極尚大喜屋 (銅鑼灣廣場一期)

营业中

休息中

年底特別多朋友聚會，有時唔知食乜好最好嘅選擇就係放題！樣樣都有得食，總會有一款啱你食！放題嘅話，大喜屋一向係信心保證，今次就去咗銅鑼灣極尚大喜屋。呢間大喜屋佔領左全層，座位都好寬闊。分用餐區及自助區，飲品、前菜、凍海鮮、甜品都可以喺出邊拎。一開始梗係食刺身，解凍得唔錯，三文魚好厚切肥美😋而且款式都好多選擇，連馬刀貝都有。食完刺身到熟食，黑椒蜜汁一口牛好好味，牛肉好軟嫩入味！極尚花膠盛宴，超大塊花膠😆芝麻雞翼好香脆，榴槤波波好香濃！比較特別係，呢度連乳鴿、蒜蓉帶子粉絲、薑蔥爆鱔球都有，估佢唔到🤣林尾食返個甜品，飽哂！最後大家都食得好盡興！果然揀放題冇揀錯，最重要大喜屋真係好多選擇質素又高！

放假要對自己好啲，所以今日約埋屋企人，去銅鑼灣行街，並事先預約了位於銅鑼灣廣場一期的極上大喜屋。餐廳的自助區很大，有很多選擇，有海鮮、甜品、雪糕、糖果、熟食、及炸物，仍有很多飲品及清酒。很想很想推介這個滋補花膠燉鮮奶，有花膠碎粒級數粒杞子，鮮奶香滑，暖暖的作為甜品一流上湯燴大蝦球， 蝦球果然很大，爽口彈牙，配上雜菇，非常新鮮。餐廳冷氣很大很凍，穿上了厚衣仍然覺得冷冷的，所以點了一個熱辣辣的蟹粥。非常足料，有大約三件蟹嘅斬件，份量亦都不少，粥有蟹的鮮味，有蘿蔔絲等配料，好吃。滿足的一餐。

假期後一樣要對自己好啲，最好不過當然係食返餐勁！魚籽醬龍蝦沙律多士龍蝦沙津鮮味濃郁，配上清新香口的魚籽醬，簡直是另類享受！再加上香口熱辣辣薄脆多士，啖啖龍蝦在口中。鹽燒三文魚腩壽司灸燒壽司一向係我最愛，而鹽燒三文魚腩唔會太油，值得一試。鹽燒左口魚邊壽司而鹽燒左口魚，好香魚油味，入口即溶，更係必點之選。滋補花膠燉鮮奶印象中第一次食放題係有花膠燉鮮奶，暖暖的，好香奶味，加埋滋補花膠同埋清甜杞子，真係好滋補，急唔住再叫多一個！雪花牛肉鍋採用我最愛的壽喜燒湯底，熱辣辣，最適合依家凍冰冰的日子上湯燴大蝦球蝦球爽口彈牙，肉感實在而吸引，加上用上湯浸，份外清甜、入味。

聖誕假期緊係要出去濕平下！去完美食展就去左極尚大喜屋嘆世界☺️店鋪寬敞舒適，座位闊落，一家大細就最岩。♥️ 芝士鰻魚玉子燒芝士濃郁，香味吸引，配上厚厚的鰻魚玉子燒，口感入味而實在。♥️ 魚籽醬龍蝦沙律多士魚籽醬超多！龍蝦肉豐滿放在脆脆的多士，突出魚籽醬與龍蝦沙律的風味，味道長流在口腔，好美味。♥️ 黑松露蟹肉芝士軟殼蟹卷軟殼蟹與壽司飯比例均衡，軟殼蟹夠哂脆！黑松露味道清淡得很好，不會完全搶走蟹肉、芝士的味道，味道平均的配搭。♥️ 極尚花膠盛宴花膠很大件，熬得很入味！值得Encore再Encore，我食了三次，CP值極高！♥️ 香草牛油煮鮮大蜆重磅級香草牛油烹調，熬得蜆肉相當入味，肉質實在而飽滿，不錯的配搭。♥️ 黃金焗蠔蠔都很大隻，盛載豐富既配料，用心烤焗，水份很少，焗得相當入味，蠔味甜甜而吸引。♥️ 金蒜蓉粉絲蒸扇貝驚人蒜蓉粉絲量！完全覆蓋扇貝，配上甜豉油，口感一流，超滿足，味道甜甜，食過翻尋味。

