樂園素食

营业中

休息中

下午分為中午和下午茶時段，雖然沒晚上般多款式，但較錢較晚上便宜，也是屬於新派素食，如圖片的款式，美味可口。我喜歡烏冬，如日式烏冬質素，也喜歡壽司，老火湯，等素食。

大年初一屋企人食素，每年都諗諗新意思帶佢地試唔同嘅素食餐廳。今年就book咗素食buffet😋Buffet line唔係好長但款式多樣化，有沙律吧，唔同嘅蒸籠入面有素燒賣、粉果、中式糕點、中式包點等等。樣樣試一件，基本上兩轉已經飽咗😂腐皮壽司、南瓜天婦羅、炸春卷、炸香蕉糕、菇天婦羅、素雞卷、煎蘿蔔糕、粉果、燒賣、炸南瓜餅、炸芋球、胡麻醬滑豆腐、仲有冷烏東😋炸物有啲暖，有啲啱啱炸起，脆卜卜唔錯。冷烏東幾好食所以encore😆 甜酸齋做得唔錯，芋頭炒飯有心思幾香，蘑菇炒蛋正常，咖喱魚蛋又真係幾彈牙😆 炒福花、炒四季豆正常。差啲被忽略嘅醃白蘿蔔好好食！爽脆之餘醋味酸甜度都恰到好處😍素壽司🍣糖水有綠豆沙，爸爸話ok👌🏻👨🏻另外仲有木瓜雪耳糖水👌🏻繼續encore 冷烏東🤣 冷麵汁係自己落，所以今次拎咗冷烏東去沙律吧玩mix & match😆原本怕buffet會出現爭先恐後或食物供應不足嘅情況，唔可以話全部源源不絕咁出，有時都會出現空盤嘅時候，但好快店員就會補充空盤，反而食到新鮮出爐嘅食物。凍豆腐、冷烏東呢類要雪嘅食物，出嘅量唔多大慨一輪10-12碗到，唔夠再出好過放響到易變壞。唯一美中不足係，

今晚約咗朋友嚟銅鑼灣食素食自助餐。晚市送一人一盅燉湯，素咕嚕肉份量就視乎人數送多少。燉湯味道好好，尤其今日天氣凍，飲落去暖哂。咕嚕肉都唔差，但未去到好好味。餐廳提供各式各樣嘅素食，最吸引到我嘅，係素魚生壽司區🍣同炸物區熟食區🍲都有唔少選擇。但都係亞洲菜。點心區有🥟中式點心糕點飲品區🍵有凍熱飲品、咖啡機可沖熱咖啡☕️同熱奶🥛甜品區🍰選擇則較少仲有沙律區🥗有沙律菜🥬同水果🍉唔記得影相餐廳食物絕大部份都好好味，有好多都係我第一次試嘅素食菜式。推介👍🏻餐廳環境都好舒服，有幾個用餐區，不過唔多人時都應該盡量集中喺中間嗰度員工服務態度都好好，親切有禮👍🏻價錢方面，成人晚市一人$178，加一後$196 。唔使$200，有咁嘅食物質素、環境、服務真係超值👍🏻如果想食素食自助餐嘅，不妨一試😋

食物種類好多元化，一次未試得曬全部。見好多人推薦壽司區🍣，不過個胃今次裝不下⋯質素味道整體而言都不錯。餐廳環境寬闊舒適，乾淨企理。午食人流不算多，一人食都安排坐4人桌。午市一人加一後收費$108。有機會來嘗試晚市。

