榮昌茶座

营业中

休息中

星期日Honey要返工，執完屋無所事事又想去吓兜風，但又唔想自己一個人，於是就打比朋友約埋一齊去遊吓車河，但齋遊又好似悶咗D，於是就同朋友提意去食埋個下午茶，諗下諗下好似好耐冇去過榮昌茶座，又可以遊車河，又可以食到下午茶之餘又睇到部車，簡直係出奇蛋！先去土瓜灣接朋友A，再去紅磡接埋朋友B，加加埋埋都用咗成45分鐘時間先入到去粉嶺。幸運之神經常眷顧我，去到剛剛有位泊車之餘行到去茶座剛剛又有客人走，又可以即刻有位坐！三個福祿壽一齊喺度研究緊個餐牌，朋友A問我食咩好，我就介紹咗煎雞尾包俾佢；朋友B問我菠蘿油好定煎菠蘿包好，我就話菠蘿油出邊通街都可以食得到，咁佢就叫咗煎菠蘿包啦。而我就點左個白汁碎蛋牛角包，另外在點左一份薯條同埋一份雞翼，幾樣嘢食大家一齊撈亂食...應該係開心share至真！嘢食好快就到，先來咗個煎雞尾包，好老實講，隻叉一督落去就已經覺得失望，想當年黎食嘅時候佢哋會將個包煎到個面好脆，但今次後食，唔知係咪食客太多而要趕起貨比人，個感覺只係壓扁咗嘅雞尾包，如果係咁，我喺屋企樓下個麵包舖用$20可以買五個返黎壓扁佢。菠蘿包如是...好彩我叫白汁碎蛋牛角包無伏，牛角包好鬆軟，我地三人

今天慕名而來榮昌茶座 ，是爲了聞名已久的榮昌豬扒和乳鴿。門外面有免費車位，到達時間在中午時分，需然不是假日，但都座無虛席。服務員見到我們三個人馬上熱情招呼我們說裏面有位的，但要搭臺，來得這些地方，吃的是香港文化，當然不介意搭臺。豬扒烏冬套餐 跟飲品 45元，若要即磨咖啡則另加三元；豬扒包餐45元。榮昌的豬扒果然名不虛傳，醃製入味 但又唔鹹，肉質鬆化，煎得香口；值得一提的是，店員知道我們三人分食，所以將豬扒切成三件上枱認真細心，中午飯市人多，做到踢曬腳都仲可以有咁貼心的服務非常難得；烏冬是上等貨色，煙韌彈牙。豬扒包所用的是脆豬仔包，而豬扒上面鋪上一層煮熟咗嘅洋蔥，加上豬扒汁，其味無窮。燒乳鴿（BB鴿）每隻50元，3個人要了2只，不單只皮脆肉嫩，就連骨都係軟嘅，好有中山石岐乳鴿的風味，非常好味。另外，榮昌的咖啡奶茶都非常出色，咖啡奶是用愛護牌咖啡用濃縮植脂奶油，能大大提升咖啡的香味，奶茶亦新鮮香濃，超贊。這是一家有鄉土風味的優質茶餐廳，不枉我們老遠開車過來朝聖。

去上水粉嶺郊遊，係網上做定功課，就搵到呢間榮昌。榮昌係粉錦公路，係哥爾夫球會隔離，有兩個停車場，吾揸車應該好難過黎食。泊好車就搵位，剛好午飯時間，坐滿人，剛好室內有枱客走，坐左入去，就後悔啦！同去一般茶餐廳無分別。食物都係一般茶記。聽講呢度出名豬扒包，當然要試下。豬扒好淋，面包都 okay 。不過豬扒有一大條骨，叫人點處理。🤔洋蔥好生，帶辛辣味。老闆推介我地食 BB 鴿，味道都正正常常，肉質軟嫩，但SIZE真係好BB，五十幾蚊吾抵食。揚州炒飯炒得燶燶地。粉絲雜菜煲，味道吾錯。

星期日天氣唔錯，好好太陽又唔太熱，於是同朋友郊遊下，遊遊車河，先去咗近元朗嘅兩個市集，行完玩完已經兩點半，肚有少少餓，就出發去食下午茶啦（其實係主要目的😂）幾經商量後決定去近哥爾夫球場嘅榮昌。去到都幾多人，我地坐室內位置，都幾舒服企理。先揀嘢飲，花多眼亂，突然有杯全綠色嘅嘢呼喚緊我😂😂係綠茶乳酸冰一於試一試，綠色乳酸唔大甜但無乜綠茶味，綠茶雪糕就有茶味，加埋乳酸都幾夾👍，由於玩得太興奮所以有啲餓😂😂，所以叫咗兩碟飯，咖哩牛根腩飯，份量普通啦，牛腩幾腍好肉味，咖哩就比一般茶記濃，係港式咖哩，豬扒飯，好多豬扒，好厚身，肉唔鞋，多肉汁，調味幾好，招牌菜👍。仲叫咗一個豬扒包，有少少洋蔥，豬扒係同飯嗰件一樣咁好食👍，包就無咩特別，唔脆嘅。店主同店員都好健談，招呼都好好，係郊遊食tea 好去處

