影片
营业时间
今日营业
06:30 - 23:30
星期一至日
06:30 - 23:30
以上资料只供参考，请与餐厅确认详情
今日本来去对面的榕哥，可惜爆棚，咪来哩间喽，两间都话自己攞好多奖。哩间都爆棚，本来要搭台，但有卡位走，waitress 亦好快手乐意帮忙执。味道烧鹅饭 ( $62) 4分烧鹅肥叉饭($67) 5分— 好老实，要鹅肶要$1xx, 真系吾舍得。— 其中一碟都有半只肶，好抵。— 难得碟头饭鹅同叉烧都系热咖。— 鹅皮薄，脆而松，带小肥膏，肉吾韧，好有鹅味。— 叫肥叉真到肥叉，好，肥瘦大概3/7比例，肉好”淋”.— 本来哩间比成瓶酸梅酱系台面真大方，但可惜味道吾够，反而令烧鹅饭扣了一分。汤(3分) 餐+8蚊—表面已经睇到太多油，饮落亦觉得可能汤底有烧味底，反而饮吾到应该的瓜同肉味—通常茶记或者烧味铺，例汤可以代替餐茶，但哩度一定系另外叫，哩个可以考虑下改善。环境(4分)— 可能新装修无耐，所以都比较舒服服务(4分)— 难得大部分waitress都有礼貌，笑容，做野又快手。香港真系要多d哩d服务业卫生(3分)— 都系一般茶餐厅水平，如果要改善，可能要睇多d鬼佬餐厅点做，应该吾难，努力啊。抵食(4分)— 以咁质量，性价比系高。
继续阅读
过咗嚟呢区开工跟同事出去食饭，Lee 间系佢哋常去地方，烧味店街坊价钱有比较光鲜嘅枱櫈好难得。连续食咗两日，寻日食肥叉油鸡饭热奶茶（冇影相），今日食肥义烧腩仔饭热奶茶。钟意佢可以选择肥瘦，有刁钻嘅食法可同店员沟通，佢哋尽量安排。好似琴日咁，我想食咸蛋，但系佢哋咁啱未蒸起，个店员10分体贴咁样比多一份姜蓉我，应该系估到我钟意攞咸嘢捞饭，窝心到不得了。今日个烧腩仔个脆皮做得松化，可以encore!。杯奶茶茶底唔错，少少嚡口，OK的👍店员醒目体贴有交带，食物有水，价钱大众化，我相信会成日嚟呢度食。
继续阅读
今日行街行路好攰，求其揾间嘢食吓下午茶，就见到油尖旺区有呢一间榕记烧鹅，咁就谂都冇谂，入去试一试探一探虚实。入到入边，叫咗一个烧鹅米粉，首先米粉嘅汤底。好大可能系用咗烧鹅嚟熬汤，所以汤底系非常之好味，米粉熟晒啲汤底嘅味道，好配合。重头戏来了，就系那个烧鹅，烧鹅烧得时间刚刚好，唔会话啲肉质好嚡，亦都唔会流失晒所有肉汁。烧鹅皮亦都非常之脆口因为食烧鹅，始终油分比较多，所以最后叫咗一杯冻柠茶，因为柠檬茶有助解油腻。
继续阅读
陪妈妈覆诊完毕！陪佢老人家去食最爱烧味😘系油麻地见到榕记陈皮烧鹅，即刻入去开餐打开餐牌，叫个双拼饭孝敬妈妈先🥰乳猪烧鹅双拼饭👍乳猪皮脆、肥瘦适中正呀陈皮烧鹅味香浓！连妈妈都大赞👍👍乳猪烧鹅双拼饭👍麻辣鸡丁公仔面双炒蛋+多士早餐跟餐：热咖啡热奶茶餐饮
继续阅读
今日试咗榕记嘅烧腊饭，真系大满足！烧鸭皮脆肉嫩，油脂分布得刚刚好，皮同肉嘅口感层次分明，肉质鲜嫩多汁，仲渗出阵阵浓郁嘅烧烤香。叉烧呈诱人嘅红润色泽，甜度适中，软硬适宜，入口软绵又带有微微嘅嚼劲。配菜嘅咸蛋黄油润沙软，沙沙嘅口感好正。酸菜爽口解腻，为成个饭增添咗清爽嘅味道。白饭颗粒分明，吸收咗烧腊嘅肉汁，变得更加滋味。榕记呢个烧腊饭，无论系食材品质定系味道搭配都好出色，份量亦都唔少，性价比好高。下次一定会再嚟试吓其他嘅烧腊菜品！
继续阅读
您可能会有兴趣的...