極尚大喜屋 (銅鑼灣廣場一期)

营业中

休息中

Great variety of food, after I ordered I did not have to wait for long then the food arrives. Salmon Sashimi is very fresh and thick cut. All the otherfood are fresh and well prepared.The waiters/ waitress are polite.With unlimited supply of alcohol and dessert.

最近我和幾位朋友去咗一家評價超高的日式放題餐廳，真係驚喜連連，簡直係味蕾嘅盛宴！一入門口，自助區嘅選擇就吸引到我哋，唔單止有各式甜品和飲品，仲有美味嘅點心，令人忍唔住想逐樣試一試。首先，我哋點咗新鮮刺身，三文魚刺身滑嫩可口，油甘魚刺身帶住獨特海味；池魚王同北海道帶子嘅甜味更係令人讚不絕口，而極品大赤蝦的鮮甜肉質配上海膽三色塔，真係勁好味😋接住嚟，創意壽司嘅驚喜接踵而至，黑松露油金魚腩獨特風味令人驚艷，鹽燒左口魚邊壽司同海膽手卷更係喺口中回味無窮，三文魚籽手卷好新鮮😍熱菜方面，我哋點咗皇牌燒乳鴿，肉質鮮嫩、外皮酥脆，花雕醉鮑魚同川燒廣島蠔以鮮味取勝🥳而黃金軟殼蟹同芝麻雞翼更係讓我哋驚喜，脆炸貓山王同比目魚西京燒嘅口感令人印象深刻。最後，甜品環節嘅海燕高椰汁燉木瓜清新可口，極品金枕頭榴蓮燒更係榴蓮愛好者嘅夢想，香氣四溢！整體來講，呢次日式放題真係值得一試，快啲嚟享受呢場味蕾盛宴🥰

好耐都無食過放題，又去返放題首選大喜屋，估唔到無去幾個月，食物款式又有新款，有花膠、鮑魚飯、又有星級鐵板厚切鵝肝多士，連生啤stella都有，一直都知放題有得食Häagen-Dazs, 連新口味，macaron 都有丫，芒果、士多啤梨、同藍莓三款口味，真係食返幾杯都得👍今次自助區仲有小龍蝦，仲有辣酒東風螺，冷盤除左蝦又有煙三文魚，甘多款食物、飲品、甜品全部都值得一試，真係長期keep住水準真係得大喜屋❤️

銅鑼灣分店真係方便，喺地鐵站旁邊行一分鐘就到。餐廳地方大，坐位之間有距離，坐得好舒服。放題有自助區，有炸物同前菜，仲有港式燒味同埋小籠包，夠哂香港特色。飲品選擇多，有清酒、啤酒、珍珠奶茶等。雪糕方面有多款口味，我自己都食咗幾杯Haagen Dazs 🍦。手機點餐方面，我推介以下幾樣：😋刺身🦐♥︎ 甜蝦 👍🏻👍🏻：大大隻，味道鮮甜，食落口感嫩滑。♥︎ 三文魚：切得好厚，魚油豐富，入口即化。壽司🍣♥︎ 海膽手卷：海膽鮮甜冇腥臭味，配飯比例剛好，可以多食幾件。燒物🍢♥︎ 鹽燒牛舌：厚度適中，烤得剛好，味道唔錯，同串燒店有得比。♥︎ 燒有機菠蘿：清甜多汁，燒得香口。♥︎ 西京比目魚：魚肉嫩滑，醬料味道豐富。Overall，呢度真係性價比高，食物選擇多，值得一試！ 

午市放題 $238，任食3個鐘！而家天氣仲係好熱，食放題可以慢慢嘆，又多選擇，又夠哂冷氣！不時更新menu，每次都會有新驚喜！👉🏻三文魚腩醬燒芝士車輪卷醬燒芝士味道濃郁，加上車輪卷口感彈牙，encore左幾次！👉🏻牛油果醬吞拿魚壽司牛油果醬柔滑，配上吞拿魚嘅嫩滑，清新滑順！👉🏻鹽燒左口魚邊壽司左口魚鮮嫩，油脂感重，帶有淡淡鹽香！👉🏻鵝肝醬薄牛壽司薄切牛肉配濃郁鵝肝醬，層次豐富！👉🏻星級鐵板厚切鵝肝多士厚切鵝肝配上酥脆多士，鵝肝厚切creamy，豐富油脂香味！👉🏻香草牛油煮鮮大蜆大蜆鮮美多汁，粒粒好飽滿！👉🏻XO瑤柱蒜蓉大蝦壽司XO醬好惹味，瑤柱帶有鮮美，大蝦夠彈牙！👉🏻芥末寶石魚生造型靚，粒粒鮮嫩魚生，芥末帶有微辣！👉🏻金湯燴花膠超大塊花膠，好Q彈，吸收哂湯底精華！👉🏻花雕醉鮑魚好爽彈，微微花雕酒香！👉🏻雪花牛肉鍋兩大片牛肉，撈蛋汁一流，配菜有豆腐同冬菇等，好入味！仲有冷熱飲品同甜品任食 ！