樂園素食是中西新派素食餐館，呢間素食餐館响地庫，位於銅鑼灣區，交通方便。隔一段時間就會去一次樂園素食，老闆非常友善，待應服務態度有禮貌，燈光光猛，環境好舒適，地方整潔，坐位寬闊，檯與檯的距離也適中，都算幾多座位，裝修簡單。難得去銅鑼灣行街緊係要搵下有乜好野食，任食素食嘅餐廳選擇真係唔多，見呢間素食食評幾好，就去試下。一坐低每枱都有一份冰鎮咕嚕肉及每人一碗燉湯，碗湯好好飲，每人限飲一碗不可添。自助晚餐食物種類多，最近還增加了素點心，如素燒賣，素粉果，亦有多款素炸物，亦清楚標示含有乳製品/蛋的成分。客人都非常多，差唔多滿座！味道以素食嚟講算無咁清淡，適合平時唔食齋嘅人，飲食多元化，價錢實惠大眾化，是值得重臨的食店。飲品選擇都很多，有羅漢果茶，豆漿，檸檬洛神花茶，咖啡等，吸引多人 體驗健康素食。總的來說，這是一家非常高品質的餐廳，我都幾滿意，款色多又好味，refill也很快，價格也很實惠，值回票價。

夜晚19:45 去到, 大部野食俾人掃清光, 職員話冇得再加添, refill , 有就有, 冇就冇, hea 咗你就算. 阿姐完全唔憂做. 食客慘過食屎, 但就收200 幾蚊. 餐廳完全體現一班躺平工作服務員服務食客, 食就食, 唔食就躝喇

只需看相片，已知道這素食店自助餐一流，食物精美，多樣化，美味，刺身，豆苗，沙律，皆有高質蔬菜其中，老火湯材料十足，冰鎮骨有睇頭有味道，都是用心制作，不像其他自助餐大堆頭模式，會再來。

幫襯左咁多年，無論lunch， Tea， Dinner，不過今次真係嚇死人，未夠8點4-5個熱盤係吉嘅，餘下嘅時間都一直冇refill! 仲要10樣有7樣嘢都係唔熱嘅，最令人失望嘅係，連清炒菜心或者芥蘭都冇見過! 蒸點心，全部都只可以用微暖嚟形容, 有啲皮仲又乾又硬晒！！ 薄餅硬到可以咬崩牙！啲炒飯乾到呢... 嗰個炒烏冬乾到唔想夾落去！ 雪耳糖水，由頭到尾都係擱淺淨係見到啲渣，都冇refill過最恐怖嘅係8:15有一個好勤力嘅員工，佢勤力做咩呢？就係喺度清潔，佢仲要將一盆灰色嘅清潔水擺喺關東煮隔離搓毛巾，有冇咁趕住收工啊，佢仲要用嚟抹嗰啲盤喎，入邊有食物㗎嘛！滴咗落去咁點算呀？真係好恐怖呀！唔知以為自己入咗去10點後嘅宵夜時段！ 你哋仲收$196 仲聲稱自己有超過70款嘢食，如果連埋汁醬可能會嘅！真係令人好失望，想我都唔想影呀！

正值八月十五中秋，同媽媽想試呢間好口碑的新派齋，我都知時間太趕十五訂位難，我前一日打去問，佢話6點果輪已full叫我8點後去應該不用點等位……結果，7點半去到，話要等多陣，我照攞了飛，D人出出入入，店員就叫晒訂咗位嘅入去先，即係有第2輪可訂位，但同我講吾駛訂，得我攞飛等（全晚冇人walk in🤔 ）……我等到八點十分左右入座……可能疫情過去，座位似坐番100%，座位同座位間好密……我地坐入面的路口位，食物集中放在餐廳一角落，款式都多，REFILL都算快，每個客人送一客鮑魚及燉湯....我食了3轉左右，食物味道都OK，鮑魚、刺身都造得幾似真，因為我地都算係第2輪，吾知係咪鋪頭趕收檔，食到21:15就催人埋單，根本吾足90分鐘，話收21:30，其實在8點幾時，我出去攞嘢食時都已見D阿姐好勤力在清潔，奇怪係用到清潔劑及布抹枱上裝住食的盤邊,,,,仍然有食物架喎，D清潔劑有冇彈到D食品真係吾敢肯定...呢度服務都OK，都企理乾淨，不過人太多感覺有點迫，樣樣搶咁...試過就算了,,,,

