榴槤芭 (已結業)

我們下午到達店舖時，店內沒有人。店內的牆上介紹了榴槤的生長情況。我們在坐下後，店員很仔細地介紹店舖出名的甜品，最後我們點了四個甜品。第一個是剛出爐的榴槤批（$48）批皮做得很薄及有些脆，餡料有榴槤味。熱熱的，很不錯。第二款上的甜品是雪中蓮（$56）奶凍中間有榴槤蓉。榴槤蓉很香，奶凍較為淡，兩者必須一起吃，味道才更好。第三款是貓山王梳乎厘（$68）值得推介。榴槤放在梳乎厘中異常地夾。原本配的雲呢拿雪糕賣光了，所以用了曲奇雪糕代替。但因為曲奇雪糕太甜，跟梳乎厘一起吃，完全掩蓋了它的味道。最後上的是焦糖貓山王（$188）。口感是頗特別的，外面薄薄的一層有焦糖的脆，裡面是軟綿綿的榴槤。雖然我覺得就這樣直接吃貓山王，味道會更好。總括而言，每款甜品都有榴槤味，榴槤質素比一般普通榴槤好，但如果以貓山王來說，我期待會更香甜一些。我跟朋友們的結論是，值得一試，但未必會回頭。

今晚同男友附近食飽晚飯經過，見門口雪櫃甜品精緻望多兩眼，店員很友善介紹他們的甜品，我們都喜歡食榴槤，就入去試下啦。 點左個榴槤梳乎厘配曲奇雪糕，仲有一杯芭樂特飲。榴槤梳乎厘好好味，榴槤味幾濃厚，而且剛焗起，圓邊帶點焦脆，而曲奇雪糕也不錯，不會太甜。芭樂特飲也有驚喜，感覺不是隨便放搞拌機加冰就算，是用心調配過。會再光顧和介紹朋友去～支持用心小店～

今天一家午飯後，路經門口~被他們店舖裏的高枱高椅吸引住，坐低還給我們介紹不同甜品配搭以及每款甜品的特色和味道，非常細心且窩心。榴槤pancake比起芒果pancake更出色，當然是我本人特別喜愛榴槤的原故，焦糖布甸很滑，甜度剛好，雪中槤很香滑，完全無膩的口感，愛榴槤者~選榴槤味就真是不二之選啦！奇異果特飲實在好飲到不得了，配合其他甜品，簡直是最佳組合，用新鮮奇異果、檸檬配柚子的果汁，出來的味道竟然好香甜，還餘下香葉般的味道在口腔，很難忘！他們用心製作每款甜點，用上不同餐具襯托每一款甜點，就連飲管、叉刀匙都是同一玫瑰金色的餐具，看得出每個細節都一絲不苟，這個收費實在喜出望外，太值得推薦。我們一家老少絕對會再次光顧，期待下次試千層酥、梳乎厘等……

好味榴槤甜品，飲品又唔太甜，好啱我地唔鍾意食太甜，而又鍾意食甜品嘅人黎食。。 😂😂😂$68 套餐，又有野食，又有野飲，好抵。難得的榴槤專門店，服務態度好好，又好有禮貌，而且好耐心的向我們介紹他們的產品。 😊

I was in Jordan for some errands and came across this little gem in the area. The staff was really friendly and I could tell that a lot of effort was put into each dessert. In particular I would recommend the durian souffle which had a very rich durian flavour and definitely worth the 20-minute wait! Also really appreciated their thoughtful gesture of putting the ice cream on a cold plate to ensure that it doesn't melt quickly.The staff also let us try a small sample of their kiwi smoothie which

今年暑假愛上了榴槤甜品連黎緊中秋都係買榴槤月餅早幾日上網見到呢間榴槤芭新開張Cap低左圖諗住遲下食，點知今知出tst就順便食埋一到門口有個男staff已經好好招呼由於本身食得太飽，所以只叫左一個set 一杯飲品加雪中槤面頭的榴槤蓉夠香夠甜，不過呢款應該係急凍榴槤蓉，齋食會好漏但配埋佢個燉奶就平衡番個味道。飲品我朋友叫左百香果，佢話幾好飲套餐價黎講好抵最後個staff叫我地like and share FB送多件朱古力蛋糕比我地☺️可惜真係好飽只食左一半，味道似brownie

