影片
是日去火炭朋友屋企玩猫，到晚饭时间，大家喺度谂晚餐食咩好～朋友介绍话呢间餐厅，佢朋友每次去佢度都会食，由于我都几钟意食手撕鸡，二话不说就话好😂😂两个女仔好贪心咁叫咗一只手撕鸡，最尾食咗半只，另外半只摆咗入雪柜😂 个手撕鸡好食，唔韧唔鞋，又有味～ 另外仲叫咗个双拼拼盘，要咗醋香云耳同香麻海蜇，个海蜇麻油味劲香！云耳都好好食，个醋好香好入味😋仲有叫咗话梅花雕鸡软骨，其实我好钟意食花雕醉鸡翼，但因为未试过食醉鸡软骨，见呢个少见又咁得意就试吓～ 都几「够醉」，同埋佢加咗话梅甜甜地几特别～ 呢个唔错唔错👍我地仲仲仲叫咗个麻辣台式炖鸭血😂 呢个都唔错，唔系好辣，啱我食～呢间绝对可以encore，下次再去呢个朋友屋企要再叫🤣🤣
继续阅读
今日午餐，谂住近近地叫个肠粉餐，点知一肚气。肠粉餐要加2蚊，有手撕鸡同埋点左小食海哲，送一包纸包野饮，加埋要40元。其实系屋邨街市档黎讲，真系唔算平。点知呀姐舀既份量好少，海哲得4条，我系女士，食完好似无食咁，食完仲系好饿。之后透过社交平台同榕基反映下，希望日后份量可以比多少少，至少有返饱肚既感觉。点知老板完全唔听，仲话自己份量无问题，亦无收过同类反映。其实同佢反映，都系想佢再好啲然后继续支持，睇完老板既回应，完全无谂过去改善，真心好失望。我唔会再食呢间餐厅，建议大家唔好买呢间做正餐，一定唔够饱。
继续阅读