極尚大喜屋 (鱷魚恤中心)

营业中

休息中

📸極尚大喜屋一講起放題大家都一定聽過大喜屋記得讀書時期食仲會分大喜屋/極尚/殿大喜屋同朋友係附近玩完boardgame就試吓walk in星期一至四晚市(5-11pm) $288 午市(12-3pm) $228星期五六日及公眾假期加$10👉🏻設有特價時段🌟最近做緊乳鴿主題第一次見日式放題都有乳鴿可以任叫忍唔住都叫咗幾隻放肆咁食肉味濃郁 唔會太肥太多膏皮唔算好脆 但勝在即刻整同夠熱有誠意 所以都算幾有驚喜🥰🥰🥰🌟飲品一般放題有既飲品佢都有但係最特別一定係asahi同埋清酒任飲好貼心咁整定凍熱清酒🍶🌟自助bar沙律 甜點 雪糕雪條 生果 應有盡有🔸熟食推介：章魚燒｜炸雞粒🔸冷盤推介：蝦｜蜆🌟刺身香港人每次去都必食 100件刺身！🤣🤣🤣今次既刺身都好新鮮 仲會用乾冰墊住上枱 好有仙氣咁架特別係三文魚同象拔蚌性價比高！🐷整體評價出餐 收碟同上菜都快服務好 好有禮貌完全無漏單問題食物質素都對得住個價錢#wwh食勻觀塘#wwh食勻銅鑼灣 #wwh日本菜

超爽日式刺身放題今個星期係咁打風，唔知會唔會上八號風呢。天氣凍咗好多，自然好想係咁食野，就約左朋友係觀塘做完yoga，就係附近揀咗間日式放題任食- 極尚大喜屋嘅晚巿日式放題。時間方面，晚上八點到十點，任食兩個鐘都只係$288。不得不讚，餐廳落單都係用QR code，簡單方便，最緊要唔怕留單！所有食物都好快上齊曬，而且數量都幾準確！ 食物種類亦都好豐富，包括刺身、壽司、卷物、軍艦、串燒、熟食、天婦羅、清酒、甜品等等。 刺身師傅上盤放得好靚，影相打卡一流，三文魚鮮甜肥美，而家呢個天氣食，唔怕！蜆肉、北寄貝、甜蝦都好新鮮，唔會有冰鮮味。 串燒一定要試燒菠蘿，一咬落去所有果汁蜂擁而出，非常開胃！ 壽司都係選用日本珍珠米飯，食落都唔怕浪費「胃」置！ 哈哈

原來我真係好多年冇食過放題🇯🇵最近去左元老級日式放題極晌大喜屋🍴真係令我大開眼界👀首先一埋位我仲喺度搵嗰疊色彩繽紛嘅紙仔黎填📝原來已經好似平時火鍋燒肉放題咁轉晒QR code落單真係脫節sor😂然後出去拎熟食嘅時候發現除左好似西式自助餐咁有凍海鮮之餘🦐竟然係有中式嘅蒸魚同東風螺!🐟真係覺得自己好井底🐸估唔到宜家嘅大喜屋放題係咁多元化㗎仲有各式各樣嘅清酒🍶梅酒🥃放題專區仲有軟雪糕🍦軟糖🍬專區又有自助沙律吧🥗飲品櫃都有冷熱飲提供當然唔少得甜品櫃🍮同雪糕雪條冰櫃🍨真係好多選擇吖⭕️ 極尚大喜屋 (鱷魚恤中心) (觀塘)觀塘開源道79號鱷魚恤中心3樓

今日同友人都比較肚餓 於是就決定去放題大吃特吃一餐😎極尚大喜屋呢個brand 一向都係信心保證😌價錢未必係最平 但一定有質素唔會中伏先🤣一至四晚市 食兩個鐘都只係$288.選擇多一向係放題嘅特色不過最驚喜 莫過於而家連乳鴿都有得食😯自己本身都中意食乳鴿 但喺酒樓唔會成日叫 因為價錢唔算平好怕佢黎到細細隻 冇啖好食超蝕本😖呢到啲size都冇去到話好大隻 正常大細不過色水幾靚 同埋最緊要係任叫嘛😌.基本嘅燒物炸物、壽司刺身之類當然都有有keep住以往一貫水準👏🏻除咗落單叫嘢食 出面依然有唔同區域比大家自助享用👀沙律、小食、熟食、冷盤海鮮、甜品refill速度都幾快 唔會話得個兜冇嘢出😆.除咗嘢食 飲品方面都係應有盡有天氣凍咗 呢到就好貼心有暖飲櫃🥰想同朋友圍爐吹水 呢到有各式酒精供應唔止啤酒 梅酒清酒都有😉.種類咁多 實在無可能講得哂唯有隨心影啲相比大家望望 以圖代字😆

