榆林棧點心專門店 (非門市)

好耐冇去飲茶🫖今日食左一大堆點心，好滿足！午市套餐好抵食，包咗1籠飯，1盅湯，2款點心！($118)籠仔辣味排骨飯，有點辣，排骨數量都算多。蟲草花燉雞腳湯，很鮮，又滋潤。蟲草花含有豐富的蛋白質，對增強和調節人體免疫功能很有幫助，肺炎時期必點之選！黑魚子燒賣好彈牙，大大粒。黑松露野菌餃，有少少黑松露調下味，口感有啲似粉果。重點推介:〰️脆脆野菌腸內脆外軟，餡料豐富，好多菇✔️〰️薑蔥牛柏葉好爽口的牛柏葉！仲有嗦曬啲汁嘅白蘿蔔！〰️濃芝士煙肉春卷其他酒樓未食過呢款小食！鹹香芝士傾瀉而出！〰️鮑汁鳳爪雞腳炆到好腍而且好入味👍🏻〰️籠仔馬拉糕鬆軟無比！帶有輕微的雞蛋的香味☺️

星期六去咗炮台山嗰邊行下，再順便食件點心同朋友仔飲茶🍵。我哋唔熟呢邊有乜酒樓，但就見英皇道有間「榆林棧點心專門店」。小店售賣各式各樣嘅傳統同新派點心🥢，款式繁多，定價合理。不過由於點心係即叫即蒸，所以要預咗十至十五分鐘嘅等侯時間。我哋好耐無食過心點(小新叫法)喇，所以好似放題咁嗌到成枱都係🤣，但當然通通都食得哂，因為每樣水準都好平均吖！濃芝士煙肉春卷($25)，平日我唔食春卷，不過見行新派路線就試吓，原來換咗個餡成件事真係唔同哂，🧀🥓芝士煙肉惹味，同春卷炸物好夾。蜜糖芥末魚腐卷($25)，佢類似炸鯪魚球🐟，但係條狀，而且外層用腐皮包住，好香脆。蜜糖芥末汁係精華所在🍯，佢搣走魚腥，又開胃。五柳炸雲吞($28)，我開初以為係錦鹵雲吞🥠，但可能我誤會咗，佢似一隻炸餃子。外皮望落好厚，但實則金黃酥脆，唔油膩，沾酸汁食一流。晶瑩鮮蝦餃($31/4 粒)，🍤蝦餃大大隻，餃皮晶瑩通透，入面有原隻鮮蝦，但筍絲就相對少，如果爽口啲更佳。黑魚籽燒賣($31/4粒)，💛燒賣中規中矩，豬肉同蝦嘅比例適中，抵讚嘅係走肥肉，唔肥膩。鮮蝦菜苗餃($28)，🥦菜苗餃係蝦餃啲Friend，加咗菜苗令整體口感有所提升。鮮

今日同母親去到炮台山佢好想飲茶咁岩俾我地見到呢間裝修整潔既點心店就決定入去試下餐牌有好多選擇，特別在有套餐，好抵食蟲草花燉雞腳湯套餐入面既湯好足料完全飲唔到有味精係真材實料飲完胃口大開蜆蚧鯪魚球鯪魚球啖啖肉係好難搵到既味道亦附上蜆蚧醬非常正宗籠仔金針雲耳蒸雞飯用籠仔蒸另有一番風味滑雞好嫩滑白飯吸收哂雞汁好惹味鮮蝦腐皮卷炸到脆身既腐皮包住滿滿既蝦肉咬落有2種口感先脆後軟好豐富好有層次一定要試雪山焗叉燒包傳統既叉燒包食得多呢種真係第一次非常震撼！用焗既方式令外皮好香脆好特別好好味鮮蝦菜苗餃，晶瑩鮮蝦餃蝦肉好飽滿，皮薄餡靚

間中都鍾意飲下茶食下點心，今日下午茶時段黎到北角新開嘅點心專門店，裝修幾有心思，環境明亮乾淨，食得舒服。🍴餐牌點心款式好多，食物賣相精緻。蝦餃燒賣每次飲茶都會食，大大粒，入口彈牙。🥕甘筍鹹水角造型好可愛，好似真嘅紅蘿蔔，小朋友實鍾意，而且炸得鬆脆。籠仔馬拉糕鬆軟，女女大讚。我就好推介 雪山叉燒包，面層鬆化香甜，裏邊嘅叉燒餡 又豐富。❤️黑松露野菌餃必食，黑松露味勁香，野菌粒粒好有咬口，好喜歡😍🍮甜品叫咗布甸芒果布丁同桑寄生蛋茶。前者香甜柔滑，🥭芒果新鮮，後者健康養生。

