極尚大喜屋 (鱷魚恤中心)

营业中

休息中

觀塘開源道鱷魚恤中心的日式放題極尚大喜屋，款式多且高質。餐廳一整層，裝修新潮，坐得舒適。放題有沙律、冷盤、熱盤、炸物、小食、刺身、壽司、手卷、軍艦、天婦羅、揚物、一品料理、燒物……等等，2小時任飲任食放題……明爐蒸魚、南乳花生炆豬手、章魚小丸子、炸雲吞、酒煮黃金螺……今晚的放題開餐啦~~炸物要了榴槤炸蛋、天婦羅蝦、溫室南瓜天婦羅、S黃金焗開邊蝦豐富香口的炸物……喜愛香口的還有帶油香煙韌的鹽燒牛舌燒香草羊鞍燒得香之余還肉質帶嫩。鹽燒鯖花魚，魚味很濃，加少少檸檬汁更能帶出魚的鮮味！西京燒比目魚肉質較為嫩滑，如果燒得稍為時間長一些會更香。黑椒蜜汁一口牛煎得剛好熟，食落軟嫩香口，黑椒及蜜汁特別惹味！蒲燒鰻魚、蒜蓉粉絲蒸扇貝……鮑魚雞粥都好好味哦，鮑魚切成薄片，整個雞粥都好甜！極上花膠盛宴，花膠稍為淡口少少，但是非常靚的厚花膠，骨膠原滿滿的。燒溫室甜菠蘿、牛油燒翠玉瓜 …… 還有很多款式……不過太飽了要留番個肚食豐富的甜品及水果，食得好滿足~~~

大滿足高質日式放題地點方便 位於觀塘市中心 放工同朋友塊食飯都好方便 男朋友係呢頭番工 所以我先排隊 等佢收工黎到就可以食得呢度主打日式放題 90分鐘任飲任食食物及飲品種類繁多 十分豐富刺身係每一次放題必先點既選擇多 我地會所有款都點一次之後邊款岩口味既 就再encore除左刺身之外 重有壽司 火灸壽司 手卷 而燒物串燒 炸物 天婦羅 都係必點 如果唔夠飽 重有 一品料理同主食可以經qr code落單 上菜速度真係好快 另外 除左qr code落單之外 重有唔少凍盤前菜 甜品 水果 雪糕 雪條 可以係出面自取重有少量熱食可以夾飲品櫃都好豐富

大喜屋是一家以日本料理為主打的餐廳，提供新鮮的刺身、精緻的天婦羅和美味的壽司。在這裡，您可以品嚐到高品質的日本料理，並享受到日本傳統美食的豐富風味。首先，讓我們來品嚐一下大喜屋的刺身。這裡所提供的刺身非常新鮮，每一口都能夠感受到魚肉的鮮味和豐富的口感。另外，刺身的配料也非常精緻，例如芥末、醋和醬油等，讓您可以更好地品嚐到刺身的風味。接下來，讓我們來嚐嚐大喜屋的天婦羅。這裡的天婦羅非常酥脆，口感非常好。不僅如此，每一種天婦羅都有其獨特的風味和口感，例如蝦天婦羅和南瓜天婦羅等，都非常美味。此外，天婦羅的配菜也非常精緻，例如蕎麥麵和醋等，讓您可以更好地品嚐到天婦羅的風味。最後，讓我們來品嚐一下大喜屋的壽司。這裡的壽司非常新鮮，米飯的口感也非常好。魚肉的質感和風味也非常出色，每一種壽司都有其獨特的風味和口感，例如三文魚、鰻魚和鮭魚等，都非常美味。此外，壽司的配菜也非常精緻，例如芥末和醋等，讓您可以更好地品嚐到壽司的風味。總的來說，大喜屋是一家非常出色的日本料理餐廳，提供新鮮的刺身、精緻的天婦羅和美味的壽司。每一道菜都有其獨特的風味和口感，讓您可以享受到最高品質的日本料理。如果您喜愛日本料理，不

d野食都ok，但服務態度超唔掂。叫咗兩輪野食之前都正正常常，之後個waiter過來話埋咗單先，埋完單之後落單可以成張單漏咗，明明沒叫鷄翼又上咗，叫waiter過來明明隔離企住兩個，理都唔理一下顧住係度傾計。比完錢之後就唔理你，如果係全場full曬所以漏單都仲可以接受，但明明得半場嘅人都可以搞成咁，疫情之前嘅服務態度都仲好好，依家真係完全唔掂。餐廳清潔都麻麻，成日有d不明液體係達地度，達地仲要黐粒粒。