難得放假無咩野做，天氣涼涼地又好太陽，就叫埋朋友一齊遊車河郊遊去。遊完大西北再返回北區附近，兜去哥爾夫球場睇下，見到呢間茶座坐滿晒人，見個肚有點位就入去嘆下。呢度有全露天枱，多數係帶埋汪星人坐嘅，我地就坐左入面有冷氣嘅地方。看看餐牌，三個人叫左豬扒包、豬扒飯、咖喱牛筋腩飯、奶茶涼粉冰同綠茶乳酸冰。豬扒包：輕烘過的麵包搽左牛油，夾左炒香洋蔥，豬扒有肉汁調味好，整體係正！豬扒飯：豬扒同豬扒嘅一樣，加了甜豉油同搭左幾塊菜，唔錯！咖喱牛筋腩飯：牛筋腩係炆好再加咖哩汁，正常味道！奶茶涼粉冰：好香茶味同涼粉好夾味，唔太甜，推介！綠茶乳酸冰：友人叫的，飲左啖係益力多味，偏甜。店主仲養左隻象龜，好活躍架！仲可以攞d大紅花葉餵龜。

之前睇so c黃，介紹呢度食朱扒包好好食，今天遊車河，行經附近，就去試吓，餐廳有自己停車場泊車非常方便。都多人但好彩不用等位，不過全場差不多坐滿70%人，當然叫朱扒包，有D肚餓再叫了一個朱扒飯，一個咖哩牛根腩飯。奶茶涼粉冰．⋯說豬扒包，法包脆，加上炒香的洋蔥，朱扒醃得入味，肉質鬆軟，好好食，豬扒飯，豬扒和豬扒包的豬扒相同，份量亦足，但價錢要五十多，個人覺得貴左DD。咖哩牛腩飯，味道香，牛腩琳，好食。最後加杯奶茶涼粉冰，奶茶香濃，好飲，正！餐廳養左隻大龜，好好好大隻～！

感覺真的像走到了這世界邊端。這間榮昌坐落於上水的無人之境，但依然人山人海 。千萬不要給粗豪的賣相騙到，他們的食物是十分有質素。煎雞尾包是把雞尾包壓扁後煎成朝香，令到雞尾包好像餅乾一樣薄。食下去外脆內軟，真是別有一番體驗。他們的煎豬扒味道相當好！無論加在出前一丁中，還是用作洋蔥豬扒包享用都十分惹味！至於鹵水雞翼就有點失色，肉質較為老身，鹵水味亦都不足夠。如果想吃正餐的話都可以試試他們的碟頭飯。梅菜扣肉飯的扣肉嫩身得來又入味，牛仔骨飯的牛仔骨也醃制得相當好！惹味之餘，用來拌飯更加一流！難怪不少人都千里迢迢來朝聖。

每隔幾個星期日，就會聽到屋企人嘅呼喚：去食乳鴿咯！結果，一架🚙兩架🚙就會一齊出發💨💨話咁快入到黎榮昌茶座😀入到黎，當然唔少得食乳鴿啦😋細細隻熱辣辣BB鴿～香脆多汁，個個位都咁滑，唔洗其他醬汁已經夠哂味👍🏻香煎豬扒😋唔中意食麵包嘅朋友可叫淨豬扒，大大碟已切件，方便一家人Share～我個人就嫌豬扒包嘅包皮略硬而且無汁，比較乾。花生醬西多士😊又一邪惡之選！雖然佢唔算最好食嘅西多士，但中意食花生醬嘅朋友一定中意👍🏻最後輪到我至愛的煙肉腸仔卷😆可能好多人覺得呢樣係小朋友食物同好容易整，但呢度炸得好脆好香口又唔油！煙肉又唔會乾增增，腸仔唔會好咸，食完一粒又一粒，好惹味⭐️⭐️⭐️⭐️雖然食物質素唔錯，但重視環境嘅朋友可能會卻步🙂

路經上水試試，個豬扒包都算ok,包夠鬆脆,但豬扒得幾啖; 菠蘿油就真係出事，個菠蘿包淋哂;塊牛油完全溶掉零口感，飲品一般無乜特別，但價格就同翠華差不多，名過於實。