今日同媽咪黎觀塘鱷魚恤中心食極尚大喜屋，午市可以由12點食到3點。估唔到未到12點就已經人頭湧湧，餐廳亦都好快安排客人入場。  自助區有凍海鮮、沙律吧、小食，仲有甜品同飲品區。燜豬手可以話係最受歡迎，唔少人一大碗一大碗咁拎。  刺身一樣咁新鮮，擺得好靚。最中意三文魚、帶子同螺肉，好有口感。 壽司亦都好有特色，真係好巧師父嘅創意同手藝。 串燒方面，牛舌燒得好香，軟硬適中。羊鞍就有少少騷騷地。  一品料理真係好有驚喜，媽咪最中意係花膠，食完個嘴真係黏粒粒。蟹粥入面真係有幾隻好長嘅蟹腳，味道十足。而我最中意當然係牛類嘅料理，麻辣牛魔王係辣嘅牛肉片同牛丸，雪花肥牛鍋嘅牛肉都好鮮甜多汁！ 最後甜品亦都係選擇多多，有雪糕、乳酪，糯米糍，布甸等等，令人眼花撩亂。 總括黎講，依間放題嘅質素一流，種類豐富又有特色，價真價實，值得再去。 

難得8號波可以早放即刻約朋友食個下午放題觀塘鱷魚恤中心3樓極上大喜屋放題 食到三點都係$228一位 食完晚餐都可以慳番 先去自取區拎野食 飲品區 熱飲 凍飲 清酒 汽水甜品區 雪條 甜品 熟食區 湯 糖水 熱食 炸餃子 小丸子 冷盤區 前菜 凍蝦 蜆 其他野就可以scan qr code 點刺身 壽司 手卷 炸物 天婦羅 串燒 燒物 料理 煮物 首先梗係點刺身 點左三文魚 帶子 赤貝 赤蝦 全部都新鮮 壽司 都好唔錯蟹子軍艦 芝士鰻魚玉子燒鹽燒三文魚腩 芝士軟殼蟹卷千島醬廣島蠔卷燒物 即叫即燒 叫左羊架、芝麻雞翼料理 海鮮 扇貝 焗蝦 鱔魚全部都好唔錯 最後 試埋佢既甜品 呢到有好多自家製甜品 都有雪糕 雪條試左比較特別既豆腐雪葩 同紅莓雪葩食飽飽就可以回家等落波啦

食放題最大考慮就係質素，「極尚大喜屋」一向以高質抵食見稱，甚少食放題嘅我都要試一試；一到埗見到環境光猛衞生，出面好大個area放凍櫃、熟食同甜品等，其他食物就要掃QR code落單試左一輪，以下食物極之推介：-刺身🎏三文魚、赤蝦、帶子-創作壽司🍣帶子吞拿魚蓉塔、龍蝦沙律配櫻花蝦多士-炸物🍤天婦羅、榴連炸彈-燒物🔥芝士鰻魚玉子燒、西京燒比目魚、蒲燒鰻魚-一品料理🍲薑蔥爆鱔球、極尚花膠盛宴、王牌燒乳鴿王👍🏻質素超出預期，刺身同鰻魚有厚度，創作壽司嘅配搭好夾，燒物好香調味足夠，中式一品料理估唔到又整得幾似酒樓喎！♨️選擇多兼顧不同需要，怕凍嘅我一向飲開熱飲，呢到除左滋補烏雞湯同雪耳糖水，仲有自助暖飲櫃有好多盒裝同罐裝嘅暖飲；甜品方面有多款精美甜點、乳酪同雪條放係雪櫃，即唧雪糕仲可自己加配料🍦上菜時員工會好有禮貌地講聲驚撞到，收碟速度快，啱曬速度型嘅放題食客，$288/位起可以食兩個鐘，抵！