放工後好肚餓，決定同朋友仔去食日式放題～ 平日夜晚去都full曬，記得要預先book枱留位呀🥹 食物款式繁多，刺身、壽司、手卷、炸物、串燒、燒物、煮物等，出面仲有大量小食、前菜、甜點同飲品，適合同朋友仔嚟食餐飽😛首先係刺身同壽司類，個人喜歡松葉蟹棒、三文魚、芝士鰻魚玉子燒同芝士海鮮沙律玉子燒～ 肉質肥美，鮮甜可口，有水準～ 炸物有常見嘅香芋丸、鮮奶卷、榴槤炸彈、天婦羅等，炸至酥脆可口，外皮唔算好厚，食完都唔會覺得好膩！燒物比較有驚喜，值得一讚嘅係每款嘅份量都唔多，細細件咁可以試多幾款，比目魚、鰻魚、鯖魚，骨頭算少，咬落啖啖肉、羊鞍粉嫩，帶點楊羊騷味、另外一定要留肚食，彈牙，爽嫩，鮮味十足，要多幾舊已經回本💕唔夠飽嘅可以叫埋特色料理，推介薑蔥爆鱔魚同花膠盛宴，見隔籬幾枱都有叫粥粉麵飯，睇個樣應該好好食，可惜太飽就食唔到啦🙈 出面自助區有好多款甜品，五顏六色，打卡一流，仲有任食häagen-dazs同各式各樣嘅酒🍻 整體性價比高，值得encore！

CP值高‼️午市放題3個鐘都係$238(需加一)星期六日公眾假期&前夕+$20松葉蟹腳唔會好鹹又飽肉！質素唔錯仲有清酒🍶梅酒/啤酒任飲🍻 Häagen-Dazs雪糕任食😍不過自己比較推薦佢哋嘅乳酪雪糕‼️我仲會撈埋yogurt 一齊食😳 勁滿足💖皇牌乳鴿王、薑蔥爆鱔球、醉鮑魚都唔錯～鱔球幾新鮮，肉質好爽彈！如果鍾意肥美入口即溶嘅口感就要揀燒鰻魚🔥創意壽司🍣海膽山、帶子蟹肉都幾好👍🏻香草牛油煮大蜆好鮮美🔥encore左好多次！通常諗唔到帶屋企人食乜就會去大喜屋😂想食咩都有xd環境又唔錯，坐得舒服😚

好耐冇食過放題啦，今次去咗觀塘食極尚大喜屋～地點方便，同地鐵站無縫交接，唔使行出室外～店舖裝修得幾光鮮，個場好大，有即食區可以拎啲小食，章魚丸、炸雲吞、爆谷都唔錯，仲有大量飲品同甜品、雪糕自助區，睇見都開心～～食放題性價比高，食物質素之餘仲要種類夠多！刺身肥美三文魚，叫咗好多的的飾飾嘅壽司，配搭新鮮、味道唔錯～～手卷都係細細條，但好多料～燒物都有多款選擇，燒牛舌、燒雞翼～比較驚喜嘅仲有燒乳鴿，睇見店員一輪輪捧上燒乳鴿同燒羊架，可以睇見受歡迎程度，熱辣辣上枱好味～～仲有呢牛肉鍋物都幾好食，壽喜燒湯底，過下口癮，大滿足！食埋哈根大師雪糕就更圓滿～

呢間放題出晒名好食而家冇早幾年爆到要提前幾日卜先有位但都差唔多滿座證明真係幾好食大路野刺身魚生少不免前菜同飲品多款揀但我最推酸菜魚冇錯放題居然有酸菜魚仲要好食我encore左5次仲有蟹粥都好食

