影片
港铁旺角站 E2 出口, 步行约4分钟
继续阅读
特色
包场派对
附加资料
由2014年7月24日起, 本店有4只小猫由店主收留并驻场。 繁忙时间猫咪及有客人害怕猫猫时，猫猫将于家中休息，如想查询猫猫出没时间, 请致电店方查询。
(如不能与猫共存同一空间或对猫毛敏感者，本店谨此致歉。)
营业时间
星期二至四
15:30 - 23:00
星期五至日
14:00 - 23:30
以上资料只供参考，请与餐厅确认详情
招牌菜
已经第四次帮衬，间野一如其名，系楼上既雅坐，系旺角闹事难得一间坐得好舒服既餐厅，而且4只驻场猫猫真系非常活泼，野食唔差，绝对系行到攰晒想hea下既绿州。全部都系沙发！野食推介：蒜香海鲜意粉（冇图）但真系超香蒜味，足料，唔算好油。奶绿上面既cream有猫样！蜂蜜鸡扒配薯菜，鸡腌得唔太够，但煎得好香，配埋蜜糖同香草，健康又好食！仲有好多小游戏玩！啲game都几新！四只猫猫仲好活泼，唔怕人，会主动过黎玩！
继续阅读
这个 套价100(未连加一) ,烟三文鱼野菌意粉，意粉选的是比较幼身的那款，煮得不会太冧，而且捞极都够汁，两点都好啱我。但菇可以再多啲，都唔系好贵啫。另外，同行朋友点的是鸡扒并薯菜$110，见佢块鸡扒好细，而且吃得出雪藏味。其实喺香港食雪藏鸡扒无可厚非，建议从调味方面去雪藏味。套餐可以点$35以内的饮品，这个价格内的是咖啡和果味或无糖红/绿茶。餐牌介绍话拎住楼下百老汇戏飞有折。但要自己睇时间，因为出菜慢。张飞要within 一个时先有效。同埋要即日的
继续阅读
之前有次收工经过望到有个CAFÉ..见到把风扇几有feel咁..…于是就揾一日同友人一齐上去试下啦。。。其实都好耐冇去过cafe玩喇...我地个日6点几去到~入到去座旧式大厦发现电梯上唔去3楼..想行返出去个时..看更阿姐话 「系咪去CAFE..3楼落一层...」咁我地就揿左去3楼落一层入到去侍应妹妹(老了...唔敢叫人姐姐..orz)... 就带我地坐低....我地问有冇得坐窗边位..佢话有人book左...早知我地都book啦 ><"...不过有发现有几只猫猫坐系隔离枱...即刻超开心>w<....侍应妹妹话系店主养系度架....有4只...劲得意~~~~侍应妹妹话猫猫唔怕人.不过有只就唔抱得...我地即刻亲近佢地chok返几幅相....chok到都差d唔记得嗌野食~><"~咁我地就叫左两个dinner set....友人就叫左个焗饭....我就叫左个意粉....咁就可以share食 =]~~~野饮超多野拣....我地决定迟d先嗌...嗌完野食继续玩猫....侍应妹妹见到我地好似好钟意玩猫就主动畀左支逗猫棒我地..正啊...d猫猫真系会玩架...跟住玩左都一阵….差唔多半个钟?野食就到喇....以前去d café都等好耐..呢度有猫猫玩…都唔系好觉既….个卡邦尼意粉...有个蛋黄系上面..超靓....即刻相机食先啦~侍应妹妹提我地要拌匀先食跟住个焗饭上个阵..个侍应妹妹就提我地个兜好热…叫我地小心…都几细心丫…友人既焗饭都唔错咁..睇落几多芝士…..味道方面..我觉得唔错~几好味…不过卡邦尼意粉有少少漏, 所以就加左D黑椒…至于个焗饭..D芝士拉到好长..好正~>W<~食完之后我地就嗌埋野饮….友人就叫左杯麦提莎朱古力…我就试下oreo朱古力..(友人读错左l’orxxl个只护肤品名 xdddd)两杯都几好饮….. 不过就有d似沙冰….两杯都好似加左麦提莎/oreo入去咁~正…….可能要搞埋入去..所以先似沙冰?跟住就继续玩猫….之后玩玩下d猫又训著左….咁我就同友人倾计…倾到10点几…其他客人都走….跟住煮野个女仔?店主? 走出黎摸猫…我地就问下d猫既野..佢即刻好开心咁答我地… 仲有少少长气=w=”…….不过作为一个猫痴…听到d猫既趣事..真系几开心既xdddd~同埋原来d猫系店主系街到执架~佢仲教我地点分佢个4只猫….净系记得白色个只叫奶昔….另一只叫黑糖….跟住另外两只话睇个头分既…一只叫朱古力..一只叫咖啡…xdd猫好搞笑~不过我都唔系好记得边只系边只lo~~~=p价钱方面…ok既~食左217,畀左3蚊tips…..我地都坐左4个几钟…都冇赶我地走….第二次去猫café…(第一次系去cwb个间)应该会再去…友人话下次再去埋其他猫café㖞
