榮昌茶座

营业中

休息中

榮昌茶座是日天朗氣清嚟個郊遊，識食嘅朋友一定有聽過榮昌茶座。地點比較唔方便。揸車去就無呢個問題。星期六嘅下午一點鐘都要等位。而餐廳後面都有車位提供。等左大約五分鐘就坐低。嚟到榮昌一定要叫乳鴿。乳鴿皮脆肉嫩。乳鴿皮下面保留大量肉汁。美味可口炸豬扒包，豬扒有醃過。味道香濃。熱辣辣放入口到食。令人勁滿足。炸雞尾包。係店員推介。又真係幾好食。炸薯條正常發揮。兩杯紅豆冰都無咩特別。整體味道係好嘅。但價錢偏貴同埋如果唔係揸車入嚟真係好唔方便。但都值得大家嚟試吓。

以前常常搭車經過，今日第一次黎食，可惜遇吾到發哥…午飯時間，好多人幫襯，幸運地搵到室內靠邊雙人位。暑熱天時，來碗陳皮鴨湯飯（$72）咖啡紅豆冰（$34）。冬瓜陳皮鴨湯先上；四份一隻鴨，有件厚冬菇，冬瓜件同芫荽。湯沒有泛油，有陳皮味 鴨件燉得軟淋，湯適合夏天飲用。一碗白飯配兩片生菜另上，飲湯食飯，好飽！可能天氣太熱…個人覺得配米粉或米線更合適！食到一半，飽到上心口…留肚飲咖啡紅豆冰；無得跟餐，34蚊都幾貴；飲落似凍鴛鴦多d…超甜！

樣樣都好平、靚、正，超級好食啊·尤其首選紅燒BB鴿、澳門豬扒包、大粒紅豆冰，叉燒煎蛋、冬瓜炆火腩、茄汁豬扒、涼瓜牛肉、及各式碟頭飯、鴨腿湯飯等等，各式一般應有嘅炒粉麵、不能盡錄·太多美食，而且有免費停車場，又可帶埋毛小孩，家庭式料理，服務態度非常好，好以去咗探朋友咁．還可以外賣，最好先打電話去訂外賣，咁就唔使等啦．重可以用八逹通比錢，方便快捷又衞生．店內有養烏龜、魚、可供觀賞．門口仲有寄買嘅新鮮農作物·我多數食完就買返去·

對於沒有車的人來說, 這裏交通真的有點不方便。。。不過幸好今次跟朋友的車來到這裏試試看, 聽說它的豬排很有名, 所以我當然點了來試試看啦~洋蔥豬扒飯加豉油汁 -- 我覺得他的豬扒醃得很好很入味, 加上豉油汁餸飯真的很美味! 朋友點了咖哩牛肉飯, 就是普通茶餐廳的味道 奶茶也沖得不錯~ 後來和朋友坐得久了, 再點了一個西多士來吃, 西多士也炸得不錯呢! 另外在店的門口應該是村民寄賣一些本地種植的蔬菜和走地雞蛋, 雖然不太便宜, 但我還是買了些來支持一下。我買咗新鮮的絲瓜, 回家煮來吃發覺比起平時在街市買的真的甜很多!! 反而最令我念念不忘就是這個~ 真的好想再買那個絲瓜再吃吃看呢!

榮昌茶座由一九五二年榮昌士多開始到茶座真係好有歷史，見到餐牌、牆上掛畫都好有昔日景象。餐廳範圍廣闊，郊外用餐特別宜人。🍴澳門豬扒包 $38話明係榮昌五寶當然要試當真，唔知點解豬扒包一定要係澳門🤣，榮昌豬扒包煎得香口有汁，口感係肉嫩不韌，黏口油潤的。豬仔包鬆香細軟整體來說不錯。😍🥤紅豆咖啡冰$34大大粒紅豆配香濃咖啡，咖啡甘配紅豆甜味道非常夾，超好飲！👍🍴午餐都係馳名榮昌炒飯，飯粒分明香軟腍黏糯夠哂鑊氣。配凍檸檬茶。午餐有好多選擇，啱晒花心的我👍🌿環境清幽，四維都是園景舒服得不得了！今日午餐費用$132

