榮式燒雞扒專門店

营业中

休息中

My favorite comfort food 🥘 recently opened a new shop near us! The space is spacious and clean with bright lights and nice staffs too. We ordered half chicken (new) to share among the two of us, then also their signature grilled chicken dish. With signature minced octopus fish patty. Their signature dish never disappoints us! Filled with large portion of grilled chicken & also big patty of pan fried octopus 🐙 so happy whenever. We had this dish. three sauces have provided for us too, and was sup

將軍澳踩完單車，天氣凍想食飯食飽d暖身，嚟到坑口，見到新開了一陣子嘅榮式燒雞扒分店，決定入去食雞扒飯。原來呢間分店有得電子落單，新張期內電子落單每款主食仲可以減$2添。雞扒豬頸肉飯拼章魚藕餅嚟到榮式雞扒點可以唔食燒雞扒，我地又貪心想試其他款式就揀左拼豬頸肉再加章魚藕餅。大大塊燒雞扒有少少黑椒調味，燒得唔乾，雞皮嘅部份個人覺得可以燒得脆d。豬頸肉有4大塊，肉質爽口，唔太肥。章魚藕餅主要用豬肉餅做成，加入了蓮藕粒增加口感，但就唔係幾食得出章魚，個人覺得蓮藕和章魚都可以酌量加比例份量。呢個飯配有蔥油、菜脯粒、椰菜伴碟，白飯淋上了豉油，再加入配菜拌飯，好好味。香煎鹹魚肉餅套餐本來想點滑雞系列，但當日已經賣完，只好揀了香煎鹹魚肉餅套餐，配有白飯、飲品/例湯。點知肉餅上枱嘅時候我哋都呆咗一呆，以為店員上錯菜。個煎肉餅完全係炸嘅，成個炸可樂餅咁款，再三確認後，原來呢個真係所謂嘅香煎鹹魚肉餅。呢個鹹魚肉餅炸得外層好脆，都唔太油膩的，裏面嘅肉餅都唔會乾，有些少鹹魚味，但我係鹹魚控重口味，覺得鹹魚嘅咸鮮香可以再濃啲。如果鍾意食香口炸嘢嘅人應該會鍾意呢個餸，但我哋都怕熱氣，比較鍾意食傳統用慢火慢慢煎香嘅肉餅

早就品嚐過這家餐廳在銅鑼灣的分店，這天因為工作的需要，到達了將軍澳，沒想到這裏也可以找到他， 餐廳位於坑口地鐵站附近，距離路程約需七分鐘左右，地理上還算方便快捷。這間餐廳主打的當然就是和他的名字一樣就是雞，味道和銅鑼灣的沒有分別，味道更佳，性價比極高。而我點選的食物就是四川口味滑雞， 一個人挑戰半隻雞，絕對沒有難度，全因為太 惹味。 入口雖然有點辣， 但吃過一口之後還想多吃， 這就是停不了的節奏， 如果配搭一碗白飯，相信 更是佳作。

好耐之前同朋友係銅鑼灣食過，原來坑口都開咗！真係好多新食肆呀😂依家有啲餐廳都開始用QR code 點餐，其實算方便咗？🔥雞扒炸魚柳飯 hkd 58‼️佢雞扒個外皮真係炸到超級脆😍同埋個魚柳係唔腥嘅～加埋啲蔥油一齊食好正🥺整體飯嘅份量都好多，真係成個飯食晒😂😂🔥招牌老家鹹雞 hkd 103 ‼️我想講半隻都超多😂雞肉係真係好嫩滑嘅！同埋雞味好濃喔~一啲都唔鞋口，雞皮都夠爽！配埋佢嘅幾款蔥油同醬汁，送飯一流！

平時出街食飯想食屋企嘅味道可以揀呢間， 鹹蛋肉餅好似媽媽整嘅一樣好屋企feel好溫暖❤️， 小編最討厭街外食肉餅飯會落超多肥膏， 呢間肥豬肉同埋肉嘅比例適中， 調味剛剛好， 如果鹹蛋係新鮮嘅更加perfect😝🐔招牌菜滑雞都唔錯嘅， 客家鹽水浸雞嘅做法令到雞肉每個部位都嫩滑多汁， 唔覺唔覺會食多半碗飯🍚~~~~~~~~😋味道: 8/10📸賣相: 7/10🛋️環境：8/10💁‍♂️服務: 7/10💎性價比: 8/10💲人均：$80⏪回頭率：80%~~~~~📍榮式燒雞扒將軍澳培成里10號明德商場地下6號舖~~~~~

之前已經食過呢一間 雞扒 專門店㗎啦今日嚟試喺將軍澳 坑口新開嘅商場地舖 新舖裝修乾淨光猛位置多 唔使驚多人可以坐得舒服我落啲佢除咗堂食我媽都有啲五六十蚊嘅雞扒飯外賣之外呢晚上都係有煲仔菜 同埋小炒今日我就食咗一個魚香茄子煲熱辣辣真係好香好開位用煲上都係冬天啱曬呀 主菜我食咗個雞扒鰻魚飯雞扒好入味又夠大塊鰻魚都係好大條原條上嘅 另外嗌咗杯凍檸茶大大杯套餐 加半價就飲到另外朋友就嗌咗個鹹檸梳打 個飯有啲菜就配菜感覺都好健康 坐低可以慢慢食感覺好舒服唔似一般茶餐廳咁要食得好快 鍾意呢一種食雞扒嘅專門店因為佢啲雞扒一定係新鮮同埋做得好嘅 下次等我試埋佢個 滑雞先有得配沙薑汁. 鋪頭都係可以用電子落啦每個主菜會減兩蚊 可以自己落單都幾好唔使大聲叫人過嚟 另外姐姐話呢度嘅例湯冇加味精我試過真係覺得好正唔使煲湯又慳番我幾十蚊下次嚟我都會嚟食 個飯加個例湯真係 真係仲平過自己煲呀 午餐嘅外賣好抵食呢間餐廳我真係日日食 都得呀

最近樓下開左呢間餐廳, 之前都未食過呢晚就去醫下肚~呢晚去到唔駛等位, 即刻入得~入面都幾多位, 晚市黎講唔算多人~坐得幾舒服我地打算試下呢度既小炒, 叫左兩個餸呢度係用電話自助落單既~ #紅燒秀珍豆腐煲呢個豆腐煮得幾入味, 仲好熱辣辣又幾好送飯~#咸蛋黃金雞翼呢個雞翼岩岩炸起~又係熱辣辣, 但聞落幾香咸蛋味適中, 食落唔會太咸~兩個人食叫左兩個餸, 加一個白飯, 已經好飽加埋飲品, 食完真係好飽~咁又一餐喇

下午茶有啲失望，試咗炸雞髀配薯條同雞扒配薯條，炸雞髀同雞扒都唔錯，脆皮肉質滑唔會好乾，但係薯條係凍的，係凍到硬晒果種....我推斷係整咗好耐無翻熱，好難食......以後唔會再叫。本身以為外賣所以薯條唔好食，再試堂食，都係一樣凍冰冰嘅希望之後會有改善啦 浪費左個炸雞髀同燒雞扒茶餐 至於餐廳服務方面，可以用QR code自助落單，好方便，不過要留意暫時只接受現金，新開張有推廣價$30都唔使嘅茶餐都算係咁啦，服務員態度都好好。整體來講都幾不過不失啦