極上帝王水產

营业中

休息中

位於兆萬中心日式火鍋放題「極尚帝王水產」一入店彷彿充滿青春的氣息，地理位置好方便，裝修簡約大方環境舒適，天花掛滿彩色的日式旗幟🎏好有氣氛，主打日式放題有刺身拼盤、壽司、炸物、小食以及壽喜燒等等🤤💫刺身拼盤🍣刺身種類豐富擺盤精美，有齊三文魚、帶子、北寄貝、甜蝦和赤蝦等等，每款刺身新鮮厚切，特別三文魚鮮嫩多汁，滿足不同的口味，驚喜！🤩💫壽司🍣壽司種類繁多確實點不完，我們簡單點了幾款有花之戀🌸、松露帆立貝壽司、炙燒三文魚腩壽司和松露帆立貝壽司，每款都大大件好吸引，精心製作而且食材新鮮魚生厚切，口感豐富😜💫炸物🍟天婦羅蝦🍤肥大鮮嫩及溫室南瓜天婦羅一上枱還熱辣辣好好味，特別炸鮮奶🥛外酥內軟香噴噴，超級推薦！💫小食🍢鹽燒牛舌厚切及雞髀菇配上特製醬汁口感極佳，日本芝麻雞翼🍗和吉列炸廣島蠔🦪都炸得香口酥脆。雞軟骨好有份量大大粒口感香口獨特。💫日式和牛壽喜燒🍲壽喜燒肉類和蔬菜種類豐富可以任意下單，肉質新鮮嫩滑可搭配各式蔬菜🥬食肉獸又可健康愛好蔬菜亦可，牛豬肉質花紋清晰口感細緻😬壽喜燒湯底微甜，仲可以慢慢加配料自己烹調🥘💫甜品🍨飲品無限量供應， 我自己最中意係梳打檸檬水不會太甜食放題絕配🥤行到門外邊仲有雪

今晚同朋友來兆萬中心9樓食放題慶祝生日，人均消費300元左右，就可以任食刺身、壽司、手捲、炸物、鍋物，而且呢度仲贈送一個小型打邊爐小火鍋，感覺上特別多食物款式。先來刺身拼盤，有珍寶大亦蝦、北寄貝、三文魚、帶子、翡翠螺、泰式生蝦、蟹柳、八爪魚、鮑魚片等。食材都非常新鮮，入口亦沒有雪味嘅感覺。重點推薦帶子刺身、甜蝦、珍寶大赤蝦刺身，絕對係回本必食之選，入口鮮甜美味，而且肉質非常新鮮。至於壽司方面，牛油果軟殼蟹卷、左口魚裙邊壽司、黑松露帶子壽司，都非常之出色。其他炸物，例如炸榴槤波波、蝦餅、炸魚餅、芝士蝦丸，都係即叫即做，炸得非常金黃，香脆好食。甜品方面，都有多款雪糕可以選擇，而飲品就係可以出去飲品櫃自取。整體來講，放題食物的質素唔錯，而且服務態度都好好，價格非常合理，抵食之選！！～

在Instagram上看到餐廳的大量宣傳,說新鮮好好吃又多款,但實際食用後,味道與預期大不相同,真的差很遠。儘管店員禮貌熱情,送餐和收盤的速度很快,價格也在中等範圍內,但整體餐點表現一般缺乏特色,整體用餐體驗無法令人感到想吃第二次。朋友不斷說：兆萬真係劣食之塔唯小紫薯和榴槤筒較為出色,其他菜品卻平平無奇，壽喜燒可算完全無味。（自己砌到好好睇 但都好難食）總括來說,如果你不是找回青春的味道,可以不用特意嘗試這家餐廳。對於餐廳的宣傳誇張描述抱有懷疑態度的你,不妨試試看。但如果你是對餐飲品質有較高要求的人,不妨另尋其他更優質的選擇,能為你帶來更好的體驗。畢竟,有食過好西的你, 會真正懂得享受美食🥹