今次食銅鑼灣極尚大喜屋，非常豐富😍有刺身、壽司、卷物、一品料理、炸物等，出面自助區有都有熟食、沙律、前菜、凍海鮮等等，飲品櫃都有超多款飲品🥤🐟刺身有三文魚、赤貝、甜蝦、赤蝦、帶子等等。三文魚厚切食落有鮮味創作壽司🍣款式好多，特別推薦鵝肝、海膽拖羅、火炙左口魚邊炸物有黃金炸軟殼蟹🦀外邊包裹了鹹蛋黃，炸得非常香脆，咬落去仲有汁！避風塘賴尿蝦都唔錯，出邊放題少有。炸乳鴿皮脆肉嫩。貓山王波波同芋泥波波都外層煙靭，內餡滿滿🥰串燒🍢類推薦厚切牛舌，調味一流！一品料理醉鮑魚花雕酒味好香，鮑魚彈牙淋滑✨甜品係重點，有椰汁🥥雪耳燉木瓜、特別在有燒榴槤，燒完軟滑香甜，仲有芒果🥭蓉奶凍滑捋捋，值得一食。甜品櫃仲有多款奶凍🍮蛋糕仔🍰芋圓仙草凍、糯米糍等等，仲有Häagen-Dazs杯裝雪糕🍨同韓國牌子雪條任食！

今次揀咗銅鑼灣分店，係因為有我最愛嘅避風塘賴尿蝦，炸至金黃色，微辣惹味，雖然要自己拆殼，但自己動手拆殼，別有一番風味～如果餐廳提供剪刀✂️會更好~🍣刺身、創作壽司、火炙壽司、手卷、卷物類推介海膽手卷，紫菜好脆，海膽甘甜，迷你size，可以食到好多件回本。刺身每件都夠冰涷，而且鮮甜，有啲仲要厚切。創作壽司配搭新奇特別，不能錯過。🍢燒物、串燒香草羊鞍、金枕頭榴蓮、蒲燒鳗魚、比目魚西京燒、鹽燒海蝦、雞軟骨串燒、菠蘿、牛油翠玉瓜、牛舌等…. 每一串串燒都不會燒到乾巴巴， 炭燒香口，簡單嘅調味料，保留到食材嘅原汁原味。🫕一品料理、炸物、天婦羅薑蔥爆鱔球、金牌燒乳鴿王、川燒廣島蠔、花膠、 花雕醉鮑魚、黃金軟殼蟹、瑤柱扒豆苗、芝麻雞翼、脆皮炸奶…..適合鍾意熟食嘅朋友，亦係我點得最多食物的專區。養生甜品可以點雪燕蛋白燉鮮奶，飲完喉嚨滋潤。煮物龍蝦湯海鮮鍋、雪花牛肉鍋、鮑魚皇帝蟹黃粥、烏冬…主食都不馬虎～自助區有飲料、甜品、水果、涼拌、點心🥧、糖果等。我食咗幾杯Häagen-Dazs 雪糕🍦都唔捨得走～

放題食物品種多元化，每樣份量唔大，每様都可以試吓😆適合有選擇困難嘅朋友！自助區多款茶飲、前菜、生果、甜品、熱食、湯品等，估唔到連楊枝甘露同珍珠奶茶都有！除凍飲，仲有熱飲櫃，有暖嘅麥精同道地烏龍茶！推介珍珠奶茶同白桃烏龍，珍珠奶茶算微甜；白桃烏龍清爽！當然仲有必食嘅haagen dazs雪糕！刺身壽司包括甜蝦刺身、極品大赤蝦、北海道帶子刺身、北寄貝刺身、赤貝刺身、馬刀貝、鮑片刺身、池魚王、三文魚刺身、黑松露蟹肉芝士軟殼蟹卷、鵝肝芝士鰻魚卷、鹽燒左囗魚邊壽司、芝士飛魚籽鳗魚玉子燒、海膽三色塔、鵝肝等，特別推介北海道帶子刺身！一品料理包括花雕醉鮑魚、薑蔥爆鱔球、川燒廣島蠔、黃金軟殼蟹、蒲燒鰻魚、鹽燒牛舌、牛油翠玉瓜、鹽燒雞軟骨、鹽燒牛舌、極品金枕頭榴蓮燒、一口甜番薯仔天婦羅、脆炸貓山王、雙色丸子芒果椰汁奶凍、海燕窩椰汁燉木瓜等，特別推介黃金軟殼蟹、極品金枕頭榴蓮燒和雙色丸子芒果椰汁奶凍！