有時食得多中餐、西餐、日式料理 都唔及食一次極上大喜屋放題嚟得滿足，因為食一次放題可以滿足曬多個願望🤩可以食到多款日式嘅刺身、壽司、串燒、炸物，刺身每一款都非常厚切，食落好有口感好滿足，壽司款式選擇多之餘，仲好有創意而且配搭得都好滋味；又可以食到中式嘅乳鴿、薑蔥爆鱔球，乳鴿新烤起，外皮非常香脆，仲有啲油香，鱔球咬落好有彈性，食材用料食得出高質🤩另外咖哩軟殼蟹都非常惹味，放題嘅質素絕對比得上去泰國餐廳😍最後當然要食番條雪條先走啦，喺度見返好多以前細細個會食嘅味道🥹

今晚又約左朋友食放題，今次食銅鑼灣極尚大喜屋。我地六點就上黎食，嗰陣都無乜人，但隔一陣話咁快就坐滿唒。喪食時間開始😍😍，乜都點下唔洗諗，總有人啱食。點完就到出面既自助區，自助區都多野食呀，凍蝦、蜆同青口，又有啲熟食，酸菜魚都有。👍👍湯都有，椰子雞湯幾清甜呀。好吸引我地既係有清酒、梅酒任飲，飲下啲熱清酒，成個人暖哂，刺身都可以食多幾塊。其他野飲都好多。刺身新鮮，一片片好厚又肥美，甜蝦大大隻又鮮甜， 象拔蚌都一定要食，好爽口。壽司細細，可以試好多唔同款。呢度有咖哩軟殼蟹，好酥脆香口，點埋咖哩汁，正。羊架燒得唔錯，肉質嫩，唔會太羶。呢度仲有燒鵝，一上枱記住快啲食，熱辣辣架。燒菠蘿超甜超juicy，食左好多塊呀。仲有好多燒物都好唔錯，蠔、扇貝、鰻魚👍👍好鐘意甜品既我，試左幾款雪條，幾款都好好味，特別係莓味嗰條。甜品仲有個燉奶，好滑好香奶味，鐘意食既要試。飽飽。

我同朋友好喜歡去極尚大喜屋食放題，因為放題乜都有得食，個個都啱食。呢間嘅上菜速度快，絕無漏單，呢樣嘢真係要讚。所以今日我又嚟食放題啦。除咗放題仲有食物自取區，等你喺食物送到嚟嘅期間，你可以去到嗰度食下啲熟食、炸物、沙律 同甜品。佢仲有大量嘅冷熱飲品、啤酒汽水任你選擇,重點係梅酒清酒任飲，你話點可以唔嚟食呀 。大家都知道刺身喺放題入面係最受歡迎嘅，我就最鍾意食帶子刺身、甜蝦刺身、生蝦刺身、以朋友仔就鍾意食佢嘅三文魚腩、拖羅、油甘魚、劍雨刺身，因為佢啲刺身真係好新鮮，仲要厚切又肥美，種類又多。必食佢嘅炸物係 泰式咖哩炸軟殼蟹、乳鴿、炸榴槤丸子。大家一定要食乳鴿，有肉汁又厚肉。其他啲炸物都係炸得夠熱、夠脆有肉汁。羊架今日燒得剛剛好， 羊肉又唔鞋。 佢嘅大蝦球都好彈牙， 估唔到水準係咁高。❤️❤️❤️ 佢仲有一個賣點就係有呢個花膠扒， 佢真係夠厚又入味。 佢嘅甜品花膠燉鮮奶都好好食，咁貴價嘅嘢竟然係放題有得食，食兩個都回本啦！👍👍 去到甜品呢個環節佢竟然有低卡雪條，真係估佢唔到， 有好多不同款杯裝雪糕、雪條、芝士蛋糕、木糠蛋糕， 真係超值㗎🎉🎉🎉 放題任飲任食，但係大家記得珍惜食物食，得曬先好嗌呀🥰