上次吃過大喜屋的龍躉放題，這次看到新推出有乳鴿放題，也是我非常喜歡的，那肯定要來試試看！日式放題1730-1930（248元）一開始肯定先吃一下刺身開一下胃，我選了幾款想吃的，很快就送到來了！刺身總類都多，但我想吃的就不多，其中三文魚是給魚腩部位更是深得我心！而且吃起來又非常新鮮，又滑又嫩的感覺！壽司我就吃了點火炙類，和叫了個池魚王壽司，吃起來都不錯，飯又不會太大件，魚肉也挺大片的！我還試了海膽手卷，味道鮮甜，入口即化！其他燒物炸物我都點了一些，如蒲燒鰻魚肉很厚入口即化，滿口魚香，愛吃的一定要試，芝麻雞翼老生常談了，外脆內嫩。不過就一定推薦吃榴槤波波，這裡的是流心狀態的，吃起來榴槤味濃！再來是特色料理，就肯定少不了這次的乳鴿了，都是新鮮現炸的，來到還是非常香脆的表皮，吃起來肉嫩多汁，味道鹹香，不用其實調味料也夠味道了。我一共吃了3隻！另外還有薑蔥爆鱔球也是非常推薦的，是先炸，再爆炒的，吃起來外脆內爽滑，薑蔥味香濃，還帶點辣，十分惹味，感覺只欠了個白飯了！最後當然少不了甜品，類別也挺多，其中有的喜歡的豆腐味！而且還有軟雪糕，但我忘記了，有點後悔！

每次食日式放題，我都會選擇大喜屋，覺得CP值高，同埋啲魚生夠新鮮啊！今次就同朋友去左觀塘分店，坐得都舒服，平日夜晚都好受歡迎👏🏼 刺身三文魚、油甘魚、北海道帶子、甜蝦，都新鮮肥美！除此之外，仲食咗炸物天婦羅、串燒、煮物等等。個人推薦：王牌燒乳鴿王❤️竟然有乳鴿食！真係必食之選～牛油粟米🌽好香牛油味，每次必點泰式咖喱軟殼蟹，咖喱同埋蟹分開上，仲有蒜蓉包可以點咖喱汁燒香草羊鞍，羊味濃，咬落啖啖肉風味淋燒魚乾，好香口，點咗兩次！完全就係食到停唔到口燒溫室甜菠蘿🍍香甜美味，菠蘿勁Juicy芝士竹輪卷天婦羅，咬落會爆芝士，好邪惡㗎！芝麻雞翼，剛剛炸起好香脆，佢每次必食之選~另外除咗QR code落單之外，仲有自助區有沙律吧、熱菜、各種甜品、雪糕雪條同埋飲品，真係琳琅滿目，食得好過癮呀！

屋企人話想食放題，梗係揀我最鐘意既大喜屋啦，觀塘近近地岩哂佢地，可以泊車係APM行過去夠哂方便，而極尚大喜屋依然保持一貫既水準，CP值爆燈，店員帶我地入座既時候已經被自助區既食物吸引左，先安頓屋企人坐低用QR code落單，自己就行出去拎野食熟食方面，有蒜子杞子浸時蔬、南乳花生炆豬手、辣酒煮花螺、凍海鮮等等，屋企人話南乳豬手煮到好腍好入味，而且refill都算快，凍海鮮都好出色，最驚喜既係佢地更新左餐牌，連燒乳鴿都係任食，超正飲品區就有罐裝飲品同冷泡茶，解膩之選

老招牌放題 其實都不需要再多講、有去過的人一定知道這間放題的招牌。 先從飲品開始，一看到就是asahi 任喝，喝酒請適量。有好多口味都完全沒見過。就算來喝飲品都可以喝回本。本身就試左冷泡茶，茶味不錯，吃左野之後就喝點茶解膩。之後就拿左grapefruit口味的soda，喝起來就會帶少少甜味，都不錯。自助bar就有好多野可以自己拿，就好像章魚燒，燉雞翅，炒角豆，還有其他的熱食。沙拉區都好多野，本身是拿西瓜因為超甜。其他食物就需要用qrcode點，第一輪一定是要點左刺身先。三文魚，赤貝，象牙蚌，甜蝦同干貝。甜蝦完全沒腥味，可以多點，吃起來感覺糯糯，點少少芥末可以再提升甜味。象拔蚌就好脆，味道上都沒腥味。蒲燒鰻魚超好吃，點左4次，份量不是好大，但是放題的好處就是你隨便點，盡量不要浪費。蒜蓉烤干貝是必點之一，干貝甜又爽口。一個人就吃左7個。各位朋友一定要多點。咖喱軟殼蟹味道不會太辣，主要是咖喱味足再是有少少甜味。 蟹本身就不會咸，朋友們都可以點多幾次。整體來講老招牌大喜屋是不會錯的，想帶家人來可以慢慢吃。價錢上都算公道，服務就真的好好。食物不會死咸，吃完之後都不會太口渴。