無晚市, 所以假期要早D出黎搵食啦!好鍾意食點心心, 每樣少少, 可以食好多款, 唔想去酒樓等位又想食點心, 榆林棧幫到你~晶瑩鮮蝦餃 $16 / 2粒黑魚子燒賣 $16 / 2粒魚翅灌湯餃 $38上檯時仲係完整靚靚一隻, 唔會爛晒雪山叉燒包 $25脆脆野菌腸 $28呢個好特別, D菇好香, 不過有少少油, 如果冇炸應該都一樣咁好食蠔皇鮮竹卷 $21足料!濃芝士煙肉春卷 $25真係有芝士拉絲~蜜糖芥末魚腐卷 $25蜜糖芥末醬好好食~~飽汁鳳爪 $30蟲草花燉雞腳湯 $45咸左DD, 不過都好清唔油

_____好味指數：🌟🌟🌟🌟抵食指數：🤑🤑🤑🤑假期最啱去飲茶，呢間喺北角新開嘅點心店款式齊全，價錢親民✨而依家為咗共同抗疫無論堂食定外賣都可以全單九折🈹真係抵上加抵！✅籠仔金針雲耳蒸雞飯好大籠！夠哂飽，雞肉蒸得嫩滑🐔飯粒帶荷葉香🍀而且呢個仲做緊套餐，加一個湯同一款指定點心都係$78，散叫嘅話都要百幾蚊，等於打咗五折！✅黑芝麻黃金流沙包滾熱嘅流沙配埋軟熟嘅包，而且仲有淡淡芝麻香，好食😋✅魚翅灌湯餃餐廳相當大方，入面翅真係幾多，而且仲有紅醋，飲湯同食餃可以一次過滿足🫕✅蜜糖芥茉魚腐卷鹹香嘅魚腐同甜辛嘅蜜糖芥茉意外搭配🍯有創意嘅做法✅香芋地瓜丸出面嘅香芋同地瓜係明顯分成兩層，但呢度香芋地瓜係融為一體，味道更上一層👍🏻✅甘荀鹹水角蘿蔔嘅造型好吸引🥕軟糯嘅外皮配上豐盛嘅餡料，口感相當滿足✅雪山焗叉燒包酥皮薄嫩香脆，一口咬開入面充滿甜香嘅蜜汁叉燒🐷好食！

同朋友係北角下午茶～ 見到有點心專門店又見餐廳好似幾新式咁，就決定去試下啦～ 我地叫左黑松露野菌餃，手拆原隻鮮蝦腸，鮑汁鳯爪同士多啤梨沙律盞～～黑松露野菌餃非常香口美味，濃濃既黑松露味電合埋黑野菌幾好味！手拆原隻鮮蝦腸內既蝦真係大大隻好新鮮～ 抵食鮑汁鳯爪真心好好味呀，仲有花生令個汁好好味，個鳯爪都超級入味呀～ 士多啤梨沙律盞既沙律都好好味，個底好脆食法好特別，個底好似雪糕脆桶咁～ 影相打卡好睇又可愛！值得一試～ 餐廳職員都好友善！

同屋企人去附近飲茶～ 不得不提這間飲茶的新式餐廳裝潢很新也很明亮，給人舒適光亮的感覺～ 我們點了幾個點心一起吃～ 紅蘿蔔🥕做形的咸水角非常可愛～ 也很香脆內軟可口～ 牛肉腸粉也很香滑～ 傳統鳯爪很入味～ 好有咬口～ 食完咸食就緊係要食下粥啦～ 我地叫左雞粥～粥底煲得很綿，也很香滑美味～ 芒果布甸也很甜可口～ 餐廳點心選擇挺多，環境舒適，坐幾耐都唔會比人趕走，唔會好似酒樓咁要落場之如仲唔會好似酒樓咁咁嘈～ 可以再去食多次～ ～

今日嚟到北角呢間新開嘅榆林棧，食點心飲熱茶。蝦餃燒賣當然係必點架啦！蝦餃晶(2粒$16) 瑩剔透，蝦肉夠爽口。燒賣餡料飽滿，黑魚子燒賣(2粒$16)有特色，鶴鶉蛋燒賣($26)就夠曬懷舊。雪山焗叉燒包($25)熱辣辣，表皮酥香無比，叉燒餡香濃滋味。鮮蝦腸($30)腸粉皮煙韌順滑，原隻蝦肉新鮮彈牙。鮮竹牛肉球($21)牛肉打得夠曬鬆軟，加埋喼汁經典美味！牛柏葉($28)入曬味，仲有白蘿蔔墊底。糯米雞($30)糯米蒸得非常軟熟，鹹蛋肥肉濃香味美。蘿白糕($21)煎得好靚，唔會太多粉，高質。鹹水角($22) 賣樣吸引之餘，炸得好酥脆可口。呢度嘅湯水都非常出色，圓肉螺頭燉竹絲雞湯($50)，好足料味道自然無加味精。

