極尚大喜屋 (加連威老道) (已結業)

去完旅行, 正是派手信的日子, 所以順便約朋友食放題派手信。之前試過殿大喜屋, 非常滿意, 今次想試試附近的極尚大喜屋呢~必點: 剌身系列食放題, 當然要點剌身"暖暖"胃啦!我們點了甜蝦, 三文魚, 馬刀貝, 池魚王, 油甘魚, 北海道帶子跟松葉蟹腳。第一次食放題有松葉蟹腳呢! 而且方便進食, 海水味亦十足而甜蝦, 三文魚, 馬刀貝, 池魚王, 油甘魚,&北海道帶子都是又滑又鮮甜, 十分新鮮!!!壽司系列:花之戀 - 雖然是普通的花之戀, 但卻是小小的, 一放入口即感到幸福~海膽三色花 - 類似花之戀, 但多了海膽, 很配, 已抵食!鵝肝帶子 - 鵝肝味不太夠, 都被帶子掩蓋了...明太子魷魚 - 比較失望的一款, 本以為是魷魚條, 但原來是一片的~火灸海鹽左口魚邊 - 永不失敗之作, 燒過後的左口魚邊真的超香呢!!!火灸三文魚腩 - 另一永不失敗之作, 加上刺身本來已非常新鮮, 所以真的千島大蝦 - 蝦是熟蝦, 所以已不大興趣了~柚子胡椒原條穴子 - 超大片穴子呢!!! 但柚子胡椒份量較多, 所以有點咸呢"前菜系列:意式黑松露帶子沙律 - 黑松露味香, 加上沙律醋, 既醒胃, 又好味

雖然出面得八度， 但都無阻食放題既興緻。除左凍冰冰既刺身， 仲有唔少熱食可供選擇呢度係正the one 對面， 交通方便。環境坐得舒服， 唔洗同隔離撞到應一應。頭盤當然唔少得就刺身一大盤啦， 我地兩個人都食到好滿足。 食完生野就係時候飽飽肚， 手卷壽司勁回味。 紫菜都好脆。 跟著就黎料食下熟食！ 呢個咖哩蟹先值得推介， 咖哩好香， 蟹有蟹味。 仲有唔少其他既熟食可以吃到飽， 大滿足。離走既時候記得食埋哈根大師既雪糕先好走呀！ 真係好開心呀。

我又返黎大喜屋集團啦，今次一嚟到就先叫刺身啦梗係，佢呢個刺身唔單止賣相靚，三文魚10分肥美又整齊，所有嘅貝類都好新鮮好爽口非常好食，帶子好鮮甜沒有雪味，但係最驚喜嘅係松葉蟹腳，比起酒店嘅都唔輸蝕架，厚肉之餘，裏面十分鮮味，有時比起酒店嘅反而冇咁鹹！再嚟梗係要試吓啲特色嘅卷物啦，呢個海膽四色院有齊晒我最鍾意嘅海膽甜蝦吞拿魚同埋三文魚，食落相當之爽口同埋比一般嘅魚生更加好食。手卷都唔錯㗎，呢個軟殼蟹手卷雖然炸得有少少窿，但係相當之香口而且加埋沙律醬好令人想一食再食。每次去食放題我一定會叫呢個炸香芋丸，因為佢十分之香口之餘 滑滑嘅香芋真係超級吸引呀。最後特別推介大家要食呢度嘅咖喱蟹，本身對放題嘅無乜期望，不過見到好多人食就即管試吓啦。結果佢個咖喱汁做得好出色唔係港式咖喱而係泰國嗰種有椰汁同埋有蛋嘅咖喱，雖然蟹唔係好多肉但係食落都好鮮，值得encore !

There are two things always on my mind plum wine Japanese style And the grilled salmon Japanese style my favourite Urchin Medium toraAnd half grilled salmon Plum wine and Sake hotAt a 9。C Monday crazy for the fat fish 🐟 tooEel grilled yellow tail sashimi Urchin warship I must have been in the prison So I swallow everything my friends Just said Day by day At your ageYou eat so much meat I report Not only meat soft crab 🦀 Crabs Delicious salad Hot pot Every thing the curry sauce And the rice quali

有一段時間沒有吃放題了，趁着假日中午，去極上大喜屋大快朵頤。用餐時間是12時至3時，可以輕鬆自在地邊吃邊聊天。星期六中午幾乎滿座。餐廳將我們二人安排坐四人卡座，坐得舒適。我們點了兩三次刺身，每款刺身都不錯吃，特別推介池魚和油甘魚，很肥美新鮮。海膽壽司也很好吃，沒有腥味！飲品方面，如果不想飲冰凍的罐裝/樽裝飲品，侍應會幫忙沖熱茶（用的是Lipton茶包）；我們另外點了一瓶暖暖的清酒（不用加錢）慢慢喝。整體來說，極上大喜屋是有水準的放題餐廳，食物好吃，服務不錯。偶爾想大吃大喝一番，這裡是不錯的選擇。

