榮華茶餐廳 (已結業)

我要一讚廚房入面個阿叔既服務態度!我同朋友去食飯,本來要左燒味飯午餐,但係一食發現叉燒味道霉霉地,怪怪地,我地立即叫人想換,可惜無人睇到,個阿叔雖然廚房,但非常眼利,即刻叫人來,而且異常熱心,又問發生咩事同有咩可以幫到手。佢地亦都算做得好,因為食左數啖都可以換,而且仲可以改另一款餐,又唔會埋怨,所以係抵讚既!但後來飯黎時又無食具,咁我地又找侍應,又係無人理,又係阿叔睇到,今次佢仲親身出場幫埋手,埋食具俾我地,而且係笑容滿面既!其實我有少少懷疑呢間茶餐廳佢有份,如果唔係應該唔會咁落力…

我地有一日4個人行完尖咀之後就搵野食啦...點知入左哩間野... ~ 2個人叫左2份茶餐廳會係最好的公仔麵啦...一個牛肉紅腸麵一個點火腿紅腸麵...2個麵一來到,呆晒....牛肉數到得5件仔都有d汁..2片紅腸..白白的一餅公仔麵....但係個火腿麵就"令"野啦...火腿重係涼架...白白的2片煙盒大細....煮都未煮過的....個麵都係白白一餅...一d味都冇....好鬼難食-_-"

夏日炎炎,食飯食到個人悶悶地,見到有一個公司沙律竟然賣成30蚊,好奇究竟點解咁貴,於是叫左一份黎試…嘩!從未食過咁多肉又咁油既沙呀!原來除左一貫既薯仔加紅蘿蔔加西芹加生菜加沙律醬既經典茶餐廳沙律外,仲有兩大塊煎過既午餐肉,四塊油油既紅腸,一條又係煎過而且切開左一半既腸仔,同埋面頭都幾油既大片火腿,真係都幾係喎!食完簡直飽晒啦!味道就…哈哈哈!

來個大解放﹐一口氣吃了一份蛋治﹐兩個酥皮蛋撻同埋飲了一杯凍檸茶。蛋治同澳洲牛奶買的一樣價錢﹐但質數差成條街﹐不值一提。反而酥皮蛋撻($3.5)就唔錯﹐幾有酥香味。本來只叫了一個﹐但係食完忍唔住要多個。所有東西一共$32今晚行過又忍唔住買0左一個食!

和朋友吃下午茶,朋友想吃雲吞河我卻想喝凍咖啡,想起榮華有這種配撘,於是便過來這裡,榮華早前曾裝修過但地方仍然迫和不太清潔,去到時已差不多5點但人仍然很多(自遊行的比較多)所以要撘'台',細少的說是4人卡坐其實坐2個人一人一邊都是免免強強了,現在要和朋友坐同一邊卡坐就更迫了,但既來之則安之,二話不說叫了各自想要的東西,朋友說雲吞都幾好味,河粉都夠滑,但湯底是已下了胡椒且頗辣,所以朋友吃得不開心(朋友怕生暗倉嘛),而我的凍啡少甜略嫌啡和奶都削了一點,相信再來堂食的機會不多,但外賣些舊式麵包蛋撻還是會的.

粉絲蒸水蛋好好好好味呀!加埋豉油,一齊撈飯食,好好好好正!食到我竟然食晒成碟飯,好好好好飽呀!黎左呢度食午飯咁多次,我覺得呢個係首選好味既!下次又有呢味的時候,一定要食呀!

入黎唔抱住期望,因為只係知道食家們讚菠蘿包,而我去食午飯又唔札菠蘿包喎,諗住入到去先算,點知見到個常餐好抵食喎!23蚊有麵有奄列有牛油方包有飲品,所以即刻叫左一份!沙爹牛肉公仔麵同牛油方包都係極其普通之作,但係我很愛叉燒奄列呀!好好味道!叉燒份量剛剛好,可惜大大塊咁,如果可以小粒或切絲會好好多!但係蛋真係整得好好味,熟得黎又有少少蛋汁,個半圓又整得好靚喎!成餐我最鐘意係個叉燒奄列!

