榮發燒味茶餐廳

营业中

休息中

啲姐姐服務極差，我仲叫緊野食，佢就問我飲咩，咁我都未叫完嘢食，佢大大聲咁喝 飲咩啊？！哇 咩態度？ 仲有啲佢地啲樣真係被迫去做野咁，行過又係度啤啤下。真係吾好去，比錢激自己。

2021.02.23星期二☀️疫情下，指定節目—行山+下午茶。榮發係其中一個好選擇。地方大、坐位多，食物多選擇—燒味、粥粉麵飯、小食、車仔麵、三文治、菠蘿包⋯數之不盡，又有露天茶座，這個天氣真係太舒服啦。侍應招呼快手利落。至愛鷄脾沙律，唔會用千年油、次次都咁大隻、係鹹咗少少。沙律夠凍仲有新鮮蘋果同青瓜。燒鴨瀨，啖啖肉，濃湯汁，熱辣辣，食到唔停口。港人至愛—干炒牛河+辣椒醬。唔油膩，無得輸。環境開揚

今晚去榮發買左一碗皮蛋瘦肉粥外賣 ,勁勞氣！！！見到啲姐姐係咁包大單嘅外賣,我哋碗粥擺喺度就點都唔包！去問佢哋就即刻包返！不知所謂！係 雖然淨係買一碗粥 但係都係用錢買！如果唔係附近冇粥賣,都唔會去幫襯佢哋！

田心很多食店， 這間對馬路，有室外座位。食物是多選擇，味道還是合格但真係要等很久煲仔飯 5:30 等到6:30 都未有，服務態度未能配合。你能夠等就等喇太多人啦 又多外賣 根本管理唔到咁多單打工的態度就是你不喜歡也沒所謂 反正我不是老板劣評喇咁嘅市道 都係咁嘅服務似乎大家都唔珍惜份工豬扒公仔麵 正常 不過不失炸雲吞 有鑊氣 夠脆燒鴨反 大碟 味道正常其他都是正常茶餐廳食物價錢合理環境坐戶外 秋風下是舒服的，慢活首選單車送外賣 附近街坊至愛

除左顯徑之外，田心呢邊都有間榮發！😚😚呢日lunch set order咖喱吉列豬扒飯！餐飲加$3要左凍奶茶！不過今次有少少失望，豬扒炸粉較厚，唔脆，豬扒肉較鞋口，下次都係食返燒味穩陣！

大圍人愈來愈多 食店都開唔少喱間就係我經常食的店有得坐內裡或者外面露天位有唔少街坊放完狗想搵地方食野 喱間店就係好選擇由於是日下大雨 我都係入去雅座坐剛剛遇到14:30下午茶叫左一個熱狗+沙律 $37包一杯熱飲眼看份量都大 食完更是又飽又滿意熱狗真的好食 因為熱狗是烤暖的所以麵包軟身 有麵包邊位就烤到脆脆的更重要內裡牛油熱溶了點 有牛油香腸仔都是剛剛煎的 雖然有點油但熱狗的蕃茄青瓜 新爽好食 所以有加分位了沙律分量都多 薯仔蘋果少不了為一個熱狗寫一篇食評係有點無聊可能係平日食開大集團下午茶有時食下普通茶記 就覺得不錯茶記其實好值得去食下

今天同爸爸去仁安覆診，睇完差不多成一點，老人家肚餓，當然快快去揾食啦，呢度左右有好多街錶，泊車方便，老人家又不用行太遠，去到啱啱戶外有枱客走，不用等位，如果附近客人不食煙，就更加very good.呢度除茶餐廳碟頭飯之外，亦有車仔麵和粥品腸粉供應，幾多選擇，午餐亦只是40多元包湯及飲料，都叫掋食。爸爸叫了臘肉篜雞飯，我就叫左召牌四寶飯，蒸雞飯份量都不少，有二片臘肉，5-6件雞，味道亦調得幾好，四寶飯有燒鴨、叉燒、紅腸和咸蛋，亦相當大碟，味道亦好好！順帶一提的是例湯亦煲得夠味，不像一些茶記例湯淡如水。

上星期一同朋友去完顯徑泳池游水游完之後就睇下附近有咩食 之後就入左間叫榮發既茶餐廳食一入到去超多人 但都好好彩比我地搵到位咁我就叫左一個干炒牛河 黎到果陣我o左咀因為好大碟 我食唔晒 味道都算唔錯既 可以再食

