樓下火鍋飯店

营业中

休息中

今次同朋友嚟到樓下火鍋飯店打邊爐，感覺好似一秒返到70年代！裝修走懷舊港式大牌檔風，霓虹燈、鐵枱鐵凳同手寫招牌超有Feel，仲見到一啲外國遊客影相，氣氛熱鬧！🍽️椒鹽粟米椒鹽粟米炸得外脆內嫩，鹹香微辣，食落好似小份薯條咁開胃！唔使涮直接食就得，好惹味！🍽️鴛鴦鍋（花雕藥膳醉雞湯 + 清甜椰子雞湯）鴛鴦鍋真係今晚嘅主角！花雕藥膳醉雞湯帶濃濃酒香，雞肉炆到軟滑入味，仲有藥膳嘅暖胃感覺，飲落唔會太重口，清甜自然。清甜椰子雞湯就走清新路線，椰香同粟米嘅甜味混雜，湯底滑溜又有少少膠質，涮菜特別啱。兩款一濃一清配搭得啱啱好🍽️大沙白蜆大沙白蜆新鮮彈牙，肉質飽滿，涮熟後有海水嘅鮮甜味，放在清甜椰子雞湯煮，味道更突出！🍽️肥牛肥牛薄切得啱，涮幾秒就熟，油花均勻，入口嫩滑牛味濃郁！放喺花雕藥膳湯底特別juicy🍽️桶蠔桶蠔肥美多汁，涮熟後鮮味爆棚，肉厚又有海鮮嘅天然甜味，配花雕湯底嘅酒香好match！🍽️CoCoBerry Ice-Cream香蕉拖肥味收尾有CoCoBerry嘅香蕉拖肥味雪糕送，清新解膩！香蕉味濃郁，拖肥（奶油）滑溜甜度啱啱好

朋友最近推薦了一家餐廳，說它的裝修充滿懷舊的港式風格。然而，實際經歷卻讓我相當失望。首先，餐廳的服務效率極差，漏單情況非常嚴重。我呼叫待應等了很久，但始終沒有人來跟進，這讓我感到非常不滿。眼見餐廳人手充足，但似乎職員當顧客透明。見到食客招手，裝作看不見。再者，食物的質量也讓我失望。雖然菜單上有很多選擇，但實際上食物的味道平平無奇。此外，性價比不高，最後以3000多元的價格結帳，卻感覺吃不飽。更讓人無法接受的是，服務態度極差，十分趕客，不僅沒有服務，還要收取10%的服務費、醬油費和前菜費用，共400-500蚊。在銅鑼灣這麼多選擇中，真的不需要選擇這間餐廳。任食放題質素比這間還好。這家餐廳真的不值得一試。

香港探店感樓下火鍋飯店這家樓下火鍋飯店裝潢上真的非常用心全部複製70年代懷舊風餐廳非常寬敞處處都是復古風情，打咭一流（醬料出色除咗有常見嘅炸蒜、辣椒、蔥、芫荽⋯等等，佢地仲有提供#新鮮沙薑！平時我都鍾意食新鮮沙薑，而且打邊爐未見過有得落，有驚喜！湯底好多選擇，有成22款最尾我哋揀咗懷舊龍沙嗲湯之前試過花雕藥膳醉雞鍋酒味好香，隻雞醃得好入味，而且好滑唔鞋麻辣都好香好惹味😍😍😍😍

想食咗好多年嘅火鍋，終於喺11月時趁生日捉朋友請我食😂依間火鍋店裝修勁懷舊，好多唔同主題，好有feel, 吸引咗好名遊客幫襯，坐我哋隔離檯嘅就係韓國遊客🙂我哋要咗胡椒豬肚雞湯底 $148，叫咗花雕肥牛 $138，三文魚腩刺身 $128，牛脷粒 $128，五寶丸 $108，鮮鵝腸 $98，脆鯇魚骨腩 $98，紫菜炸響鈴 $68，打邊爐最重要係飲返楂酸梅湯 $40，兩個人埋單 $1100，食物質素唔錯，價錢中上，如果要嚟幫襯記得訂檯，平日都全場爆滿🤩評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉翻兜指數：🩺🩺🩺🩺樓下火鍋飯店銅鑼灣駱克道441號駱克大廈A座地下A號舖及地庫📍銅鑼灣港鐵站C出口4分鐘路程#healingbobo #foodie #hkfoodie #foodiehk #香港 #美食 #CWB #銅鑼灣 #香港好去處 #香港打卡 #香港美食 #銅鑼灣美食 #留港消費 #高質 #人氣 #火鍋 #Hotpot #樓下火鍋 #樓下火鍋飯店

