樂園牛丸大王 (已結業)

今次再嚟樂園唔係食牛丸,而係食牛什河牛什河加杯凍檸茶,正是小弟的晚餐,雖然牛什只係一般,沒什麼過人之處,但係湯底味道濃,配合一貫落得唔留手既蔥粒蒜椒,令到碗粉美味!加上味道夠辣夠濃烈既辣椒油嚟食,都食得小弟幾過癮!再來,唔一定係食牛丸,不過牛丸始終係比較好食!

我個friend order 左一碗牛雜面 and 一碟菜$24 and $6味道一流湯底濃烈牛雜多, 面亦都唔會少菜夠綠無甘服務可言因為唔需要太多溝通餸菜黎得快要同人搭抬因為地方細

之前睇飲食男女介紹這間好食，所以昨晚去完街有少少肚餓，但係又唔可以食得晒一碗，所以叫老公駕車去買一碗外賣，咁去到問係唔係有什麼爆醬豬肉丸，個店員話係即是花膠豬肉丸，但係我覺得係出面食的花膠唔係咁好食，所以最終買了一碗墨魚丸拼魚皮餃河粉外賣，咁落單時已經同佢講了分開碗，唔係的話，返到屋企會冇晒湯，我仲話走走，點知上了車，行了一段時間，我就聞到好似好大陣的冬菜同芫茜的味，但係我記得我明明講了話唔要，咁就唔理住，點知返到屋企，一開就見到真係有這兩樣o野，d 員工真係唔睇o野呀!慣了手勢，咁我地都係抱住一個試下的心態去試下，點知d 魚皮餃都唔係好似雜誌講咁話好彈牙話係用魚肉做，真係唔覺，只係覺得冇什麼口感，食落去好似好散咁，咁翠華那些好食過佢，同埋我試過係超市買那些都好些過佢，至於個墨魚丸都幾彈牙同埋幾有墨魚味，但係碗河粉就好細碗呀，真係大酒樓那些碗仔少少呀!其實d 丸同餃都係total 五粒，d 粉都唔係好貴。俾我感覺佢仲貴過翠華，我成日都覺得收得貴唔緊要，只要好食就得，d 河粉好硬，一o舊o舊，唔好以為係同湯分了開所以致成，我都用湯浸了一陣先，都係咁呀!唔滑呀!

同死黨唱完k,時間尚早,又見肚餓,於是過左對面馬路樂園牛丸食碗粉!我自己食牛什河而朋友仔就食招牌牛丸河,牛什河味道ok,肚唔算靭,草肚唔覺有,我都係鍾意食草肚多過金錢肚!碗河粉好夠味,皆因落左大量蒜椒同蔥花,不過可能蒜油多得滯,所以飲啖湯既時候覺得都幾油!夾朋友仔粒牛丸試,又真係唔錯,好好食,爽口!環境一般,要搭枱,隔離枱兩個男士不停爆粗,有點煩!

變左新舖之後第一次食, 環境實在太迫. , 一張細圓台要迫成5-6個人, 之於野食其實都一樣, 但係d菜細碟左好多, 又淋. 野食上得慢, 我都係鐘意以前多d, 坐得舒服d, 食得開心d.

今日要寫既最後一篇係樂園牛丸,係兩日前既飲食經歷!我食既係一碗牛丸米,先講湯,其實比較咸同多味精,我其實真係唔係咁欣賞,蒜蓉同蔥落得唔少,本來係好事,但係個湯已經破壞哂!不過牛丸又真係好好食,牛丸勁彈口,牛肉味十足,仲有一粒係牛筋丸嚟,食完真係覺得有啲驚喜!如果唔係個湯,我會俾個笑臉佢,可惜!