天氣轉涼，就會令人好想吃世界上最殘忍嘅食物- 煲仔飯！上網搵下沙田區邊度有，原來選擇真的不多如果大家有什麼好推介，也求介紹一下呢間其實係茶餐廳來的。小菜、粥麵、腸粉，乜都有！我目標好明確，就是-煲仔飯！本來想吃豉汁白鱔嘅，不過好不幸地賣哂退而求其次 咸蛋肉餅飯+臘腸煲仔飯製作需時，大約20分鐘味覺不過不失啦，肉餅唔會死死實實半肥瘦嘅豬肉黎嘅，個咸蛋黃都香嘅佢個豉油調得幾好架，幾好撈飯。但好失望地。。。完全冇飯焦男朋友食的窩旦牛肉飯👇🏻等嘅期間，我地叫左個炸兩可能基於夜晚先叫嘅關係，入邊條油炸鬼唔係好脆，但味道也ok

晚餐時段叫個燒味雙拼飯跟例湯，可能例湯送就唔太著緊去裝，等咗良久隔離枱叫3個炒小菜都到晒我果啲都未到，就先問個湯, 阿姐應咗就去包外賣包完再叫另一個阿姐去裝。碟飯同樣係做好晒啲外賣先。食物質素平平。但附近無咩得揀真係局食佢。

原本車仔麵佢係 $32 有三餸而家裝修後三餸車仔麵係 $27 一餸，每樣餸加 $8加幅是 34%，大佬啊，食你個車仔麵都係貪你平姐此外，同時叫左個午餐雞「球」飯，但我真係睇唔到邊度有雞球囉（附圖）你不如叫返白汁磨菇雞肉飯啦，味道真係好一般，小心觸犯商品說明條例！包外賣你地又冇溝通，各自拎一袋出來，你地跖識 group 埋一齊再比客咩？裝修後，餐廳洗多左錢後加價都好明白，但唔係搶錢囉，原本覺得你地做得幾好，但而家真係好失望

今早突然很想吃腸粉,吃粥, 可能有點不舒服,不用等位,只要了皮蛋瘦肉粥加叉燒腸各一粥底尚算綿滑, 還真的有點點肉絲, 不過材料係小,义燒腸我本要了走油的, 但送到來的時候還是有豉油 (是不是我誤會了「走油」的意思?),豉油果然多油, 調的略甜不過還不錯; 腸粉裡的义燒是很多的, 腸粉本身滑一點更好,胃口不算很好, 打包半碟腸粉回家 (盒子加$1) 留待下一餐吃

外賣員態度差到爆, 咁岩我屋企門鐘冇電, 佢打左一次黎就係咁罵人,外賣差已經唔只一次!!D食物質素又差左好多真係未試過比差評人,  呢間野，一個字，廢！都唔明點解香港仲有D咁既餐廳有D餐廳態度差起碼野食好味,人多, 我明白人地串得起, 但依間餐廳一D資格都冇, 垃圾!!!

做街坊生意既茶餐廳，其實都無咩食評好寫；之前成日都有幫襯，近排少左，好似有點失準！秋風起，榮發開始有煲仔飯賣，行過已經聞到好香，8點去到坐滿曬無位，行左陣再黎先有位坐。鳳爪排骨煲仔飯，鳳爪食落無咩味，煲仔飯唔夠焦，唔似煲仔飯，有d失望下次會再試多次比多次機會佢，無理由咁多人幫襯但咁既質素🙄五香肉丁炒公仔面大大碟，唔會過淋炒得，好味魚香茄子煲唔夠淋唔夠入味，有d失準以茶餐廳黎講算差不多，勝在可以坐好耐都唔趕人走，

大圍茶餐廳不少，除左火車站附近較出名幾間外，遠離火車站範圍還有榮發茶餐廳。雖然假日依然人多，但至少唔會好似出名果幾間食完就要即走，仍然可以慢慢坐下。除左有室內冷氣位、亦有室外，室外配備風扇夏天仍可接受。價錢中位，食物質素屬於靠得住唔會伏，車仔面同五香肉丁炒公仔面都係必食，由其炒公仔面，面質唔會過淋又入味，下午茶連凍飲$40抵食。