榮記茶餐室

营业中

休息中

由細到大都好鍾意食沙嗲牛肉麵，依嫁坊間有好多沙嗲煲仔牛肉麵，但一路都未有機會去試。今日特登嚟呢度試吓佢好出名嘅特濃沙嗲煲仔麵，睇吓同平時嘅茶記沙嗲牛肉麵有啲咩唔同先！一入座感覺只係普通嘅街坊茶餐廳，座位只有二十多個較逼夾，但係呢度嘅服務好好，見我哋坐得迫，（有人走）主動問我哋需唔需要換卡位。呢樣嘢絕對值得加分。我地叫咗兩個”真.沙嗲煲仔麵”，一個係沙嗲牛肉，另一個係沙嗲米粉配雞扒。以煲仔上嘅沙嗲麵一放低就見到㷫烚烚，剛滾起拎出黎咁樣，香濃嘅沙嗲醬撲鼻沙嗲牛肉麵麵質偏稔，麵條好入味，入口沙嗲味十分香濃。牛肉係用新鮮牛肉整嘅，份量多且肉稔，好滑，完全冇筋或者咬不開嘅感覺。味道一流，絕對值得一試。米粉相對更容易吸晒沙嗲汁，味道好香濃，啖啖都係沙嗲味，每條米粉都好似掛住粒粒花生及沙嗲醬汁。亦都因為米粉比較朔水，所以沙嗲湯會偏少。而雞扒就正常貨色，會建議選擇牛肉。果然同一般茶記嘅沙嗲牛好唔同，分量多啲、夠濃味、牛肉多1倍。沙嗲牛愛好者一定會再黎食。

榮記茶餐室@ 2021年12月 (假期前夕晚餐）食物 ❤️❤️❤🤍🤍（有煲仔飯/ 麵/ 茶仔餐） 環境 ❤️❤❤🤍🤍（茶仔）服務 ❤️❤️❤🤍🤍（正常）攞位 ❤️❤️❤🤍🤍（直入）交通 ❤❤🤍🤍🤍（荷里活廣場經鳳德邨行去18分鐘左右）翻兜 ❤️❤️❤🤍🤍平日多數去食西餐同咖啡店，今次發掘新地方之餘，又試埋新口味。呢間茶仔其中一樣特色食物係沙爹+煲仔+麵，仲話係沙爹中嘅expresso（同咖啡不謀而合😆)，當然要試試。1️⃣ 沙爹牛肉煲仔公仔麵 $682️⃣ 沙爹雞扒煲仔公仔麵 $683️⃣ 可樂 $9煲仔麵上枱後，先會打開蓋，如同食煲仔飯嘅體驗，所以定價$68都跟返煲仔飯價錢，一啲都唔係一般嘅茶仔沙爹牛麵價錢。我本身好少食辣野，呢個沙爹對我嚟講的確辣咗啲，但係都完成到😅雞扒麵上枱時，湯唔太多，影完相，發現麵同醬有啲漿住，所以味道係好濃烈。不過，我唔識講係咪好濃沙爹味，只可以話食到尾，見到好多辣油同花生醬類似嘅嘢喺碗底😵‍💫當然，比起其他只喺麵上放2茶匙現成沙爹醬，呢個係用心製作。👍🏻 牛肉用上鮮牛肉片，幾嫩滑👎🏻 雞扒乾曬，唔熱，估計係大批量煎好備用，下次一定唔會叫如果翻兜，我會試下煲仔飯囉。溫馨提示1️⃣ 要留意供應

after long trails from lion mountain. we hv to eat sth hot and full to award ourselves. the only food i can think of is the satay beef noofle bowl at wong tai sin extract point.so evil muddy concentrated satay soup with 10 pcs of beef. soup bottom saturated with peanut butter. for the man likes me with wormhole stomach capacity still cannot drink the entire soup, coz it is too 濟 ( which mean food too oily and slowed down the whole digestive process, but actually u r not full. just a temporary fu

曾經嚟過食出名嘅金蠔煲仔飯，但金蠔有啲乾扁，失望而回。今次去嘗試另一名物，煲仔沙爹牛麵，都係不如正經叫個煲仔飯。沙爹牛麵一開始麵好硬，聽阿叔講放多陣就淋，結果係淋，連同個湯底索曬，變咗一pat嘢咁更加食唔落。牛就好多，大大塊，多到食唔曬。朋友叫麻辣肉餅煲仔飯，肉餅比其他料加$20，成個飯就成舊水，再唔係窮人可以食嘅煲仔飯。麻辣確係有另一番風味，但幾重口味否蓋唔到肉餅過鹹嘅味道。但總括而言好過名物煲仔沙爹牛好多。飯焦都好多，食到牙都攰。在場食客都可能係熟客，只有我呢個新客慕名而來，其他人都係乖乖食煲仔飯。環境好逼，拎著大袋都唔建議嚟。