見到榴槤芭新開，星期日下午茶時間去左試😋😋咁啱因為人手問題，得一個男仔整野食招呼客人，佢係咁say sorry仲請大家食多樣甜品，真係辛苦喇👍🏻👍🏻👍🏻製作過程聞到好香榴槤味榴槤到法國 🇫🇷（$58）焦糖面都好厚身，燉蛋都好滑，配埋榴槤食好正😆榴槤奶昔🥛（$48）杯榴槤奶昔唔係好杰身個種反而好啱我口味，飲完一杯想再飲🤩榴槤批🥧（$38）淡淡榴槤味，對會食榴槤但怕太濃嘅朋友食下次會再去試埋其他款😁

咁原先個 甜蜜套餐係有杯 翡翠檸檬茶 特飲 同榴槤到法國 因為某啲人手問題 所以得師傅仔自己一人 咁佢唯有同啲客人 抱歉 每圍枱都送咗啲嘢食 服務態度 物超所值 係一間超值得 推傳嘅舖頭 會 繼續去支持同去幫襯嘅舖。加油！

上ig見到呢一間舖頭係用馬來西亞直送貓山王，咁啱喺附近就去幫襯下。餐廳位置唔算好近地鐵站，但係都唔算好遠，亦都好易搵。老板娘好熱情，餐牌上面幾乎每一樣都解釋比我地聽係咩黎，因為餐牌得款式名同圖，齋睇可能唔知咩黎。我地兩個人叫咗一個「榴槤到法國」，一個「雪中槤」。其實即係榴槤法式焦糖燉蛋同埋榴槤燉奶。先講左個榴槤法式焦糖燉蛋，個燉蛋本身蛋味都好濃郁，上面焦糖好似薄咗少少，厚翻少少就好啦，不過燉蛋整體問題都唔大，係幾好食。到個榴槤，真係好濃，同街市賣啲金枕頭爭好遠。問左老闆娘，原來係貓山王，食完一啖，會有少少甘，之後榴槤陣香味會停留喺口腔好耐。一齊食就係兩個好濃郁嘅味道，而裝飾嘅藍莓帶少少酸，咁啱可以中和咁濃嘅味道，而又唔會好衝突。之後就到個榴槤燉奶，個燉奶奶味都OK，甜度都啱啱好。本身以為個燉奶會溝淡個榴槤味，點知仲濃左，而個口感係好似好creamy嘅cheesecake咁，唔會好稀又唔會漿住個口咁。整體黎講，食物質素幾高。價錢都唔算好貴，下次經過會再試。

行開廟街想坐低抖抖，本身鐘意食榴槤嘅我見呢間甜品小店新開張就試試啦，驚喜！甜品款式選擇都算多，有一般甜品鋪冇嘅，我就試左榴槤拿破侖，幾特別，賣相精緻，味道亦相當唔錯，推介！另外叫左杯奇異果特飲，本身以為冇乜特別,諗住喺奇異果果汁一杯,點知一飲落甜甜地,有柚子蜜味,而且唔酸！夏天熱辣辣消暑解渴，唔錯。下午茶時間,埋單都係60幾70蚊，算幾抵食。我仲見到間鋪頭有買新鮮榴蓮,我就順手買左包榴蓮乾返去。下次行開廟街會再試

今晚同朋友去試新嘢，我哋2個都好鍾意食榴槤，趁佢生日即刻去試下。去到原來有套餐，不過我哋就咁分開叫，試咗燒榴槤貓山王，好甜，好溶，仲要面頭有啲糖焦，正到爆!我哋每人仲叫咗杯水果茶，我要百香果，朋友要檸檬茶，好fresh，不過無影相。其實榴槤食得多有少少漏，已經同朋友約定下次再嚟食過!

有日行過去永安，見到開左間榴槤甜品店，我又鐘意食榴槤，味去試下囉。叫左塊榴槤批，個批皮唔散，好重榴槤味，入口即溶，食完啲榴槤容，陣味係個口到回盪。我仲叫左個少甜既檸檬茶，檸檬味好重，好好飲叫埋個朱古力慕絲蛋糕食，好重朱古力味，又唔係好甜，女仔食岩岩好。個慕絲蛋糕好厚，師父用料好重手，咁既價錢食個咁既蛋糕，大件夾抵食。係門口見到有賣原個貓山皇榴槤，好大陣榴槤香。鐘意食榴槤既真係可以買返個返去食。7點幾去都坐滿人，冷氣又夠凍，抵食！