二訪銅鑼灣廣場一期的超人氣放題店「極尚大喜屋」🍣 餐廳內人頭湧湧，坐無虛席，因為人均三百蚊就有過百款飲品和食物任飲任食，性價比高😋入座後自行QR code落單，快捷又方便，兩小時夠晒時間。 款式方面除日式料理，更有中西款式: 刺身、壽司、手卷、一品料理、炸物、窩物、拉麵等等；自助區又有點心、熱盤、沙律、水果、甜品和飲品等，真係大人細路都啱口味😋刺身肥美新鮮，壽司又有不同特色，仲有甘香燒金枕頭啱曬榴槤控，炸物香脆邪惡，養顔木瓜奶，最後食埋 häagen-dazs雪糕，唯一不足係眼闊肚窄，每一樣都想試又唔夠位，唯有下次再嚟x 100😈📍極尚大喜屋銅鑼灣軒尼詩道489號銅鑼灣廣場一期9樓(港鐵銅鑼灣站 B 出口)

之前食完旺角分店，今次就試吓銅鑼灣分店，入到去都係攞返我最鍾意嘅珍珠奶茶就坐低慢慢飲刺身夠晒凍，同埋新鮮，想要啖啖蝦肉嘅話，記得叫赤海蝦，另外我都幾鍾意食希靈魚。刺身少不了海膽手卷，海膽嘅質素相當唔錯呢度嘅中式嘢都幾好食，推介薑蔥炒魚腩，魚肉係有炸過嘅，香脆惹味，另外燒乳鴿都唔錯，會令人想encore出面仲有熟食區，選擇都幾多，小食就比較鍾意食椒麻魚皮👍雪糕區仲有得揀我最鍾意嘅Häagen-Dazs,今期係lotus餅同馬卡龍口味

有時諗吾到食咩好 又想樣樣都食啲 第一時間就係諗起放題或者打邊爐😜 而今次就決定去極尚大喜屋食放題 可以任飲任食兩小時😎🍀兩小時晚市放題係熟食自助區攞左少少凍海鮮食 有蜆 青口 同埋海蝦🦐 海鮮新鮮 口感有嚼勁👍🏼 另外再攞左啲炸物同埋涼拌小食 豬耳 扇貝邊都係啲吾錯嘅開胃小食😋 之後就點左好幾款吾同嘅放題食物 川燒廣島蠔 表面鋪滿左炸蒜 令到味道更加香口 依種食法都幾惹味😆 黃金軟殼蟹 食落香脆可口 味道濃厚 同樣必食之一😚 燒香草羊鞍冇咩羶味 容易入口 吾錯😉 鵝肝味道都好濃郁 一啖放落口好滿足🤩 另外都叫左啲刺身 整體都好新鮮 選擇都多 而我地就叫左極品大赤蝦 三文魚 北海道帶子 北寄貝 赤貝🍣 最後甜品仲可以任食雪糕添 超級滿足 一定夠飽 而且食極吾嫌😊

好耐無見嘅朋友，約咗今日見面食飯，最放食放題，乜都唔使諗🤣————————🍣什錦刺身：喜歡吃希𩆜魚，咬落卜卜脆的口感很好吃😋🦪花雕醉鮑魚：咬落爽口又有適中的花雕味道🐟金湯燴花膠：忟得夠腍又入味，骨膠原的滋味🍗燒香草羊胺：加些芥茉更惹味，羊胺軟熟🦪川燒廣島蠔：燒得剛剛恰當，好吃🐦皇牌燒乳鴿：最愛吃乳鴿，燒得十分惹味🐮黑椒蜜汁一口牛：軟熟味道適中🥠極品金枕頭榴槤燒：嘩，正呀，榴連任食😬🐟燒青花魚：食敬都唔會厭的魚，香口美味🐟蒲燒鰻魚：燒汁惹味🐓芝麻雞翼：外皮甘香又係脆，肉質嫩滑🍘脆炸貓山王：外面煙煙靭靭又脆口的口感，裏面貓山王的吸引🤩🥥海燕窩椰汁燉木瓜：清甜又美味的原隻開邊燉木瓜，滑溜溜的美味😋甜品🍨🍧🍮：多款美味的甜品，食得盡興———————-食足三小時的放題⋯包羅萬有又美味😋其實開心🥳簡單就在我身邊食….拍…寫.. 已經成為我生活中的一部份鍾意食..鍾意拍.鍾意寫..留下美好回憶——————-