最近看openrice才知道這間多年來過門而不知入的樂園是好吃的，所以之前表現如何真的不清楚。不過對於一個新客來說，樂園已經是個驚喜。粉麵店在香港到處也有，製作容易，所以頹作也不少。這陣子路過時，忍不著一而再，再而三的光顧樂園，是因為樂園有值得欣賞的地方 論地點環境，樂園很就腳，更重要的是店內出其奇的清潔，要知道這月來大雨不斷，但店內竟可乾爽依然，坐下來一掃在旺角街頭撐傘煩厭的感覺。雖說是牛丸大王, 但我們只吃過一次牛根丸，很不錯，不過我們較喜歡其他食物。首推牛雜，吃了兩次，水準有點飄拂，但仍比外面好吃和乾淨。金錢肚很靚，真的，還有牛潤，肺，大小腸... 由於可能每天貨源有差別，建議進店時先看看那煲牛雜賣相如何!墨斗丸.. 從來未試過真的吃得出有墨魚味的墨斗丸，吃上大一口我們都哇了一聲呢。不過一碗五粒太齋了。 ^_^"蠔仔粥，潮州菜式，我們吃的那次，蠔仔又肥又甜又鮮又多，太強了!只略嫌薑絲放得太多。至於粉麵亦十分出色，首推河粉和粗麵。河粉滑溜，有口感，咽韌，浸著湯不會變成餬，對於愛吃河粉的我來說，真的太棒了。另外粗麵亦具蛋香，鹼水味不會過火，麵條不會黏成一塊塊硬的。就是如此，即使是很平

5月21日晚, 本人到新裝修樂園牛丸王, 叫了一碗"牛腩牛丸河"過左5分鐘後, 伙計送上是一碗" 柱侯牛腩牛丸河".牛丸依然好食, 河粉加了太多葱花,最差就係"潮式牛腩"都變埋"柱侯牛腩"?如果食"柱侯牛腩"我駛咩黎樂丸!一間係香港人心目中,最好最有風味手打既專業牛丸大王,唔好再賣套飯/柱侯牛腩.....變成一間"港式"茶餐廳,十分可惜!

好失望呀!之前樂園岩岩改左新舖,我去另一間食過,明明都OK個喎,但係尋日黎呢間翻新左既原店,竟然差左好多!明明上次有配菜,但係今次,牛丸河就牛丸河,多條菜都無!但係餐牌張相又有紅蘿蔔又有金菇又有菜,我上次去另一間店都無咁寡喎!搞乜呀!已經比舊店貴,仲要乜都無,感覺係十分之唔抵!(因為又唔係好味左喎!)叫左個生灼手切牛肉米粉,牛肉得好少咋,而且都幾多筋架,比我想像中差好多!反而食牛丸好過!小牛個黑椒牛丸牛筋丸河,就有五粒丸,但係感覺上好似比以前細粒左…至於炸魚皮,好在同以前一樣味道,不過呢,份量真係少左喎!唉…我諗,如果樂園繼續係咁,我地唔會再黎新店咯…原店風味不復再咯!嗚嗚嗚…

除了西洋菜街外，呢間樂園亦換了新裝，試試新與舊樂園有什麼分別。廿多元一碗，加飲品、油菜都只是$6，價錢很合理。打正「牛丸大王」主角，當然不得不試，粉麵只是作陪襯的配角。老公的牛筋丸+牛腩河，牛筋丸非常爽口彈牙，肉味夠濃，而牛腩較為遜色，入口不夠腍有點根，柱候醬味不夠濃不夠入味。我的黑椒牛丸+墨魚丸粗麵，相比之下黑椒丸不及牛筋丸好，口感雖亦彈牙結實，但前者黑椒蓋了肉香，不能兩全其美；墨魚丸size較其他丸細粒，仍不失彈牙，明濕沒有多餘粉團，真材實料。新與舊的分別是較有年青感，地方較為乾淨，而其質素就沒有變。