經朋友介紹話旺角呢間放題最抵食，絕對係一個唔錯嘅選擇💓壽喜燒一入座即送鱈場松葉海鮮鍋或者日式和牛壽喜燒鍋，我地揀左壽喜燒，首先用牛油起鑊，然後就將美國肥牛放入鍋內煮，只需幾秒就熟咗大半，再加入秘製壽喜燒汁，吸收晒d精華就食得啦，還有非常足料嘅蔬菜配料💓剌身大大盤剌身已經夠晒賞心悅目😍，剌身厚薄適中，種類非常之多，入口鮮甜，有鮑魚片、三文魚、北寄貝、赤蝦、帶子、泰式生蝦、希靈魚、大赤貝、松葉蟹棒、螺片等等，全部都非常新　💓炸物毎人最鍾意食炸物，瘋狂點海老天婦羅、南瓜天婦羅、炸牛奶、日本芝士年糕，食左好多💓爐端燒串燒類型既種類都多，我地食左鹽燒牛舌、鰻魚串，都好高質💓甜品有多款小蛋糕、甜品、多款雪條、糯米糍💓飲品有兩個大雪櫃任揀多款飲品

同朋友食飯，唔想諗食咩就去食放題，上網睇到餐廳環境好日本feel，今次去試吓。第一時間梗係食放題必點既刺身拼盤先，點了三文魚，帶子，甜蝦，赤貝，鮑魚片等，擺盤靚而且新鮮，最鍾意個碟係龍船形，好有大阪金龍拉麵既影子。除咗刺身，仲點了一個壽喜燒，牛肉豬肉都可以熱辣辣食到。唔想食生冷野既朋友都啱心水。熱食方面我哋仲叫咗泰式飛天通菜同埋燒鰻魚。仲有好多唔同既壽司，燒物同炸物，由於我哋已經食咗好多刺身，而且唔想俾壽司飯塞飽個肚，所以我哋主要叫串燒同天婦羅。食咗幾次炸蝦同埋炸南瓜，個燒牛舌好厚又夠林，推薦鍾意食牛嘅朋友。我哋仲食咗炸年糕同埋炸鮮奶，炸鮮奶超鍾意❤️，是日亮點已俾列入再光顧的名單😆

🇭🇰旺角✨️高質👍抵食放題🎏好耐都冇食放題啦！🤩今次朋友揀咗食“極上帝王水產”，食物質素食價比好高，款式多到食唔哂我就已經好飽啦！想食哂咁多款真係要嚟多次先得😂"極上帝王水產‘’的地理位置仲好方便𠻹！位於旺角兆萬中心9樓👍放工過嚟同返屋企都方便，啱哂我😌食物方面：🥢刺身拼盤🎏刺身嘅種類都幾多，有三文魚、帶子、🦀棒、甜蝦、赤蝦等等，一次過滿足不同的選擇。 刺身都幾新鮮，三文魚仲要厚切👍 🥢壽司🍣🍣嘅種類都係好多，一口海膽手卷、松露帆立貝壽司、灸燒三文魚壽司、火灸海膽玻璃🦐壽司都好推薦👍🥢炸物🍤🍤天婦羅嘅🦐都夠大隻，溫室南瓜天婦羅同🦐多士都好食，日本榴槤炸彈都好出色👍各款炸物份量適中，炸粉不會太多👍🥢小食🐮芝士手打和牛漢堡扒內有芝士好滋味，鹽燒牛舌厚切得嚟又腍口好好味👍🥢壽喜燒🥘壽喜燒嘅肉類同蔬菜份量都好多，肉質新鮮👍🍨甜品方面都不錯的雖然仲有好多款我都想食，但食到呢個位我已經好飽啦！要嚟多次先得😆😆😆雖然係放題形式，但係每樣份量都好足👍👍