約左朋友食飯，揀左地點就腳嘅觀塘食🤘🏻我之前已經食過呢間放題 就提議不如食呢間☺️👉🏻💰晚市價錢💰星期一至四：$298一位星期五、六、日、公眾假期及前夕：$308另收加一服務費以QR Code自助落單好方便，而且上菜速度迅速👍🏻👍🏻食物選擇都幾多，包括刺身、壽司、燒物、炸物、冷盤、甜品等等！🤩呢到嘅刺身好新鮮，款式亦繁多，包括有三文魚、甜蝦、帶子、希靈魚、油甘魚、赤貝等等，基本上都係坊間有嘅款式呢到都會有😙個人就最鐘意食呢到嘅帶子同鮑片，味道鮮甜！另外，壽司🍣都有超過30款，當中更有唔少創意款式，例如帶子蟹肉塔、京蔥拖羅蓉塔、雪昆布鵝肝塔，賣相精緻又獨特🫰🏻熟食都一樣好吸引，燒羊架好惹味，又唔會好羶😝西京燒比目魚肉質鮮嫰，風味十足🤩仲有黃金焗開邊蝦、蒜蓉粉絲蒸扇貝等等都好惹味😋😋香草牛油煮大蜆就encore得勁多次🤪蜆肉大粒又肥美，無沙超鮮甜😍冷盤如水果、海鮮、沙律道可以係自助區自取，refill速度都算快！最後點少得飯後甜品🫶🏻😍有唔同口味嘅乳酪、haagendazs雪糕、韓國雪條等等

每個月總會心思思想食放題。今日就約埋屋企人嚟到位於觀塘「大喜屋」喜歡這裏食物種類多，環境寬敞，上菜速度快。食物未到之前可以到自助區先取食物，自助區有冷盤、熟食、湯、沙律、水果、冷熱飲品、甜品及雪糕等，質素亦不錯！刺身刺身係食放題必點之一，三文魚刺身厚切肥美，帶子刺身雖然細細粒但肉質好清甜，牡丹蝦鮮甜爽口，仲有泰式生蝦加入咗少量泰式辣醬好美味！蒜蓉蒸扇貝扇貝即叫即蒸，每一隻都加入了大量炸蒜，好香好惹味，每人都食了三至四隻😋鮑魚雞粥熱辣辣嘅粥底軟綿綿好鮮甜，鮑魚煙煙韌韌雞肉好嫩滑。天婦羅我們點了蝦、蟹柳、甜蕃薯和南瓜🎃食材夠新鮮，外皮香脆可口。香草牛油煮大蜆湯汁好清甜美味，蜆肉大大粒帳卜卜。紫心香芋丸/榴槤炸彈香芋丸又香又爽脆，榴槤炸彈一咬開流心即時流出，又香又濃嘅榴槤味，非常吸引。西京燒比目魚魚皮微焦味道甜甜地好好味，魚肉又夠滑。其餘食物都不錯👍最後當然食埋最愛嘅甜品雪糕雪條，這一餐非常滿足！

很久沒有跟朋友聚會了，趁今晚早收工，就同朋友去觀塘「極尚大喜屋」開餐。「極尚大喜屋」位置鱷魚恤中心三樓全層，一開𨋢就見大大個招牌，非常易搵！由於太肚餓，一嚟我們先點了一大盤新鮮魚生，全部厚切，三文魚、蝦、帶子等乜都有，勁好味！創意壽司係「極尚大喜屋」的重中之重，而且會經常換款式，每次嚟都有新鮮感。玉子配鰻魚、帶子配魚子，款款都咁正！另外，海膽壽司都係回本必食，出面食起碼$20一件呢！除了壽司，呢度仲有好多熟食，例如女士養顏必食的花膠，勁惹味的一口燒牛肉，獨食或開心share都得！飲品方面，汽水、啤酒、日本清酒都有，我就揀了日本啤酒呢！甜品方面，食飽最啱歎返杯乳酪呢！星期四晚巿時段每位$328，女士都好易回本！