凌晨零時左右，這裡也仍是其門如市的。進店時想著吃牛筋丸及墨斗丸，坐下卻又想吃牛腩，叫了沒有爽腩，也沒有坑腩，那半肥腩總有吧，就要了碗半肥腩米「多青」。碗米粉份量不少，真的是下了幾多蔥的，阿姐在千軍萬馬的情況下還記得這個要求，也算不差吧。牛腩不韌，幾軟熟，帶油脂部份甘香。這裡做的不是柱侯，卻又不盡是清湯，而是跟牛雜一窩的做鹵水，味道也不錯的。埋單26蚊，半夜三更吃得到這個牛腩米，不錯了。

琴日行經旺角未食晏, 見間間都咁多人, 就求其入左黎食, 諗住快d食完就走. 呀, 點知竟然有驚喜喎. 入都去人山人海, d阿姐好積極咁幫手搵左個位坐低. 見menu上有花膠豬肉丸, 見幾得意就試下. 仲加左個芥蘭同涷檸茶. 個花膠豬肉丸叫果陣已經知要等耐d, 過左10分鐘到終於黎啦. 好明顯d花膠豬肉丸係大粒d, 一口咬落去幾juicy, d豬肉丸好香, 而且d花膠幾有咬口. d河粉都幾滑, 份量都幾足. 唯一要彈嘅係d湯非常多味精, 我將杯涷檸茶一飲而盡都仲覺得口渴. 雖則食左成50蚊都幾貴, 不過試左新野又幾好味, 都ok呀.

俾個阿姐激死呀!呢樣又唔得果樣又唔明,仲要漏晒單,唉!話說我地兩個人,先點左個雙拼麵,再點枝無糖可樂,已經完成左一個人既餐\,然後再問姐,有無大可樂,佢\話無,咁我地就要凍奶茶啦,佢\誤會取消個無糖可樂,其實唔係,唔關事,係兩樣野(咁有兩個人,要兩個飲品都好正常),不過呢個算,佢\誤會得黎尚算合理。跟手因為未諗到食乜,話住單先,一陣再點,佢\竟然拒絕!話唔得!佢\話,要一次過點,先可以飲品係$7,否則要加到$11,我地話一陣點食物時,話番你知,咁到時改番,又或者mark低先,佢\話唔得喎,一定要一齊,一次過,邊有咁架!咁唯有好快咁決定落單囉!點解咁rigid?話說落單之際點左碟炸魚皮,但係遲遲未上,問番店員,無人知,又要搵番個阿姐,阿姐仲要話唔知自己有無落,連睇番張單都係get唔到個答案,因為張單只有銀碼,佢\唔知自己落左乜,激死!最後搞完一輪,原來漏左單,叫番啦!又話有$7炸魚皮同$13炸魚皮,問佢\有咩分別,佢\竟然話,係$7同$13既分別!!!鬼唔知咩!!!重覆問多次,佢\先話$7份量係$13一半(仲要係佢\講果句其實講得好亂,係我et佢\意思係咁咋!)激到你暈!除左個阿姐之外,

久聞樂園的蠔餅好味，便來試一試。這兒是粉麵的地方，當場也要試一試粉麵。我們點了花膠牛丸河--吃的時候要小心，因為牛丸的醬汁很燙。以為31元的東西不會有大大粒的花膠，誰知花膠不太細，而且味道"洽到好處"，好味！潮式炸魚餅，有點似墨魚粒的墨魚餅，很爽口和彈牙，正！21元蠔餅(小)27元，其實二人吃一個小的都覺得很大，因為很厚，而且蠔仔又細又多，一點腥味也沒有。這是一定要試的！油菜，6元，很新鮮，相片是吃剩一半才拍的，所以很少。汽水，6元一支。待應態度不錯，裝修都很清楚、整齊！

買完手指,遊吓遊吓嚟左新之城旺中一帶,又肚餓,好似生積...咁又食番碗牛丸粉,樂園係名牌,所以都唔揀太多,一碗牛丸米就係我呢餐既主菜,加多杯凍檸茶添!牛丸好正,有唔同款式,有筋嗰粒最好食!粒粒牛丸都做到彈牙,唔怪得有食神牛丸之稱!比較有少少缺點係湯好似多左少少味精!