與友人第一次黎榮昌冰室。由於係星期六，我亦無期望任何下午茶餐😅友人話榮昌最出名係豬扒包，我認真地認同。雖然係第一次食豬扒包，响澳門亦未品嘗過，但榮昌豬扒包確實一流，個bun外脆內軟，豬扒夠juicy，值得推薦！但請記住，豬扒包係無餐，即無野飲跟嘅。可惜，熱狗就相對地失色，香腸比我平時d麵包店買的弱。。。幸好其他材料搭救。熱狗係可以跟餐的。下次我會試乳鴨，睇隔離枱嘅好靚應該值得一試，只因今次係下午茶時光，下次想試下飯。

榮昌茶座位於上水鄉郊位置, 區外人仕駕車比較合適! 旁晚6時關門! 我們到達時臨近關門, 但老闆好好人, 知道我們特意駕車入來,所以仍然煮比我地!香煎雞尾包, 是將雞尾包煎香, 包皮香脆可口!牛角白汁碎蛋包, 味道頗佳豬排包同樣香脆好食!鄉村BB鴿, 比普通乳鴿細小, 但好味!比龍華的乳鴿好吃許多!杯奶茶就很一般了，不知是否失手!綠茶紅豆冰, 這裡的廚師推介整體而言, 食品都是即叫即做, 所以味道不錯!結帳承惠250元, 價錢合理!

Follow my culinary journey on insta @luna_vonaWe visited Lotus Cafe for lunch this week and were disappointed in the quality and taste of the dishes. The beef brisket curry dish I ordered was bland and when served on the table, it was only luke warm. I always expect good Chinese food to be piping hot. So I’ve politely pointed the problem to a staff and was let down when it returned from a microwave after a few minutes. The microwave reheating process dried up the sauce. Another dish we had was t

身為一個北區妹，由出世到中學都喺上水打滾，竟然唔知哥爾夫球場附近有間咁嘅茶座？！今日同媽媽覆完疹，哥哥揸車嚟接我地去lunch，佢提議嚟呢間茶座食！佢話呢度只係得早、午市，每日都非常爆場！有室外同室內，外面係方便d人呼吸啦!我哋當然係坐入面有冷氣!一入門見到個是日午餐牌有A至J咁多款碟頭飯，睇嚟午餐係最受歡迎嘅！因為見大部分人都係叫午餐，同埋例湯好快賣晒。 呢度嘅食物款式都幾廣泛，除咗碟頭飯午餐，仲有小菜、茶餐公仔麵、豬扒包......等。客家炆豬肉飯雖然佢唔係豆腐火腩，但呢種亦係另一種男人嘅浪漫，當然係我老豆既至愛！肥肥嘅豬肉炆得軟腍，入口唔算太肥膩，我就比較鐘意食佢嘅鹹酸菜同腐竹，有南乳味亦有八角嘅味道。鄉郊BB鴿呢隻妙齡乳鴿係名符其實嘅BB鴿！外皮炸得香脆，肉嫩無比，一口咬開d肉汁多到滴出嚟，連d骨都係軟架！紅燒豆腐豆腐係我哥嘅至愛，聽媽咪講，佢細個果陣每日都要我媽咪同佢食紅燒豆腐，試過一次我媽無叫紅燒豆腐飯俾佢食，佢發爛渣到個廚師送咗兩舊豆腐比佢叫佢唔好扭計。哈哈哈！呢度嘅紅燒豆腐味道無乜特别不過不失啦!     椒絲腐乳唐生菜腐乳味重，好足料，生菜爽脆，份量亦好大。綠茶紅豆冰

同女友游車河經過見又泊倒車又可以睇住架車嚟high tea 的確唔錯，呢度有分戶外及戶內，我地選擇坐咗戶外，女友叫咗奶醬多、0水，我叫咗紅豆冰、豬扒飽。但戶外好多黑色一點點［懵］嘅蚊滋，怕咬的人不要坐戶外了，呢間D豬扒飽、飽皮又唔脆豬扒仲有舊骨點咬呀⋯⋯豬扒飽唔係應該啖啖肉㗎咩？我未食過咁難食嘅豬扒飽，乾爭爭沙律醬又少仲骨大過肉仲收$40蚊個好食都話啫⋯⋯地點好就可以罔顧食物質素？老闆係時候檢討下喇⋯⋯

遊車河到上水一遊, 早餐時段不是太多人可以舒服地坐。* 豬扒包 ----新鮮熱辣辣！ 比熱狗好食! 豬扒鬆軟, 但份量偏少,尤其是連骨既... Overall 不錯可以一試👍* 熱狗---- 正常,就係屋企都整到既普通熱狗一個.....都無乜好評論🙈順帶一題他們會賣自己種植的蔬菜，我買了白茄子! 出面好少見呢！