放工心思思想解放食日式放題！就約埋同事一齊去！平日晚餐時段300蚊左右就嘆到性價比極高既刺身、創意壽司！今次就主攻刺身同壽司啦！一如既往都係滿座，證明正啦！一黎就即刻scan QR code落order!! 點少得一大盤新鮮刺身！三文魚、螺、牡丹蝦、甜蝦、北海道長腳蟹、希靈魚，仲有好多款！款款都食得出係新鮮冇臭味！掂！食完忍唔住再叫多盤！哈哈輪到壽司！我至愛既芝士鰻魚玉子 同埋 芝士海鮮玉子！真係不得了 次次黎都會喪叫！仲有幾款新推出既創意壽司！鵝肝壽司 帶子壽司 大大粒既魚子手卷仔 同 拖羅壽司！真係超正！鵝肝入口即溶 但又唔膩，食食下都食左好多舊！每款壽司都係一口就食晒，一啖一舊真係好爽！至於熟食區，今次竟然有小龍蝦！大癲！旁邊仲有蒸魚 炒白菜仔 同 花生南乳豬手！熱辣辣好好味！飲品區 甜品區 雪糕櫃 都一如既往咁多選擇！食飽正餐 當然就開始攻甜品 同 雪糕啦！哈哈哈哈！食飽晒 真係大滿足！人頭都係300蚊左右，食到咁多新鮮多款既食材 真係正！

今日突然想食放題，上次試過觀塘另一間覺得幾好食，今日見到呢度評論話好，於是放工過㴝試一次，點知….出事啦，都食過六七間放題，呢間嘅刺身係最唔好食嘅，所以點左一次已經唔想再點，熟食方面選擇真係比其他店少好多，雞翼同炸物都比較乾身同唔夠熱，甜品真係得個甜字，除咗真係雪糕比較好食，其他嘢真係好失望。而且，呢間店在離座前半小時，已經唔俾再點嘢食，完😞

兩星期前book咗枱，book咗6:30，6:20上去等，見到超級多人，因為出升降機嘅位置比較細，好不容易行到去職員嗰邊，同佢講book咗枱。職員都有禮貌咁回答，請喺另一邊排隊。我心諗，book咗枱都仲要排隊，所以行埋一邊就算。點知6:30，真係由排隊嗰條隊開始，原來超級多人都係book咗6:30。夠鐘職員就逐一帶入去，都算好快有座位。出面有熟食，有少量海鮮，冷盤，沙律，水果，甜品，有好多種唔同嘅飲品。有日本酒，咖啡茶，汽水，盒裝飲品，椰青水，自家製花茶，飲品真係超多選擇。Order既食物再正好多，所以建議唔洗攞出面食物，可以食左order既先😀日本放題，點都要嚟一盤是刺身先，壽司普通，叫左鵝肝壽司，普通啦⋯⋯鮑魚好味，天婦羅好味，羊架都正，稍為略嫌佢太大嚿，食一件就開始飽。壽喜鍋都正，不過真係要多人先食到，兩個人太飽食唔到一鍋。 有Häagen-Dazs雪糕，仲有其他雪條，都算多選擇。總括黎講都好滿意，落左單，食物好快送到，質素又幾好，價錢唔算太貴。值得一試。最後一提，食完走人時，幾部升降機都爆滿，要等升降機去商場都唔係咁易，我地最後都係行樓梯。如果有長者，或輪椅人士，就要留意。

日本既滋味美食永遠啱我既胃口，今天相約友人去主打高質材料而且人氣既日式放題餐廳「大瀛喜日本料理」品嚐是日精彩晚餐❗餐廳裝修精緻，自助食品區放置在保溫爐及冷凍櫃井井有條，一目了然，店員殷勤有禮！我們惠顧了晚市放題 ：1️⃣🌟刺身、壽司手卷新鮮刺身選擇非常多其中有日本油甘魚，帆立貝，赤蝦，原隻粒貝以及冰鎮花海蜇等等。至於壽司手卷，記住可以一試鮮甜飛魚子手卷以及特式既海膽山！2️⃣🌟燒物及天婦羅仲有要試日式燒物及天婦羅包括蒲燒鰻魚，西京燒比目魚，榴槤炸彈，天婦羅蝦以及我至愛鹽燒雞翼！3️⃣🌟小食小食亦都有唔小選擇如蒜蓉粉絲蒸扇貝、薑蔥爆鱔球，黑椒蜜汁一口牛及王牌燒乳鴿王等。4️⃣🌟一品料理一品料理有鍋物同粥等選擇有鮑魚雞粥以及雪花牛肉鍋，份量足夠與友人共享美味。5️⃣🌟自助吧大家都要記得留意自助吧區，有日式章魚丸，炸雲吞，涼拌小食如泰式鳯爪及和風帶子裙邊、冷盤有蜆及凍蝦，哈根大師雪糕乳酪、湯品有濃郁花膠烏雞湯、支裝罐裝凍飲及熱飲等，一應俱全