(｡◕∀◕｡)今日同朋友去旺角食日式放題，旺角兆萬真係超級方便，餐廳充滿日系裝修風格，真係好似去咗一轉日本咁！放題有幾個套餐可以選擇，極上套餐仲包生蠔海膽等任食，但我同朋友都細食，普通套餐已經包好多嘢食：（價錢💰$209 起）日式放題仲有壽喜燒食?🐃牛肉壽喜燒 Sukiyaki包括牛肉，蔬菜等配料，牛肉超級肥美，配合特製壽喜燒醬，好美味，員工超好人過嚟幫我哋燒！ヽ(✿ﾟ▽ﾟ)ノ🐲龍型刺身船超級吸精(｡◕∀◕｡)，包括所有大路嘅刺身：三文魚、甜蝦、八爪魚......北海道帶子刺身超鮮甜，全部都算新鮮，介紹一些比較特別嘅刺身： 🍣刺身仲有爽口嘅榮螺片 & 泰式生蝦🦐 ：配合特色泰式辣醬，好惹味！壽司方面超過15種，包括名貴黑松露壽司，黑松露珍寶帶子壽司都不錯，大愛🩷火灸沙律燒三文魚腩壽司手卷： 迷你一口海膽手卷，一啖一口容易食，海膽唔會有石油氣味算合格。🍤即炸天婦羅5款肉類蔬菜🍠天婦羅： 巨海老天婦羅🍤炸得不算油膩，外面夠香脆，全部天婦羅都合格。⭐️星空炸物必食💜日本榴槤炸彈細細粒一口一粒，外皮香脆，但入面就充滿香滑嘅榴槤蓉，外層帶少少鹹味，入面充滿榴槤香甜，味道幾特別。🍶佐酒名物料理🧀芝士

今日同朋友嚟到兆萬呢度食日式放題。其實一開始都有啲淆底，因為聽啲人講話兆萬中心係劣食之塔，所以都唔想入去。但係見身邊嘅人話試過呢間又覺得唔錯，就一於去睇吓咩料度。想先讚吓喺度嘅服務態度。一坐低佢哋就話因為人流比較多，所以要提早落定單，而且數量㩒多幾件，咁就可以減低等候時間。直到中途嘅時候又會過嚟問吓啲嘢食點樣，有冇漏單，有冇咩需要幫手等等，淨係咁樣已經加曬分。講真，呢個價錢食到啲咁嘅食物真係算係咁，款式好多，冇可能食得晒，食材都唔係嗰啲cheap嘢，老闆都要賺錢㗎，真係冇啲人講到咁差。刺身幾新鮮，壽司、手卷嗰啲都唔錯，不過舊飯可以細少少😬 炸物唔油膩、燒物有微微炭香氣、仲有火鍋仔可以玩。雪糕雪條有成十幾款，好多都未見過，每條試吓試吓咁都已經回本。飲品方面相對比較少選擇，不過點餐嗰度都有啲湯可以叫吓，所以都OK。甜品嚟講就得幾款啫喱，但QR code嗰啲都未食得晒，所以都唔會排到佢😂 放題嚟講好好㗎啦。

今日同朋友仔黎左呢間食放題.裝潢全部都係以日式居酒屋風格為主🎏上菜速度都好快🤩食物質素都非常高👍🏻✨刺身拼盤 拼盤我哋叫咗三文魚、三文魚腩、泰式生蝦、帶子、赤貝、甜蝦等等刺身💕刺身好鮮甜✨海膽壽司必點既一項海膽入口即溶😍嗰陣鮮味齒頰留香😍真係忍唔住食完一舊又一舊😋✨海鮮火煱呢度竟然有火煱食😋好有驚喜💓入面有青口、鮮蝦、多款蔬菜,個湯底非常鮮甜，蔬菜完全吸收晒海鮮嘅鮮味😍✨炸榴槤波波身為榴槤控既,當然一定唔會放過😍炸到啱啱好，個皮煙煙韌韌❤️入面嘅榴槤勁香濃😋✨燒菠蘿菠蘿燒得啱啱好，有焦糖係面💕仲要勁多汁,夠晒Juice😍✨生蠔識食嘅一定要食生蠔😍雖然係放題生蠔，但係味道一啲都唔差❣️海水味適中，肉質飽滿🩵除此之外，仲有多款壽司軍艦、炸物、串燒、鍋物配料可以選擇❤️最後，一定要食埋佢地d雪條先走😍