鍾意嚟呢度食係因為選擇多 價錢相直間唔中又會換下餐牌 好有新鮮感☺️首先自助區域有凍蝦、凍蜆、凍青口仲有炸雞件、炆豬手、中式點心等等當然唔少得生果甜品同雪糕啦🤤不過我個肚容量有限 主要都係食要落單嘅類別❣️椒鹽瀨尿蝦本身仲驚會冇咩肉 點知又唔係好瘦 上檯嘅時候熱辣辣 超惹味 冇諗過放題都做到如此質素❣️魚子醬煙三文魚拖羅蓉多士多士有牛油香 烘得好脆口 呢個配搭夠晒奢侈❣️海膽手卷海膽好鮮甜 手卷細細件 唔怕會好飽❣️皇牌燒乳鴿乳鴿層皮好脆口 醃得好入味❣️花雕醉鮑魚鮑魚細細隻但又一啲都唔韌 花雕味濃郁❣️金湯燴花膠花膠炆到好腍 大大件又夠晒厚 係骨膠原嘅味道❣️鹽燒蝦海蝦大大隻 好新鮮 爽口彈牙❣️椰汁芒果丸子奶凍呢個配搭真係無敵 四種食材都係好最愛

減壓最佳方法就是吃放題，約朋友來極尚大喜屋，第一次來銅鑼灣分店，晚市時間也是全場滿座的，有電話訂座就最穩妥。按預訂時間來到，立刻入座。朋友很喜歡吃刺身，興奮不已，立刻掃QR Code點刺身，等候上菜的同時，先吃自助區的冷盤和熟食吧！中華沙律我必吃，清涼爽口十分開胃；椒麻拌魚皮，微微麻辣，爽脆沒有腥味；帶子裙邊拌貢菜，微微鹹味又爽口，超喜歡；雞翼尖味道太淡，醮上螺肉漬物的醬汁吃就剛好了。中式熱食，最受歡迎的是油鹽水沙白，一添加完很快便被搶光了，粒粒開口很新鮮，鮮甜肉滑；口水雞只有微微辣味，雞肉也很滑呢！白菜仔夠嫩無渣，熟度剛好。自助區的食物質素也很不錯啊！刺身很快上桌，極品大赤蝦很奪目，吃下淡淡肉，爽爽的口感，鮮甜味道，朋友吃很過癮，一再翻點。我喜歡甜蝦刺身，size小一點但味道更鮮甜。北海道帶子刺身也是我愛的，雖然細粒，但入口嫩滑，有海水味，吃著很治癒。北寄貝刺身的煙韌口感，越吃越香。希靈魚刺身，咬下卜卜作響的感覺，又是另一種口感享受。少不了香港人最愛的三文魚和吞拿魚刺身，片片厚切的，油脂分佈均勻，滑滑的，吃得滿口油香。整體刺身都非常新鮮啊！要介紹大家吃海蜇頭，大大粒，爽口有嚼勁，拌柚

平時一大班人慶功宴離不開打邊爐/食放題，今次人少少都要食放題慶祝🍾！👧🏻就同朋友去咗銅鑼灣廣場既極尚大喜屋，食物質素每間分店都保持一貫水平，難怪星期一晚上都可以Full House！🌟刺生/卷物食放題其中一個重要環節緊係食刺生！各種魚類，例如三文魚、油甘魚都係新鮮肥美完全冇腥味，各種貝類刺生選擇亦不少，赤蝦夠曬鮮甜😝。迷你海膽手卷既海膽相當鮮甜Creamy，加上少飯量，食多幾隻回本就岩曬！就算唔食生野，卷物例如黑松露芝士軟殼蟹卷、魚子櫻花龍蝦沙律卷都係不錯既選擇。🌟炸物/串燒炸物例如天婦羅、炸雞翼呢啲對👧🏻嚟講係必食，天婦羅🍤炸衣夠薄，口感夠脆唔會覺得油膩，蝦剛剛熟口感夠爽，好值得Encore。另外牛舌、菠蘿🍍串燒都令人印象深刻，牛舌薄切好夠腍，菠蘿爆汁勁甜又冇渣，當係飯後甜品一流！🌟熟食落咗單但食物未到時，最岩就係出去攞野食，章魚小丸子/餃子🥟呢啲算係必有，但估唔到連海鮮，例如白烚蝦、青口、炒蜆、中式點心都有！另外自己落單仲可以揀避風塘瀨尿蝦、花雕浸鮑魚、黃金軟殼蟹、瑤柱豆苗、燒乳鴿等熟食🍲，選擇眾多。瀨尿蝦夠惹味又容易剝殼，花雕浸鮑魚夠軟身，黃金軟殼蟹係完整一隻蟹斬半，配埋黃金炸魚