係正商場出入口既牛腩牛雜麵，跟住就入左去坐低醫肚。呢度除左面，仲有飯可以點，岩晒大胃王朋友。呢度介紹魚旦同牛腩係招牌菜，於是我就點左一碗魚旦牛雜面。魚旦彈牙，有嚼勁，又係幾好食。牛雜入面覺得最好食係牛腸，都係煙煙因因，而且牛腸夠肥，牛腸緊係愈肥愈好味。朋友就叫左牛丸牛腩麵。牛丸有濃濃牛味道，同魚旦一樣甘彈牙，好食！招牌牛腩都無令人失望，爽口得黎唔會太韌身。

20年2月17日，早輪知道呢間粉麵鋪係新開嘅，今日想食粉麵，起身後便同男友來下午餐，店舖雖然唔算大，但座位都舒服乾淨的枱面有醋同辣椒油，裝辣椒油的器皿幾特別好似古裝年代用的。奶茶不錯，奶同茶比例剛好～我order左牛雜魚蛋河，相當足料，全部都大大件的，魚蛋彈牙，牛雜入味真心唔錯～男友order左咖喱崩沙牛腩飯，男友就話一般，覺得唔夠入味而且份量太小，如果男士應該覺得唔夠飽紫菜湯是送的，味湯正常～

新都城新開左間魚蛋粉麵都幾多人排隊 見到價錢都算係幾平 30幾蚊都有一碗麵 因為的係下午茶時間所以加$5就有飲品添 今次就叫左個牛腩粗麵 $36 粗麵質地好爽好滑 唔錯唔錯 而牛腩都有成5-6件咁多 有一半係半肥瘦 煮得好淋 有少少脂肪 所以都幾滑同嫩 但有啲就都幾乾幾柴 不過都係一半一半整體都唔錯 呢個價錢幾抵食 酥炸門鱔皮$35見到好多數量有限就試下啦 的確幾有驚喜 有碗湯可以浸嚟食 我冇浸湯就咁咬係好脆 好香口而且好厚身 食食下有淡淡鱔味另外叫左熱杏仁霜 本身好中意飲 而且唔係到到都有得飲 所以私心加分😆

新開一間魚蛋粉店，樂園都算幾出名，不過好少食，一於試試佢價錢合理，多數都係$3x，除左崩沙腩麵呢類極品去到$5x，另外仲有啲小食可以加五香牛腩河 $36湯底好濃郁，色水可見一斑，牛腩份量可接受，都係 5件左右，不過質素都係睇佢斬咩位置，夠肥就好食，唔肥就比較柴同硬啲秘製牛雜粗 $36應該係一樣嘅湯底，牛膀一件普普通通，牛肺2-3細件少啲血管位唔夠爽，牛腸2-3條有肥位好甘香，牛肚多啲有4-5件唔爽但滑，整體係好食，冇咁內臟臭味油菜 ＋$10環境係好乾淨，始終新開，裝修唔錯新潮，燈光足，服務就可圈可點，到位但係落錯單，可能忙啲！？食物其實係唔錯，可以再黎過，起碼食厭左沙嗲牛麵嘅就啱晒