素食自助餐真係好吸引，可以揀自己鍾意食嘅，呢間已經食過幾次，環境幾靚，坐得舒服，座位都多。是日平日預先訂了座位，19:30，七位。平日人流唔算多。當齊人後，會送上冰鎮咕嚕肉及原盅燉湯，兩樣都好正。🌀頭盤見到有沙律區，什錦刺身，壽司，雞絲粉皮，炸物等等，好多款選擇，無論味道或者賣相像真度都好高。🌀熱食有炒飯，炒麵，燒賣，雲吞，水煮牛，關東煮🍢，薄餅🍕，菜蔬，薑醋蛋等等，不能盡錄。所有食物都保持水準。🌀甜品有糕點，蛋糕，中式糖水。🌀飲品羅漢果茶，絡神花茶，豆漿，咖啡，亦有中式老火湯。款式多而且晚餐無限時值得加分，可以無限時下，可以慢慢食，慢慢傾，我哋係傾到最後一刻先去結帳。

媽子鍾意食素 上網搵到附近一間睇落唔錯就試下一入門口媽子扭扭擰擰揀位坐🫠好在有位侍應先生不厭其煩推薦距離拎嘢食較近既位俾我地 服務即時加分🫶坐低之後即刻上個蟲草湯俾你飲 味道正常食物款項好多日式壽司又有 中式菜餚熱食 港式蜜汁叉燒 麻辣丸類等等 意外地連薑醋蛋都有圖中有三文魚刺身（似係蒟蒻做）素軟殼蟹（呢個好食，用菇做但又有軟殼蟹味）素炸蟹箝 餃子 炸香蕉糕 炸雲吞 海葡萄嘢飲都有4 5款揀我揀左洛神花檸茶媽子就揀豆漿糖水有南瓜雪耳 我試左芝麻糊超穊芝麻糊 入口又唔會好溜 不過一碗就夠環境方面，任食放題黎講算中上。小總結：每位唔洗200蚊，90分鐘任食好抵食物質素中上 CP值5星星😆

👯食素嘅朋友仔, 總會有三幾間素食店係可作回頭之選嘅😉🛍️今日銅鑼灣血拼後, 就帶咗我嚟呢間素食店, 吃放題晚餐🥰✨裝修雅緻配合柔和嘅燈光, 座位寬敞舒適, 有如繁忙鬧市中嘅清泉, 好有洗滌心靈嘅感覺🥰✨70多款多國菜任食 $178/位淨係喺門口睇到個食物海報, 非常吸睛, 已經被佢吸引咗, 以呢個價錢, 食一個放題晚餐, 都可算係貼地價🤩✨自助放題區, 食物擺放清晰整潔, 設有多款調味醬料, 沙律吧, 各式韓日式食品, 刺身,串燒, 熱盤, 甜品及飲品, 種類繁多, 各款美食, 仿真度超高😍✨冰鎮咕嚕肉, 外脆口, 包着內軟嘅軟滑雞髀菇, 酸甜醬汁味道恰到好處, 非常開胃😋✨是日原盅燉湯熱辣辣上枱已經聞到香氣, 湯料豐富, 圓肉、杞子、粟米、蟲草花, 菇菌, 香甜順喉🥰✨蠔皇素鮑魚擺盤上枱吸睛, 以蠔皇燜煮嘅素鮑魚口感軟腍夠惹味😋🥗沙律吧嘅蔬菜種類選擇超多, 蕃茄仔,紅菜頭,豆類及藜麥, 食材新鮮🤩✨前菜選擇, 我最喜歡係呢個“泰式鳳爪“, 像真度高之餘, 仲有Q彈口感👍🍗素雞腿, 全件係腐皮製, 外皮香脆, 裏面係軟腐皮, 好睇又好食💕✨最後梗係要食埋甜品作呢餐嘅完美句號啦！🥣熱食糖

