楠天Kitchen

营业中

休息中

科學園不嬲少商場食肆，好難得搵到一間餐廳，睇餐牌似乎幾好食，仲做緊優惠，正餐+$25 送糖水優惠。下午茶時段，叫左西多士同奶油豬，再各加兩份$25 黑糖冬瓜奶桃膠，十分之抵食！首先外賣奶油豬，拎到返屋企都仲未太淋，仲有超多牛油同練奶，大大件，好抵食，share食一人一件就岩晒。西多士外賣都幫你加左牛油用糖醬，拎到返屋企切開就食得，職員會係外賣盒到切開一角通氣，等件西多士唔會焗到淋左，非常之體貼！最後重頭戲就係個黑糖冬瓜奶桃膠啦，個奶超重黑糖冬瓜味，好濃郁既奶味，仲頭超級多桃膠添！原價$40，跟餐先加$25，又香又抵食！養顏之選！餐廳仲出名明爐燒味，下次中午可以叫下燒腩仔+叉燒，先至$58！！！😋

科學園呢間餐廳主打燒味，亦有小炒、焗飯、意粉、粉麵，選擇都算多。🌟四寶飯 $58既然燒味出名就一於叫番個四寶飯試下，有叉燒、切雞、紅腸、咸蛋。切雞好滑溜、肉質肥美，叉燒肥瘦適中，燒得幾香，紅腸同咸香拌飯食真係一流😋🌟沙薑雞飯 $48家人試左沙薑雞飯，價錢幾平，係雞髀肉位置，雞皮蘸上沙薑醬汁後好惹味，就連平時食雞走皮嘅家人今次都要破例食埋雞皮😂雞肉都算軟腍，整得味道唔錯！🌟炸雞髀拼煎雙蛋飯 $50雞髀炸得香脆，打開已經香味撲鼻，見到就流晒口水🤤打埋兩隻半熟蛋同黑椒汁，撈飯食就最正👍🏻🌟乾炒牛河 $56乾炒牛河好夠鑊氣，炒出黎嘅牛河香噴噴😋😋牛肉亦好大塊同夠軟腍，的確唔錯👍🏻

呢間啲燒味幾唔錯科學園嚟講呢度可以做飯堂茶記美食，價錢大眾化常餐先$44，一餸粉麵個人心水係呢度嘅叉燒雖然佢冇燒味飯咁蜜汁但都幾好食，份量都幾多，肉質唔係柴皮滑蛋火腿加丹麥酥方包😍滑蛋幾靚仔燒鵝飯 $65同事每次都叫燒鵝佢話呢度燒得幾靚，皮脆有柴火香今日好彩斬到個位啖啖肉🤭飯都幾靚仔，汁量啱啱好，粒粒分明好怕食到淋曬爛曬嘅飯Btw目測八成客都係食燒味奶茶都ok，正宗港式有杯靚奶茶下晝先有精神做嘢

香港科學園一期的楠天餐廳給我留下了深刻的印象。上週我有幸到訪該餐廳，品嚐了他們的招牌菜魚香茄子煲和肥牛粉絲煲，整體而言，這是一個令人愉悅的飲食體驗。首先，我被楠天餐廳的環境所吸引。餐廳位於香港科學園一期，環境優美，充滿了煙火味。進入餐廳後，我立刻感受到舒適和寧靜的氛圍。餐廳的裝潢簡約而精緻，營造出舒適的用餐環境。桌椅整齊排列，讓人感到寬敞舒適，使我能夠放鬆身心，盡情享受美食。餐廳的服務也令人滿意。服務人員熱情友善，提供了周到的服務。他們對菜單上的每道菜品都有詳細的解釋，並提供了建議。他們迅速處理點餐和上菜的程序，確保了用餐的順暢性。此外，餐廳的工作人員對於客人的需求非常關注，隨時提供所需的補充餐具和飲品。整體而言，他們的服務態度讓我感到賓至如歸。現在談到最重要的部分 - 食物。我首先品嚐了魚香茄子煲，這道菜給我留下了深刻的印象。茄子煲中的茄子炒得熟透，口感柔軟，與魚香調味完美融合。而且，這道菜的魚香味道獨特，濃郁而不過分，讓人回味無窮。肥牛粉絲煲也是一道令人驚艷的菜品。嫩滑的肥牛與彈牙的粉絲完美結合，湯汁鮮美，口感豐富。這兩道菜品都展示了廚師的烹飪技巧和對食材的選擇。總結而言，楠天餐廳

今日黎到沙田白石角，諗住白石角無乜好野食，點知意外發現到呢間楠天kitchen, 用料真材實料，非常值得關注。炸雞脾薯條：炸雞脾本身醃得唔錯，夠味道之餘唔會話太咸。雞皮炸到金黃色而且夠脆，雞肉又唔會好鞋口，咬落去仲有小小雞汁，非常juicy! 而且塊雞脾大過手掌，大大塊！薯條係波浪紋薯條，特別好食！另外，朋友點左帶子炒飯，見到米飯炒到粒粒金黃，見到獲氣十足，而且帶子都好多，非常真材實料！其他配料都好夠多，yummy!