某天又到下午茶時間才吃午飯, 不想吃快餐店的茶餐, 就諗到不如吃碗中式麵吧! 知道樂道這間茶餐廳有想吃的豬手麵又有蛋撻, 啱晒! (而家好多茶餐廳都唔賣蛋撻, 好難吃到熱辣辣的出爐酥皮蛋撻!)見有粉麵餐連飲品, 就要了個豬手麵餐26元跟奶茶, 加3元有菜, 豬手夠味夠’林’, 但就真係幾’林’! 都好, 唔駛食得咁辛苦咁麻煩, 正合我意. 不過豬手就肥少少, 芥蘭都唔錯. 最好係唔需要十幾蚊叫碟菜又未必食得晒. 麵都OK. 奶茶就一般啦!吃完個麵和菜其實已飽, 但成日都好’恨’食茶餐廳的酥皮蛋撻, 見機不可失, 飽D就飽D, 當豐富D吃多個飯後甜品, 就堂食$3.5要多個蛋撻. 不過這裡的蛋撻並不是我心目中的多層酥皮多蛋漿幾乎’辣’爆嘴的那種, 而是薄薄略細個微微暖, 可能已出爐一段時間吧! 但止止癢也可以. 不過三個半這個SIZE算貴少少喇! (外賣蛋撻好似有9折)

早2日系度買左件旦撻$3,雞尾包$3,價錢略貴,size吾算大,味道亦極其普通.

轉左工之後都好耐無黎呢頭啦, 今次一場黎到, 番黎諗住吃個蛋撻, 但係未出爐, 買左個蝴蝶酥同雞蛋糕食蝴蝶酥好鬼硬, 酥皮唔得鬆化之餘, 甜味又唔夠, 見佢大大個好吸引但食落好失望....雞蛋糕重衰, 超級勁乾身, 一咬落去散晒個隻啊,味道又無雞蛋味又無甜味, 你話係咪超唔掂先? 頭先個蝴蝶酥都可以食晒, 呢個食左2啖真係忍唔住掉左啦.........

如果不是台灣網友的一個問題,斷不會留意這間茶餐廳."請問尖沙咀澳門茶餐廳和榮華茶餐廳的地址和營業時間?"榮華?星期六下午二時多.樂道上,澳門依然熱鬧,榮華感覺老派.牆上沒貼什麼"推介",點了豬手河粉(對, 又是豬手).豬手兩件, 算鬆軟, 口感不錯.湯, 有點黑椒味, 少見, 恰到好處, 一喜.微黃燈光, 小圓桌, 圓邊木椅. 阿飛正傳.啊, 原來是"阿飛正傳".

有個菠蘿包叔叔係好friendly, 可以俾我自己揀, 好好o既服務態度呀~~呢度o既菠蘿包唔錯o架, 仲有我好鍾意佢地o既蝴蝶餅~~

就快遠行, 所以呢排食多d 傳統o既港式早餐--茶餐廳菠蘿包是也. 今次幫趁樂道呢間老排茶餐廳. 買左一個菠蘿包, 由前面睇時, 個菠蘿皮好澎湃, 多到好似覆蓋住成個包, 點知俾左錢拎到埋黎時--俾佢呃左, 原來成塊菠蘿皮歪左, 就好似一個禿頭中年咁, 唉...估唔到連菠蘿包都有中年危機......講返個味道, 呢個包甜度好低, 不過個皮就好脆(如果可以食返個少年版-- 有全塊脆皮, 應該會更好!), 幾健康, 可以配杯甜d o既飲品!而且好大個, 個包底焗到焦黃色, o岩我!

有時行開呢度都會買個飽飽做早餐, 因為始終覺得茶餐廳個d出爐麵包係最正架! 早兩日買左個菠蘿包$3,唔.......軟淋淋, 好好味啊!可惜今次焗過時, 個底焦左d, 咬落有d硬同苦, 同埋如果個菠蘿面可以大d多d就好啦!!! 今日又去買左個蛋撻$2.5, 嘩!!個酥皮真係好鬼正架!又鬆化又無咩油, 個d 蛋暖暖地, 如果係因為怕肥, 我朝朝食2個都得啊!!!!不過話時話, 佢呢度真係好有傳統茶餐廳特色, 就係個d伙記阿叔態度勁差!!!!!!!

食完公和又行過榮華,介紹媽媽吃呢度菠蘿包。見到伯伯整緊菠蘿油,我個媽即刻要改買。個包都好大,味道比康年甜,質感都ok,但自己頂唔住咁大塊牛油,就係食剩忽牛油,真係好浪費! =p