原來榮昌茶座係呢頭都幾出名，成日經過今日第一次同友人試食。外面睇落係一間普通茶記，座落鄉村附近，入面意想不到都幾大，仲有冷氣、bb椅。附近可以免費泊車。好多時花圍住，有興趣仲可以買走。餐牌比一般茶記豐富，可以叫小菜。價錢唔平，午餐套餐唔多，我地飲品另外叫。最出名係乳鴿同豬扒包，唔想用手所以無叫乳鴿。豬扒包枱枱都有叫。好多洋蔥炒得好香，牛油份量適當，豬扒唔會太厚，蘇打粉無落太多有肉感，一啖可以要咬晒，整體好味，不過唔會特登黎食。原盅鴨湯飯係見食評而叫，當晚飯會幾正，鴨多肉，原盅燉啲汁係晒湯入面，如果少啲味精會更好。白飯另上。豬扒蛋公仔麵中規中矩，茶記應有水準。有啲好笑係豬扒麵既豬扒無骨，但豬扒包就有骨，調轉分配會方便好多。估唔到可以qr code睇menu

前2日千里遙遙老公帶我去試吓呢間嘢⋯滿心期待，去到梗係坐露天，點知有好多烏蠅飛來飛去⋯⋯D服務態度一般般啦！可能唔憂做啦！甘打開餐牌梗係食佢哋嘅馳名推介啦！甘叫左（豬扒包、BB 乳鴿、豉油豬扒飯）先泥豬扒包(賣相ok揭開睇入面得洋葱一块有骨豬扒，我入口第一嗒已經覺得冇肉汁又鞋🙄🙄🙄完全唔好食）BB乳鴿（賣相味道正常，普普通通，皮唔係好脆，肉冇咩味）馳名豉油豬扒飯（賣相吸引，入口有雪藏未仲有啲蘇蘇地嘅豬肉味😆😒😒😒食咗兩、三舊已經唔想食）杯凍檸茶嚟到嘅時候啲冰已經用晒咁滯🙊有冇茶味唔會再去⋯⋯⋯

幫襯了十幾年，平日嘅時間由最初無咩人嚟到而家平日都要等位，一如以往點咗煎雞尾包同熱齋啡，唔知係咪太多人點而太趕工嘅關係，個雞尾包完全唔脆，只係覺得好油，好似放完油落鑊再即刻拎返上嚟嗰隻feel咁樣，咬咗一啖完全係好似搽咗潤唇膏嘅嘴唇咁樣！趕還趕吖，都比返個香脆嘅雞尾包我吖！呢個真係食唔落。最後另外點咗個腸蛋出前一丁，好彩呢個無趕住出爐。杯即磨咖啡好彩就無伏，咖啡味都幾香，仲有些少回甘。希望招牌嘅煎雞尾包變回以前嘅香脆啦！

網上見到呢一間喺上水高爾夫球場隔離嘅茶室，聽聞食物幾好，亦都好多人幫襯，於是星期六過嚟試一試。其實地方偏遠，多數都係行山人士路過食飯或者專登揸車嚟食嘅人。呢一度嘅好處係有免費泊車，不過係露天停車場。來到的時候係中午12點，我哋等咗差唔多10分鐘就有位，入面都座無虛席。餐廳有露天座位。我哋叫了最出名嘅菠蘿油、紅豆冰，BB乳鴿仲有煎豬扒米粉。菠蘿油普通，冇驚喜，佢話馳名又覺得有啲失望！紅豆冰嘅紅豆幾大粒。BB乳鴿好食，皮脆。煎豬扒唔錯，肉質都算林。不過價錢就比普通茶室偏貴，煎豬扒米粉，$50、菠蘿油一般冇乜特別，$23。食過一次就可以，應該都唔會再嚟。沒有加一服務費。

之前家人都揸車來講呢一間！今日奶奶得閒所以邀請佢一齊嚟呢一間餐廳食乳鴿！奶奶聽到BB乳鴿即刻雙眼發光🤩你都竟然比平時更加多人，可能天氣開始涼爽,多咗好多行山客😗 我哋大約等七張枱就到我哋！大約等半粒鐘左右！ 呢度有戶外或者戶內座位，我老公同奶奶都怕熱，當然要等戶內！ 餐廳有提供QR code比客人預先睇定餐牌！我覺得呢個位做得幾好，因為啲餐牌都有啲殘，而且肺炎疫症仍然有個案，避免接觸咁多，qr code 係一個好選擇！！ bb乳鴿依然好味，$55一隻，餐廳會幫你斬開一半！ 另外呢度嘅豬扒包亦都係非常之出名，又係佢個包皮，香脆得來 亦都唔會好’銀‘唔會咬到牙較軟😂豬扒洋蔥好香口！ 另外我哋叫咗咖喱牛腩飯，咖喱汁濃郁，我覺得辣味調校得唔錯，連我呢啲唔太食得辣嘅人都覺得OK好味！梅菜扣肉飯都好味如果多啲汁同埋多啲扣肉就好啦！