平時lunch楠天都會排滿人等入座或者叫外賣，最近見到楠天做緊超抵燒味孖寶優惠，每日2:30後叉燒半斤配油雞半隻外賣都只係$98，燒味每天準時11點及5點新鮮出爐，放工時間正直燒味出爐熱辣辣， 屋企禁岩今日冇買餸，所以就斬料番屋企試吓佢嘅燒味水準。招牌叉燒用上梅頭豬肉燒得非常軟滑淋身，邊位亦做到我最喜愛的燶邊，比起好多燒味店出色得多，果然係招牌菜式，絕對是香港人嘅comfort food。豉油雞方面非常大隻入味，吸收了薑葱的味道，層次豐富，燒味水準令我十分驚喜。另外亦叫咗佢哋嘅晚市套餐，我選擇了一夜干蒸肉餅，餐廳將鮮魚浸泡鹽水風乾一夜，蒸完後帶有鹹鮮味肉質亦更加結實，吸收了魚汁的肉餅提升了香氣，套餐亦附送白飯及飲品，非常開胃送飯一流。

科學園一間餐廳-12:45到 已經好多人應該都系大家既飯堂形式都系排隊買野食再搵位呢個時間已經有d野賣哂luu, 聽到有幾個都想叫燉湯但都賣哂，睇黎應該唔差👀滑蛋鰻魚飯蛋煮得剛好，保留少許蛋汁 夾埋鰻魚汁一齊食一流 👍🏻👍🏻加$15 杏仁糊 $10/3件紅豆糕兩樣都唔會甜到漏 系自家製既感覺糊夠杰身 杏仁味夠出👍🏻👍🏻 香滑養生紅豆糕唔會太多魚膠粉太硬生鬆軟度剛好👍🏻如果再多d紅豆就正不過呢個價錢 值得了👍🏻👍🏻加左$5 有例湯 唔會太重鹽或咸 真材實料👍🏻座位唔會太細/好多 附近番工想食都要行快幾步了 不過流動性都高既haha燒鵝燒肉飯味道正常 唔會太肥 見到餐廳大推叉燒 下次可一試仲有唔粉選擇 見到咖喱 焗飯都有 👍🏻👍🏻

喺科學園跑完10k之後食個早餐，呢間餐廳好受歡迎，尤其好多單車友會到訪。醒神西式扒餐 $40🔸香煎雞扒雞皮好香脆，雞肉肉質嫩滑多汁，啖啖肉😋🔸炒蛋賣相有驚豔到我，食落味道果然一流，蛋香味濃郁，口感滑溜🤤🔸茄汁豆份量十足。🔸丹麥多士外脆內軟幾香口～🔸熱奶茶茶底香濃，奶味唔會太搶，口感絲滑👍🏻🔸桂格牛奶麥皮 +$6大力推薦加購‼️足料唔稀，食完保證飽肚，而且健康又好味🙌🏻🔸麻辣燒賣5粒 +$10鍾意麻辣嘅人值得一試，香辣又帶酥麻，燒賣彈牙好食👍🏻坐喺窗邊位好寫意，好彩我早到訪，臨近午餐時段已經好full 要等位🙌🏻

位於白石角嘅小廚，一向都知呢一度有一間唔錯嘅小廚。今日順便嚟到白石角附近，去呢間餐廳試吓味。下午茶買咗個炸雞髀餐，好抵，食雞髀大大隻，仲要係即叫即炸，好新鮮。凍檸茶茶膽超級正，絕對會掛住嘅凍檸茶。順便買埋今晚嘅餸菜返屋企食。叉燒份量足夠，味道啱啱好，仲要係厚切叉燒,啖啖肉，食得好滿足。不愧係呢度嘅招牌菜。另外酸菜魚都好有誠意，最鍾意佢啲酸菜係甜酸菜，唔會過鹹，酸酸甜甜好開胃，辣味都係小辣，我唔係幾食得辣都OK。入邊材料好豐富，除咗有勁多酸菜，魚肉都不少，連埋湯一齊食真係一流，冬天想暖笠笠最啱食呢個。估唔到呢個酸菜魚可以三個人食。同埋想稱讚吓呢度啲價錢好合理😍

估唔到呢度都有一間隱世嘅小廚❤️所有小菜小食都好有誠意份量亦都足夠🥹係白色角居民嘅福氣 ，成間餐廳乾淨企理，有別於一般嘅茶餐廳。外賣唔需要等好耐，而且外賣包裝都乾淨企理。令人想下次再幫襯。呢度嘅🐷🐖燒腩仔好有誠意，份量足夠🥹而且返到屋企仲係暖笠笠 ，燒豬皮仲好香脆五花腩層次分明 😊 個人覺得性價比十分高🫰🏻唔怪得居民都話呢度嘅燒味絕對一流😗另外仲叫咗魚香茄子，好重鹹香味，真係有一嚿嚿鹹魚，味道恰當，送白飯一流,而且份量足夠😉 下次要試吓呢度啲燉湯