慶生好去處，有量有質素～～～家人👪生日，吃放題放肆一下也不太過分吧。慶祝當然要酒品，大喜屋好適合慶祝嘅其中一個大原因，就係佢酒品種類多，啤酒🍺、梅酒、日本清酒，加上多款佐酒美食，令用餐氣氛份外熱鬧。～～～爸爸最愛他們的刺身，三文魚厚切非常，魚脂豐腴，希靈魚爽口爽口的，還有大大隻甜蝦赤蝦，愛蝦之人絕對可以滿足回家。～～～天婦羅亦是另一推薦，酥酥脆脆，而且乾爽不油膩，茄子🍆出名吸油非常，但佢地嘅茄子亦維持到多汁但不油膩。燒物之中，個人最愛脆玉瓜，爽脆口感，香甜中帶牛油鹹香，encore完又encore都食唔厭。～～～創作壽司🍣外貌精緻，令放題店都有打卡感，生日慶祝叫黎影下合照就最好不過，而且佢哋好貼心地啲飯都好細舊，唔會食到太飽。～～～極尚大喜屋 銅鑼灣軒尼詩道489號銅鑼灣廣場一期9樓

中同Gathering，相約於我地中學雞時代最中意嘅呢間放題店🥢。人大咗胃口不如從前，少咗食放題，偶爾黎懷緬一番感覺都幾有趣。放題界一直人才輩出，不過呢間餐廳依然深受歡迎，10年前要排隊，10年後都仲要排隊，成班朋友聚會過嚟放肆一下係幾開心嘅。一如以往🐟刺身質素不錯，三文魚厚嫩，甜蝦爽甜，油甘魚脂豐腴。另外當中亦不乏以往冇見過嘅菜式 ，例如咖喱蒜蓉包軟殼蟹、脆皮烤乳鴿都值得一試，乳鴿質素幾有驚喜，同平時酒樓食到嘅水準差不多。除此以外仲有🍣創作壽司，如菠蘿蟹籽蝦壽司等等，亦令人頗具新鮮感。經典食物類，例如西京燒比目魚、芝麻雞翼、牛油粟米、🍍燒溫室甜菠蘿、🦀鮮蟹粥等等，質素則維持穩定，同以往食落都冇咩變化，啖啖都令人回憶湧上心頭。

極尚大喜屋餐廳光亮、走廊寬躺、店內都係卡位位置。最好上網預約，小編當日去全場爆滿。除上可以QR 下單仲可以係自助區攞野食 ，而且keep 住 換新 ，保持食材熱度。自助區有沙律吧有前菜、海鮮凍盤、熟食區、炸物，酸菜魚，時蔬等刺身魚生都有唔少選擇、重點海膽手卷，一啖一件，個人推薦必叫蝦同三文魚 、三文魚厚切肥美， 赤蝦鮮甜又爽口👍🏻熟食推介乳鴿🤩竟然有 全部即叫即炸仲有必叫燒蠔，蒸扇貝👍🏻👍🏻飲品區除左咖啡，熱茶， 仲有清酒同自家製樽裝茶甜品區除左精緻蛋糕外，仲有小朋友的夾糖可取走👍🏻

🔖 銅鑼灣呢間大喜屋放題次次都滿座，因為佢真係好抵食，二百幾蚊就可以食3個鐘啦！ 💬 首先梗係叫盤刺身食下先，啲刺身好厚身，全部都好鮮甜，三文魚一定要狂食先係放題，另外有勁多款壽司可以揀，仲有海膽壽司添！ 💬 食完冷盤再叫熱食，竟然有炸軟殼蟹呢樣野叫，真係估唔到唔錯唔錯！另外熱食都係即叫即整，炸物炸鮮奶都可以一試。 💬 之後再加雪條同埋佢哋雪櫃嘅甜品食，選擇多，嘢飲都有啤酒類型可以揀，實在太滿足啦😍😍

