榮發燒味茶餐廳

营业中

休息中

這間榮發由我搬來沙田一直光顧到而家,都有接近十一年了,而且水準一直都可以保持到,但近一兩年唔知係唔係換左廚師,水準開始有不穩定既情況出現,有時好食,有時唔好食.有時份量多,有時份量少,但佢已經有了固定既街坊客同學生,所以生意影響唔大.今晚唔想出街食又唔想煮,所以決定叫外賣小菜,叫左西檸雞,我覺得西檸雞D雞一定要炸得脆同D汁一定要夠酸,而今晚既西檸雞既汁就合哂我口味,但係D雞就唔脆了,不過外賣就唔可要求咁多,送黎都要時間啦,所以整體黎講係唔錯既

很久沒來過這茶廳了，晚上溫完書，經過便入去試試它有沒有改變。這餐廳一向以多元化見稱，有燒味、粥、麵、中、西式食物。我打開餐牌，除了上述食物，還有新的廚師推介。我點了摩囉雞飯，雞扒算大塊，不過咸了些，飯幾乾身，汁味道一般，甜了一些，整個飯味道可接受。始終，它們款式太多，以致食物味道差了點，因為很難重質又重量的。

26.9.2007 晚上中秋節後假期，當然不想自己煮飯啦；去榮發炒2味都係一個幾好的選擇。兩個人叫了2個小菜，包括: 椒鹽雞中翼和雜菜煲，仲奉送老火湯和飲品；令人非常滿足，尤其香口的雞頤實在令人回味。此家粥粉麵飯，包羅萬有；選擇多多價錢實惠，只可惜環境略遜一籌。

難得放假陪了老爸觀賽, 是朝陽光猛烈, 打傘下仍舊汗流浹背, 賽後他就請我來吃粥(補充水份？), 除左粥之外, 此店還有供應炒粉飯麵燒味湯河牛腩雲吞咖啡奶茶, 基本港式食品飲料都有齊。 此店佔了兩個獨立單位, 是次坐在滾粥檔那邊, 檯與檯之間都排得幾密下, 不過望落尚算乾淨。搵位坐下後, 老爸點左個滑牛粥, 我就叫例牌魚腩粥, 另叫了一碟齋腸, 先上場的是腸粉, 好滑溜又帶有點韌, 老爸說今趟的腸粉進步了, 有點可惜的是, 豉油好咸下。煮粥過程都幾耐, 未起筷前巳經等了好一陣子, 待我地拖慢咀嚼腸粉時間食完碟腸粉都未有粥上檯, 兩碗粥露面後原來份量不少, 是用了一隻湯碗來盛裝著的, 但米料略為單薄, 魚肉偏腍, 但未至於不新鮮, 只可說中規中舉吧了。

星期日下午，走o左o黎呢度食下午茶；唔好睇呢度舖位細細，都有幾多o野食，除一般茶記粉麵飯之外，連燒味都有得食。叫o左個$19雙拼公仔麵餐，包飲品一杯。小妹無懼禽流感，叫o左個$19炸雞翼沙律餐，又係包杯飲品。跑馬日廚房o既水準都ok，炸雞翼都好香，只可惜唔係生炸；奶茶就一般咁啦~~