影片
港铁油麻地站 A1 出口, 步行约2分钟
继续阅读
电话号码
27143386
营业时间
今日营业
09:00 - 23:00
星期一至六
09:00 - 23:00
星期日
11:00 - 23:00
以上资料只供参考，请与餐厅确认详情
#陈记烧腊饭店 喺网上多咗好多人品提呢间陈记，话佢嘅性价比几高，坐落喺旺角新填地街街口位，价钱唔算太平民，烧味双拼饭$52，烧鹅$88以上。叫咗肥叉烧肉饭，店员话叉烧尽量肥但唔系同我讲，系同我之后嘅客讲，$52嘅双拼饭卖相几唔错。叉烧算唔算肥见仁见智，但最起码够腍见到有㶶边。烧肉佢畀咗更受欢迎嘅腩仔，可惜唔啱我杯茶，因为我唔钟意腩仔𠮶种特别嘅味道，我就系钟意烧肉少少瘦得嚟带咸香。本身冇包例汤，加一碗要$10。非常足料滚热辣，红萝卜够甜系靓料，鸡脚入味，青红萝卜汤味道唔错，单论呢碗汤$10抵比。如果净系食呢间餐厅，$62食到一个唔错嘅双拼饭加一碗热辣辣又足料嘅汤，性价比确系高。但如果对畀埋唔同区分较有名气嘅店舖，好似柴湾新桂香，上环龙邦等名气店，同样嘅食物呢度就比佢哋贵。整体嚟讲食物质素都可以，冇比较冇伤害，一比性价比即降低。仍然努力追寻心目中最爱嘅烧肉味道。陈记烧腊饭店旺角新填地街250-254号地下D号舖
继续阅读
叉烧望落去正正常常，一摆落口，哗～～淋得嚟d肉有弹性～超好食～～腩仔肥瘦均匀～第一层系皮～再一层肥～一层瘦～一层肥～一层瘦～出现五层塔～～～简直系无得弹！好食到唔记得影相😂😂例汤用料足～兼且无味精～虽然呢间铺头细细～员工唔系好多～～但个个都好nice~招呼好好～～咁啱食紧嘅时候见到有人送货嚟～全部都系煲汤嘅材料～～难怪碗汤咁好饮～～～～～啱哂我呢啲无乜汤水嘅人士～我会将佢列入我嘅饭堂～～～～～
继续阅读
2个月内嚟过陈记两次，头一次食叉烧烧鸭饭（$52），另一次就烧鹅濑（$58），两次都出色。烧鸭：皮脆肉嫩多汁，媲美烧鹅，可谓「烧鸭价钱，烧鹅味道」叉烧：多汁软腍，不错饭底：失色左啲，饭煮得唔算靓，也唔够热。烧鹅：份量十足，唔会皮包骨！同烧鸭一样皮脆肉嫩多汁，性价比很高。濑粉：爽滑弹牙，汤底似福米的汤但暇不掩瑜！本人都是乜乐烧鹅濑的支持者，无可否认佢个濑粉同汤底真系一绝，好可惜佢嘅烧鹅有阵时皮包骨（据说话师傅斩到边忽就边忽到边，睇运啦），而且份量比较少，每次食完都觉得唔系好饱。就咁睇相，呢度嘅烧鸭真系做到似烧鹅咁，味道也很相近。烧鹅是比烧鸭更肥美一点，那种皮的薄脆，配埋油香四溢但恰到好处的脂肪，同爆汁的鹅肉，完全光芒四射！5粒星！都唔好讲性价比了，直情质素都比乜乐高。去开果栏，不妨试下呢间烧味，保证不失望👍
继续阅读
过返寻味啊，专做街坊生意冇广告抢咗好多年，每一次食烧鸭烧，我都好幸福，因为佢啲皮好脆好新鲜热辣，四宝饭嘅咸蛋都超正，食过好多次都唔会话有啲腍啤啤或者烧㶶㶶嘅充数，价钱都唔贵一个四宝饭$58有烧鸭叉烧红肠咸蛋仲有两条青菜添😘
继续阅读
收工经过果烂又肚饿，谂唔到食咩好，竟然见到有烧味饭食，即刻冲入去，舖头都光猛，干净卫生，传统嘅装修感觉好老字号好正宗。试一记佢嘅烧味，就算夜晚都仍然有好多选择，叫咗碟半肥瘦叉烧切鸡饭加碗例汤，62蚊合理价钱。叉烧半肥瘦适中，够沐够入味，切鸡亦都啖啖肉，好鲜嘅鸡味。后来见到其他人介绍烧鹅，下次一定要再去试下，烧肉同样都系咁吸引。地址：旺角新填地街250-254号地下D号舖港铁油麻地站A1出口，步行约2分钟
继续阅读