係 The one 睇完"與神同行"，行去對面就係極尚大喜屋食放題，嘩！門口排哂隊！就算幾好食幾出名嘅餐廳都好，如果要我排餐死企餐飽，我一定唔食，人生唔應該浪費係d無聊事情上，不過今次打咗電話 book 枱，而且唔洗等好耐，算係咁啦，感恩！一個尖沙咀有幾間大喜屋，我都差d去錯，要留意！食放題經常出現錯單漏單，但今次幫襯極尚，無漏單，上菜又快，真係要讚一讚服務態度！感恩！講吓食品，每件食品唔會太大件，免得浪費，做法欣賞，燒羊架同牛柳粒望上去好似燒得過咗火，原來係錯覺，好 juicy 夠肉汁，其實，牛柳粒上嘅炸蒜片重好味過牛柳粒，燒羊架肉嫩唔騷，燒鰻魚串肉身夠厚，炸軟殼蟹手巷軟殼蟹份量不少，無偷工減料。食放題好少出現嘅赤貝居然都有提供，驚喜！飲品唔係齋罐裝野，都有幾款特飲提供，哩點又要讚一下，夠誠意！點咗什果冰，味道當然同落吧質素有距離，但未至於好淡，合格啦！唯一不滿係，放題經常出現嘅問題，座位窄囉！ps:感恩有你陪伴睇戲食飯！渡過開心又笑Q死的一晚！感恩！

日式放題不用多說! 相信大家都一定嚐過!😋星期五的晚上, 女兒突然說想吃放題在沒有訂位的情況下, 7時! 有得Walk-in👏👏我想是大家都未放工關係吧！在門口的職員很好👍她見我1大2小, 沒有安排近門口的位置, 安排我們到店裡的6人位!👏👏十分細心!8時last order, 所以叫食物有點急!!刺身方面, 這間有蟹腳呀！壽司方面有鵝肝壽司! 海膽壽司! 小小的很好吃!炸物有芝麻雞翼有點太辣...吃得有點急, 下次要早點再來!離開時樓下已經很多人排隊了...評分: 5⭐最好食物: ⭐⭐⭐⭐環境: ⭐⭐⭐⭐價錢: ⭐⭐⭐服務: ⭐⭐⭐

今次選擇中午時段過嚟食放題,提前一日打電話預約以防嚟到會冇位.當日中午12點嚟到,店鋪唔算太多人,未至於爆滿程度,中午除咗放題之外都可以係正常點餐嘅,而中午放題嘅用餐時間係12點至3點,其中2點半就會停止收單,但飲品同雪糕就唔受限制,中午同晚上嘅食物選擇冇咩太大唔錯,晚上就會多咗酒精飲品選擇.落單方面係寫紙仔嘅,今次都有留意到上餐嘅速度都OK,亦都冇出現漏單問題,不過可能都係因為中午時間人唔算太多,所以呢種情況唔會點出現,晚上就可能有D唔同.至於食物選擇方面都幾多下,每樣份量都唔會太多,所以點嘅時間自行斟酌,畢竟係放題所以都唔好太浪費食物.刺身都幾厚切,食材都幾新鮮,壽司品種都幾多,壽司嘅飯唔多,所以唔驚會食飯食飽,但個人覺得雪糕方面嘅選擇比較少,雖然每人都會有一杯Haagen-Dazs,但雪糕只有3種選擇相對比較可惜.但整體嚟講性價比都唔錯,同埋中午時段相對冇晚上食得甘趕.

不嬲都話大喜屋系列係放題中的極品佼佼者，今次約左中學同學聚會，揀左尖沙咀既極尚大喜屋，放題6:30-8:30 加一$290，300蚊都唔夠，比自助餐要抵好多，我介紹下幾樣我覺得比較正既食啦。首先當然要黎盤刺身啦！ 三文魚既紋理清晰 ，肉質橙紅鮮豔唔會發白；而甜蝦刺身大隻又厚肉 ，味道鮮美肉質嫩滑 ，值得推介。金黃香脆的芝麻炸雞翼，不僅外觀吸引，入口也嫩滑，酥脆又好吃。香草燒羊架，燒出來既羊架唔會好肥、肉同脂肪既比例岩岩好。燒得表面微焦，好香。咬下去，羊油湧出來，非常Juicy。微微既香草點綴著，羊肉一d都唔so。燒菠蘿，燒熱後嘅菠蘿會更加香甜， 因為菠蘿嘅水份經燒熱後就會被蒸發，菠蘿水份流失而比例上糖份會多左令整體更甜。唔知大喜屋係咪全港唯一一間會提供Haagen Dazs雪糕既放題呢？每人限點一杯，Order form上如果搵唔到中意既口味，可以問下店員今日既特別口味係乜。我就點左個日既特別口味皇家奶茶口味。Haagen Dazs雪糕既綿密軟滑口感相信每個人都知道，我就唔多說了。呢個雪糕一擺入口度，我第一個反應是：咦？午後紅茶黎既！冇錯，皇家奶茶口味雪糕同午後紅茶既奶茶有八成相似，但