越來越多人知道素食對於健康的好處，作為一個 食肉獸，素食對於我來說無疑是一道清泉， 絕對可以洗滌我的身和心。今晚靚女同事帶我去食素，令我認識到素食原來都可以那樣多元化和精彩，令我覺得原來唔食肉都可以好正。餐廳環境寬敞，乾淨整齊， 清雅脫俗， 店員服務態度良好， 令人身心放鬆。樂園素食90分鐘任食放題$170/位，包70款多國菜任食， 前菜每人奉送蠔皇素鮑魚，冰鎮咕嚕肉和原盅燉湯，好抵食呀!冰鎮咕嚕肉~外脆內軟，表面的脆漿炸得又薄又脆口，內面是軟滑的雞脾菇，酸甜汁做得十分出色， 酸酸甜甜好開胃， 無論味道和口感和真的冰鎮咕嚕肉相差無幾，很驚喜的一道前菜。蠔皇素鮑魚~ 仿真度十分高， 口感軟腍中帶彈性，以蠔油炆煮，很惹味。原盅燉湯~ 材料有羊肚菌，粟米，圓肉，蟲草花和杞子， 清甜滋潤，好舒服。放題區整齊有序，有Salad 吧, 刺身，日式食品，串燒吧，麻辣盪， 熱盤，飲品和甜品等， 種類相當豐富，無論賣相和味道也相當吸引。Salad bar~有沙律菜， 粟米，鷹嘴豆， 西瓜，火龍果，車厘茄 和菠蘿等，配以各式沙律醬，清新滋味。冷盤~有酸薑皮蛋， 麻醬粉皮，雜錦刺身(鮑片，魷魚，三文魚)，海

一直都想試呢間好耐，終於有機會食一開頭會送每人一個湯同咕嚕肉 呢兩個就冇得refill 但質素幾好 如果多人嘅話個冰鎮咕嚕肉仲會係一個大碟呈現出嚟，又會冒煙好打卡able跟住就到我哋自己出去拎嘢食嘅環節，好搞笑，佢有麻辣燙同蕃茄燙 個人比較鍾意蕃茄燙比較特別另外仲有壽司、炸物、甜品同嘢飲。嘢飲係自家製嘅茶。好鍾意佢嘅甜品係和果子 然後有時都會refill 啲pizza新鮮滾熱辣出爐如果鍾意食新式素食嘅朋友一定要嚟試下

講吓最近家人聚餐軼事，就是在母親節和家人吃午飯慶祝，一同吃素，是我哥挑的餐廳。自問不是素食達人，也沒有特別喜歡或討厭吃，間中來一餐，家人想吃就好了。現在素食餐廳開得如雨後春筍，素食自助餐比比皆是。我平時和家人吃飯，不論是任何菜式，點都要嗌兩碟菜。今次就可以毫無負擔，盡情吃個夠。母親節正日，午餐才 $108 加一，抵過飲茶，難怪很快就全場爆滿。入場的母親們，都可得到一個餐廳送上的福袋記念品呢！這餐廳有標示各項食物是否含蔥蒜 / 奶類 / 蛋類，方便茹素人士選擇：中午整體共有約 30-40 款食物，我當然沒辦法每樣都有吃，盡力分享啦！冷盤冷盤的沙律 bar，有各款新鮮蔬菜，個人推介「芥末蜜糖汁」dressing，作為前菜醒胃：冷盤當中有以日式系列作為主打，眼見都受食客歡迎，味道偏清、不油膩，也較健康。最受歡迎有「和風芝麻醬豆腐」，豆腐嫩，灑上芝麻醬，味道也沒有失手的理由：「昆布冷烏冬」，配類似天婦羅汁的湯汁沾來吃：「素手握壽司」有相當多選擇。我現在戒緊澱粉質，也沒多大興趣；為免造成浪費，全部都沒吃；就交給我的家人吃吧！「三文魚壽司」「吞拿魚壽司」「墨魚壽司」另外還有沒有上鏡的「西式蔬菜條」