☀️今日約咗個以前嘅同學仔出嚟聚下舊，咁就梗係要去返以前成日都去嘅地方啦，去到樓下嗰陣朋友同我講佢已經係呢間【極上帝王水產】訂咗位嚕，咁就梗係二話不說即刻上去開餐啦🍽🍶呢間【極上帝王水產】裝修以居酒屋風格為主，空間格局比較寬敞，而佢地嘅上菜速度真係超級快🤩放題套餐仲有好幾個唔同價位可以選擇添，難得見面我哋就揀咗中間價位嘅「極上套餐」，呢個套餐係多9️⃣款嘢食可以揀㗎，🦪生蠔/鵝肝/海膽/冷鮑魚/🦐甜蝦/鰻魚/榴槤/🍶清酒等等，諗起又肚餓𠻹😬🍴第一轉嘅刺身拼盤一上枱真係眼前一亮啊，除咗件件都新鮮厚切之外，仲夠晒鮮甜呀😋尤其係個帶子同埋🦀松葉蟹棒，肉質彈牙又厚肉，嫩滑又鮮甜🍴除咗刺身出色之外，佢哋嘅🍢燒物同🍤炸物都同樣出色㗎，特別係個牛舌，厚切得嚟又好腍身，食落真係超滿足⭐️而升級套餐入邊我就最喜歡佢哋嘅🫐藍莓鵝肝同埋🦪生蠔，🫐鵝肝幼滑細膩，用壽司飯加藍莓作為點綴，口感清新得嚟仲一啲都唔油膩，🦪生蠔入口層次豐富，唔單單有海水鮮味仲帶有些少甜味，夠晒新鮮呀🤩🙋🏻‍♀️最後就梗係唔少得🥤飲品同埋🍨甜品啦，Movenpick嘅雪糕+勁多款嘅韓國雪條+雪米糍任君選擇，食到我哋托住個肚咁走呀

之前已經有食過兆萬嘅呢一間放題，一直覺得呢間係兆萬放題嘅清泉，價錢好抵，任食時間長，而且味道質素又唔差，仲要超多款，絕對值得同朋友一齊放題任食！餐廳充滿日本風，掛滿四周嘅日式旗，好有日本味道！放題嚟講，刺身款式好豐富，多達15款，想食既應有盡有，值得一提嘅係，愛蝦人士要留意，呢度蝦刺身種類比平常既放題更多選擇，蝦迷表示開心！款款刺身厚切，食落有口感而冇雪味，入口鮮味，絕對係水準之上！😋壽司餐廳有職人手握壽司、手卷、軍艦，及火焰壽司，款式好多！試咗手火炙系列嘅三文魚魚腩及芝士醬大蝦壽司，兩款都燒得好香口，三文魚魚腩食落更加有入口即溶嘅感覺，好食！我地為咗食海膽壽司，仲比錢升級咗食極上海膽生蠔放題！海膽軍艦真係超級好食，海膽好鮮甜😋😋仲食咗紅酒藍莓鵝肝，都係好好食😋紅酒及藍莓嘅配搭令到鵝肝嘅鮮味更突出！前菜選擇亦相當豐富，叫咗胡麻豆腐、流心蛋等等，味道開胃！見到仲有蒜蓉牛油金菇、日本之豆及蟹肉味噌湯等👍🏻日式和牛壽喜燒今次既鍋就揀左壽喜燒，先上枱有一盤和牛同一盤配菜。和牛大大塊，肥花紋理清晰相間，食落牛味十足。而壽喜燒湯底微甜，食落唔會太淡口，大家仲可以再加單配料繼續煮！炸物分別試左芝士件