多謝政府嘅措施新一年第二個星期日就無得出街食晚餐之前仲卜左幾間好西依家無得食😭唯有晏晝食好啲食多啲😔—————————————————————兩個人食左10款點心加一盅湯除咗因為好肚餓好耐無食點心都係因素🤣同好多小茶居一樣蝦餃燒賣有兩粒裝本身都想叫四粒但為左試多啲款只好犧牲蝦餃燒賣🥲呢度嘅燒賣有別於茶樓嗰啲彈勁多啲可能溝左少少墨魚膠？另一最愛點心鮮蝦腐皮卷大愛呢度呢個腐皮卷呀腐皮煎得好香脆重點係無「臭茜」😂出面好多都落芫茜提味呢個無呀 感動😭啖啖爽口彈牙鮮蝦おいしい嫌平時茶樓啲春卷悶？呢個芝士煙肉春卷又啱唔啱你脆脆春卷包住香軟拉絲芝士同粒粒煙肉香脆軟濃集一身👍🏻好耐冇飲湯嘅中島見到有燉湯即刻😍叫番盅烏雞燉湯滋補下先金黃色清湯頭完全冇浮油最啱啲捱夜嘅朋友仔飲呢餐肚仔完全得到飽足😋—————————————————————✒︎ 晶瑩鮮蝦餃 $16✒︎ 黑魚子燒賣 $16✒︎ 鮮蝦菜苗餃 $28✒︎ 薑蔥牛柏葉 $28✒︎ 鮮竹牛肉球 $21✒︎ 鮮蝦腐皮卷 $28✒︎ 芝士煙肉春卷 $25✒︎ 蜜糖芥末魚腐卷 $25✒︎ 燒汁釀虎皮尖椒 $24✒︎ 黑芝麻黃金流沙包 $26✒︎ 圓肉螺頭燉竹絲雞湯 $50✒︎ 茶

之前lunch hour經過呢間新開嘅點心店，見到門口企滿人等位，已經心癢癢想食😄難得今日tea time得閑，即刻拉朋友黎～～晶瑩鮮蝦餃、鵪鶉蛋燒賣、爽滑香茜牛肉腸、薑蔥牛柏葉籠仔鳳爪排骨飯、甘筍鹹水角、鮮竹牛肉球、3.6牛奶芒果布甸款款點心都好新鮮，即叫即蒸，所以等待時間會有少少耐，大約10至15分鐘就開始上第一碟，蝦餃有二粒和四粒選擇，大大粒，外皮晶瑩剔透，蝦肉爽口，必order😍腸粉皮薄又滑，朋友們都好鍾意。每款上枱都熱騰騰出晒煙，份量好夠，籠仔蒸飯直情可以裝到五碗飯添！CP值極高！

炮台山附近最近新開左間「榆林棧」點心專門店，趁今日 holiday mood 仲係好濃，唔想煮飯，行完山就專登過嚟試下。店舖面積不大，長方形格局，一室木製檯凳，配以牆身上嘅掛畫、點心籠及算盤，裝潢簡約，給人一種雅致嘅感覺，環境舒服自在。先睇下餐牌，點心分門別類，既有新派亦有傳統，當中包括有蒸餃、包點、腸粉、中式點心、煎炸類、籠仔蒸飯、生滾粥、小食、甜點等，另外亦有原盅燉湯供應。點左 6 個點心同一盅燉湯，餐廳而家做緊新張優惠，全單九折，不過優惠期只係去到 12 月 31 號，好彩無錯過。沙參玉竹淮山海底椰瘦肉湯 ($45)  盅湯好足料，一打開蓋就聞到陣陣香味，湯色清澈，味道好清甜，燉得火喉十足，滋陰潤燥，非常適合而家天氣飲用。晶瑩鮮蝦餃 ($31)  蝦餃即叫即蒸，大大粒，外形好飽滿，入面塞滿彈牙的蝦肉，爽口又鮮甜，外皮厚薄適中，食落唔會過份煙韌。鮮蝦菜苗餃 ($28)  味道亦唔錯，同樣採用新鮮蝦仁入饌，粒粒都晶瑩剔透，加上伴以翠綠嘅菜苗，食落口感好清爽。黑芝麻黃金流沙包 ($26) 賣相亦不俗，個個大小均一，輕輕用手搣開，入面嘅餡料便即時流出，味道相當香甜 Creamy，加上包身