日本朋友嚟香港探訪想帶佢體驗吓香港嘅地道文化天氣又凍凍地就諗起打邊爐啦朋友介紹嚟呢一間火鍋店裝修感覺極度港風睇得出喺呢方面店家用咗好多心思去呈現每一吋都好有香港情懷好似入咗一個電影場景咁湯底方面都好多選擇我哋就揀咗沙嗲、美人鍋、醉雞鍋同胡椒豬肚雞食材方面其實都幾多選擇有啲古靈精怪嘢都值得試吓例如有鵝肝，豬腦非常新奇真係嚇你一跳！牛肉我地都order左好多唔同部位試吓其中一個覺得幾得意係牛肉刺身個人就覺得唔係咁好食刺身牛太薄又凍冰冰個感覺真係好似喺街市買咗啲打邊爐嘅肥牛就咁生食可能係食唔慣最後都係用嚟烚晒佢反而有入口即溶嘅感覺🤣其他食物水準都ok 朋友都食得好開心嘅唯一問題係唔知點解明明好多員工但好多十問九唔應😮‍💨加單叫咗個蔬菜盤等咗差唔多半粒鐘都未嚟希望Service可以改善下

呢排咁凍一定係要打邊爐🈶 今日就去試朋友推薦嘅呢間樓下火鍋飯店 一大班人食都得 ‼️記得要book位‼️ 裝修好靚嘢又好食 湯底推薦胡椒豬肚湯 落配料之前飲番碗 勁暖身😭❣️仲有必試係滑牛肉($118) 係連埋雞蛋一齊的 幾特別 好食！另外手打丸類推薦梅菜豬肉丸 ($82) 好少見同埋好入味好好食…🥹 仲有手打牛筋丸($92) 牛味好濃 叫呢個絕對唔會錯😝 -推薦指數: 🦐🦐🦐🦐🦐性價比指數: 🦐🦐🦐🦐.5

問訂座問題，鄉音大嬸接電話，同一個問題 問3次都問唔到，3次都問左一半就不斷插嘴打斷我，最後唔問、唔食、唔洗煩⋯未訂到位已經一肚火😅幫襯過都因為咁唔會想再黎食可唔可以請返啲唔好咁倒米嘅員工？

港式裝潢有氣氛，燈光柔和，仲有一種輕鬆嘅感覺。無論你係想同朋友聚會定係一家人食飯，呢度都好適合！🍲 進入餐廳後，服務員即刻熱情迎接，讓我感受到一種賓至如歸的感覺。坐低後，環境愈加舒適，牆上掛住嘅藝術畫作，令我感到愉悅，唔會有壓迫感。整體氛圍都好輕鬆，適合享受一頓豐盛嘅火鍋大餐。🎨🍽️同埋呢間餐廳喺裏面係極具港式地道嘅氣氛，入到去真係比香港嘅旅客嚟打卡係一流！同埋食物水準都非常之高，如果得閒喺附近嘅好值得去呢

樓下火鍋真係一個唔可以錯過的好地方！他們的火鍋選擇多樣，無論你喜歡麻辣還是清湯，都能找到心頭好。湯底方面，麻辣湯香氣四溢，辣得恰到好處，讓人食得開心；而唔辣嘅湯底都有好多選擇，十分適合搭配各式食材。食材新鮮，特別是他們的肉類，無論是牛肉定係海鮮，都切得薄厚適中，煮熟後口感滑嫩，令人回味無窮。除了肉類，還有多種蔬菜和豆腐，讓火鍋更加豐富。另外，樓下火鍋的醬料吧也是一大亮點！可以隨意調配自已喜歡的醬汁，增添了火鍋的風味。環境方面，店內裝潢好特別，有大排檔feel，服務態度亦十分友善。總之，樓下火鍋係聚會理想之選，快啲約埋朋友一齊來享受美食吧！

裝修主打懷舊風格➡️味道方面湯底及配料最特別。火焰沙白蜆湯，Staff會點火，所以有少少火焰，炒幾下，再加湯。配料：冬瓜有荔枝味，超特別的味道！！！而蜆新鮮，亦有幾粒安格斯牛肉粒。其他火鍋食品如鵝腸、鴨血味道不錯。手切牛肉一般。➡️環境方面餐廳招牌係大大嘅霓虹燈，入面門口黐住幾張有年代感嘅poster。要行樓梯落下一層打邊爐。樓下裝修同樣保持懷舊風格，光線是合適的偏暗，加上輕微的紅射燈，用鐵閘圍住不同嘅房間，地板也是配合一貫的風格，用了細格子的樣式。P.S.連洗手間的地板都是細格子樣式及洗手的水龍頭都是水管模樣。➡️價錢方面最後叫得偏多，三人食咗$15xx，偏貴但食物質素好。

