影片
以上资料只供参考，请与餐厅确认详情
地道泰国风街边档，虽然好噏耷！平民价钱食倒好好味嘅泰国粉面，招牌咸肉，呢个应该好少香港泰国餐厅食倒，住附近谂唔倒食咩就食哩间，可以选择嘅𩠌都好多，每次去食都唔会觉得闷！
继续阅读
本身住开重建后既油塘已20几年，由一片沙漠到现在有大本型、鲤鱼门广场和油丽商场，但一直都揾唔到可以一直Keep住食既食店。到现在重已被标签做「面包之城」，呢度只有面包食。但其实早于10年前，喺油塘中心已开咗一间泰式粉面叫做‘榶意’。呢间食店系由蓝田一间老字号泰粉结业后，隔咗几年喺油塘重开，旧店既员工都返嚟做，有唔少蓝田旧街坊都会落嚟油塘食。讲咗咁多开场白，都讲吓食咗D乜。今日约埋班fd 去行三家村同石矿场，起行前先嚟填饱个肚，分别嗌咗杂泰、鸡泰X2、香茅鸡翼泰和咸肉鸡泰，份量多少，有图大家可以睇，我地一行人都觉得够料够饱。杂泰有炸鱼皮、猪红、鱼旦、豆卜、炸虾条，炸鱼皮够脆无油益味，炸虾条够香有咬口，猪红够味又唔散，杂泰系我呢度食粉面既second choice 。鸡泰就系我first choice ，鸡肉够滑系必须既，最重要既系D鸡好有鸡味，唔似出面其他店舖D鸡一系无味道，或者要靠其他酱汁汤料去辅助。我食过蓝田和大角咀既泰粉咸肉，一系柴口，一系就肥肉过多。至于呢碗咸肉鸡泰粉，食咸肉个皮一定要够脆，否则就唔驶再讲，呢度既咸肉，皮脆、肥瘦适中，我就已经觉得足够。香茅鸡翼系近一年左右先有，香茅味道系有既，够入味，鸡皮脆口，但系比较细只咗。我哋行完食矿场之后，回程就返返嚟呢度充饥。因为我哋行到好热，所以我哋冇嗌饭食，其实呢度有海南鸡饭、泰式猪手饭都系好食嘅，但我哋都系嗌返泰粉+2碟𩠌食。我朋友想试吓食鸡髀，佢又忽发奇想问吓有冇得原只上（免斩），点知姐姐话可以，我哋就嗌咗两个原只鸡髀泰粉，另外两个就嗌咗咸肉泰粉同埋猪颈肉泰粉。猪颈肉外层香口又唔鞋，如果食肉兽嚟呢度食，猪颈肉、咸肉和鸡都系必选嘅。另外我哋嗌咗无骨凤爪同埋炸虾饼，无骨凤爪唔算太辣，唔需要辣到要揾水饮。炸虾饼系煎炸嘅，上枱后要摊一阵先好食，否则会好辣嘴，炸虾饼外皮脆，肉质弹牙，系好食嘅，但价钱唔平，呢一款性价比麻麻。呢度嘅泰粉，平日一至五下午六点前，一𩠌连冻饮都只系$38（特式饮品例如泰式咖啡、泰式奶茶、椰青等要另外加钱），$38呢个价钱食泰粉，喺现在根本系揾唔到，就算有都未必好食。讲真，食环境就唔会喺度食，喺度食嘅系味道，包括食物嘅味道，同埋店员同食客之间嘅人情味。我知道有人话呢度员工态度唔好，我就真系未遇过，可能我食开系熟客挂。想喺度食又唔想排队等嘅，就避开中午时段，因为真系太多人嚟呢度食。杂泰鸡泰粉炸虾饼、无骨凤爪、鸡脾（免斩）泰粉、猪颈肉泰粉香茅鸡翼泰粉咸肉鸡泰粉
继续阅读
完全唔知食咩，就食吓街边嘅泰粉🤨两碗粉咁多𩠌，再包埋两杯嘢饮，$100内有找✔️都算几抵食❤️可惜就系环境麻麻地～但系都几地道嘅😀一般大家都会食杂烩，再配咸肉～❤️🏚️榶意泰式粉面 (油塘)油塘嘉荣街2-4号油塘中心嘉发广场地下6-7号舖#黄怪兽 #黄怪兽觅食 #黄怪兽自家制 #香港美食 #香港好去处 #香港 #食 #食谱 #食饭 #自己整 #食饭啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真实食评搜寻ig黄怪兽觅食
继续阅读
人在远方多日, 就算是劣食也会挂念住家附近的油塘食肆, 提供的菜式. 榶意算是在这区比较正常的小店, 在旅程开始前吃午饭, 还吃到其Secret Menu, 就是海南鸡髀和卤水鸭髀油饭, 可惜没有免切, 不然霸气尽现. 老实说水准不是惊为天人, 鸭肉卤水入味但肉质偏韧, 海南鸡髀整体OK, 反而油饭不够入味, 色水和油香也比之前差一点, 不知是否生意好而煮得太快, 不够入味的原故. 其饭附上的两件猪红, 算是特色, 虽然味道并非很夹.另一道它走天涯的是泰面/河, 汤底并非船河的浓烈汤底, 虽然色水有点似, 味道咸香不太涸喉. 杂锦配料种类多元化, 有鱼蛋, 鱼饼, 豆腐及猪红, 还有吸了大量汤汁的炸鱼皮, 感觉相对抵食. 配上猪颈肉, 皮脆有香草香味, 肉质爽而不死实, 还有金边粉的实在, 比起双脾饭低调但更出色.
继续阅读
听啲姑仔讲好好食，特登过去食。一到步，感觉环境很差，天时暑热冇冷气都算，但食物质素真的是非常差！！碗咸肉米线味道都算好，但系啲咸肉肥过鬼，块块都系薄片，好唔抵食！肥腾腾，成餐嘢都冇旧好肉落肚。碗猪红咸过鬼！要浸面汤先至食到！点可能啲猪红咸到咁？！比完钱都唔想食！最后都系留低咗啲系个碗入边就算！！！根本食唔落。隔篱枱应该系熟客，碗嘢明显就多好多肉，同埋旧旧都靓，好唔公平！越食越激气！食得好唔开心，以后都唔会帮衬！！！
继续阅读
您可能会有兴趣的...