大喜屋系列出名多嘢食😄黎到週末，涮餐勁，忘卻一周嘅煩憂！花膠、鮑魚、龍躉、刺身、壽司、燒物、炸物，滿足哂全部願望😍食物種類多到數唔晒，淨係刺類都有十幾款，我哋一開頭已經order一大盤，餐廳一啲都唔Hea，件件都厚切大件，粉白分明嘅三文魚、充滿油脂嘅油甘魚、Juicy嘅甜蝦、厚身北海道帶子，全部都勁新鮮，用冰底保持溫度，入口凍冰冰！熟食方面有少見嘅燒乳鴿，外皮香脆，咬落有啲咇汁，我都order咗兩轉，燒比目魚食落甜甜地，肉質嫩滑，好有關西風味。外面自助區都勁豐富，凍蝦凍海螺凍青口任攞任食，最美食埋甜品和雪糕，個個都好滿足🥰

終於有啲時間唞下，同朋友聚會！呢度放題食足120mins，幾個朋友有足夠時間傾吓計慢慢食。我哋今次主打刺身，三文魚、油甘魚、希靈魚、帶子、八爪魚、甜蝦，最鍾意嘅甜蝦都幾大隻，目測每隻差唔多有10 cm長，每轉都order 20隻以上，好爽😄，見到都開心，入口爽滑juicy無雪味，魚生類厚身，即叫即切，有陣陣油脂香。食物種類多不勝數，海膽手卷好好食，入口軟滑，飯嘅份量唔多，所以可以食好多件，好岩想食但又食得唔多嘅。仲有鮮奶燉花膠、燒比目魚、椒鹽雞全翼等等，我哋都order咗幾轉。食物用QR code落單，上枱都幾快，少漏單情況，真心性價比極高！

💡 高性價比的日式放題約朋友驟會，最岩就係食放題慢慢吹水，今次係食銅鑼灣嘅極上大喜屋，環境舒適光猛，除咗食物質素有保證，選擇多，性價比好高，店員上菜同收碟嘅速度都非常快，而且用QR code落單好方便。🍽刺身刺身既款式多，有三文魚、油甘魚、帶子、虎蝦、甜蝦、希靈魚、北寄貝，特別推介帶子厚身大大粒，三文魚腩鮮甜肥美。🍽壽司壽司有多款式，深海池魚、黑松露赤魚、燒牛肉、鹽燒左口魚邊、椒鹽炙燒比目魚🐟等等，最正係有鮑魚壽司，食多幾件都回曬本😋另外飯粒粒分明，飯細細舊，夠軟熟，最驚食到一舊大大舊又硬的飯。🍽熟食推介即燒乳鴿，估唔到放題會有乳鴿食，皮脆肉香又多汁，好有酒樓水準。另外仲有蒸貝貝粉絲、咖哩軟殼蟹、古法蒸龍躉、黃金燒蠔🦪等等，好有酒樓風味，絕對不輸中式酒樓出品🍽炸物串燒炸物要讚一讚，因為好香口，燒香草羊鞍好夠味道，肉嫩有汁，好香又juicy，食落仲有陣陣香草味，蒲燒🔥鰻魚肉厚肥美。一口牛柳粒粒均勻，好香牛味。🍽自助區自助區又唔小嘅熟食，例如海蝦、章魚燒等，另外仲有花生豬手，酸菜魚，五香煮牛肉。食到好飽想食少少水果同蔬菜，自助區都有唔少選擇。🍽飲品除咗有各類嘅茶類、汽水、啤酒之外，餐廳仲有

🥢 放題真係無時無刻都想食! 今次食呢間低至$228就可以嘆足3小時任叫狂食! ⏳上菜速度: 🐄🐄🐄🐄 ✨ 刺身盤 全部魚生都好厚身，虎蝦超大好鮮甜，回本選項！揾食指數: 🐄🐄🐄🐄🐄 ✨ 壽司超多款配松露醬壽司，另外蒜蔥花牛肉超級推介！揾食指數: 🐄🐄🐄🐄🐄 ✨ 炸物即叫即炸，入面熱辣辣，天婦羅炸鮮奶就必試啦。揾食指數: 🐄🐄🐄🐄 ✨ 熱食呢個系列有驚喜，麻辣牛魔王冬天啱晒，極麻極正揾食指數: 🐄🐄🐄🐄🐄 ✨ 甜品熱紅棗燉奶、仲有出邊嘅甜品雪櫃，多款雪條雪糕揾食指數: 🐄🐄🐄🐄