一直都好鍾意打邊爐~ 所以成日都四出試吓啲新嘅火鍋店~樓下火鍋，其實已經唔新食過好多次，但真係好好味👍🏻佢裝修好有懷舊氣息～打卡一流😂必點紫菜，吃到一半加入紫菜，立刻變成另一種湯頭，目前試過花雕雞、胡椒豬肚、芫荽皮蛋豆腐，都非常搭配 ～另外小菜必點椒鹽粟米超級好吃，椒鹽帶出粟米粟米的甜味，特別又好吃！椒鹽九肚魚、椒鹽豆腐也很不錯，但係都係覺得粟米好食啲～仲有個椒鹽魚頭一樣好食😋所以每次嚟呢幾樣小食都係必叫經常光顧，絕對係真食！

Welcome Dinner 收工同同事一齊去食team dinner 同事介紹呢間位於銅鑼灣嘅火鍋店裝修環境氣氛都好有香港特色火鍋湯底超多選擇 一邊麻辣湯底 一邊胡椒豬肚雞湯 超多豬肚同雞件 火鍋料都是超多選擇最鍾意食嘅牛頸脊都有😍 616就食得 入口即溶嘅感覺 手切封門柳牛肉 超有牛肉味道之餘 仲好有口感 瘦啲嘅牛肉但一樣好味鱔片都係必點！薄切鱔片易熟招牌五寶丸 自家製手打丸 款款都好足料彈牙珊瑚蚌都係好新鮮 美國桶蠔 😱嘩一聲 啲蠔大粒到咁 百幾蚊有咁大粒又咁多算好抵食6隻蟶子每隻都大大隻 多肉炸魚皮❤️ 嚟到嚇親我哋 咁大塊魚皮 平時好少見 超脆口🫶🏻

位置於地牢，入門口看到生猛海鮮。落樓梯後，看到懷舊港式屋村大牌檔裝修。醬料盆很精彩，有蒜蓉、辣椒、辣椒醬、蔥花、芫荽、麻油、豉油…. 湯底選擇不少，而且味道很好，例如：椰子雞湯：主要有粟米、椰子同埋雞肉類選擇唔錯，可以從冰箱看到油花，也可以選牛肉五拼：一次過可以試5款牛肉水鉸也好好味貢丸和潮洲也好彈牙鵝腸好肥美特別一贊，就是服務態度非常好，定時有人加湯，跌筷子也馬上安排地方比較大，座位唔會太密集，枱同枱之間都有足夠空間，洗手間也很亁淨，有冷氣

Long Weekend同同事食晚飯，去咗樓下火鍋飯店，裝修超有70年代香港風味，好似穿越咗時光隧道咁！✨餐廳服務一流，湯底選擇多，我哋就揀咗招牌麻辣鍋同椰子雞肉鍋，兩種都好好味！😋麻辣鍋香辣夠勁，椰子雞肉鍋清甜滋補，啱晒唔同口味嘅朋友。菜式方面，牛肉、海鮮、手打丸應有盡有，仲有好多唔同嘅醬料可以自己調配。🤤我哋叫咗手切肥牛、封門柳、安格斯牛同牛脷，最鍾意封門柳，肉味濃郁，淥6-8秒就食得，入口滑溜香甜，正！😍海鮮方面，我哋叫咗魷魚同美國桶蠔，美國桶蠔大大隻，啖啖肉，鮮味十足！😋 魷魚片份量多，爽口彈牙，都好好食！除咗肉類同海鮮，仲有好多蔬菜同手打丸可以選擇，價錢合理，抵食！👍P.S. 星期五晚全場滿座，記得要book位呀！😉餐廳資訊✨樓下火鍋飯店地址: 銅鑼灣駱克道441號駱克大廈A座地下A號舖及地庫電話: 22149388

趁著寒冬來到香港,不妨前往位於銅鑼灣的香港火鍋店品嚐一下正宗的香港式火锅，菜品方面,他們提供了新鮮優質的牛肉、羊肉、海鮮等。尤其是那片片鮮嫩多汁的牛肉,在高溫的湯鍋中快速煮熟,入口即化,回味無窮。配合他們家特製的蒜泥及辣椒醬