去親科學園朋友屋企打牌，都例牌會埋呢間嘅外賣上去食，貪佢夠大份，抵食又好味，尤其係佢嘅燒味好出色，次次都必定叫叉燒走唔甩叉燒滑蛋飯滑蛋份量好多，都好多塊叉燒，全部大大塊，唔係切碎嘅叉燒，炒蛋好滑，加埋啲蔥同埋韭黃好香，加$5仲有碗老火湯，飲落都好足料，唔覺有味精味，飲完唔會口渴招牌五寶飯呢盒飯絕對夠兩個人食，啲餸份量好多，叉燒好腍，燒腩仔拎到上樓層皮都仲係脆脆地，燒鵝好厚肉，紅腸都唔錯，大件夾抵食XO醬帶子炒飯粒粒分明，金黃色嘅飯粒炒得夠乾身有火侯，每啖都食到XO醬嘅味，又唔會太過濃味，可以encore之前亦都食過佢哋嘅酸菜魚，都非常唔錯，不過要晚市先有，下次打到夜晚再試多啲佢嘅佢晚市小菜😋😋

自從黎左科學園做野之後來來去去都係個幾間餐廳😆😆楠天係我同同事去得最密嘅其中一間，因為佢嘅野食質量唔差，而且個老闆好好人，好樂意幫大家搵位🙈楠天嘅午餐有好多，不過每日嘅餐單上面會有一個係XX菜炒XX肉嘅選項，所以冇咩煮飯食嘅我地就會揀依個，順便食下多啲菜，好似會健康啲咁😅我朋友今個星期last day, 佢想食多次楠天😆今次我揀左午餐，菜芯炒牛肉配熱奶茶。 菜芯唔會話好硬，其實都炒得幾淋，牛肉唔會好韌，不過會有少少啫喱咁嘅野。對得住個價錢🤣除左啲飯好硬之外！

今日去咗科學園睇展覽，行到咁上下見到科學園呢度有一間茶餐廳價錢同出面市區差唔多，好多座位，裝修睇落又舒服，早餐嘅選擇亦都頗多，於是就同朋友入去食個豐富靚早餐。唔好以為科學園食嘢會好貴，呢度嘅早餐都係三十零蚊就有交易好係好正常嘅價錢，我地叫咗一個早餐麵餐和一個三文治餐，都係$100有找😌😌早餐麵餐雪菜肉絲米粉櫻花蝦炒蛋凍檸茶即製三文治烘底芝士餐肉檸茶麻辣燒賣呢度不失為一個醫肚既好地方😚😚值得推介☺️☺️楠天Kitchen (沙田)沙田白石角香港科學園1期科技大道西1號核心大樓2座地下S002號舖

走進呢間小店，就俾呢陣溫馨嘅氣氛包圍住，環境雖然簡單，卻心思思溫暖。第一啖咬落去嘅叉燒酥，外層驚喜噴發，酥脆得嚟唔會黏牙，叉燒餡香甜得黎又唔膩口，真係得喎!👌跟住點咗碟炒牛河，賽過唔少大牌店！牛河滑溜溜，牛肉切得夠薄，又嫩又香，攞嚟夾菜一流。河粉邊嘅鑊氣足夠，食落得嚟惹味，啖啖肉，好過癮！🍽️咖喱魚蛋，呢個當然唔少得！咖喱香濃夠味，唔會辣到喊天喊地，魚蛋係塞晒滋味，咬落去個爽彈口感夠晒正！撈埋麵食，味道更加分！最後個糖不甩，正宗港式甜品，熱辣辣嘅湯圓，外皮QQ嘅，芝麻餡香滑適中，冇得頂呀! 值得一讚嘅係，呢度嘅價錢合理，擺明嚟係講求物超所值！總括嚟講，呢個經驗係真心流到汗，好食到流淚咁勁！下次再嚟，記得要重試，還有不少新菜要攻略！🥢😋

今日一班人去朋友屋企，每人負責買唔同外賣上去，我就揀咗呢間中式餐廳，點咗幾款食物，下午茶時間非常超值，食物又有質素。炸雞髀配鵝油撈公仔麵炸雞髀外脆內嫩就已經非常欣賞。而鵝油撈公仔麵係我第一次食，出奇咁好味，獨有嘅香味，奶白色邪惡又非常吸引，令公仔麵更加惹味（佢嘅公仔麵亦都煮得唔會過腍，讚）燒鵝飯特別欣賞呢間餐廳嘅燒味，燒鵝食落係啖啖肉同有肉汁，肉質唔會鞋口同韌，外皮仍有燒烤香氣，份量又多，超好送飯。燒腩仔配燻蹄瀨粉原本以為燒鵝係最主色，點知燒腩仔同燻蹄都好好食，燒腩仔皮脆，肉又唔會太肥太瘦，一層肉脂一層肉；燻蹄食落又開胃，配埋彈牙瀨粉，大滿足！揚州炒飯就係朋友至愛，佢係咁盛讚話炒得夠乾身又足料，有鑊氣，佢話之前無食過呢間餐廳，而家聽佢講都耐唔耐會踩單車過去食。仲買埋個外賣燒咪優惠