慈雲山馳名人氣煲仔飯 呢間平時出名沙嗲麵 依家冬天就係要試煲仔飯.⭐️流浮山金蠔拼蝦乾煲仔飯$ 143👍🏻金蠔有3大隻厚肉而且軟綿綿重蠔味，煲仔飯面頭舖滿蝦乾，👍🏻蝦乾大得黎無沙，兩樣材料加小小蔥花溝埋落飯勁香！😋呢個配搭一流！米飯軟硬適中，有邊邊有飯焦但同時個底燶得好勁，米飯方面火喉可以再控制得好啲🤦🏻‍♀️.⭐️晚市套餐菜心炒牛肉$ 59 👌🏻大碟 足料 多牛肉 正常發揮 抵食 唔係重點..#榮記茶餐廳 (慈雲山) #榮記茶餐室地址：慈雲山毓華里12號地下.⭐️評分：味道：4.5/5環境：2.5/5 枱小痴服務：4/5 店員好nice抵食：3.5/5.

黎到依間餐廳，一定係食沙嗲麵🤣🤣沙嗲煲仔麵（$68）可以揀牛肉、豬扒或雞扒😆而麵都可以揀出前一丁、米粉或粉絲但食沙嗲就緊係配一丁先邪惡用左瓦煲所以好耐熱，食到最後都可以keep到個溫度湯底亦都非常濃郁，杰身得黎又唔會好膩而麵條估計係突登無煮到好淋身，所以食到最後都幾彈牙😆

第一次知呢間野係有個weekend去旺角見到新開，但係拎飛要40張枱、所以一直搵緊時間去佢本店，希望唔洗點排隊。咁岩果日weekdays 撞正放假，梗係去食啦。其實門口好多320位，但係我都怕怕地，最後拍左係慈雲山中心，起碼唔洗擔心。行5分鐘就會見到餐廳，好好彩果日唔洗排隊。入到去，姐姐勁熱情招待，見我周圍望黎望去，就問我係味食沙爹牛肉麵，我話係啦，跟住點左個砂煲沙爹牛肉麵。姐姐仲問我洗唔洗有圍裙，超級貼心既服務。一上到枱打開個蓋係「渣渣聲」，姐姐仲會教你撈下佢，等佢唔好痴底，唔好搞到半生熟。雖然價錢偏貴，但係好足料，牛肉超過十幾舊，加埋花生味，好好味但係真係好滯。我盡咗力都食唔晒⋯⋯ 最後果晚我dinner都食唔落😞😞

之前大熱的煲仔沙爹牛肉麵，一直都想試下，因為太多人排隊， 所以打消左呢個諗頭。熱潮已過， 就黎試下。老實說，有少少名過於實，而且價錢偏貴，要成$68，仲要唔包飲品。😟的確，煲仔上的沙爹牛肉麵好吸晴，上枱時，個湯係好熱好滾，但係唔明白個麵餅為何硬到一個點😰？！？！？！可能真係要係個湯到浸一段時間啦， 但食落第一口個感覺唔多好。☹️個湯係好濃既， 都好重沙嗲味， 食到粒粒花生，但係我就覺得鹹左少少。奶茶比較苦澀，可能我鐘意較奶的奶茶啦。總括而言， 試過一次就夠了。

我覺得好食喎，點解d人話言過其實 🤣佢沙爹好香，而且雞扒又脆！🥰🥰🥰不過唯一唔好係，佢要排勁耐隊！ 我排左過半個鐘！🙄🙄可能因為咁大家覺得冇咁好食😮‍💨😮‍💨不過價錢以公仔面來講係少貴

Any肥呢兩日又開始凍翻 有翻啲冬天vibe 最啱就係食熱辣辣嘅嘢👅 話說呢間bookmark咗成年 到早排先試到真係好fail😂 其實間舖就係普通嘅街坊茶餐廳 不過嘢食個人認為係worth我上山嚟食🤫真·沙爹牛肉麵 $68咁遠水路嚟無可能唔食啦😂 雖然少貴 但傳說中嘅煲仔沙爹牛肉麵 真係未上檯已經聞到香味🤯 見到好濃厚嘅湯汁bulubulu咁滾真係好誘人😆 個麵一咬落去會比較脆 不過老闆話係正常的👍🏻 俾啲耐性 個麵嘅軟硬度就會啱啱好 煙煙韌韌 超級掛湯！牛肉嘅量都好多 厚薄度perfect 超級嫩滑🥺 不過食到後面係有啲膩 建議最好兩個人share😅流浮山銀魚乾拼蝦乾煲仔飯 $113啡熊爸爸之選🐻 超級香！銀魚乾脆脆地 蝦乾就韌韌地 味道帶鹹鮮👍🏻 配埋超有咬口嘅飯同埋香脆嘅飯焦（highlight!）真係好有驚喜🥰-🌟-第一次嚟慈雲山覓食 雖然對啡熊小編嚟講真係好偏僻 但真係會特等再翻嚟食的🥺