今日去左旺角食放題，一入座后就有侍應比張紙仔望下要咩刺身，揀完之後就會好快手上咗頭盤刺身，避免等太耐，服務安排十分貼心。頭盤刺身用貝殼裝住，有一支花作為點綴，真係色香味俱全！其中我覺得以下幾樣野最吸引：壽喜燒醬汁十分甜美，配蔬菜同牛肉豬肉等，好味。壽司嘅材料好新鮮，亦都好美味！我最中意食黑松露三文魚壽司，美味嘅脂肪同黑松露味混合得恰到好處，入口即溶！迷你海膽手卷我都好推薦！泰式豬頸肉同蝦嘅水準完全可以同泰國餐廳較量！彈牙嘅豬頸肉配上酸酸甜甜嘅醬真系冇得彈！飯後仲可以拎支雪條做甜品解下膩，正！

今日同同事去旺角做野，期間可以食個長lunch，於是我哋決定放肆一下，去食放題，見兆萬有間唔錯放題，於是便去試下。放題有刺身、壽司、手卷、沙律、冷盆、炸物、天婦羅、燒物、串燒、泰國美食、雪糕等，基本放題嘅嘢食餐廳都有得食，餐廳仲可以打邊爐，有唔同火鍋湯底及配料等，非常豐富。刺身放題刺身新鮮，全部都溶晒雪，無雪味，非常肥美鮮甜。壽司及手卷壽司及手卷都係即叫即整，炙燒三文魚非常肥美，手卷紫菜也非常新鮮脆口，冇腍到。壽喜燒壽喜燒都幾有驚喜，甜甜地個汁，配上肉類及蔬菜等，好好味。另外，佢有一支壽喜燒汁俾我哋自己煮，可以自己調教壽喜燒濃稠度，都幾好。其它餐廳嘅燒物、炸物及天婦羅等都唔錯，大部分食物基本上都保持水準，尤其燒菠蘿，表面有薄薄嘅焦糖，酸酸甜甜，非常好食。

放題有日式，泰式同火鍋，今次主要食日式。用QR Code 落單, 唔使用紙怕浪費紙巾或者落左唔記得，一按就睇得番。刺身拼盤有三文魚帶子希靈魚八爪魚赤貝鮑魚片三文魚好厚肉，有魚油的香；其他都新鮮, 數目完全給足曬。飲品無限供應， 我自己最中意係梳打檸檬水。＞日本芝麻雞翼，吉列炸廣島蠔炸得好脆，非常香口。＞熔岩芝士蝦球入面芝士有小小溶，唔錯＞鹽燒牛舌，汁燒雞肉串有燒烤香味＞燒菠蘿外面有焦糖，甜甜酸酸好好食。鹽燒鯖魚啖啖肉，又燒得好香，好味！其間仲有伙記問有無漏單，漏單會有人跟進，服務非常好。行到門外邊仲有雪條同甜品供應，我食左個糯米糍，唔錯。下次可以叫唔同朋友一齊來，有唔同款式，各有各歡喜。

这间无限时自助任饮任食的餐厅真是贴心，连游客过来旅行可寄存行李，收夜可带枕头去早睡都考虑到了。我不允許你說香港服務差！亲测真是个舒适又贴心的用餐好去处！而且是男女老少都可以尽情享受的场所，食物种非常丰富多元化。刺身拼盘超豪华，而且清酒应该能和串烧搭配，十分过瘾；炸物搭配汽水，吹水聊天肯定也是一流的享受。而且这里的食客型男俊女居多，不管是食物还是客人，甚至是侍应哥哥仔，都非常养眼喔😊这无限时放题绝对是旺角的绝佳去处，不仅美食美酒应有尽有，环境和服务也绝对能让人满意。