聽過榮昌茶座呢個名好耐，係行山人士必食餐廳之一，連發哥都成日去，所以趁老公閒日放假，10點就過去幫襯下。係好舊式嘅茶座，宜家香港買少見少，行完山過黎嘆下都唔錯既，仲有冷氣呢。叫左個馳名豉油豬扒飯、雞尾包烘底、再加個熱狗餐，臨走前再嗌個陳皮鴨湯飯同滑蛋牛肉飯俾兩個仔食。豬扒飯又唔覺好馳名喎，如果豬扒再鬆軟厚身啲會更好咬口。烘式雞尾包就.......只能說，同普通壓扁咗嘅雞尾包冇咩分別，失望熱狗餐啲醬幾好，不過對我黎講，都係普通一個熱狗而已。生津止喝酸梅冰，甜到hihi, 飲左兩啖就不了可能榮昌茶座真係只適合行完山嘅人去食，行完山個人又累又渴，食呢啲好適合，但好似我咁岩訓醒特登入去食既話，只能說太普通，唔會再有下一次。不過外賣返屋企嘅陳皮鴨湯飯兩個仔勁愛，同我清晒，係唯一令我開心嘅。

假日得閒無野做，想揸車去效區食個lunch 消磨吓時間，上網Check 吓，見榮昌茶座星期日有開，就立即揸車入去食佢個招牌豬扒。當日去到正值中午食飯時間，全場滿座，但都好快等到位坐。 佢哋有室內和室外，天氣熱坐室外真係好熱所以我揀咗室內有冷氣舒服啲。 茶餐廳形式，啲枱都擺得幾密，所以唔會坐得耐。我哋叫咗一個淨豬扒同埋一個豬扒出前一丁。 豬扒好入味、煎得好香，唔會硬。另外叫咗一杯綠茶雪糕紅豆冰，一杯石板街雪糕涼粉，兩款都好好味，甜度適中，紅豆好淋，係水準之作。

去上水粉嶺遊車河一定識榮昌茶座，最出名就係佢地原創秘製香煎豬扒🐷 煎得香口又有肉汁😋 豬扒包係用脆豬仔包，加埋煎香左既洋蔥，勁好食！最得意係煎雞尾包，皮包香脆，好似新鮮出爐咁正🥖 下次黎試下其他野先😆.🔹馳名豬扒飯 $55🔹澳門豬扒包 $36🔹煎雞尾包 $20.📍榮昌茶座 (上水)上水粉錦公路蓮塘尾村1號（近哥爾夫球場）

這已是第二次光顧，跟親友約好才來這兒，但小朋友聽到已一直反對...說那麼污糟... 本想說只是小朋友矯生慣養…但今次以後…我一定不會再來。話說我們一行8人，我們洗完筷子後，有一女職員說我們為什麼拿她那麼多筷子，便從親友手上拿走了一對筷子，還一直碎碎念的說我們，她的服務態度令我火滾，再當我發現我們8人但枱上只有7對筷子!! 合理嗎？！說真的...一對筷子...要食客受你氣？ 還在一直碎碎念? 實在不能忍受，跟她理論起來，她還是堅稱我們拿多了，而且是我親友給她的....但事實她是從我親友手搶去的...我叫她重新數數看我們枱上有多少對筷子？最後...終於得到她敷衍的一句「對唔住！」但我已堅決不會再來！！ 食物又唔特別丶又唔好食！

今次我地係專登揸車入黎既為於上水鄉郊地區既佢 位置黎講就真係幾唔方便 不過勝在對出有空地可以泊車 起碼煩少樣野先黎到呢度當然要食遠近馳名既豬扒包啦 好多人為左佢專程從市區入黎ga  等我解釋下點解佢咁出名啦！佢既出色之處係包脆肉JUICY 豬扒大大件 裡面夾住既半生熟洋蔥好新鮮好甜另外陳皮鴨湯飯同埋鄉郊bb鴿都好多人食 下次黎既時候會試試聽聞發哥間中都會黎 有興趣野生捕獲發哥既可以閒日早少少黎碰碰運氣