不枉我專登揸車上嚟食，呢個天氣好啱食煲仔飯😋沙嗲煲仔麵 $68沙嗲味濃，麵爽👍🏻👍🏻👍🏻滾住嚟食，先硬後軟，口感唔錯～火焰玫瑰肥牛煲仔飯 $148玫瑰酒香濃，第一啖會有陣酒味攻入鼻哥🤣臘味煲仔飯 $80食煲仔飯點少得呢三樣嘢😋

真。沙嗲 煲仔麵$6️⃣8️⃣隔左咁耐，味道仲係好深刻，個煲熱辣辣，味好濃郁。仲有花生粒，好香又夠重口味。起初食覺得好正, but...食到一半就開始覺得好漏，而且公仔麵的麵質其實唔適合煲仔，因為煲身耐熱，麵條好易糊掉底同埋痴底。總括黎講，Gimmick野囉，食一次就夠了。

Bowl jai satay beef noodle🍜 今次山長水遠專程搭車上慈雲山，試下呢個傳說中嘅沙嗲牛肉煲仔麵！下午十二點去到已經有人係出面等位喇！攞左天字第一號飛，等左十五分鐘就有位坐底就當然立即點呢個傳說中嘅沙嗲牛肉煲仔麵，一上到枱，熱辣辣！煲仔保温真係一流，影左好耐相都仲好夠熱！擺落口都仲燙口嘅！雖然比出面貴，又唔包野飲，但真係好足料，好多牛肉，基本上啲沙嗲湯唔係湯，係汁嚟😋🍜 所以係值回票價，值得返啅！

📍招牌沙嗲牛肉煲仔麵價錢 3/10味道 3/10$68一個沙嗲牛肉麵，真係顛覆咗我對茶記嘅認知。不過見咁多人都有介紹過呢間全港首創煲仔麵，就即管嚟試吓，睇吓會唔會可以同普通沙嗲牛肉麵突圍而出。點知，煲仔真係令到個面好淋。雖然嚟到嘅時候個湯仲係熱到blublublu，但因為真係好熱要吹好耐先食到，到食到嘅時候面已經林晒。係冇錯個沙嗲湯係好濃郁，但係濃郁同鹹真係好主觀地差一線，我哋個人就覺得偏鹹，好重口味，變咗沾麵多過似沙嗲牛肉麵。總括而言，個人覺得CP值唔高，味道就好主觀，個人來講就覺得偏鹹，面太淋，唔係咁推薦啦。順帶一提，呢間嘅環境真係普通茶記，好窄好逼，要唔要專登嚟試吓就自己衡量啦。

自從見過電視介紹,媽媽就一直敲碗要去試這家慈雲山煲仔飯~終於在天氣開始轉涼的時候,可以去試下啦~這家店實在非常受歡迎,應該很多人都會慕名跨區而來~所以大約六點半到已經有大概五六檯客在等位~不過餐廳員工手腳快,大約半個鐘左右就可以入座~餐廳面積較小,所以有點擠逼~但大家都為求一飽口腹,逼一點也沒關係~當時節目介紹的就是這個金蠔蝦乾煲仔飯,也是媽媽一直敲碗要試的那款~我個人不喜歡吃金蠔,但整個煲仔飯因為金蠔變得好香~光看照片都感覺到金蠔有多肥厚,咬下去軟綿綿而且濃濃嘅曬乾蠔味~ <同行者描述加上蝦乾,整件事就是"鮮"!白鱔煲仔飯是煲仔飯的必然之選~香濃的豆豉味加上白鱔的油份實在無敵~可惜一個煲仔飯只有6片...三個人實在不夠分😢臘鴨髀膶腸煲仔飯則不過不失~臘鴨髀鹹鹹的配飯吃最好,膶腸都夠香但不太夠油~這家煲仔飯應該出名在有金蠔煲~但飯有點太濕,而且飯焦亦不夠脆...可能人太多,沒有烤太乾就上桌所致~煲仔飯的材料不錯,但作為只吃飯焦的人就表示不太滿意~希望下次再去可以一試沙嗲煲仔麵~