继续阅读
想揾一间晌油尖旺嘅楼上cafe，晌星期六晚包场搞生日会。20人左右，budget有限(因要夹份请5个生日之星)，左揾右揾，终于揾到一间价钱实惠，位置方便嘅地方包场。食品和饮品选择种类，当然不能与一般餐厅相提并论，而有廿个大男孩，初初都惊唔够食，但可以refill，即煮即食，新鲜热辣。自己带非酒精饮品、素食(for我哋嘅veggie朋友)、零食等，全部ok，仲有生日蛋糕都得，冇任何附加费、开瓶费、切饼费等等巧立名目嘅开支，对活动搞手嚟讲，绝对方便好预算! 我哋自携咗啲生果和韩式凉菜/泡菜，店长主动帮我哋洗生果、排碟和预先冷藏凉菜，见微之处，服务十分体贴窝心。顺带一提，店长晌包场日之前和之后都有主动whasapp跟进安排，做事都好交带。食物质素方面，蜜糖鸡翼、炸饺子呢两款小食最好味，食嘅时候有热辣辣嘅肉汁"必"出嚟，好开心，我哋好似一共encore咗三次(注: 包场在限时内可冇限次refill)，而番茄什菌意粉(素食)都好好味，不过有朋友就话饮品麻麻，我就认为店长及社员只有两人，一口气短时间内要整廿几杯饮品系一个唔易嘅task，建议好似食物餐单咁，限制选择款式嘅数目，方便管理。地点位于旺角豉油街和西洋菜街交界，正正晌旺角百老汇戏院旁边，旺角港铁银行中心出口，只行两个街口，十分就脚。不过旺角泊车系一个难题，我哋啲朋友就晌新填地街、广东道一带近豉油街揾到街位，虽然要行多两步路，但果边就冇咁塞车塞人。场地有projector，俾我哋可以驳电脑玩问答比赛、估歌仔嘅简单游戏，但不是高清画面，投映出嚟嘅颜色唔太鲜艳，活动搞手要留意。我仲见到墙上有挂电视，但我今次冇用到。朋友最钟意啲软棉棉嘅梳化，可自由移动，方便倾计。整体嚟讲，呢度系一个几好嘅包场地方，可以encore同埋推介俾其他朋友。
继续阅读
楼上雅座, 这间cafe不知是易手了还是OpenRice冇人写真心食评, 已经有一年多没有新食评, 真奇怪。是晚七点三入座, 早一天我醒目订了座, 全因以往曾订了座, 但被致电说被包场, 取消了订位。这间cafe有赞有弹, 我先弹食品及服务, 再赞赞店主的心机。食品是任何餐厅的生活, 但今晚奉上的饮杯还是主食, 通通都有很多不足。女侍应先奉上饮品, 冻菠萝绿荼和榛子奶茶。菠萝绿茶是我点的，才为一个男生，都没有太大问题，可是，当我饮过饮品, 再饮餐汤, 餐汤完全一点甜味鲜味都没有，这反映饮品原来太过甜了。我女朋友的榛子奶茶更大问题，完全是太甜，食欲大减。饮完餐汤, 等了十多分钟都没有上主菜。再看在场的侍应们，不是我歧视女侍应，但只有一人作侍应, 只有一人做厨师，要服务四张枱三十多人, 完全是不可以接受。三个字, 太慢了, 呼叫了多次, 都没有人回应, 这是cafe内可以接受的吗? 好了, 终于等到主菜上枱。卡邦尼意粉, 有生鸡蛋放在意粉上, 有点新意, 但近期流感问题, 好像不太好吧。都算, 试试才说。香菜味不错, 可惜cream 汁太多水, 用叉食意粉, 但叉起的意粉不断流汁, 你想我怎吃得有礼仪呢? 意粉每条的长度好像每条都中间剪了一半，太短了, 完全叉不起。我心中大叫救命。鸡皇焗饭更令我怒火中烧。为何焗饭未熟, 可以上枱。饭粒有很多都未熟一般, 中间有点硬, 咽下时感觉好像哽了一般。如果我不是赶时间去看电影, 我真是拍枱叫厨师, 同佢理论。好了, 到埋单, 我女朋友叫了三次埋单, 完全冇人理她, 要我企出去讲我赶时间, 刚上班的女侍应还要查餐牌才知价钱, 天呀!!! 有冇可能侍应会连餐牌都记不了。弹左咁耐, 都有好既地方。睇下相中下方, 精美既摆设, 跟寛阔既沙发椅, 是这cafe令我印象深刻的原因。真心希望店主在食品质素上大力改善, 我还想来坐坐, 不想看这种有心思的cafe消失。
继续阅读