昨晚第一轉就叫咗一盤刺身，份量已經係order嘅1半，算，但當我食咗兩件三文魚刺身時，隔離嘅超薄帶子刺身上面竟然有1條視察1吋有多嘅曲毛，1睇就知係身體某部份，我都唔想寫得太過。於是我已經叫我朋友不要再吃，剛有一位大概50幾歲女職員行過，我就指住比佢睇要求換過，但佢竟然答我只係毛髮啫！吓！當刻我已經非常生氣，我叫佢咁你企喺度同我食咗去，將心比心，佢遇到會點？而且咁大間食店唔應該要小心衞生嗎？跟住佢就將整盤刺身攞走入廚房，馬上有個男上司講會重新整一盤新，咁我地繼續點餐，點知佢地竟然cut咗我地張單？我地都係剛入餐廳15分鐘，我覺得佢地服務態度真係好差，食物衞生咁差，一句sorry都冇，仲要cut咗我地張單。都未試過食餐飯都咁激氣。呢間舖真係可一不可再！！

大喜屋嘅放題都幫襯左好多次，極尚大喜屋就一次去。款式好多，刺生類就真係必點，三文魚、大蝦、油甘魚都好好食。壽司都有好多fusion款式，好似鮑魚蟹膏雪昆布山、魚子醬伴真鯛咁，好新穎。另外手卷都好推介，必試海膽手卷，海膽鮮甜美味。另外最後當然要飲一飲酒類，清酒梅酒一應俱全。

大喜屋集團嘅放題一向唔會令我失望，款式多串燒、刺身、壽司，鍋物、炸物、湯、酒類基本上都有齊，梗有一樣啱你食。今次就幫襯左觀塘嘅《極尚大喜屋》晚市放題。第一樣一定要試下刺身先。款式都好多，我就點左三文魚、油甘魚、希露魚、北寄貝、北海道帶子、鮑片、象拔蚌、赤貝、花海哲、赤蝦、甜蝦。刺身食落都好新鮮，送到上黎嘅時候仲有乾冰嘅煙霧特效，好適合打卡。食完刺身就到左壽司類嘅時間，佢地都有提供多款特別嘅壽司。鮑魚蟹膏雪昆布山用昆布包蓋住蟹膏壽司，上面仲放左鮑魚，蟹膏嘅鮮甜味好突出，鮑魚就煙煙韌韌咁，都幾特別。魚子醬伴真鯛上面係黑魚子醬，配合埋真鯛壽司，淨係睇陣容已經好矜貴。柚子胡椒左口魚邊左口魚邊壽司上面放左柚子蓉，再灑上胡椒。柚子嘅酸甜同埋胡椒嘅辛辣會更加刺激到左口魚邊嘅鮮味。池魚王通常都要喺壽司店先可以食到，味道相對較濃，鮮味十足。手卷海膽手卷都十分推介，海膽呈深黃色，份量都唔少，識落味道都幾鮮甜。熟食類乳鴿估唔到放題都可以食到，乳鴿外層炸到好香脆，肉質鮮嫩多汁。炸物類炸雞翼都好推介，大火炸完之後灑上芝麻，一啲都唔會油膩。鍋物香草牛油煮大蜆牛油味好香濃，再灑上香草，大蜆新鮮又唔會有沙，鮮甜美味。

係酒樓食乳鴿都食唔少，但係係放題食乳鴿你又試過未？🤣今次係觀塘鱷魚恤既極尚大喜屋竟然有乳鴿食，仲要真係同酒樓個啲差唔多😍真係一大gimmick ar🐥。🐒成人晚市放題💰$248價錢都係keep住有早鳥優惠，7點半前離座就$248，平啲又少人啲🤪呢間既刺身都keep住一貫水準，款式都係指定幾款，所以一啲都無擔心過🐟反而熟食就會係我最concern啦。每次放題都係想每樣試少少，食啲平時係出面少嗌/少食既野🤪所以熟食同壽司多樣性係我揀放題重點🍣。呢間深得我心既地方係佢地既menu會定期更新，而今次吸引到我既當然係乳鴿🍗但有驚喜既都有咖喱軟殼蟹🦀蔥爆鱔球🐡蒜蓉粉絲蒸扇貝🦪。咖喱軟殼蟹仲要個咖喱另上😍即刻有衝動想嗌碗白飯🍚未食刺身都回哂本💰