榮興小廚 (已結業)

新開張,Walk in 上去試下,六點鐘,因為時間尚早,得幾枱客.唔駛等,即坐.地方幾大,環境ok!肚餓先點菜,菜式比較大路,個伙計幫我地寫餸,點知轉頭返埋嚟話唔記得我地食乜！真攪笑!!!上菜快,先嚟一個煎墨魚餅,墨魚唔彈牙,冇乜味腰果ok!再嚟一個咖喱牛腩煲(跟煎米粉),講真,牛腩買相和味道同普通茶記無分別,麻麻地!但煎米粉底幾好,煎得啱啱好,唔會太油膩!最後點左個杞子豬潤魚滑浸時蔬,豬潤普通,魚滑唔掂,唔彈牙,冇味,而且一早整定!埋單時,有糖水贈送,因為唔收＄,所以唔會有要求!總體來說:食物質素及招呼同一般茶記分別不大,仍有很大進步空間!!!

個場四正好多, 但要搭LIFT 要等唔太方便, 食物質數不變,可惜我諗地段貴左, 加左租,所以要加返價又加一蔥油雞好好味, 椒鹽鮮魷都好好味, 馬拉糕好抵食好大件, 阿姐服務態度好好, 唔洗叫都主動幫我地剪馬拉糕!!豬潤燒賣唔好叫好難食, 無味又硬, 炒飯同炒河都好味唔油岩岩好, 仲有好好味既糖水送, 紅豆沙/椰汁西米露!如果熟客有得免加一/免茶既話我地可以日日黎架!