最近食過呢間放題，因為我好愛食蟹，特別鐘意食呢間放題，那次有松葉蟹腳食，來了數轉，松葉蟹腳肉鮮，海水味濃。一品料理好正，有咖喱蟹食，蟹大大隻，咖喱汁夠香夠辣，也是來了數轉。還有係避風塘炒蝦，蝦都大隻，有好多炸香蒜頭，惹味到暈。露筍炒花枝蚌，也有粵菜水準，露筍好嫩好吃！蒜片牛柳粒也好味，係牛柳好香蒜味，牛味好勁。壽司整體水準OK，至少食材新鮮，特別最愛吃係牛油燒帆立貝。燒物我最愛吃係燒鯖魚，鯖魚魚味濃，不腥，最重要燒得好透，香口啊。還有燒菠蘿，燒烤過會特別甜，又微酸，又要食幾轉先夠喉。甜品好多揀，班蘭椰子芝士餅，好香椰味，又係食了兩轉。還有綠茶蛋榚，滑滑口感，少少甜，愛死。食埋名牌雪糕，又係要食幾轉。呢間好多野都要食幾轉先夠喉啊！

第二次幫襯，食物質素尚可但可惜常漏單，手調飲料不可恭唯，今次服務超差(上次都唔係好)，好似乞食咁，侍應倒瀉湯落我件褸，成件衫濕晒，一句對唔住都無仲只顧抹櫈........blacklisted。

放題一直都是我的最愛，一個價錢可以任食高質的東西，感覺真的超爽今天再來到大喜屋。呢度食野既人好多,夜晚九點食依然爆埸,不過野食黎既時間依然好快,而且熱食唔會擺到凍哂先上,非常有效率!北海燒帆立貝必食之選！大隻多肉不在話下，最正係沙律醬夠重手，夠哂惹味！

地方迫夾都算，侍應服務差。那一晚光顧，見侍應很忙碌，不想麻煩他們。見身後有個水壺，於是隨手拿起加水之際，突然有個男侍應行出來，講我幫你。本應值得讚，正想唔該佢時，但之後他向我悔氣地講了一句：「你自己加水會累我比人鬧，分分鐘冇埋份工㗎！」大佬呀！你同你老細有過節，比佢鬧比佢炒，關我九事咩！男部長仲冇教養，我在點菜纸上寫錯枱號，使佢送錯菜，係，係我唔啱，都唔洗大大聲發我老皮，「下次唔該唔好寫錯！」，然後砰一聲放低碟野。論飲食，、我向來都覺得，寧願比多少少錢，都要揾一間服務和食物質素好少少，且地方較寬敞舒服的餐廳。今次又中伏！

去到尖沙咀行街，唔知食啲乜嘢好，朋友就話不如食放題，因為乜嘢都有得食因為六點鐘嘅原因好快就有位，一嚟到就梗係將所有剔剔紙拎哂出黎先，有成十幾張咁多。餐廳飲品種類眾多來個刺身拼盤我地點左刺身都幾大路，甜蝦三文魚，松葉蟹，希靈魚等等刺身質素不錯尤其係，甜蝦，超級鮮甜，而三文魚都係厚切，食落好有口感，油份必晒出嚟松葉蟹，有淡淡既海水味，肉都算結實仲有叫咗其他壽司小食等等條鰻魚真係大到嚇親人，好濃郁嘅醬汁味最鍾意食炸軟殼蟹手卷，喺度嘅軟殼蟹都係即叫即炸，好味蒲燒鰻魚，即叫即燒，鰻魚肉入口即溶薑蔥炒蟹甜品仲有Haagen-Dazs雪糕作結，好完滿呀

媽媽最喜愛食放題，因為刺身任點也不會心痛價錢。嘩了一聲！十分有誠意的刺身船！這是4人份量，食完已飽左一半！壽司有海膽！還不錯，沒有怪味，帶少少海膽的甜味。燒鰻魚也不錯，推薦！